Name: Bilind Ibrahim -Te Ji min Bikûjî by Nouroz.M
Duration: 2 min 41 s
Description: Bilind Ibrahim -Te Ji min Bikûjî

Bilind Ibrahim -Te Ji min Bikûjî

Mehmet Atli - Denge Dile Min

Mihemed Şêxo - Ax De Were Lê

Stranet Kurdi
The Best Musci Channel
Xoshtrin Stranet Kurdi

-uploaded in HD at http://www.TunesToTube.com

Stranet Kurdi Tehsin Taha Dilo Seyrane

Eyaz Zaxoyî 1961 Zaxo - 1986 (bi 25 salan)

هونەرمەند ئەیاز یوسف، ل سالا1961 ل گەرەكا قەسابان ل باژێرێ زاخۆ هاتیە سەر دونیایێ باب. باپیرێن وی هونەرمەندێن مللی بوون و دەنگ خوشبوون. برایێن وی (باران و فارس) ستران دگۆتن. ئەیازی قۆناخا سەرەتایی و ناڤنجی ل زاخو خوەندییە و ئامادەییا چاندنێ هەر ل زاخۆ تا ب دوماهیك ئینایە.وی دەمی هەر كەسێ خوەندن تەمام كربا یان ژیێ وی گەهشتبا 18 سالیێ دڤیا چۆبا عەسكەریێ، لەوما ئەیاز نەچار دبیت بچیتە عەسكەریێ و بمینیت تا پلا ئەفسەر ل عەسكەریێ وەردگریت. ئەیازی چار برا هەنە كو تەنێ دوو ماینە ساخ بناڤێن (باران و خەیری)، چار خویشك هەنە و دەیكا ئەیازی هێشتا یا ساخە. ئەیاز یوسف ل رۆژا 20/1/1986 ل باژێرێ موسل دچیتە بەر دلۆڤانیا خودێ و ل 21/1/1986 ل زاخۆ دهێتە ڤەشارتن.




Eyaz Yusif - Lanke Bihejine

Xelil Xemgin - Bırindarım

11. C729 • Seigneur, nous voici devant Toi

Esmer - Ser Banika Kurdish music

Birîndar kirim xerîbiyê
Ez ji xwe re kuştim xerîbiyê
Min bese ji vê eziyetiyê
Berêm kete vê beriyê
Dikim nakim ji bîram naçê
Rewşa welat û beracê
Çiya û newal û qelaçê
Ez ne melekim xwediyê tacê
Kuro lawo welat xweş e
Me jê barkir rojê res e
Dijmin sote wek serxwes e
Ji zilm û zorê me dames e
Vê buharê gul pişkivîn
Li çol û çiya û dilê birîn
Dil û nave min dikewgirîn
Kanî welat û ala rengîn
Derdê welat pir girana
Jêre divê jîr û zana
Mêjî û ziman ew dermana
Wê xilaskin...



Ciwan Haco - Xeribi

Hozan Serhat - Mizgina Leheng

MEWLÛDA NEBÎ
Sallallahu 'Aleyhi we Sellem
Eydayê Mihemed Emînê Heyderî
BÎSMÎLLAHÎRAHMANÎRRAHÎM

“Xweda û melaîketê xwe li ser Nebî selât didin.
Ey ê go îman anîne; win jî selât û selâma li ser (Mu'hemmed) bidin”
 
