النجار

باسم يوسف و اصاله _اة يا قفا

الشاعر أحمد النجار (أيـــــوب) ...برنامج  آخر كلام‬

الشاعر أحمد النجار (التعميره) ...برنامج آخر كلام

أحمد الطحان

مرمغت وشي ف التراب
و سبته تحت
و رفعت إيدي
_دا مش ابتهال_
دا الوضع اللي عايزينا عليه
ف عصر الاحتلال 
برفع إيديا للسما
و عينيا تحت
ياللي رسمت الملحمة
انهي الجدال
اثبت وجودك
فوق وشوش كل العيال
شيل التراب
و اعلن .. مثقال ذرة من وجود
.. مثقال
..
_حبيبتي من ضفايرها
طل الرصاص
و بين شفايفها
دم البنات
ضحكتها عهر
ف عيون الغفر
و حنانها ف الزنازين
حبس احتياط
حبيبتي بتعلمني
إني أنحني
من حبي فيها
حياتي كفر و هروب
و الحب ف الدنيادي
زاد الطغاه
لولاه مكانش الخزي عشش قلوب
يا توهة يا بلدنا .. من غير دليل
ف حبك انتي سكنا ليل ف شقوق
لو الزمن ليل .. يزورنا القتيل
نظرة عينيه تقتلنا شوق
للضلمة قلب كبير بينشع سواد
و عجز و إهانة و كفر و غليل
الموت و الاستشهاد عشانها حياد
و صمت دايم ف ضحكة التماثيل

***

أنا مش هناك 
بس إنتي بردوا مش هنا 
معنى الهزيمة بيختلف من وسطنا 
مش بلزمك
كل التجارب و الظروف و عقلي المريض .. هزموني
فلقيتني من غير قصد 
_و الله من غير قصد_
بهزمك 

***

"و أنا بلف أدور على ضحكتك ف وشوش الخلق
جعت                                                     
وقفت عند أول محل فول
و كلت
شوف يا أخي القذارة
رغم كل الحزن دا
لسا الغريزة بتنتصر ل روحها
ف ناكل
و ننام
و نقابل بنت حلوة ف نبتسم
و ننساك
رغم كل الحزن دا
بنكمل"                           
"فدا مين يا فوزي حبستك ف أوضة ضلمة
و أمك بتبكي تحن للضمة
كسيرة القلب
فدا دولة حاكمينها ولاد الكلب
فدا شعب
بيعرص بطبعه لأي حاكم مهما كانت ملته
فدا عواجيز على القهوة 
رغم إنها مش لاقية سرير ف المستشفى
بتدعي للحكومة و ل وزير الصحة
أحا
ما تنطق
قدا مين يلا
فدا ستات بيوت محيلتهمش غير الولولة
و العياط
و الفرجة على عهر لميس الحديدي و أماني الخياط
فدا دولة الظباط
فدا مستقبل ف عين عيال ف وشها الإحباط
و على ضهرها شنط المدرسة
كتب تقيلة بجهلها و كراسات
فدا مين يا فوزي
الشعب لما مش هيلاقي ياكل
هيبقى يخرج
يرموله كام لقمة .. ف يرجع        
و عمر العساكر الثكنات

***

أحمد النجّار

مين من دولا ، و مين من دولا ..
مين من دولا ، ومين من دول ..
لبِّس كل الشعب طاقية ..
لبِّس كل الناس أفارول ..
مين من دولا ، و مين من دول ..

أحمد الطحان 

ركّع كل الشعب ف قصرك 
شرّع شرّح قسّم مصرك
عكسر عصرك - عصرك عسكر
تصلب فوق بنادقها رسول
مين من دولا ، و مين من دول 

مزيج الشارع - أحمد الطحان ، أحمد النجار

يا جنايني - احمد النجّار

تركيز فريق ميكروفون من خلال فكرته بيكون على المواهب الحقيقية.. التمثيل، الشعر، الغناء، الحكي، العزف، وممكن تشاركنا فكرتك أو قصة نجاح حقيقية ليك.

زمان كان دايما الناس بتحبطك وبتخوفك وبتخليك تفكر أكتر من مرة قبل ما تطلع قدام جمهور.. في ميكروفون خلينا الجمهور هم أنت.. وأصحابك... وبنشجعك ونقولك ياللا تعالى قدم نفسك.

