
معركة النهاية
ابكي حتى تعبت دموعي من جريانها
شربت وسادتي حتى امتلأت معدتها
اشتكى الآه من جروح قلبي الكثيرة
و كيف لا أحزن على من تركني للموت فريسة!!! 
كفى لسكاكين الذكريات دبحا
فجأة اصبحت اللحظات الحلوة بيننا مرة!!
كنت لي كل الحياة
و كيف تسمح لك ان تكون فعل ماضي تاه
تاه وسط ظروف ليس لك بها يد و لا أنا
و لكننا افترقنا نعم افترقنا
أألومك أنت على هذه النهاية!! 
أم ألوم الحياة
حلم ال5 سنين الماضية من حياتي انتهى
لا لم ينتهي بعد فانا و هو مازلنا نحيا
مازلنا نتبادل الهواء كما كنا
نعم هو الان ليس هنا
نعم احترق شوقا كل ليلة
و لكن ما بيننا لن يكتب له النهاية
سأنتظر حتى و إن قاتل شعري الشيبة
ساقاتل حتى و إن حاربت العالم كله
أعلم أنني سأهزم لا محالة
و لكني سأفوز بروعة تلك الهزيمة


معركة النهاية

لازلت لم أشعر بعد بغيابك
نعم لقد سافرت, و المسافات تبعدك
مسافات!!! 
أي ماسافات و أنا هنا لازلت أنتظرك
تأتي لي كما عودتني لتفاجئني بابتسامتك
و تعطيني وردتي التي اشتقت لها و لك
لازلت انتظر كل ساعة مكالمة منك
أو حتى رسالة ترسلها لتحدثني عن يومك
كم كان شاقاً و كم تعبت من مسئولياتك
عن اي سفر يتحدثون!! و كيف لا يرونك
داخل فمي عندما _بخجلي المعتاد_ يذكرك
في قلبي الذي يستمد نبضه منك
في كلماتي التي أسطرها لك وحدك
كيف يسؤلونني عن قدموك؟!
و أنت ما سافرت, و كيف في اعتقادك
أدعك تخرج من بحوري بمفردك
فنحن نعلم أن قد قطعت أطرافك
البر لم يعد بعد الآن يلائمك
اتعجب حقا منهم كيف يفتقدونك؟!
و أنت أمامهم تسكن قلبي المهلك
نعم مهلك.....
أتعتقد أن السهل له مرادف في حبك
و لكنني أنا و قلبي لا نريد غيرك
نفرح بجرحك و نتلذذ بعذابنا معك
و نؤمن جداً أن في الحياة لا نملك
سوى هذا الحب و العذاب بلا شك

سافر و لم يغب


جواب من تالته ابتدائي
فيه حاجة غريبة حصلتلي النهاردة يا ماما و مش عارفة اقولهالك ازاي فألت اكتبلك جواب و احطوهلك في الاودة, فيه واحد معايا في الclass النهاردة فضل مستنيني في الbreak الصبح لحد ما وصلت, و حطيت الشنطة في الطابور زي كل يوم, و بعد كده لأيته مطلع شيبسي و شكولاتة و بيقولي
أنا عمري ما لعبت معاكي قبل كده, و بعد ما رحنا الzoo امبارح, حسيت اني عايز العب معاكي طول النهار, ممكن نتقابل كل يوم في الbreak عشان نلعب مع بعض؟
و انا معرفتش يا ماما أأوله ايه, فأولتله ok يا حسين و جرس الطابور ضرب, و اتأبلنا في الbreak و لعبنا كتييير و اداني sandwich, و مرديش يخليني اروح الكنتين اشتري بيبسي, و راح هو جابلي عشان خايف عليا من boys يزقوني و احنا مروحين ركب معايا الbus و قعد جمبي و طلب مني انه يجي يعمل الhomework معايا. ممكن يا ماما؟؟

