كلٌ يبكي على ليلاه
وانا ببكي عليكي يامّا
كلٌ يبكي على مجناه
وانا ببكي عليكي يامّا

عجّزنا من بٙعدك حقيقي ..
حنّية الحرمان بتيجي .. بس انتي ما بتجيش
عيشنا بهمومنا الخيش .. عيشتي وشايفة الوضع
الصورة لسة ف بداية الوجع م الفقد
علاقتنا بيكي؛ اولى للمُسمى بوأد
مفيش علاقات .. مفيش زيارات .. مفيش عبارات بتتقالي .. مشينا وجينا واحنا اغراب

عٙدِت سنين .. وعِدت ف سنة .. عٙدت دموع تغرّقهم .. ما فاضش الا انا ...
لسّاني برسم ف اللي كان كما كان
لسّاني بابني ف اللي راح .. وكإنما
عمّال بهدّ ف جدار الزمان
تصبير لروحي بقول ريثما ...
وتجيلي كالمُعجزة

واقف وايدي معجّزة .. او بايشة باين م الدموع
الغلطة كانت من دُعايا؛ ولا كانت ف الخشوع !
كلُ يبكي على مجناه .. وانا كلي مكسور الجزوع
...
تعرفي ... !
كان نفسي تبقي معايا واحكيلك
تشوفيني وانا بكتبها ، والقيلك ..
تقوليلي "اجبهالك ؟!"

تعيّط ليه ؟
ما كانت لسة جيالك؛ لقيتك روحت بخيالك
لبنت هناك مابتحبكش

ماشي
...
الذنب ذنب الأم ؟ الذنب ذنب الأب ؟
الذنب ذنب اخوات ؟ "زِلنا ما زِلنا الكبش!"

ورب العرش والسموات
وحياة دموعك واللي فات من قهر
الخمْر ما بينسّي .. والأمْر ها قد جاء ..
مستاء من كله إلاكي
"دموعي عيون بتلقاكي"
ويفيد بإيه الندم !
عيشنا وروحنا لعدم
واللدغة لادغة ف الكلام الحلو

الكل كان أخطأ صحيح .. 
والكلمة طلعت من لسان بالعلو
والسن مش مقياس لا ، كان فكر مش موجود
روحنا؛ بقينا شهود ..
على ارواحنا .. وايامنا
لمحنا بنظرة قدامنا .. وقولنا؛ ما قولنا "طب هيّ!"

سكرت كتير
سكرت كتير "بأحزاني"
ماتتخضّيش '
والكحة دي !
دي آثار لبرد خفيف
او يمكن الدخان من ناري وانا شارد
بقالي يومين تلاتة طواال
وشعوري بالمُحيطين .. اصبح شعور بارد
ووحدك اللي جوايا
وبكتبلك ...

كلُ يبكي على مجناه
وانا ببكي عليكي يامّا
ودمعي عيون ..
هتثبتلك

وباظن آن الوقت
نعرف حقيقة البدأ؛ نرميها ع التاني
مين اللي كان جاني .. وأناني لحد آخر شد

هيفهموا ايه ! واشمعنى زار الفهم ..
وقت اما عازوا الفهم !
ويزوروا دلوقتي !
بكينا كتير ومن بدري
محدّش حسّ
يا أُمي الدسّ كان فينا ..
وجينا لقينا حضن بليد .. ف نتشتت
بٙعدتي يا أُمي نتأكد
ومنكم نتنسى .. "وبشويش"
...
بشويش دي عادت ع اللي فات !
ولا عايدة على اللي جٙي ! بقولتي لنٙفٙسي بالراحة؛
وراحتي تليق بكائن حٙي !
وانا مش حٙي
...
هستسمحك؛ او يعني صدقًا هستغل ..
لحظات وجودك في خيالي المريض
واقولك جزء من حزني المُمل

ف اقولك حاجة عن هيّا
وكِيف اخترت تبقى بعيد
قرار كان ناتجه اني وحيد
مافيش حتى الحنين ليّا

هقول سارقاكي ..
وفيها بعض الحنان منّك
وكانت خايفة وكإنّك
وكان تجسيدها هي انتي

بٙعدتي؛ بٙعدت وملامتي ..
زارتني وبايتة من يومها
مابقتش مستحمل خلاص
كفاية اللوم معٙ انتي
وهي كفاية معٙ لومها
بجانب كل معلومها
...
معلش يامّا
هستأذنك .. رايح حساب
والغلطة كات منكم

هدفع نتيجة ظن
والظن من زينهم
او بٙعد عُمْر يكون
"الظن كان زينهم"

عمري اللي راح وسطكم
اكبر كتير منكم
وانا ساكت ..
ورغم ان الحياة باخت 
هعافر وليومين تانيين
وايه المانع
لعلّها تيجي من عنده
وبالأيام
تكون "الفاتحة" محض روتين .
#عمرطاهرشلبي

عمر طاهر شلبي - كلٌ يبكي على مجناه ؛ وانا ببكي عليكي يامّا

استمع الى جديد السيدة ماجدة الرومي 
https://youtu.be/92OuOk_Cq5s

عبر قناة ماجدة الرومي الرسمية في اليوتيوب
https://www.youtube.com/magidaelroumi 

ما كنت قول نْهار بتْفلّي
ويخلص الصبح وْتنعَس الفلّه!
واتطلّع ولاقي قبالي البابْ:
راكع على العَتبه عم يْصَلّي!
ويصيرْ يسألني عندْ لغيابْ:
أيْمتينْ بدِّك ترجعي تْطلّي؟؟!
من بعدْ ما كِبر القَسا
ببقى لَحالي، بسأَل العَتْمه:
ليش بيفلّ المَسا
وبيروحْ مَ بْيتركْ وَلا نجمه؟
كلّ نجمه بْهَالسما إنتي
وْشو العمرْ، لَو مَ بْهالعمرْ كنتي؟!
بتْقلِّك العَتبه:
غَطّى الشتي قَلبي
وْضلّي تَ تخلص هـ الدني ضَلّي!
********
كلمات: جرمانوس جرمانوس
ألحان: مروان خوري
توزيع: ميشال فاضل
إنتاج: V. Productions

Lyrics: Germanos Germanos
Music: Marwan Khoury
Arrangement: Michel Fadel
Produced: V. Productions

عمر طاهر شلبي - كلٌ يبكي على مجناه ؛ وانا ببكي عليكي يامّا

Omar Taher

Recent comments

مـنـار؟

Related tracks