You are not alone share your talent with Microphone

https://www.facebook.com/Micegypt
https://twitter.com/microphone_egy
Microfonegypt@gmail.com
soundcloud.com/micegypt

أحمد النجار - في سبيل الله

احمد النجار - احمد الطحان - حبيبتي من ضفايرها طل الرصاص

ندرت الندر بالساهل....
و كفّرني عشان أوفيه....
لا كان الندر يستاهل...
و لا كفري نفع بعديه...
ندرت الندر يا طاهرة.....
ماسيب وقفة و لا مظاهرة...
و ف الإضراب….
وف العصيان...
تلوش الشومة و العصيان ....
و ف الأقسام ...
مع الأقلام...
تمللي بتكمل السهرة..
ندرت الندر يا طاهرة...
ندرت الندر يا دسوقي...
أصارحك لجل ما تفوقي...
بجرحك لجل يتعافى...
و أسايسك لجل نتصافي....
و أصالحك لجل ما تروقي...
ندرت الندر يا دسوقي...
ندرت بندر أبوالعباس.....
يدوق سجّاني نفس الكاس....
أسدّ ف ديني من ماله....
و أكتف ايده بحباله....
و ناره القايدة تحماله....
و أدوس فوق منه زي ما داس....
ندرت بندر أبوالعباس.....
ندرت الندر يا رفاعي …
عقدت العزم والنية....
لا حاخد حقي بدراعي.....
مدام عسكرها حرامية.....
و طفت و زرت كل مقام ….
مليته دموع بكا و كلام....
كنست السيدة يا إمام....
فتلت يا عدرا شمعك فيه.....
ندرت الندر بالساهل....
و حتى لو حاموت و اوفيه....
أكيد الندر يستاهل...
مدام حتعيشي من بعديه.

Nadart ElNadr Ya Masr - ندرت الندر يا مصر In فرقة عمدان نور - Gazaga Band-by ranosh

هي الأيام لمّا بتخلص
بتروح على فين ؟ ..
مقصُدش نموت
أنا أقصد لمّا اليوم يعني
بيخْلَصْ و يفوت
و تعدِّي وراه أيام تانيين ..
و أما الأسبوع بيعَدّي أوام
و يقَفِّل سِت ايام بالطول
مع يوم بالعرض
بيروح على فين و يسيب الأرض ؟
طب فين المخزن و التخزين ؟ ..
معقوله تكون أيامنا هناك
مرصوصة فـ حبة كراتين ؟ ..
مليانة بـ إمبارِح و بـ أوِّل
و بـ أول أول و أنا راجع
لمّا أوصل سِن السَنَتين ؟ ..
طب هقدر أطَلّع م المخزن
إحساسي بنفسي و بالناس
و خناقي إمبارح في الزحمة
و أصالِح سواق الباص ؟
هل ممكن أزوِّد إخلاص
لعلاقتي بكُل إللي أعرفهُم
لسنين و سنين ؟
هل ممكن أدَوّر على فترة
ضاعت من سن العشرين ؟
هل ينفع أسجّل رغباتي
و أختار أما أكبر و أستكبر
أنا هطلع مين ؟
هل يمكن لو ....
أو هل جايز ...
بل لا يُمكن ..
إننا نعرف
إزاي الأيام دي بتنقَص
و أما بتخلص
بتروح على فين ...

على فين لـ نبيل عبدالحميد

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كلمات : احمد النجار
عناء والحان : يحيي نديم 

~~

https://www.facebook.com/hamdy.alghetany

عمدان نور - Gazaga - نص ونص

amr hassan poems - جوابى الأخير.mp3

عجبي على حرفين قد سلبا وقاري
حاء حريق وباء بت في ناري
ماذا جرى لي؟؟
نحول .. غيرة.. قلق.. سهر.. عذاب 
جنون هزّ أفكــاري

Abdulrahman Mohammed عبدالرحمن محمد - عجبي على حرفين

بتحب البحر ؟
جداً بدليل
بعتبرٌه كمانجة و حضن بديل
او كرسي في صندوق السيما
او قيمه في دنيا مابتوافيش واحد قيمته

بتحب الحزن ؟
انا مابحبوش ؛ بس فهمتُه

أولجــه قصيده للشاعر ( أحمد إبراهيم )

الابنودى - عمرو حسن

كلمات والقاء _محمد عوض
https://www.facebook.com/profile.php?id=100015899220149
ألحان وغناء _محمد جمال
.................
كوبليه البدايه..

_ضَمِتْ الأحزان بِجُوفّها 
_الجَمِيله الطيبه
_فيها حاجه كاتّمْه خوفها
_وهي حتي قريبه

النص..

رغمّ إختِلافْ الأماكن..
كانت النهايه مُحزِنه
كَان فِـ قِبْلّي أو فـ بَحَرِي
هي هِناكّ وهو هِنّا
شمّ ريحة بَحَري فيه
لمَّا سَلِمّ يومها عليه
حد صاحبُه جَايّ يزوره
جدع مَاهَنشِ يومها يمشي
من غير ما يسأل عن كسُورهُ
بس وجَعُه غصب عَنُه
فكرُه بـ أيامها يمكن! 
لهجه عن لهجه بتفرق
كل كلمه كات بتِنّكِر
إن هي بره قلبُه
كل كلمه كات بتِسّرد
حالتُه أول مره قابلُه

تاني كوبليه

_كان وجُودها مُستحيل
_ف حضن واحد حبها 
_كان ف ايدُه 100 بديل
_بس صَمِمّ جَرحَها
......