جواب من تالتة ابتدائي



الكل يشكي من عذاب الحياة
و يتهم الدنيا بأنها ظالمة قاسية
لن استثني نفسي من الكل مطلقا
نعم القي افظع التهم على الدنيا
و لكن عندما تهدأ الثورات المتمردة
على كل الاوضاع التي نوضع فيها
أعود لأفكر فأجد أن بدون مشقة
لن أحصل على متعة الراحة اللحظية
نعم هي فقط لحظة و لكن طهمها
يسوى ضهر على أشواك مدببه
نعم هذا الكلام بعيد عن الواقعية
و لكن شئنا ام ابينا تلك هي الحقيقة

لذا قررت أن ابكي بابتسامة سعيدة
قررت ان استمتع بكل لحظة تعيسة
نعم سأستقبل المشاكل بفرحة
سأسلم عليها و أكرم ضيافتها

يقولون أنني خيلاية أو عن الواقع بعيدة
و أنا سأقول لهم أنا هي أنا
فمن النعت و الوصف ا،ا ممنوعة
لأن بداخلي نيران الشياطين الحارقة
و روح ملائكية لا تعرف إلا البراءة

لا تحاول أن تحكم على تلك القصيدة
فهذه القصيدة ايضا من النعت ممنوعة
فهي تحمل كل شياطيني و ملائكتي

يا اهلا بالمشاكل


أنا كل حاجة و عكسها, أنا براءة طفل لسه في اللفة, و بجاحة كداب بيحلف بربنا, أنا حلم جميييييل في السما, و حقيقة في الأرض جارحة, جوايا سعادة تكفي بلد بحالها, و حزن لو اتحط على جبل يتهد في ساعتها, طيبة بهبل و في نفس الوقت لئيمة, بحب نفسي لحد الغرور, و لنفسي دايما ناكرة, مشهورة لدرجة ان محدش يعرفني, أنا واضحة زي الشمس في الصبحية, و بير غوييييط ملوش نهاية

أنا دمعة في عين حزينة محبوسة, و ضحكة عالية في السما مجلجلة, بجنن الدنيا ببرودي, بهد الدنيا بعصبيتي, بتكلم في الثانية مية كلمة, و لساعات مش بقول و لا كلمة, بتدلع و لا كأني هيفا, و تلاقيني ناشفة ولا عشر رجالة

زي الأسد شجاعة و قوية, و مبدئي الجري نص الجدعنة, ناس تشوفني تقول يابختها, و ناس تحمد ربها, عقلي يوزن قارة, و جناني مفيش زيه, ذاكرتي ضعيفة ملهاش لزمة, ذاكرتي قوية استحالة تنسى, فيا نار الشياطين و روح الملايكة, ذكية جدا و جدا غبية, أراهنك لو فهمت حاجة, إذا كنت أنا مش فاهمة, مش قلتلك أنا كل حاجة و عكسها


أنا كل حاجة و عكسها

الكل يشكي من عذاب الحياة
و يتهم الدنيا بأنها ظالمة قاسية
لن استثني نفسي من الكل مطلقا
نعم القي افظع التهم على الدنيا
و لكن عندما تهدأ الثورات المتمردة
على كل الاوضاع التي نوضع فيها
أعود لأفكر فأجد أن بدون مشقة
لن أحصل على متعة الراحة اللحظية
نعم هي فقط لحظة و لكن طهمها
يسوى ضهر على أشواك مدببه
نعم هذا الكلام بعيد عن الواقعية
و لكن شئنا ام ابينا تلك هي الحقيقة

لذا قررت أن ابكي بابتسامة سعيدة
قررت ان استمتع بكل لحظة تعيسة
نعم سأستقبل المشاكل بفرحة
سأسلم عليها و أكرم ضيافتها

يقولون أنني خيلاية أو عن الواقع بعيدة
و أنا سأقول لهم أنا هي أنا
فمن النعت و الوصف ا،ا ممنوعة
لأن بداخلي نيران الشياطين الحارقة
و روح ملائكية لا تعرف إلا البراءة

لا تحاول أن تحكم على تلك القصيدة
فهذه القصيدة ايضا من النعت ممنوعة
فهي تحمل كل شياطيني و ملائكتي

