Name: ▶ الشيخ امام عيسى - سايس حصانك by Nostalgia Mansey in الشيخ امام عيسى
Duration: 12 min 8 s
Description: الوهم يبدأ من الدقيقة 7:47

ﺍﻟﻌﻤﺮ  ﻃﻮﻝ  و ﺍﻟﺴﻌﺎﺩﺓ قليلة

اااااااااالله على مغنى السلطنة.. 🎶♥️🎶

بحلم بيومنا و أنت ايدك فى ايدى  بحلم و حلمى قد ما أنت تريدى  قد الحلال قد القمر وتزيدى  قد الهموم اللى تبات شغلانا

سايس حصانك ع القنا و تعال 
تلقى القوليلة مبخرة و ملانة 
الصدر مرمر و النهود عريانة 
مديت ايدي على النهود اتفرج 
نترت دراعي يا دراعي يانا

سايس حصانك بعد غيبة طويلة 
يا عاوج الطربوش مع النرجيلة 
العمر طول و السعادة قليلة 
قلت لها و الله اللي رماك رمانا 
نترت دراعي يا دراعي يانا

نترت ذراعي ليه و أنا من الأول 
عاشق و عشقي للجميلة طول 
إزاي أتوب عن الغرام و أتحول 
يا بو رمش جبنا في الهوى و ودانا 
نترت دراعي يا دراعي يانا

بحلم بيومنا و إنت إيدك فى إيدى 
بحلم و حلمى أد ما إنت تريدى 
قد الحلال قد القمر و يزيدى 
قد الهموم اللى تبات شغلانا 
نترت دراعي يا دراعي يانا



مش معقول ياخي النغم ده مش معقول 

الشيخ امام عيسى

صباح الخير علي الورد اللي فتح في جناين مصر
صباح العندليب يشدي بألحان السبوع يا مصر
صباح الدايه واللفه..... ورش الملح في الزفه
صباح يطلع بأعلامنا من القلعه لباب النصر
سلامتك يامه يا مهره يا حباله
يا ولاده
يا ست الكل يا طاهره
سلامتك من آلام الحيض
من الحرمان
من القهره
سلامة نهدك المرضع
سلامة بطنك الخضرا
هناكي وفرحة الوالدة
تضمي الولد يا والده
يصونهم لك ويحميهم
يكترهم...... يخليهم
يجمع شملهم بيكي
يتمم فرحتك بيهم
صباح الخير علي ولادك
صباح الياسمين والفل
تعيشي ويفنوا حسادك
ويسقوهم كاسات الذل
وبلغ يا سمير غطاس
يا ضيف المعتقل سنوي
بصوتك دا اللي كله نحاس
صباح الخير على الثانوي
وأهلا بيكو في القلعه
وباللي في الطريق جايين
ما دامت مصر ولاده
وفيها الطلق والعاده
حتفضل شمسها طالعه
برغم القلعه والزنازين

صباح الخير علي الورد اللي فتح في جناين مصر _ الشيخ امام عيسى

كل ما تهل البشاير من يناير كل عام .. يدخل النور الزنازين يطرد الخوف والضلام 
يا نسيم السجن ميل ع العتب وأرمى السلام ..زهر النوار وعشش فى الزنازين الحمام
***
من سكون السجن صوتي
نبض قلبي من تابوتي
بيقولولك يا حبيبتي
كلمتي من بطن حوتى
سلمي لي ع الحابيب يا حبيبتي
سلمي لي 
كل حب وله نصيبه من سلامي بلغي لي
احضني العالم عشاني بين عيونك وابعتي لي
نظره منها أشوف حبايبي
واشفي قلبي واسأليلي
كل عالم في بلدنا كل برج وكل مادنه
كل صاحب من صحابنا كل عيَّل من ولادنا
حد فيهم شاف علامة من علامات القيامة
قبل ما تهل البشاير يوم تمنتاشر يناير
لما قامت مصر قومه بعد ما ظنوها نومه
تلعن الجوع والمذلة والمظالم والحكومة؟
***
سلمي لي ع الولاد السمر خُضْر العمر في عموم الحواري
سلمي لي ع البنات المخطوبين في المهد لسرير الجواري
واسأليلي بالعتاب كل قاري في الكتاب
حد فيهم كان يصدق بعد جهل وبعد موت
إن حس الشعب يسبق أي فكر و أي صوت
هي دي مصر العظيمة يا حبيبتي هي مصر
اللي فضلتي ف هواها
عشنا على ألف قصر 
هي دي يا عزة مصر

كل ما تهل البشاير .. الشيخ أمام

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

مرعوبين. .. الشيخ امام 
كلمات: أحمد فؤاد نجم
مرعوبين مرعوبين مرعوبين
مش باقول لك ياحبيبى
مرعوبين
اللى فاكرينة عنتر
مرعوبين
واللى رقصوا فى حضن كارتر
مرعوبين
واللى سافروا لجولدا ماير
مرعوبين
والنسايب والقرايب
مرعوبين
والمشايخ فى الزكايب
مرعوبين
والسفاك المصريكانى
مرعوبين
والفراخ الامريكانى
مرعوبين
كل حكام الخيانة الماجورين
والسماسرة والحشم
والطباخين
مهما حاولوا يخوفوكوا
بالعساكر
فتشوهم
حتلاقوهم مرعوبين
مش باقول لك ياحبيبى
مرعوبين

