هۆنراوه‌ی: مافی نیشتمان
كاك ئه‌حمه‌دی موفتی زاده‌
خوێندنه‌وه‌ی: كه‌تان خاده‌می


نیشــتمان ئه ی خاک و خۆڵی تۆکڵه ی چاوانــــــــمه
نیشـتمان ناوی به رێزت هێزی رؤح و گیــانــــــــــــمه

نیشـتمان ئه ی به ر به یانت رؤشنێ ئــــێمانــــــمه
...نیشـتمان ئێواره کانت خه ڵوه تی عـــــیرفانـــــــــمه

نیشتمان قوربانی کوێســــتانت دڵی پر ده ردی مــــــن
نیشتمان حه یرانی گه رمێنت هه ناسه ی سه ردی من

لاوی كورد ئه‌رپاكه‌ شیرت،  هه‌سته‌ وه‌ك شێری ژیان
ڕاكه‌ مه‌یدان، بۆ به‌ جێهێنانی مافی نیشتمان

ڕۆڵه‌كه‌ی سوڵتان صلاحدین، نه‌ خۆی كۆڵی كه‌سان
ڕوكنی ئیمان خۆشه‌ویستی نیشتمانه‌ بێگومان

لاوی كوردم خۆت نه‌كه‌یته‌ داره‌ده‌ستی دوژمنت
دوژمنت نه‌تباته‌ مه‌یدان بۆ برای خۆ كوشتنت

په‌یجی كاك ئه‌حمه‌دی موفتی زاده‌
https://www.facebook.com/Moftizade

مافی نیشتمان - كاك ئه‌حمه‌دی موفتی زاده

ئاریان كه‌ریـــم - كه‌سێك نیه‌

كوڕم مه‌گری، هه‌نسكی نیوه‌شه‌و به‌س هه‌ڵده‌ به‌س بگری
له‌ چاوی بێ قه‌رارم بۆچ ده‌رمانی وه‌نه‌وز ئه‌بڕی


چیه‌ ئه‌و گریه‌ بێ غایه‌ كڕوزه‌ی نیوه‌شه‌و خورپێن
چیه‌ ئه‌و قه‌تره‌ ووردانه‌ی له‌چاوت بێ مه‌ئال ئه‌ڕژێن

له‌گه‌ڵ ئه‌و غونچه‌ ساوایه‌ی له‌سه‌ر خه‌ڵفی به‌هار ئه‌ڕوێ 
چیه‌ فه‌رقت؟
له‌به‌رچی ئه‌و هه‌تاكو سیس ئه‌بێ ئه‌نوێ

چیه‌ توخوا؟ چ سڕێكه‌ وه‌ها مه‌حكومی گریانی
كه‌ تۆ هێشتا له‌ خه‌م ناگه‌ی له‌مانای گریه‌ نازانی
ئه‌گه‌ر وه‌ك باوكه‌ حه‌سره‌ت دیده‌كه‌ت زه‌هرت بچێژایه‌
زه‌مــــــــــان گه‌ردی ئه‌مه‌لتی گشت به‌ده‌م باوه‌ بپێژایه‌
له‌ناو كڵپه‌ و بڵێسه‌ی نائومێدی و حه‌سره‌تا یه‌كسه‌ر بسوتایه‌
به‌هـــــاری عومــری جوانیت، هه‌م گــــــــوڵ و هه‌م به‌ر 

حه‌قت بوو

حه‌قت بوو ئه‌و هه‌موو گریانی نامه‌فهوم و بێ مه‌عنا
زمـــــانی به‌ث و ته‌قریری شكاتت بێ له‌ده‌ست دنیا

حه‌قت بوو

بـــــێ ووچان بگـــــری به‌سه‌ر تاوانی باوكیما
به‌حر پڕكه‌ی له‌ تف بیده‌ی به‌ناوچاوانی باوكیما


به‌ڵام ڕۆڵه‌م،! كه‌ تۆ هێشتا له‌ فه‌جری زینده‌گانیتای
له‌به‌ر ده‌رگای ته‌لیسمی به‌ختی مه‌جهول و نیهانیتای
به‌چی مه‌علوم؟ به‌ شوێنی هی منا ئه‌ڕژێ چه‌می عومرت؟
سه‌راســـــــــه‌ر پێكه‌نین و خوڕه‌می نابێ خه‌می عومرت

