Widerstand

Verse:

DRüstig bereit und de Feind schiebt Panik/
sWüsse regiert usem Fall vode Matrix/
de kampf wird dramatisch/ hüt ish Tag X/
Dynamit Mentalität für de Abriss/
vo de Hure Babylons/ ihren Abstieg/
werded mir bezüge/ wie de Sturm uf dBastlle/
blib still denn es bringt alles nüt/
palts ziel vor de auge/ wiene fadekrüz/
vonere Browning/ M1919/
hesh de Erfolg seit jeder dassers gwüsst het/
intoleranz gegenüber schwachsinn/
de tanz mitem tüfel beendet/ de Abschied/
fallt mir eifach/ die Erfahrig min Atrieb/
schube wiene Rakete womer is All schickt/
Soldate/ bereit für de Konflikt/
zeiged ohne Gnade ufem Platz wer de Boss ish/

Chorus:

I bi eine vo dene wo Welle macht/
wil ich zuegeh cha dass ich au Fehler mach/
Scheu weder Arbet no Zitufwand/
wenn du au so eine bish körsh zum Widerstand/ 2x

Verse:

Schriber ide Hand und de Feind schiebt Panik/
Sende mini Rhymes als en Bote und Warning/
Übersättigt vo Schmerz und Erfahrig/
Wog ich de SChritt usem Schutz vode Tarnig/
Wie de David en Hirte und Kämpfer/
De König i mir inne wird grösser und stärcher/
Bildet sich witer/ trotz Sturm und Gwitter/
dLuft vode Freiheit heter scho gwittert/
Ohni Angst gege Löwe und Bäre/
en richtige Füehrer schützt sini Herde/
dLiebi wöt wise/ dAngst nume herrsche/ 
mit gschlossene Auge/ folgeds de Fährte/
gleit vom Fallesteller und sine Gfährte/
ali nüme süchtig nachem Glanz vode Perle/
Wert gönd verlore/ Mensche sind blendet/
doch ich bi de schriber ufem Blatt wo sich wendet/

Chorus:

I bi eine vo dene wo Welle macht/
wil ich zuegeh cha dass ich au Fehler mach/
Scheu weder Arbet no Zitufwand/
wenn du au so eine bish körsh zum Widerstand/ 2x

Outro: 

….




Widerstand

Grenzelos

CHORUS:

I fühl mich grenzelos/
Du chash di druf verloh/
I de grösste not/
Teil i immer no mis brot/
Grenzelos/
Wienen Adler wo/
Ide höchi trohnt/ 2x

VERSE:

2012 ish e turbulents jahr xi/
mengmal glaubi dass das alles gar nöd wahr ish/
Verkleidet als en kolossale fortschritt/
Git die chance schlussendlich am misserfolg de vortritt/
Und mer frogt sich immer wieder sgliche/
Was die wiederholte Enttüschige wohl bedütet/
Ermüedet vo all dene Rückschläg/
Sind sie doch en Teil vo mir wo mich do ane gführt het/
Doch i dem Moment ish der Lehrer ruhig blibe/
Zum usefinde wie sin Schüeler mit Widerstand cha ringe/
Wirds ihn i Knü zwinge/ und au selbst wenn/ wird er de Muet ufbringe/ damit er witerkämpft/ ufgeh ish ihm fremd/ mit sim Löweherz/ wonen isoliert/ wils anderi frustriert/
Genau das ish passiert/ i verstoh dich immer nonig/ statt als Unterstützig stufsh du mich ih als bedrohig/

CHORUS:

I fühl mich grenzelos/
Du chash di druf verloh/
I de grösste not/
Teil i immer no mis brot/
Grenzelos/
Wienen Adler wo/
Ide höchi trohnt/ 2x

VERSE:

Wieso de kampf Bruder?/ worum die ifersucht/
Nach langem Überlege xeni immer no kein grund/
I zell di zu mine jungs drum verdtohnis chum/ 
Selte lohnis zue dass eini i min kreis chunt/
Er ish eine vo üs/ en kämpfer und en hustler/
Doch I diner welt ish dis verhalte uf eimal andersh/
Mir hend de halt verlore wienen lose anker/
Du beschuldigesh mich/ ich risse dis Projekt a mich/ du hesh Angst/ wil min isatz dich verschrocke het/ i bin es alphatier wo sich behauptet i sim feld/ du bishes dir nöd gwöhnt/ dass du eine um dich hesh wo nebed dir e gueti falle macht und öpis druf het/ du übersesh dassi zwar en Löwe bin/ aber mini Kraft au nutze cha dass andri witerbringt/ und es stimmt/ i bin sensibel und au stolz/ genau wie du alte mir sind usem gliche Holz

