يا وقت ما مليت تقليب الأوجاع - ما عاد فيني للطعون أستطاعه
حاولت أحد الصبر يمي ولا طاع - لا الصبر طايعني ولا الجرح طاعه
يا ليتها في ساع و تروح في ساع - لكنها متجدده كل ساعه


يا قلب ياللي ورثك جروح و ألام - بليتني ماهو بَ أنا اللي بليتك
ولعتني من عادني فالهوى خام - و أسرفت بي و أنا خطامك عطيتك
طعتك و زبدة طاعتك هم و هيام - مالله كتب لي و أستخرت و عصيتك

الجرح طامع و أيضاً الوقت طماع - يا طامعاً ما عاد فيني طماعه
كم ضيقتٍ كنيتها بين الأضلاع - أكنها و أضحك لا شفت الجماعه
ما بيه يشمت بي من الناس خداع - اللي لأمنته على السر ذاعه
لا هو مواسيني ولا هو بَ فزاع - يضحك و هو في ضحك سنه خداعه
يضحك و هو وده زوالي من القاع - متربياً على الردى و القطاعه


لو للقلوب أسواق بايع و سوام - لأبدلك و أن جيتني ما شريتك
و لا أنت ياللي جيش عينيك مقدام - لأقنعت منك و الرجى ما رجيتك
كني سجيناً بين أفراج و أعدام - و كنك سجن و أنا بنفسي بنيتك


ولا أنت يا زين الحلايا و الأطباع - لا تلوم شخصاً كايد الوقت لاعه
صديت عنك و خاطري فيك ملتاع - من خوف لا قلبك يضيق أتساعه
ماني و أنا يوم شريتك ببياع - حبك ماهو ينباع مثل البضاعه
لوك تقدم شبر بذرع لك ذراع - لو أن نفس الرجل تلوي ذراعه
أجي لجل عينك من الشوق دفاع - و الحب وش قيمته دون أندفاعه
بكرى يزين الدرب و تزين الأوضاع - و الهم يطوي من خفوقي شراعه
يا وقت كافي بس تقليب الأوجاع - ما عاد فيني للطعون أستطاعه


عقب الوصال اللي على عين من لام - قده يكفيني عن الوصل صيتك
و قدني إلا مريت بَ الشارع العام - لديت من ما فَ الضمير و دعيتك
أدري أن صوتي ما قطع عشرة أقدام - و أدري بي أعود إلا من نصيتك
يا شينها و محنياً راس الأبهام - مقدر على شوفك و أنا عند بيتك

عبدالكريم الجباري / محمد بن فطيس

‎⁨بيني وبينك فارق السن موجود عقلا الفهيقي⁩.

⁨وحشتيني قليله لو أقول انّك وحشتيني- عزازي

أنا ودي إذا ودك ,,, الأمر أمرك وفي يدك
تناولني طرف خدك ,,, الأيسر ياخفيف الدم
أبمصك وارصك رص ,,, وارصك فوق صدري رص
واكمل كل شي ينقص ,,, مغاطك لأقطعه بالفم

أبتمرجه بحضانك ,,, وابوسك واخذ السانك
وعاف الناس من شانك ,,, عسانا من الحسد نسلم
بقلب جسمك اللين ,,, وأخلي المختفي يبين
وكل اللي بقى هين ,,, عسانا من الحسد نسلم

بخلي يدك وساده ,,, ولا أسمح لو بك العاده
ينال قليبي مراده ,,, عسانا من الحسد نسلم
بمص البرطم التحتي ,,, واعضك كل ماصحتي
وتلك واسحبك تحتي ,,, ولو أهقى يسيل الدم

حيات الروح يازينه ,,, إلامن شلت رجلينه
وتليته بيدينه ,,, وقالت بشويش لا تلحم
أخيرن قالت اتمهل ,,, صك الباب واتسهل
وكل اللي تبيه يحصل ,,, عسانا من الحسد نسلم