به‌ڵێ به‌رخم
ئه‌گه‌ر چی هه‌روه‌كو یه‌ك ئه‌ژین گشت لایه‌
له‌به‌ینی بێشكه‌ و قه‌برا بڕینی عه‌ینی ڕێگایه‌
هه‌مــــــــوو هه‌ر قافله‌ی بێ ئیختیاری سه‌ر زه‌مینێكین
هه‌موو دێین و ده‌ڕۆین تاكو ده‌گه‌ین یه‌عنی ئیتر ئه‌مرین
وه‌لێ كۆچی ژیان، كۆچێكی پڕ سیحر و پڕ ئه‌فسونه‌
له‌یه‌ك سه‌رچاوه‌ دوو قه‌تره‌، یه‌كێ لێڵه‌ و یه‌كێ ڕوونه‌
به‌خۆڕایی مه‌ترسه‌، خه‌م مه‌خۆ، مه‌گری له‌ ئێستاوه‌
به‌چی مه‌علوم كه‌ چی له‌و ته‌ختی ناوچاوانه‌ نوسراوه‌

هیوا - هۆنراوه‌ی گۆران

یاران جه‌من - هۆنراوه‌ی كاك ئه‌حمه‌دی موفتی زاده‌

نزا - علی شریعه‌تی

لــــــــه‌ دڵدا ئاته‌شى عيشقت بلێسه‌ى ميسلى ته‌ندوره‌
شه‌تى ئه‌شكم نه‌بێ مانيــع، ده‌سوتێم ده‌بمه‌ كۆى نووره‌

به‌ نارى عيشق و ئاوى دڵ, جه‌سه‌د وه‌ك حه‌زره‌تى موسا
ته‌ريقی: به‌حــــــــــرى فيرعه‌ون و, ڕه‌فيقى ئاته‌شى تووره‌

ده‌چێ بۆ لاى رِه‌قيب خۆشه‌, وه‌لێ ئه‌و داخــه‌ كوشتومى
له‌ كن ئه‌و چه‌نده‌ مه‌جبوره‌, لــــه ‌لاى من چه‌نده‌ مه‌غروره‌

په‌یامت هــــات و په‌یكت ڕۆى, خـــــــه‌ياڵم ناردوو نه‌یگه‌یێ
رِه‌سوڵم كـــــــــــه‌وته‌ رِێ، گرتی، هێناى وه‌ك ئاگره‌ سوره‌

كه‌ ديتـــم شكلى سه‌د ڕه‌نگــــی, گوتم: بابايى عـــه‌ییاره‌
كه‌ بيستم له‌فزى بێده‌نگی, گـــــــوتم: شه‌یپوری شاپووره‌

گوتم:راستى سه‌بـــا هه‌ڵسه‌، گوتی: مه‌شره‌ب موخالیفه‌
گــــــوتم: نارێ، گــــــــــــوتى: بایه‌، ئه‌وجێ، گوتی: دووره‌

گــوتم: قوربانى تۆ من بم، گــوتی: قوربانى تــۆ سه‌گ بێ
گوتم: شيشه‌ى دڵــــم ناتوێ، گـوتی: بۆ چیمه‌، مه‌كسوره‌

خه‌راباتى دڵــــــى (( نالــــى )) مه‌ فه‌رموو: خاڵیه‌، نـايه‌م
به‌ مه‌رگی تۆ قه‌سه‌م، چـــاوم! به‌ زيكرت به‌يتى مه‌عمووره‌

خه‌راباتی دڵی نالی

خۆزگه‌ به‌و ده‌م دا، سه‌ری كوچه‌ی تۆم مه‌نزڵ بوو
كلی چاوم له‌ گڵی ده‌ركی ده‌رت حاصڵ بـــــو

چونكه‌ وه‌كو سوسه‌ن و گوڵ پاكه‌ زمان و دڵمان
قسه‌مان یه‌ك بوو، ئه‌گه‌ر چی به‌ زمان و دڵ بوو

كاتێ گێڕایه‌وه‌ دڵ نه‌قڵی مه‌عانی له‌ ئه‌قڵ
ئیشق شیكرده‌وه‌ بۆی، هه‌رچی كه‌وا موشكیل بوو

له‌دڵما بوو كه‌ قه‌ت بێ مه‌ی و مه‌عشوق‌ نه‌بم
داخه‌كه‌م هه‌وڵ و ته‌قه‌لای دڵ باطڵ بوو