CHORUS:

I fühl mich grenzelos/
Du chash di druf verloh/
I de grösste not/
Teil i immer no mis brot/
Grenzelos/
Wienen Adler wo/
Ide höchi trohnt/ 2x

VERSE 3:

Abeme gwüsse Zitpunkt simer trennti weg gange/
I ha vieles vo dir glernt darum segi danke/
Dini Fehler und Errungeschafte/
Sunne und Schattesite vomer Erfolg wemers gshafft het/
DVerändierig trifft di meistens unbewaffnet/
Unerwartet, wennd nöd gfasst bish/ Das ish das wo krass ish/
Drastisch/ ish dentwicklig ide letshte jahre/
I suech de Sinn vo all dem schmerz/ doch er blibt verborge
Mir fehlt e klari sicht/ alles ish verworre/
Herr befrei mi vo dem gwicht vo all dene sorge/
Ich bin de architekt vo dem zerstörte hus/
Doch wie de Phönix us de asche stohni wieder uf/
Bimene Königssohn ishes halt de Bruch/
Dass er dWüesti duremacht /bevor ihn de König brucht/
Sus ish das waner verzellt/ ohni Substanz/
Und durch die Schmerze haltet er jeglichem Druck Stand/

CHORUS:

I fühl mich grenzelos/
Du chash di druf verloh/
I de grösste not/
Teil i immer no mis brot/
Grenzelos/
Wienen Adler wo/
Ide höchi trohnt/ 2x



Grenzelos

VORBILD

Verse:

Du bish eine vo dene wo ned ufgit/
Au wenn di slebe härter trifft als en huftritt/
Da wo dir schub git/ xet us wiene trugbild/
Normalerwis sind doch ned schmerze da wo frucht bringt/
Aber bi dir ish andersh i weiss i kenn di sho lang/
Mir sind seeleverwandt/ scho beidi ewig im kampf/
Du gspürsh de drang/ zum epis bewege/
Deswege körsh du zu dene wo meh mached als reded/
Und sich wehred/ usbreched wie us alcatraz/
Mit liebi und respekt ned mit gwalt und hass/
Eine womer ned ufhalte cha/
Vo de Raupe zum Schmetterling zum entfalte gmacht
Souverän/ und das i jeden Moment/
Da seit jede über Dich wo dich scho länger kennt/
Folgsh ned jedem trend/ sondern bish original/
Stichsh use wienes Katana dur dAbdominal/ Region/
Nöd irgend en Klon/ sondern eine mit de eigene Interpretation/
Machsh dis/ eigene Ding/
Hesh din/ eigene Swing/
Bish zum gwünne bestimmt/
Solang du blibsh wie du bish/

Chorus:

Hüt morge/ lieg ich wach/
denk drüber nah/ was ich us mir mach/
nutz ich die Zit/ wonich han/
bin ich dra/ gang ich vora/
stür ich was bi/ für mis Umfeld/
Richtum definiert nöd viel Geld/
du bish es Vorbild/
sie ish es Vorbild/
er ish es Vorbild/
ich bin es Vorbild/
Du bisch es Vorbild/

Verse:

Du bish eine vo dene wo nöd ufgit/
nach sovielne huftritt/ bish du bekannt als de hufschmied/
genau das ish die Energie a dine Uftritt/
immer vo Glichgsinnte Sinn suchende umringt/
da wo di nöd umbringt/ git der Kraft/
darum lueged soviel zu dir ufe und sind baff/
und i has/ sho immer gwüsst/ mit dim Charisma/
wirsh umworbe wienen präsidentschaftskandidat/
Jede Rückschlag/ bezeichnesh als Glückstag/
Physiotherapie denn es kräftiget dis Rückgrat/
öper miteme bombe talent/
miteme Für i sich inne wo unufhörlich brennt/
slebe ish e gschenk/ das ish dini antwort/
wemer dich frogt/ wies dir eigentlich goht/
de womer sich druf verloht/ inere ernste Sach/
dini Mama und din Dad hend alles richtig gmacht/
hilfsbereit/ i jedere Situation/
für mich bish de leader vo dinere generation/
au wenn dus nöd eifach hesh bish du do wemer dich brucht/
wenn du am bode liesh/ denn stosh du wieder uf/