 
Em bidin hemdê xwedê ey musliman
Daye me peyxemberê axir zeman

Ew xwedayê go hîdayet daye me
Nî'meta xweş dînê Îslam daye me

Nî'meta ji her nî'metê xweştir ev e
Minneta ji her minnetê mestir ev e

Go me îman aniye bi rebbê 'ezîm
Em mûşerref bûn bi Qur'ana Kerîm

Ey xwedayê xaliqê erd û sema
Tu nehêlî ummeta ha der xema

Em gunehkar çav li xufrana te ne
Hêvîdarê rehm-û îhsana te ne

Em bi îman bêne erdâ mahşerê
Pey Mû'hemmed herne 'hewdê kewserê

Ey Mû'hemmed ey şefî'ê ummetê
Hadî û Mehdî hebîbê izzetê

Ey tu buyî çêtirê kewn û mekan
Şehsiwarê alemê fexra cîhan

Ey Mû'hemmed ey resulê îns û cin
Xwediyê tac û beyreqa roja mezin

Mesneda vê ummeta ha her tu wî
Deriyê fetha cenneta me her tu wî

Ey Mû'hemmed ey îmamê enbiya
Ey tu nûra ruh û canê êwliya

Em gunehkar û de'îfin bê 'emel
Hêvi ma efwa xwedê ezzewecel

Em bi cahê te xelas bin ey nebî
Ruh û canê me fîda canê te bî

Hûn ji eşqa dil bibêjîn berdewam
Ser Mû'hemmed essellatu wesselam

Ew kesê ku talibê xeyrê pir e
Guh bide vê mewlûda peyxamber e


Kî dixwazî ku Mû'hemmed şa bîbê
Qîmetê vê mewlûda wî zanibê

Lew bi hubba wî îman kamil dibê
Cenneta baqî bi wî hasil dibê

Ê go qîmet dane mewlûda nebî
Bûn xwediyê qedr û keramet ey ebî

Pir ji eşqa wesfê wî mesref kirin
Wan meqamê 'alê xeyrê pir birin

Em bi çêbûna Mû'hemmed pir xweşin
Em misilman ser bilind in, dilgeş in

Ez ji dana wesfê wî dûr im 'heqîr
Nîn e eşqa dilmirîme ez feqîr

Girtî yek parçe ji nûrê go bibe
Lê hebîbê min Mû'hemmed çêbibe

Çend hezar sal çûn Mû'hemmed hê hebû
Êrd û esman erş û kursî yek nebû

Paşê ew nûr kiriye bêhrê der 'hîcab
Ma di behra qudretê da bê hîsab

Go xwedê ew nûr ji behrê anî der
Jê re go ez kî me ey nûra beşer

Go tu yî rebbê e'hed hem secde bir
Go ji bo vê secdê min xelqa te kir

Ey Mû'hemmed ey hebîbê min bizan
Dê ji bo te çêbikim kewn û mekan

Ewelê xelqê tu yî axir nebî
Tiştê mayî wê ji te peyda bibî

Wî ji fedya girtî xweydan yek bi yek
Nuqtê xweydanê dibarin jê gelek

Sed û bîst û çar hezar nuqtê 'ezîz
Her yekî bû yek nebiyê diltemîz

Hûn ji eşqa dil bibêjin berdewam
Ser Mû'hemmed esselat û wesslam


Çûn xwedê xwestin ku Adem çêbike
Hem ji wê zûrriyetê zêde bike

Wî li wê nûra Mû'hemmed kir nezer
Nuqtê xweydanê ji nûrê hatî der

Da ketî ser axa Adem bû 'hêrî
Emrê ruh kir ket cesed wî çêkirî

Ji Îbnû Abbas yek rîwayet hatiye
Go nebiyê me Mû'hemmed gotiye

Ez nebî bûm çend hezar sal hê berê
Bavê me Adem ku hê av û 'herî

Ru'hê Adem ket cesed ew bûne yek
Xeyrî şeytan çûn sucûdê tev melek

'Heq te'ala gote adem ba vefa
Hilgire nûra Mû'hemmed Mustafa

Go xwedê nûra Mû'hemmed danî pişt
Şu'le da nav cennetê bax û bihişt

Go tu wû  'Hawa herîn nav cennetê
Herdu serbestin li kêf û lezzetê

Her tiştê ku hûn bixwazin jê bixwin
Xeyrî vê dara genim hûn jê nexwin

Ew di nava cennetê de man gelek