حسين بن سعد - انا ودي اذا ودك

كذاب ماحبني حب يتسلى بــــــــي
وانا على نيتي صدقت وحبيتــــه
راح وتركني وانا محروقه اعصابي
اشلون ابنسى وانا بالقلب حطيته

كذاب ماحبني حب يتسلى بي

الله ربي وربه.. كيف ينسى المحبة؟

ذبحني غلآك الله لآ يجزي البعاد بخير
وأنا كنت أحسب البعد للعاشق الخيره

يا ليت الزمن يرجع معي يوم كنت صغير
الأحلام محدودة و الأيام تقزيره

ما كنت أتضايق ضيقة اللي غدى له طير
بجوٍ خلا موحش والا حولهم ديره

يلوح على الحروه بعد ضاق منها عصير
و نتل موتره قبل الغياب و كسر قيره

على اللي تعبت أنسى غلاه و تعبت أسير
على جرته من يوم قفت مظاهيره

حداني على شيئين يالموت يا التهجير
بعد كنت في بيت الغلا اأغلى مساييره

فرحت بلقانا الاولي فرحة التحرير
و حبست الدموع بنظرة العين الاخيرة

لو أن القصايد دلو تبقى المشاعر بير
رحل وأنتهت سيرة وصل وأبتدت سيره

قصيداً يدف شراعه الهم والتفكير
ويضيق وسيع الصدر ويفك أزاريره

صويب الهوى والشعر مثل أبرة التخدير
ولاني بحاجه للطبيب وعقاقيره

طعني بسيف الهجر والبعد والتأخير
مع أن الخليج بكبره قريه صغيره

حزيناً عليه ومن نشدني أقول بخير
وأنا ضايقاً من جور هجره وتأخيره

يقولون خيره وأعتبر كل شئ يصير
وأنا أقول ماهي كل خيره تجي خيره

محمد بن مريبد العازمي - ذبحني غلاك

مادمت تنشد يارفيقي عن الحال
مالي على كتمانها عنك حيله
--
الصبر عن بوح الاحاسيس قتال
والبوح في بعض المواقف ، فشيله
--
لو كل مايطري على البال ينقال
ماكان شفت ان الثقيله ثقيله
--
ابطيت اكافح ضيقة البال بالبال
وادفع بلا , هاجوسها كل ليله
--
لين اقبلت مثل السحابه بهمال
تشفي غليل اللي تزايد غليله
--
طاحت ، ولاْوفق من حناياك منزال
بطلبك يابدر [ تكمى ] المخيله
--
ان قيل ترعد , قلهم : صوت زلزال
وان قيل تبرق شف لها ادناة حيله
--
مابي .. تناقلها هل القيل و القال
وتصير من بعد القصيره , طويله
--
يابدر .. !
يابدر .. ماني عال لو صحتي عال
شفني من الصدمات نفسي عليله
--
اشيل حملٍ لو يشيلنه جبال
الله ، وامانه غير تصبح نثيله
--
أرمي من هموم الزمن واسحب أدبال
وانزل عن [ الجوكر ] وغيري يشيله
--

من كثر ماشفت بحياتي من انذال !
بديت اشك ان النذاله فضيله
--
ماطاح من عيني رجل , طاحوا رجال
ورجال [ يابن حنيف ] ماهي قليله
--
اقرب من اللي قالهم ضمن ما قال :
راكان بن حثلين راعي الجزيله
--
هذا .. ولد عمٍ ، وهذا .. ولد خال
وهذا رفيقٍ مالقينا بديله
--
سبحان منهو يابدر غيّر الحال 
وحط الجفا بين الخليل و خليله
--
هذا الزمن يبغاله .. لسان دلاّل !
من يستحي هالوقت واعزتي له
--
وقتٍ به [ الراعي ] غدى راعي دلال
كلٍ على طاريه ينفض شليله
--
ومن كان ساسه للردى مضرب امثال
اليوم يحسب من كبار القبيله !
--
المال !
المال .. يابن حنيف ملعون , أبو المال
ذل العزيز .. وعز ناسٍ ذليله !

عبدالكريم الجباري / محمد بن فطيس

[мoнαммed ѕ-к]