Chorus:

Hüt morge/ lieg ich wach/
denk drüber nah/ was ich us mir mach/
nutz ich die Zit/ wonich han/
bin ich dra/ gang ich vora/
stür ich was bi/ für mis Umfeld/
Richtum definiert nöd viel Geld/
du bish es Vorbild/
sie ish es Vorbild/
er ish es Vorbild/
ich bin es Vorbild/
Du bisch es Vorbild/

Vorbild

Mini Muse

Verse:

Soviel Schmerze hani dir zverdanke/ mittlerwile xenis nüme/
Trotzdem blibsh du mis verlange/ tüf vergrabe i mir drinne/
Has immer wieder probiert zum dich verloh fürimmer/
Doch mini liebi zu dir sie verfolgt mich wiene stinger/
Durch dich werd ich a mini Misserfolg erinnert/
Dchance zum mich glücklich mache hend sich immer meh verringert/
Dini Küss sind bitter/ hinter gitter
So chumi mir mengmal vor und so gohts eifach nüme witer/ 
Trotzdem bish en Teil vo mir und das sho lang/
Sit ich denke chan/ fasziniersch du mich mit dim Gesang
Obwohl du mich verletzesh/ bish du doch vo Gott gesandt/
Und wenn du mich versetzesh/ träumi vo dir nächtelang/
Tagelang/ machi mir gedanke über üs 2/ 
und schlussendlich verlohni mich uf dis urteil/
Mir sind zemegwachse wiene wurzle uf Granit/
Du gish mir Luft zum atme bis ich fast  sho dra erstick/
Wienen strick um min Hals/ umklammeresh mis Herz/
Du chash dir alles leiste/ viel zu viel bish du mir wert/
Du bish tüchtig/ und du füehrsh mich/ machsh us mir es alphatier/
Andri werde ifersüchtig und entferned sich vo mir/ 
Weni kör wies vo dir reded wird mir schlecht/
Und obwohlis wöt verneine gib ich ihne trotzdem Recht/
Du tuesh mir weh/ und trotzdem nenn ich dich mis baby/
Du bish salz i miner predigt/ i mim herz hesh dich verewigt/
du bish mis Talent/ Gottes Gschenk/
am Tüfel sini Tochter/ uf falschi Bahne glenkt/
permanent/ doch für mich bish du was anders/
wienen Töpfer hesh dich forme loh doch i dem Wandel/
simer usenand doch hend üs immer wieder gfunde/
wenn ich dich anderne vorgstellt han/ hend vieli eifach gstunet/
anderi hend xeit/ i söll mich endlich vo dir trenne/
wil sie dich eifach nöd besser kenned/ doch 
jede weiss/ wieviel Mensche du erreichsch/
jedes Gfühl chash du berüehre/ schmerze, liebi, hass und leid/
das ish dini Kunst/ doch ishes irgendwie ironisch/
Für die einte bish en Sege/ für die andere dämonisch/
melancholisch/ bish für mich/ wienich mich fühle/
Ich nutze dini Gabe/ anstatt nur probiere zgwünne/
Mini Muse/ und verführt bin ich ufs neue/
nur damit ich üses Liebespiel wieder bereue?

Outro:

Doch was bin ich ohni dich/

Ich existier nur wenn du blibsh/

Du bish en Teil vo mir/ du machsch mis Lebe us/
mis Herz nennsh du dis Eige/ bish dLuft i mim Atemzug/ 2x 

Mini Muse

Drums and percussion by Fabian Egger. 

Babylon

Intro:

Babylon/ i weiss wer du bisch/
und i gib ned uf bis du am bode liesh/

Verse:

Babylon/ sie nenned dich die grosse Hure/
wil du jede nur verfüehre wötsh mit dim getue/
e system/ wo mir üs ali drin befindet/
mit de illusion dass mir für üsi freiheit stimmed/
es mag stimme/ doch nur zume gwüsse grad/
schlussendlich simer ali gfange i dim Hamsterrad/ 
bis i üses Grab/ denn wird mer usgwechslet/
das ish de grund worum ich usbreche
i has mir usgrechnet/ mini chance sind nöd gross/
das ish defür min Gott wo Babylon scho lang bedroht/
er wird für mich kämpfe und bezeichnet mich als Sohn/
dich entblösse vor de Mensche ish mini Mission/
du bish die/ wo de ersti Stei rüehrt/
din Lakaie schickt/ wo uf falschi Wege fürht/
du bisch dschufle wo min Wille schürt/
mir beide wüssed wer de Kampf am schluss verlürt/