Dît ji pişt ve tên temaşa wî melek

Gotî ya reb ev ji bo çi têne paş
Go li wê nûra Mû'hemmed mane şaş

Gotî ya rab bîne pêş nûra mezin
Da melek bêne muqabil vechê min

Nûr ji piştê anî eniyê 'heq xwedê
Hin dibêjîn anî tiliya şahidê

Hatî 'Hewa gote adem ey 'Hebîb
Ev çi nûra safê nazik reng êcîb

Got' ev nûra hebîbê 'a'zem e
Ew ji her peyxamberî ra xatem e


Weqtê wan bê emrî kir wa'j darê xwar
Dîsa ew nûr çûye piştê bû star

Qet nema parçek ji erda cennetê
Îlla wan lêkir nimêj û ta'etê

Nêzîkî dara genim nedibûn yeqîn
Hatin xapandin bi îblîsê le'în

Sond dixwar şeytan di go ez nasi'h im
Namirin ger hûn bixwin dara genim

Ew ji rê çûn ketne dava hesedê
Wan genim xwar ji bîr kirin emrê Xwedê

Mane tazî ew ji libs û tac û per
Lew xwedê go ji cenneta min herne der

Ket serendêbê li erda Hindê tek
Pir girî'yû ah û nalîn çûn felek

Ew di wî halê girî de, dî li erş
Wî di bin navê xwedê dî navkî xweş

Dîtî Laîlaheîllallah heye
Hem Mû'hemmed bû resullulah heye

Tu bi 'heqê wî kî Adem gotiye
Te di bin navê xwe ra ew daniye

Min 'efû kî ya îlahî bakirî
Hem selat dan  ser Mû'hemmed hem girî

Wî Mû'hemmed daye ber xwe tobe kir
'Heq te'ala der'yê tobê lê vekir

Hatî Cibrîl go te Âdem ba usûl
Tewbeya te ji bo Mû'hemmed bû qebûl

Her bibîne qisseta peyxambera
Pir bi cahê wî 'efû bûne ey bira

Ya îlahî tu qusurê me bida
Xatirê navê Mû'hemmed ey xweda

Hûn ji eşqa dil bibêjîn berdewam
Ser Mû'hemmed esselat û wesslam


Bav û ecdadê Mû'hemmed ta bi jor
Cennetî ne merd û mêrxas û cesûr

Silsila wî tev 'esîl in faxir in
Dê û bavê wî temîz in tahir in

Çû ji 'Ebdulmutelib nûra hîmam
Hat ji Abdullah re bû piştek temam

Wechê Abdullah ku nûrê lê veda
Bû wekî heyva li çarda şû'leda

Pir jin û qîzê qureyşî yu 'ereb
Dil ketin husna wî xwestin roj û şeb

Carekî wî bal yekê meylek nebû
Çûnkî ew nûra Mû'hemmed pê re bû

Rojekî Abdullah go te bavê xwe
Daye der esrar û keşf û 'halê xwe

Gote bavo çend car û çend mehê 
Ez tenê diçime newale Mekkehê

Nûr ji min tê der dibê parçe ji  hev
Diç'ne şerq û xerbê dîsa têne hev

Deng ji xeybê hate min go mujde ye
Nûra E'hmed wê bi 'Ebdullah re ye

Dara hişk rûnim li bin ew şîn dibê
Ku ji bin çûm wek berê dar hişk dibê

Nûr ji min derket bi ber asmana çû
Dîsa hatî ser mi're wek ewrê nû

Bêje bavo ev keramet ka çi ye
Jê re gotî min li te mizgînî ye

Hêviya min her xweda ye ey ciwan
Wê ji te ê pêxemberê axir zaman

Wê ji pişta te Mû'hemmed çêbibe
Xatemê pêxembera wê rabibe

Çûbû 'Ebdullah hesûdî hat kirin
Ehle ixbar û kîtaba fêhm kirin


'Hafizê Ebdullah Rebbê mezin e
Tê 'hemandin ew ji koma dijmin e

'Ebdullah xortek gihayî taze bû
Bîl xusûs nûra Mû'hemmed pê re bû

'Ebdullah gote diya xwe başepal
Her bixwaze yek jina bi 'husn û cemal

Her bibînê yek keça bi esl û neseb
Ku nebî wek wê di nav tuxme ereb