مرعوبين - الشيخ امام

تسجيل نادر - الشيخ امام عيسى - حنغني ودايما حنغني - من حفلة في فرنسا
اهداءات الدكتور طلال طعمة
http://www.misrfone.net/

تسجيل نادر - الشيخ امام عيسى - حنغني ودايما حنغني - من حفلة في فرنسا

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود 
لحنت عام 1968
http://www.misrfone.net/

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود

هنغني
هنغنى و دايما هنغني .. و نبشر بالخير و نمني
و نلف الدنيا الدوارة .. على صوت النغمة الهدارة
و معانا المشرط و البلسم .. في الكلمة الصاحية النوارة
هو احنا كده .. هو احنا كده
و هنبقى كده .. و هنبقى كده
ماشيين .. عارفين .. مع مين .. على مين
دايما واضحين مش بين ده و ده ..
هو احنا كده .. و هنبقى كده

الشارع بيتنا و غنوتنا .. و الشارع اعظمها مغنى
من لحم الشارع غنوتنا .. على لحن الشارع بنغنى
وان جعنا شبعنا بتتقضى .. مانبعش الكلمة بميت فضة
و الصوت الشايل فكرتنا .. بتراب الشارع متحنّي

هو احنا كده .. هو احنا كده
و هنبقى كده .. و هنبقى كده
ماشيين .. عارفين .. مع مين .. على مين
دايما واضحين مش بين ده و ده ..
هو احنا كده .. و هنبقى كده

هنغني و ديما هنغني - الشيخ إمام

Where did i go wrong ?

الشاعر مثل القرد بالشعب المُستَغل والقرداتي هو الارستقراتي المُستغِل لأقوات الشعب

الشيخ إمام عيسى - أحزان القرد

يا غربة روحي روحي
لاتحطي على سطوحي
وسطوحي يطلع فدان
والفدان يحتاج مروى
والمروى عرق الإنسان
والانسان
يحتاج ثروة
والثروة فى غيط الفلاح
والعامل صاحب المفتاح
والمفتاح يفتح جنه
والجنة فيها الحنه
يا حنه يا محنيه
عشقوكي الجناينية
زرعوكي خضرا خضرا
م البدره للقطفيه
وعجنوكي حمرا حمرا
للسمرا والخمريه
والسمرا طرحت بستان
والبستان لابس فستان
والفستان طاقة طاقة
أحمر أخضر يا رفاقه
ورفاقي يا كل الناس
من كل الناس و الاجناس
ع الجنة واقفين حراس
والحنه على سطوحي
يا غربه روحي
روحي

الشيخ إمام - يا غربة روحي

الشيخ امام  -  لما بدى يتثنى

أنت النعيمُ لقلبي و العذابُ له فما أمرَّك في قلبي و أحلاك 
عندي رسائل شوقٍ لست أذكرها  لولا الرقيب لقد بلَّغتُها فاك 

أنت النعيم لقلبي - الشيخ إمام عيسى

يا شركسي يا بو بندقية أحمد فؤاد نجم الشيخ إمام‎

الشيخ امام-كوكاكولا جت بالسلامة

الوهم يبدأ من الدقيقة 7:47  

▶ الشيخ امام عيسى - سايس حصانك



أبـجد هــوز حطي كــلمن إفتح صفحة إمســـــك قلمن
إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني
طلعت شمس اليوم ده حريقه تكوي الجرح وتبري القلمن 
ســــايجون عادت للثوار فـــوق الدم وتحت النار
جدوا فوجدوا زرعوا فحصدوا وإحنا إيدينا للسمسار
واللي قالوه السمسارجية واللي حكاه السمساردار
لما قروه القروانجية بالمستعدل والمندار
هتش ونتش بعزم الصوت  عن أمريكا وهول أمريكا 
زعموا الفانتوم شايل موت  سقط الموت بعلم أمريكا
جاتكو فضيحه يا طبقه سطيحة وعاملة فصيحة وجايبة العار
وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار
ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق 
مصر عروسة وبكرا عريس والعشاق  إحنا العشاق

فينا وبينا ولينا الثورة إحنا الثورة وهي الناس 
فينا الماضي وبينا الحاضر والمستقبل هو الناس


(Mansey) _ الشيخ إمام عيسي  ( أبجد هوز) _ سقطت  سايجون

تراث مصري 

https://soundcloud.com/mansey-1

http://www.facebook.com/mansey1

▶ الشيخ امام عيسى - سايس حصانك

Nostalgia Mansey

Recent comments

Ahmed romio

Ali Picasso

7agAhmed Khedr

محمد جبار | mj.irq

Related tracks