_إزيك؟
=والله تمام 
_لِسَّه بردُه غاوي تِعنِد ؟
_لِسَّه حالِف ماتجي دارنّا؟
_قول وإكدب 

إنتَ عارف بردُه صاحبك
لِسَّه عيّل 
غاوي يربُط الايام بـ سيرُه
صعب يلِمَح شط بَحَريّ 
ويقول ده غيرُه
صعب يجري وهو لسه بعُكازات
ماتقولش بس في أمل 
الصبر لو بيعمل مُعجِِزات
كان عمّل

هي فارقِت والنصيب
قالت هَبعِد رديت : هَسيب
وأما سِبنا كانت النهايه 
عكس كل مره نسيبّ

بس صاحبك لسه راجل
قادر يصلُب الأيام بطولُه
كان معاها فـِ العتمه ظاهر
بس كات رافضه ظهورُه

دا المشاعر تبقي لِعبّه
لو فِـ يوم رِجِعتّ ليها
والكرامه تبقي كِدبَه
لو فِـ يوم حَنِيت إليها

لِسَّه باقي من وداعنا
من خَمَسّ لأربع دقايق
لِسَّه باقي من وعُودنا
صوت بيحلِف إني صادِقّ

صعب جدًا العِتاب 
ده المشاعر مِنطفيه
الحياه تشبِهّ كتاب
والنهايه هي هي

**تالت كوبليه**

_والمِسِيني قولي حاجه
_قولي إيه مِسَكِتِكّ
_قولي عايشه كُلّ حاجه
_قولي كارهه وِحدِتِكّ
................

انا لِسَّه فاكر كُلّ حاجه
مثلًا.. 

شعرك فِـ بداية  التَكّوين
زعلِك كـ طِفل حَزين
دموعِك الجفّه عـ خدكّ 
لمسّة يدي عـ يدك 
مشاعرِك لما تتحركّ
طفولتك وقت ماتتجردّ
كلام مَكبُوت ..
بيطلَع فِـ آخر الليل
بقول سليم لَكِنّي عَليل

**رابع كوبليه**

_كان نصيب ولا ظروف
_كان معاها الضمه خوف
_ساب إديها غَصبّ عَنُه
_ساب ساعتها حِتّه مِنُه
..................

سلامات
لصاحب داسّ عـ الوجَع دون قصدّ
لقاعده مَنسيه وأنا لِسه مَاقومتِشّ
لـِقِرش حشيش بيقنعني إن لِسَّه مافوقتشّ
لذكريَ هناكّ مِتسَّابه عـَ كورنيش بحري
لكون أحلامنا مَرميّه فـ بلونه بِتعافِر
تِطوف ذِكرانا لما أضحك تقول : شاطر
أنا آسف ...لجُزء كبير من الأرصفة 
وحُضن كسوف.. فـِ مِساحه قُرَيبَه
وشارع بيحكي أيامنا 
وناس غريبه شاركتنا فِـ كلامنا 
وكام كشاف عربيه غَطَى ساعتها نور الوِشّ
وضِحك هزار عـ الأوجاع وكام مَعَلِشْ 
وكام أنا موجوده أهو جنبك.. ومش ماشيه 
وهمي كمان عـ هَمّك..وأهو عايشه

**خامس كوبليه +سانيو**

وليه أحبِكّ.....تبعدي
وليه أسيبِكّ ...تِمسّكِي
............

سلامات
لريحة بحري فِـ هدوم صاحبي
لبنت أصيلَه نِسِيت إنها جَنبي
وذُلّ النور فـ عتمه فَجّر
وروح بتطوف فِـ ليلة قَدرّ

سلامات
لكام تسقيفه مِـ الجمهور 
وضِحك عياط عـ المَسرّح
وكام بِلياتشو عاش فِـ الدور
عـ تمثلي لما أفرح 

سلامات
لشارع قولتي يشهد علينا لو سِبنّا
وسؤالي كـ المُعتاد فِـ نُصّ ليل
هو إحنا ليه كدا بعِدّنا
وليه عنيه صبحت سيل

سلامات
لضمّة ايدك وهي بتهون
وضمه إيدك لما لفت حبل
دي كانت ضمه بتتلونّ
والتانيه كانت ليا ضمة قَبر

كل السلام مِش كافي
فـ آخر مشهد لما دمعتي
الحضن لو صحيح شافي
كان شفاه لما رجِعني

........كوبليه النهايه

قولتي: بيا مُتمَسِكّه
قولت :النهايه مُهلِكّه
قولتي: خايف ليه بقى؟ 
قولت خايف م الشقاه

الشاعر أحمد النجار (أيـــــوب) ...برنامج آخر كلام‬

NOoR_

Recent comments

Molly 💃

Related tracks