Fatîme çû dît û hat go canê min
Nabe wek wê der dinê da qîz û jin

Xweş mi'dî ew dîlbera ba 'izz û nas
Gote 'Ebdulmutellib her wê bixwaz

Çûn û xwestin wan ji bavê Amîne
Kirnê kara da'wetê zû hatine

Bakirin êl û êşîran xasu 'am
Wan 'ecêbek çêkirin zadû teâm

Pir qureyşî û ereb hatin bi deng
Xeml û 'husna Amîne bû renge reng

Roja înê bû nehê heyva receb
Bû nîka'ha Âmîne qîza Weheb

Wê şevê 'Ebdillah bû zava birin
Wer dibêjin çend jî qîzê wan mirin

Bûk û zava çûne xelwê mantenê
Wê şevê eşqek ketî nava dinê

Hatî Cîbrîl daye mizgîn û xeber
'Erd û esman şerq û xerb û be'hr û ber

Beyreqa nûrê li ser Ka'bê veda
Gote xelqê ev zemanê E'hmeda

Ev şeva nûra Mû'hemmed bû neqil
Çûye betnê Âmîne pê bû hemil

Hatî dewra xatemê peyxembera
Hat dema dînê Mû'hemmed eşkera


Hat zemanê 'heq di destê dil yeka
Çû zemanê pût perest û muşrika

Wê şevê pir bûn 'elamet bêjimar
Text û kursiyên milûkan ketne xwar

Textê Qeyser hat qelaptin ser dev e
Dist û hev werbûn senem eynê şev e

Şeq bû eywana melik Kisra yeqîn
Hem şikestî textê îblîsê le'în

Amîne go 'hemlê min şeş meh temam
Hatî 'Ebdulmutallib da yek selam

Gote 'Ebdullah xwe rabe kar bike
Ber bi Şamê tacirîkî her bike

Tu ji Medînê xurmena bo me biker
Hin te'âm û xwarinê bîne veger

Go xwedê kûr'kî bi Amînê bîde
Xwarinek baş tu bi şîranî bide

'Ebdullah rabû xwe kar kir çû ji mal
Bîst û pênc sal 'umrê wî xortê delal

Çûye Şamê hat Medinê ah û wah
Go wefat bû hate ser emrê îlah

'Hesreta bûna Mû'hemmed dil de ma
Hem Mû'hemmed bav nedî bê xem nema

Karîwanê pê re hatin ber bi mal
Wan ji 'Ebdilmuttalib re gotî hal

Hem bihîstî Amînê bû dilbirîn
Da girî û da rû ber pê re girîn

Go 'hebîbê min wefat bû ey xweda
Hem kûrê min ma yetîm ruhêm fîda

Dayê 'Ebdulmuttalîb sebrek ema
'Hesreta 'Ebdullah carek dil de ma

Hem di nava erd û esman bû hezin
Ê bihîstî ma di vê huzna mezin


Hem melek gotin îllahî bakirin
Em bi çêbuna Mû'hemmed şa kirin

Ya ku îro zêde kirye kerbê me
Go Mû'hemmed ma yetîm ey rebbê me

'Heq te'ala go ji we zanetir im
E'j Mû'hemmed re ji dê û bav çêtir im

Mi'j ezel de daniye emrek 'ezîm
Wê Mû'hemmed bê dunyayê yetîm

Ey birayê musliman guhdarî bin
Qîmetê zarwê yetîm pir zanibin

Hûn ji eşqa dil bibejîn berdewam
Ser Mû'hemmed esselat û wesselam

Amîne go neh meh'ê 'hemlê min çûn
Pir îşaret hem 'elamet zêde bûn

Ze'hmetî qet min jî 'hemlê xwe nedî
Wek jinê xelqê eziyet mîn nedî

Zanebûna min bi 'hemlê min nebû
Xeyr weqtê min dî, xwîna min nebû

Pir keramet min dîtin di xewna xwe de
Her mehê peyxemberek mizgîn dida

Yek ji tarîxa Mû'hemmed Îsewî
Pênsed û heftê û yek sal piştî wî

Bîstê nîsanê bû sala 'herbê fîl
Hem şeva dûşembê bû şahê celîl

Diwanzdehê heyva rebî'ul ewelê
Amîne go mam tenê der menzilê

Çûbû 'Ebdulmutelib zarwe wî hem
Çêdikir dîwarê Ka'bê der 'herem