Chorus:

Babylon Babylon Babylon/ 3x
Ich bekämpf dich mit Tatkraft & Wort/

Verse:

Halt/ Bruder seg mir bish du würklich informiert/
über Mammon, Baphomet/ und das grosse Tier/
weish du würkli Bscheid über üsi Waffe/
wie mer üsne Stimme endlich Ghör verschaffed/ 
wie mer weniger reded und meh mached/
dMusik Industrie de gross Drache/
am Tüfel sin Spielplatz/ mit viel platz zum mit ihm tanze/
ums goldige Kalb/ ali sind in Exstase/
Egomane/ wo so volle vo sich sind/
dass ihren blinde Stolz ihres Lebe bestimmt/
darum gibi nüt uf award shows/
the award goes zu de grösste award hoes/
sklave vo dem buisness/ wo nur müll verzelled/
sich vermehred wie Ratte/ alte dlag ish verheerend/
dass mir üs wehred ish nöd zviel verlangt/
mir sind Rebelle und mir formed ez de Widerstand/


Chorus:

Babylon Babylon Babylon/ 3x
Ich bekämpf dich mit Tatkraft & Wort/

Outro:

Du suechsch üs/ du findsch üs/ du xesch üs/ du verfolgsch üs/ 4x

Babylon (feat. Fabian Egger)

Beat produced by J. Dilla

Lyrics: 

Dini Welt

VERSE:

Junge ma los zue/ das ish dini welt bau sie uf/
Alles was du dezue bruchsch ish din atemzug/ 
Leg dini hand uf din buch und du gspürshen/
Slebe ish en kampf nimm en uf sus verlürscheb/
En ma goht sin weg und ish gstärcht/ vo schmerz und entüschig wil sie breched ihm sHerz/
Doch die neu gwunne kraft ishes wert/
Fehler sind en sege solang mer eifach drus lernt/
Besser du entfernsh dich vo schlechtem Umgang/
Die schiefe Bahn führt oft zume unfall/
Suech dis Talent/ au wennds nonig kennsch/
Betracht es als Gottes Geschenk/
A de Mensch wo gerecht ish/ dem leit ers id Händ/
Und i dunkle Moment ishes ER wo dich lenkt/
Das söt dich bestimmt nöd verwundre/
Erfolg ish mit Träne verbunde/

CHORUS:

Los zue junge ma das ish dini Welt/
Slebe ish e sinnfonie/ und du de dirigent/ 2x

VERSE:

Junge Ma los zue/ behandle jedi frau mit respekt/
Nöd als e stuck fleisch oder sexobjekt/
Wenn es heisst ihren Ruef ish befleckt/
Blib en Gentleman und trotzdem korrekt/
De dreck vor dim eigene Hus sötsh vergliche/
Mit dem was du weish wennd e meinig dir bildesch/
Demuet/ ish e tugend vo de grösste/
Ungsunde stolz het Bereitschaft zum töte/
Zeig mam und dad wieivel sie dir bedütet/
Zit mit familie ish niemals vergüded/
Vermiede dumms geschwätz und au lüge/
Palt de durchblick da wo glänzt chan au tüsche/
Doch glaub ned de ussag: geld stammt vom Tüfel/
DLiebi dezue ish de Ursprung vom Übel/
Verlieb dich id Weisheit/ bilded en Einheit/ bis dankbar für gsundheit/ sie schenkt dir e Freiheit/ das het mit geld nünt gemein/
Die wo sie verlore hend verstönd wasich mein/

Chorus: 

Los zue junge ma das ish dini Welt/
Slebe ish e sinnfonie/ und du de dirigent/ 2x



Dini Welt

"Wohrheit", performed live @ Haslichile, Oberglatt - 26.04.2015

Wohrheit (LIVE)

Zeig Mir (LIVE)

Frog & Antwort (Live, Haslichile)

DIAMOND IN DISGUISE (RIHANNA COVER/INTERPRETATION)

VERSE:

Find light in the beautiful sea
I choose to be happy
You and I, you and I
But you’re a diamonds in disguise
You're a shooting star I see
A vision of ecstasy
When you hold me, I'm alive
We're like diamonds in the sky

BRIDGE:

I knew that we'd become one right away
Oh, right away
At first sight I left the energy of sun rays
I saw the life inside your eyes

CHORUS: 

So shine bright, tonight you and I
You beatufiul but you’re diamond in disguise/
Eye to eye, so alive
You’re beautfiul but you’re diamond in disguise/
Shine bright like a diamond
Shine bright like a diamond
Shining bright like a diamond
You’re beautiful but your’e a diamond in disguise/

VERSE:

Du bish so wunderschön/ lüchtesh wienen stern so hell/
palt ich dich i mim blickfeld denn wirds fast sho grell/
doch du entstellsch/ jede wo dir znöch chunt/
dis schöne wese handlet ohni liebe und vernunft/
du bish en diamant/ das ish dis üsere bild/
du bisch zum üsere bereit/ solangs din Hunger stillt/
wo usequillt/ usere mischig/ vo unsicherheit/
Arroganz/ Hass und Einsamkeit/
du hesh alles/ wamer sich wünsche cha/ immer wieder neu/
hüllsch dich ine gwand/ wovo en anderi träumt/
doch dini Freud/ ish wiene blueme ohni Wasser/
wienen sohn ohni de Vater/ wiene sunne ohni Schatte/
es ish alles nur es Hasche/ nachem Wind/ und darum ish/
dini Seel nöd zfriede/ und darum fehlt dir die Sicht/
uf das Wahre/ dLiebi wo grösser ish alles/
Darum nutzesh dini Schönheit als e Falle/

CHORUS: 

So shine bright, tonight you and I
You beatufiul but you’re diamond in disguise/
Eye to eye, so alive
You’re beautfiul but you’re diamond in disguise/
Shine bright like a diamond
Shine bright like a diamond
Shining bright like a diamond
You’re beautiful but your’e a diamond in disguise/


Diamond In Disguise

VIVE FORTIS

CHORUS:

Vive Fortis/ brother Live Strong/
don’t let em tell you that you not ready to lead on/
Vive Fortis/ sister live strong/
don’t let em tell you that you not ready to bring it on/

Verse:

Mir sind e Verbindig/ en Entscheidig/ und e Denkwis/
Lebensstil/ pure Energie/ Vive Fortis/
meh als e Produkt/ meh als nur es Kleidigstuck/
mir sind die Performance wo sich formt unterem Leistigsdruck/
ooohh!/ für Mensche gmacht wo Kraft bewiese müend/
solo unbekannt/ aber als kollektiv berüehmt/
verwechsle das nöd als en Werbesong/ wie Stress & Coop/
das ish dHymne für Mensche, wo kämpfed selbst i grösster Not/
Es het bildet sich i mir ine/ us mine misserfolg/
träne/ schmerze/ wuet und e Vergangenheit wo üsverfolgt/
doch genau i dem Moment bildet sich Kraft und Glaube/
es Gott vertraue/ ufem Fels wöt ich mis Hus erbaue/
mir bliebet starch/ au wenn Sorg üs de Schlof raubed/
glaubed ad liebi/ au wennd de meiste nöd chasch traue/
mit hammer und meissel/ formed mir Visione
döt wo die meiste resigniered griffed mir nach de Krone/
Mir lebed inere Bewegig wo jede sin Traum wöt verfolge/
mit der Mentalität wirsh du da ine gebore/

CHORUS:

Vive Fortis/ brother Live Strong/
don’t let em tell you that you not ready to lead on/
Vive Fortis/ sister live strong/
don’t let em tell you that you not ready to bring it on/

VIVE FORTIS

ORIGINAL BY XEN - SANDCHASTE

LYRICS

VERSE: 