چومه‌ مه‌یخانه‌ شه‌وێ، دی كه‌ به‌یادی جاران
خۆم دڵم پڕبوو له‌ خوێن، چونكه‌ له‌ ئه‌صڵا گڵ بوو

هه‌رچی پرسیم و گه‌ڕام بۆ سه‌به‌بی ئێشی فیراق
كامه‌ كامڵتره‌ له‌و باره‌وه‌، نا كامڵ بوو

ئه‌و به‌ناز ڕۆین و قاقای كه‌وه‌كه‌ت دی ، خافز
له‌ هه‌ڵۆ هه‌ڵمه‌ت و شاهۆ له‌ په‌نا غافڵ بوو

The Pain of Separation " ئێشی فراق

خالید ڕه‌شید - غوربه‌ت

پیــرم  - ئاسۆ عه‌بدوله‌تیف

هۆنراوه‌ی: كاك ئه‌حمه‌دی موفتی زاده‌
www.facebook.com/Moftizade

ميواندار - بۆ ڕه‌مه‌زان

خه‌مێ له‌ كۆڵا - سه‌عدوڵا نه‌صیری

Anwer Qaradaghi   
2012  
Xwaya Watan Awakay

ئه‌نوه‌ر قه‌ره‌داخی: خوایه‌ وه‌ته‌ن ئاوا كه‌ی

Adnan Karim - Shawi Yalda
http://www.adnankarim.com/
https://www.facebook.com/adnankarim.official1

شه‌وی یه‌ڵدایه‌ یا ده‌یجوره‌ ئه‌مشه‌و
که‌ دیده‌م دوور له‌ تۆ بێ نووره‌ ئه‌مشه‌و

دڵم وه‌ک حاکمی مه‌عزوله‌ قوربان
خه‌ڵاتی وه‌سڵی تۆی مه‌نظوره‌ ئه‌مشه‌و

دڵیش مایل به‌ دیده‌ی تۆیه‌ بۆیه‌
له‌ من وه‌حشیو ڕه‌میده‌و دوره‌ ئه‌مشه‌و

که‌ تۆی شای که‌چکولاهی دیده‌مه‌ستان
چ باکم قه‌یسه‌رو فه‌خفوره‌ ئه‌مشه‌و

له‌ خه‌و هه‌ڵساوه‌ یا ئاڵۆزه‌ چاوت
هه‌میشه‌ وایه‌ یا مه‌خموره‌ ئه‌مشه‌و

سوروشکم نه‌قشی چاوی تۆ ده‌کێشێ
جێگه‌م سه‌ر داره‌که‌ی مه‌نصوره‌ ئه‌مشه‌و

شه‌وی یه‌ڵدا - عه‌دنان كه‌ریم

كۆماری عیشق - ڕه‌حیم فه‌یزی

مه‌رگی جودایی - ڕه‌حیم فه‌یزی

نەمردم من ئەگەر ئەمجارە بێ تۆ
نەچم، شەرت بێ، ھەتا ئەم خوارە بێ تۆ
دەروونم خاڵییە، وەک نەی دەناڵێ
ھەوارێکی چ پڕ ھاوارە بێ تۆ!
بیناییم کوێرە، ھەڵنایێ بە ڕووی کەس
موژەم یەک یەک دەڵێی بزمارە بێ تۆ
ھەموو ئەعزایی ناڵینم دەناڵێ
سەراپام میسلی مۆسیقارە بێ تۆ
قەسەم بەو شەربەتی دیداری پاکەت
شەرابم عەینی ژەھری مارە بێ تۆ
لەکن تۆ خار و خەس گوڵزارە بێ من
لەکن من خەرمەنی گوڵ خارە بێ تۆ
لەکن من با وجوودی ناس و ئەجناس
کەسی تێدا نییە ئەم شارە بێ تۆ
ھەتا تۆم ئاشنا بووی، ئاشنام بوون
ئەمێستا موو بە مووم ئەغیارە بێ تۆ
ھەموو ڕۆژێ لەتاو ھیجرانی ئەمساڵ
تەمەننای مردنی پێرارە بێ تۆ
لە حەسرەت سەروی قەددت چاوی نالی
دوو جۆگە، بەڵکوو دوو ڕووبارە بێ تۆ

Oblivion

Popular tracks