Kes nebû jî mêr û jina wensam mi be
Hat zemanê go Mû'hemmed çêbibe

Mam di wê tirs û mital û dehşetê
Wê çawa be, ez tenê der xelwetê


Mîn dî ronî daye hindur wek fener
Şeq bu xanî çar jin jê dabû der

Van jinê rew'haniyan pir şû'le dan
Çar teref bûne sened hem pal vedan

Wan didan mizgîn digo ey Amîne
Em ji bo 'hemlê te dayîn hatine

Bejn û bala wan bilind xweş fesal
Wek jinê Haşimiyan naz û delal

Ew go 'Hewa, Sara, Asya pir meli'h
Ya dî Meryem bû diya Îsel Mesî'h

Nayê wesfa pir go 'husna wan hebû
'Husna Meryem hêj ya wana zêde bû

Yek li rast û yek li çep hat yek li pişt
Meryema 'imranî hat ber min rûnişt

Ruhnî da hindur tîji rew'hanî bûn
Exlebê dengê ji wan suryanî bûn

Pîrika zahir şîfa a Mekkî bû
Dayîna şîr jî 'Helîma Sa'dî bû

Amîne go çar teref nûrê veda
Ew şeva go çêbibe dostê xweda

Min di wî halê ecîb nûrek dîtî
Qesrê Busra erda Şamê min dîtî

'Heq te'ala gote Cibrîlê emîn
Hin melek biv, dakeve erda zemîn

Radîbûna min li ser xwe wergirê
Ve şevê mizgînîyê bid her derê

Anî cî emrê xwedê wî yek bi yek
Hate xwarê pê re hatin pir melek

Ew li dora Mekkehê bûn sef bi sef
Hem di ser Ka'bê re bûne ref bi ref

Amîne go ez di wî 'halî de bûm
Bêhnekî da hindir û pê xweş dibûm


Pirmelek hatin di destê wan tebeq
Hin ji zêr û hin ji zîv û wek şefeq

Hindur û dan ber buxûr û ê'nbera
Dan selata ser Mû'hemmed eşkera

Refkî teyrê per ji cewher niklê zêr
Dane tesbî'ha bi dengê xêr û bêr

Çûn û hatin rast û çep teyrê belek
Ez di wî 'halî de tî bûme gelek

Dane min yek qede'ha şerbetê zû
Mîn nedî wek wê şîrîn av û gezû

Av, spîtir bû ji şîr, wek berfe sar
Hem şîrîntir bû ji hingiv, mîn vexwar

Min vexwar û tîhniya min çû şikest
Lezzet û zewqa mi'jê dî mame mest

Min dî yek teyrê spî da hindurû
Hatî rûniştî li ber min rû bi rû

Herdu baskê xwe di ser sînga min bir
Hingê çêbûye Mû'hemmed sed şûkir

Bû Mû'hemmed tahir û sûnnetkirî
Devliken nûrê jê hilat çav kilkirî

Yek nezer da asîmana nûr veda
Wî ku tilya şehdê rakir şehde da

Hûn ji eşqa dil bibijîn berdewam
Ser Mû'hemmed esselat û wesselam

Hat Mû'hemmed mer'heba sed mer'haba
Hat Mû'hemmed bû şefî'ê mûznîba

Hat Mû'hemmed ser ser û çava re hat
Hat Mû'hemmed roja îmanê hilat

Hat Mû'hemmed ewwelê xelqê bira
Hat Mû'hemmed axirê peyxambera

Hat Mû'hemmed xwediyê Qur'ana Kerîm
Hat Mû'hemmed merd û mêrxas û re'hîm


Hat Mû'hemmed hedye yê qenc jê re ne
Hat Mû'hemmed nî'metê xweş pê re ne

Hat Mû'hemmed puştebanê dewletê
Hat Mû'hemmed ser şivanê ummetê

Hat Mû'hemmed mestirê ji her milleta
ummeta wî çêtir e ji her ûmmeta

Hat Mû'hemmed bû şefî'ê 'asiya
Hatî dermanê 'elîl û za’ifa

Hatî nûra erd û esman û ciha
Hatî îmdadâ gûnehkarê niha

Hatî sultanê cemî'ê enbiya
Hatî nûra herdu çavê ewliya

Hat yekî wek wî nebû ji qewmê berê
Hat yekî wek wî nema ta axirê

Hat Mû'hemmed re'hmeten lîl 'alemîn
