حلوه

و انت معايا يصعب عليا

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

ياما حليت لك آهات قلبي - أم كلثوم - لسه فاكر

Song For Gloria

روحي فيك مهما جرى، أنا روحي فيك

نسينا إزاي ؟ كدا نسينا

تفاريد كلثومية / بعيد عنك - افتكر لي لحظة حلوة /  سينما قصر النيل 06-01-1966

ذكريات حبي وحبك - أم كلثوم

الست - كم تضاحكتَ عندما كنت أبكي..

لعبد الوهاب محمد، ومحمد عبد الوهاب
--
https://soundcloud.com/aesamk/sets/mfgb09hzhe80

تصرّفات كلثوميّة من فكّروني | مايو 1967

كلمات: عبد الفتاح مصطفى
ألحان: رياض السنباطى
انتاج :1963

" الحب هو الود و الحنية "

غنيلي شوية شوية

التحميل من هنا   :) 
http://www.2shared.com/audio/HeF6eHAq/pearl_of_dream.html


Pearl of dream

كانت الوصلة الثانية من حفل أقيم بتاريخ 3 أبريل 1958 على مسرح حديقة الأزبكية في القاهرة - هذه هنا إحدى الصيغ المميزة التي لم يُكتب لها الانتشار كما يجب، واحترت حقيقة في تسميتها... ففي مقاطعها الأولى حالة من الـ (شجن/ألم/سلطنة) يصعب وصفها، وأعتقد ربما أنه أصدق أداء لهذه الكلمات من بد حفلاتها 
ومع تزايد حالة السلطنة في الغناء ، يبدو أن أم كلثوم قررت أخذ منحى آخر أكثر مرحا عند المقطع الثالث
وكأنها تقول: لِمَ لا أسمعكم تفاريد جديدة لم تسمعوها من قبل في " لو كنت خدت على بعادك" ؟

وتستمر رحلة المزاج العالي في المقطع الأخير "ويوم ما تسعدني بقربك".  فلم يخلو أيضا من التصرفات البديعة، من زخارف وإضافات، واستعراض لمساحات صوتها في التنقل بأريحية مابين طبقات القرار والجواب

*   الأغنية من كلمات الشاعر أحمد رامي وألحان الموسيقار رياض السنباطي - تقديم الإذاعي جلال معوض

عودت عيني على رؤياك وقلبي سلم لك أمري
أشوف هنا عنيّه في نظرتك لي
والقى نعيم قلبي يوم ما التقيك جنبي
وان مر يوم من غير رؤياك
ما ينحسبش من عمري
 
قربك نعيم الروح والعين ونظرتك سحر والهام
وبسمتك فرحة قلبين عايشين على الأمل البسام
ان غبت يوم عني أفضل انا وظني
يقربك مني ويبعدك عني
واحتار في أمري معاه ومعاك
وان مر يوم من غير رؤياك مينحسبش من عمري
 
لو كنت خدت على بعادك كنت أقدر اصبر واستنى 
واسهر على ضي ميعادك لما الزمان يجمع بينا
أبات على نجواك واصبح على ذكراك
واسرح وفكري معاك لكن غالبني الشوق في هواك
وإن مر يوم من غير رؤياك ما ينحسبش من عمري
 
زرعت في ظل ودادي غصن الأمل وانت رويته
وكل شئ في الدنيا دي وافق هواه انا حبيته
ومهما شفت جمال وزار خيالي خيال
انت اللي شاغل البال وانت اللي قلبي روحي معاك
وإن مر يوم من غير رؤياك ما ينحسبش من عمري
 
ويوم ما تسعدني بقربك ألاقي كل الناس احباب
ويفيض على نور حبك اقول مفيش في الحب عذاب
الحب كله نعيم لا فيه عذول بيلوم
ولا فيه حبيب محروم
يا ريت يدوم للقلب صفاك واقضي طول العمر معاك
ده ان مر يوم من غير رؤياك ما ينحسبش من عمري


نقلًا عن قناة USFahad

أم كلثوم - عودت عيني على رؤياك || الأزبكية 3 أبريل 1958

طالعة من بيت ابوها - هاني متواسي.wmv

وهو الواحد له إيه غير السيرة الحلوة وكام تراك شاركهم مع الناس؟

روحي فيك مهما جرى، أنا روحي فيك

نهى

Recent comments

19

19

بيـان

بيـان

Related tracks