Þegar útvarpsviðtal heppnast vel, þá getur það haft áhrif á framvindu mála eða breytt viðhorfum hlustandans. Á hverjum degi eru mörg viðtöl flutt í íslensku útvarpi en ekki er víst að þau verði öll áhugaverð að löngum tíma liðnum. Það ræðst auðvitað helst af sjálfum viðmælandanum, en líka spurningunum sem bornar voru upp.  Athyglisverðast er þegar sagan varpar nýju ljósi á viðtalið.  Miðvikudaginn 8.desember 2004 mætti Halldór Ásgrimsson, forsætisráðherra, í viðtal á Morgunvaktina á Ríkisútvarpinu. Óðinn Jónsson spurði forsætisráðherra um ákvörðun stjórnvalda um stuðning við stríðsrekstur í Írak, lýðræðisskref í Afganistan, vaxandi spennu í Úkraínu, áhyggjur af efnahagsþenslu á Íslandi og óvarleg húsnæðislán bankanna. Þá var forsætisráðherra spurður hvort ástæða væri til að hafa áhyggjur af útrás bankanna erlendis og miklum eignatengslum hér heima. Hugsanlega þykir einhverjum áhugavert að heyra þetta viðtal frá árinu 2004. 
 

ÓÐINN JÓNSSON