Hat Mû'hemmed xatîmen lîl murselîn

Hûn ji eşqa dil bibijîn berdewam
Ser Mû'hemmed esselat û wesselam

Ey Mû'hemmed seyyidê kewn û mekan
Ey şefî'ê me'hşera roja giran

Ey tu nûra xerb û şewka mişriqê
Sa'hibê tac û buraq û beyreqê

Xatemê cumle resûl û enbiya
Ruhniya çav û qulûbê ewliya

Ya 'hebîbellah resûlek sadiq î
Ya resûllellah bi rastî natiq î

Nav şêrin û ser bilindê 'alemê
Merd û mêrxastir ji tûxmê ademê

Sorgulê baxa ji wechê tê fedî
Wek te şîrîn û xweşîk keskî nedî

Lew ji nûra te şeva reş bû şefeq
Yek îşaret ku te da heyv bû dû şeq


Nuqtekî nûra te da erd û sema
'Erş û kûrsî heyv û roj tev tê de ma

Ger ji Adem be heta dinya hebe
Her serê însanek sêsed dev hebe

Her di devkî de hebe sêsed ziman
Wesfê 'husna te bibêjin her zeman

Ew tu cara vesfê te nakin temam
Lew ji nûra 'heq tu çêbû ey îmam

Hêviya vê ummeta ha her tu wî
Rehberê me bal xwedayê 'heq tu wî

Nefsî nefsî ku ketî nav 'alemê
Tu şefa'etkî ji bo me wê demê

Em bi cahê te dikin nalîn û zar
Bal xwedê ve dil şikestî û stu xwar

Tabi'ê peyxemberê ve ummetê
Pey Mû'hemmed herne baxê cennetê

Ya îlahî ya xefûr û ya 'helîm
Ya letîf û ya kerîm û ya re'hîm

Hêviya mê ey xwedayê 'alemê
Tu efû kî ehlê îmanê hemê

Gerçî em 'ebdê gunehkar pir hene
Lê tu wî rebbe me, em ebdê te ne

Deryê re'hma xwe li me vek ey kerîm
Me 'efû kî tu bi Qur'ana ezîm

Tu qebûl kî vê dua û xwendinê
Ecr û xêra yê dide vê xwarinê

Bighê rû'hê nûr Mû'hemmed Mustafa
Hem rû'hê alu sa'habê wî teva

Adem û 'Hewa cemî'ûl mû-minîn
Ê ji wan çêbûn nebî û murselîn

Fî sebîlullah şehîd û xaziya
'Haciyê Lîllah cemî'ê ewliya


Ê xerabî kir we ya qencî bi me
Ya xerabî dî we ya qencî ji me

Ê ku mewlûd daye ya lê bû sebeb
Ê ku 'hazir kir weya lêkir taleb

Dê û bavê hadir û guhdarê me
Mêr û jin sax û mirî hem zarwê me

Bighê rû'he mûslimana mêr û jin
Ehlê îmanê ku sax in yan mirîn

Ya semî' û ya mucîb û  de'ewat
Ya cemîle setrê 'indel 'eserat

Bo Mû'hemmed al û hem es'habê wî
Bo rû'hê etba û hem e'hbabê wî

Ê ku telîf kirye ev mewlûd ey bira
Bo feqîrê 'Heyderî hem 'hazira

Hûn bixwînin fatîhe ser wan temam
Ser Mû'hemmed esselat û wesselam
El Fatî'he 



Nîşe:
1- Nîşana ( ' ) di vê pirtûkê de ku hate ber tîpa (h) dengê (ح) dide.
2- Nîşana (') ku hate ber tîpa (a)yê, dengê (ع)  dide. Her wisa ku tê ber dengê (ê) û (û) jî heman dengî derdixe.
3 d wek ‘hadir ji erebî ku dikeve kurdîde dibe z yanî ‘hadir dibe ‘hazir

Di rastnivîsa pirtûkê de hem orjînala Seyda wekî bingeh hatiye dîtin, hem jî li gor kurdiya nûjen guhertin tê de hatiye kirin.

BERHEMÊN WÎ
1 Mewlud a Nebî, Ş'ir bi kurmancî 	
2 Aqîde_i İman, Ş'ir bi kurmancî 
3 Werd-ul Etfal, Ş'ir bi kurmancî 	
4 Mewlud a Nebî, Ş'ir bi erebî
5 Diwan a qesîdan ku ji 400 qesîdên bi kurmanci pêk tê. 


Bilind Ibrahim -Te Ji min Bikûjî

Nouroz.M

Related tracks