I bin eine vo dene wo weiss wie de tüfel/
Üs nter Druck setzt mit dem waner do bütet/
Luege wie du dich verschlucksh a all dine lüge//
I söll mi us freie stuck verchrüche/
Dir ish nöd bewusst/ dass ich au im Dunkle wird lüchte//
Ihr wönd da wani sege verbüte/
Wil da wani zsege han öpis bedütet/
Hender angst vorem wolf wener hüled/
Praaaah/ wiene schlange sinder eu am hüte/
Schnorred soviel dreck/ werdet verfolgt vo flüge//
Mit de fackel ide hand fackel i nöd lang/
Darum mueni verzelle wani zverzelle han//
I wird eu ali überlebe wiene Schabe/
Mit de schufle ide hand bini bereits es loch  am grabe/
Und i warte unter Tage/ uf die Zite weni ihr falled/
Ohni mis zuetue/ werdet ihr guet gnueg/ verscharred/
Das ish euen eigene Verdienst/
Jede bechunt im lebe waner verdient/
Aber i bin immer de/ wo de witer weg/
Goht/ spitte wil de beat flasht/ you better call backup/ ziele wie de deadshot/ BAAH/ headshot/
DRuhe vorem Sturm wie de Fedor//
Erkenne mini Fehler/ bitte um vergebig/ und darum het sich die sach für mich erledigt//
I bi wie de König David/
Gibe jedem vo dene Hüchler en Arschtritt/
Und weiss wener nagit/ 
Machi platz für de Zorn vo mim Gott wone Plog schickt/
Mini Klinge a dim Hals wie bim Hoorschnitt/
Zerst Gross gred/ alles leeri wort xi?
De Muet de Verloht dich/ los guet zue und du weisch wienen Boss tickt/

CHORUS:

Je meh Erfolg ich han/ und min Weg nach obe zielt/
Desto meh schürts euren Hass und ihr bekämpfed mich/
Mit allne Mittel wönd ihr dass ich unterlege blib/
Doch i kämpfe witer selbst wenn ich im sterbe lig/ 2x

BRIDGE:
Ihr werdet versücht/ bis is letschte glied/
Euen Geist ish betrübt/ und xets nöd ih
Eui Niederlage goht id Gschicht ih/
Eui falschi Fassade/ sie bricht ih/ 


VERSE:

Keine vo dene git mir jemols en Moment/
Zum erkläre weri bin und de grund wieso i so denk/
Sie wönd dass i brenn/ und zwor lichterloh/
Wil alles wani sege ihri Macht bedroht/
Mittlerwile wüssed sies und merkeds scho//
Entblüht ish en Kampf um de Thron/
Ihr blibed verschont/ vom Martyertod/
Doch Swasser woner trinket wönd es färbt sich rot/
Praaah
Bish sho mal em Tüfel gegenüber gsesse//
Wiener unerwartet wienen cheff dressed ish/ zum din glaube teste/
Ein falsche Schritt/ und ein falsche Tritt/ 
Bruder du hesh en gesse/
Darum wird ich eine vo de Beste// wo mit de Axt de Kopf trennt vo de Bestie/ 
SHerz us de Brust userisse zums esse/
Bluetüberströmt/ denn die Nacht durefäste/
I spitte wienich en wahn/ sinnige wär/
Wie eine wo sich ernährt/ vo allem wo sich verfärbt/ chum usem dunkle daher/ 
Ufeme brennende Pferd/ miteme Kopf vome Bär/ schwinge mis bluetige Schwert//
Ihr seged ihr behandled mi fair/ 
Tönd als öb nüt wär/ doch fakt wird blibe/
De Pakt mitem Tüfel hender unterschribe/
Ihr wönd dass i lide/ am bode lige umrahmt vode kride/
Nur i dine kühnste Träume Kolleg/
Legasteniker für di binis Alphabet/
I rede wienen Prophet/ da wani sege wird gscheh/
Ihr werdet untergoh wiene schiff uf de stürmische see/
Titanic/
Mini Wort sie entfached e Panik/
Unter eu/ und ihr fürchtet min ablick/
das blibt fürimmer bestoh/
Min Wille zu Risse und Gwünne wird endlich belohnt/

CHORUS:

Je meh Erfolg ich han/ und min Weg nach obe zielt/
Desto meh schürts euren Hass und ihr bekämpfed mich/
Mit allne Mittel wönd ihr dass ich unterlege blib/
Doch i kämpfe witer selbst wenn ich im sterbe lig/ 2x

BRIDGE:
Ihr werdet versücht/ bis is letschte glied/
Euen Geist ish betrübt/ und xets nöd ih
Eui Niederlage goht id Gschicht ih/
Eui falschi Fassade/ sie bricht ih/ 

OUTRO: 

I weiss, dass ihr glaubet, dass ihr gwunne hend/
Ihr hend mi au döte troffe, wos würklich weh tuet/
Aber wüsse ihr, was eues Problem ish?/
I mach immer witer/
I het au chöne sege/ Ok That's it/ I gib uf/
Nöd de, wones Herz vomene Spartaner het/
AAHU

König David

Der Mund spricht, wovon das Herz voll ist. 
- Matth. 12.34

JAMAYL

Popular tracks