يا أهلا بالمشاكل

انا ايه اللي جابني هنا
متاهاااات كتيرة
ابواب كتيرة
شكلها مفتوحة بس حقيقتها
متقفلة
دموع نازلة محتارة
ليه فيه طرق كتيرة؟!!
تصدق اني اخدت الشهادة الكبيرة
و لسه هشوف الحاجة اللي بحبها
شوفت اكترمن كدة مسخرة
بسمع اكتر ما اتكلم بصراحة
اصلي حتى الكلمة مش لاقيها
كنت خايف اخرج ملاقيش شغلانة
لاقيت مستنيني مصيبة اكثر سوادة
لاقتني في احلامي بسأل اللي حوليا
انا ايه اللي جابني هنا؟!!
انا ايه اللي جابني هنا؟!!
طب انا مكاني فين غير هنا؟!!!!!!!
طب انا حابب ايه مدام مش حابب هنا؟!!!!!!!!!!!!
طيب بلاش كل دة
قولي هو انا ايه اللي جابني هنا؟!!
https://www.facebook.com/bynouraashraf

انا ايه اللي جابني هنا


بحبه
تلاقيني مش جميييلة
بس في عيونه انا الاحلى
هعترف اني مش دلوعة
بس هو شايفني اكني هيفا
لما بتخن بيقولي انتي قمراية
و لما بخس بيقولي كنتي حلوة و بيقيتي احلى
بيحبني بكل حلاتي و شخصياتي الكتيرة
بيقولي كلمة حلوة في كل شخصية
ممكن تفتكر اني مجنونة
بس حتى جناني ده هو بيحبه
لما بعيط بيقولي اقولك نكتة
لما بتضلم في عيوني بينورلي لمبة
لما بتتقفل في وشي بيفتحلي السكة
لما بيحب يدلعني بيقولي يا جزمة
في وسط اصحابنا و محدش واخد باله
يغمزلي و يهمس بحبك بالراحة
يخجل لو حد سمعه و شاركني فيها
علمني الحب الفرح الحنية
يا ترى هو مبسوط معايا؟!
يا ترى هو وصله حبي زي ما وصلي حبه؟!
و انا ليه انادي على ترى و اسأله؟
و هتفرق معايا ايه الاجابة
مدام بيحبني و انا بموت فيه
يبقى سلام دلوقتي بقى
https://www.facebook.com/bynouraashraf

بحبه

الصبر جميل

كان بودي فيما مضى
ان اصدمك بتلك الحقيقة
و لكن كل شئ  افضل في وقته
لأفصح عن مشاعري الملتهبه
أعلم انك تشعر بها
و لكن ما حقا اريده هو
ان احكي للعالم بكل ما فيه
انني "احبك" بالعربية
و بالانجليزية "I love you"
اما بالاسبانية "te amo"
و سأقول باللاتيني "de amo"
و بلغة الملاعب الخضراء البرازيلية "eu te amo"
و لليونان اقصها "agapo"
و اكثر من المكرونة الايطالية "ti amo"
و من كوكب اليابان "aishetaru"
و سأذيب الجليد الروسي "yeah teh bayh loo bloo"
و اما بالفلبينية "mahal kita"
و بالكورية انطقها "sarang hea"
و ساصرخ من فوق ايفل "je t'aime"
ثم اكسر الصمت الالماني ب "ich liebe dish"
و بالصينية ازخرفها "wo ai ni"
و من تركيا "seni seyverum"
و في تايلاند يقولون "chan rak kun"
و الهنود يرقصون على "mai tumha bahot pyaar karti hunn"
ليست كل البلاد اعلم
و لذلك اعدك بالبقية

حول العالم around the world

اللي بينا


تعلمتها حديثا, اتقنتها سريعا, نظرية سهلة في تعلمها, و اعتقد انها سهلة في تطبيقها أيضا, معادلة متغيراتها الاشخاص تطرح من العلاقة بينكم الثقة و تجمع عليها صفة الغريب, إذا وجدت من يخذلوك, لا يبقون عهدا, لا ينطقون صدقا, حدث بينكم ما جعلك ترفض إعادة بناء الثقة, إذن فاجعله بالنسبة لك كسائق تاكسي, تركب معه السيارة, تفصلك عنه سنتيمترات قليلة, محتمل أن تتكلموأ, تتبادلوا النظرات, الضحاكات, الآراء و لكن هذا لا يعني أنك ستحكي له عن غرفة نومك, و لا ينفي حقيقة أنه غريبا و أنك ستتركه في آخر المشوار

سائق التاكسي أصبح لدي مكانة الذين لم أعد أهتم بهم, هكدا لدي أشخاص أتعامل معهم حتى عندما يهدم بيننا شئ ولدي أيضا من يبني بيننا شيئا و إذا هدم فسيدخلون في هذه المعادلة “سائق التاكسي “ تمت

:):):)


سائق التاكسي

حبنا صيفي

و لسه بيكبر

كل حاجة و عكسها

من كام سنة

ياللي ناسي نعمة النسيان
و في بحر ماضيك غرقان
بص حواليك ده الدنيا بستان
ماتقولش في الحياة انا تعبان
قول انك عايش كالملك النعمان
و احيي من تاني احلام زمان
متقولش هو في حقي غلطان
ماتبكيش و تستحلا دور الغلبان
دي حتى الحياة من غير احزان
حياة ملهاش طعم من غير الوان
و متقولش دي مش للنسيان
كل شئ بيتعرف في الآوان
انسى همومك و موت السجان
عيش الآن و انسى اللي كان
ده يا بشر كل من عليها فان
لا انا حكيم و لا دايما فرحان
دانا يا دوب انسان جوايا ايمان
ان الحياة لغز حله غير متاح الآن

لغز الحياة

واقف قدام باب مقفول على خير أو شر
مرسوم عليه أحلام سنين ملهاش أخر
يا ترى ده اللي هلقيه ولا يكون في الأخر
سراب ملوش وجود على نيله أنا مش قادر

حكياتي حكاية ملايين غيري منها لا مفر
حكاية سنين قضيتها كل شغلتي بذاكر
لو حفظت تمام من غير ابداع يتقال شاطر
ده الفاشل اللي برة كتاب الوزارة يفكر

واقف قدام الباب خايف من بكرة محتار
المرة دي مفيش كتاب أنا اللي هقرر
طب كيف يطلبوا مني الآن أحلم و أفكر
بعد عشرين سنة من حياتي أو أكتر
عايشهم جوا كتاب وزارة عمره ما اتغير
مهما صاب التغيير حواليه ناس او عصر

جايب في ثانوية مجموع بلا فخر
دخلت كلية و عديت فيها بلا فخر
و ازاي افخر باحلام ناس بجد بتفكر

ايدي بتفتح أخر قفل للباب الكبير
نفسي أيدي تقف بس مالي عليها أمر
يا ترى الباب ده مانع عني شر
شر دنيا يكفينا منها رحمة المتكبر
و لا حايش عني يا باب بحور خير
خير يغمرنا بيها كرم العزيز القاد

آخر قفل

أم أربع عيون, تخينة, وحشة, مسترجلة
حاجات صعب تسمعها, لكن من كام سنة
كانت دي الحاجة الوحيدة اللي بسمعها
ببرود مصطنع كنت بضحك فوش اللي يقولها
و كل ما انسى وجع المشهد ده شوية
الزمن يبعتلي اللي يفوقني من الغيبوبة
هو العيب فيا؟ و لا في زمن اتغيرت مقساته
إن مكنتش البنت حلوة "بمفهوم اللي حولينا"
مبيبقلهاش لزمة غير يا تبقى كوبري يا نكتة
نكتة للناس حوليها تتريق عليها. ايه حلوة
مبسوط اوي و أنت بتهين خلقة ربنا
متكيف و أنت بتدبح بإيديك مشاعر واحدة
هي مش دي برده بني أدمه
و أنت هتعرف منين؟! أما أنا صحيح غبية
بحلم أسافر الفضاء. إني أعيش في الخلا
أرحم من إني أعيش في قلوب بلا رحمة
بين بني أدمين منزوعين من الأدمية
يا بني أدم يا غلبان لو معترض على خلقة
ربنا اللي صورها, متلومش الغلبانة ديه
روح لربنا إسأله ليه خلقتها في الصورة ديه

نكتة مبتضحكش


يأيها القاضي قبل أن تحكم عليه بأن يعدم

اسمعني فأنا من رييته و خير من عنه يتكلم

صدقني فانا لم اربيه على العند ولكنه مصمم

على تمسكه في الحياة و أعتقد أن هذا حق يحترم

هل يعقل أن يتحول البرئ المخلص الى مجرم

أقسم لكم انه برئ مخلص الأذى عليه محرم

فأنا التي رويته من اخلاصي و لقلبي هو خير معلم

علمني معانيه و أزال بحنيته من داخلي الغمة و الهم

توغل بداخلي بدون أن يشعرني بمجرد ألم

بذلت من أجله دموع و دفعت من أجله سهر دائم

فأنا مازلت على قيد الحياة و أقسم لكم

أنه السبب الرئيسي بعد الله في انقاذي من جهنم

اذا كنت تعاملت معه فستعرف عن ماذا اتكلم

اما اذا لم تكن قد جربته فأدعو الله لك في يوم

أن يجعلك تلميذا له ليعلم قلبك الأصم كيف يتكلم

ذلك الحب البرئ من التهم انه الابن الذي يحن للأم

الزرع الذي يذبل اذا أهمل الحب الذي يزيد النعم

اذا وجد الرعاية و الأمان و تربة من سماتها الكرم


المحكمة


عينانا تتلاقى في نفس اللحظة
قلبنا يرقص على نغمة واحدة
وجوهنا تقترب و نغمض أعيننا
هل تصدق إنها أول قبلة
طوال الأربع سنوات الماضية
أغمض عيناي لأترك مشاعرنا
هي التي تتكلم بدلاً منا
فكم من سنوات قضيناها
نثرثر في ماذا نريده!!
حان التحدث بدون و لا كلمة
أظل أقترب منك, أقترب بقوة
و أنت لا تهتز فيك شعرة
و لكنني أقترب دون مبالاة
و إذ فجأة ...
أجدك بارد, يابس لا أجد منك حركة
فأفتح عيناي لأعاتبك, و ياليتها
ما قد فتحت إنها فقط صورة
معلقة على حائط لا قلب له
تخونني قدمي فأسقط و أنا متأكدة
أنك ستأتي لتحملني كما تعودنا
و يغمض عيناي اليقين مرة أخرى
لأفيق من تلك الغيبوبة الطويلة
أجدني كما أنا على الأرض ملقاة
لما تأخرت دون أن تترك رسالة
بأسباب غيابك,قاتل الابتسامة,
هل ستعود أم هذا أخر ما بيننا
لن تعود أعلم تلك الحقيقة
إذن لماذا أنتظرك هنا!!!
هل أنا ضعيفة لتلك الدرجة؟!
لا أنا فقط مجروحة
و أعدك يا نفسي الحبيبة
أن هذه ستكون أخر مرة
تجدينني على الأرض ملقاة
أسألك يا واهب القوة
أن تعينني لمواجهة تلك الحياة


صورة


بعمل اللي عايزاه و مش بيفرق معايا اوي رأي الناس فيا, بكتب من غير ما أعد كام واحد بيقرا, بفرح بكلمة كويسة تتقال محسش فيها بمجاملة, بركز في نقد بيتقال عليا حتى لو كان تافه, عايشة و بحاول ماضرش حد و بدي كل واحد حريته, ميفرقش معايا جنس و لا ديانة و لا شكل و لا مستوى اصحابي المهم اني احس انهم بيحبوني بجد, ديني بحاول افهمه و اللي يتدخل بين علاقتي بربنا اكله بلساني "لأن ده أقوى ما فيا", رغاية في الفاضية و المليانة, مؤمنة ب"معرفة الناس كنوز", لطيفة و حبوبة مع المحترمين, و وشي التاني وحش مع اللي يستاهله

Noura Ashraf

Popular tracks