ريكورد عشوائي

الكلمات :- 
أمي العزيزة 
نقطتين و شَرطة             :- 

سايبلك عمري فـ الفيزا
و فـ الأقلام
و قصايدي
و الأفلام

سايبك بحنيتك
تحاربي قساوة الأيام 

و أبوس إيدك
أوعي الدموع تطول عينك 
عليا يا عيني مـ الحسرة

نقطة و فاصلة                     .،

أنّي رأيتك يمّا بتلعني أنك
مش عارفة نجهزي بنتك
أني رأيتك يمّا خايفة من أنك
لحد يمد إيده فـ سيّالتك

يكتشف أن مافيش سيالة
طول عمرك قلم رصاص
و الدنيا براية

و أنتِ عرفاني 
ماليش في الدنيا شيئ خالص
و معرفلهاش قفا من وش

الدنيا مَنجل 
و أنا برسيم 
و أبويا يحِش

المرة دي مش جي أعيطلك 
ولا أشكيلك 
ولا 100 معلش هتوصلي
الخوف توب متفصلي

آخر مرة و أنتِ بتصلي 
شوفتك و سمعتك

فاصلة                  ،
شوفت
نقطتين و شَرطة

إيدك و هي مرفوعة 
كان من منها لسقف ربنا

دموعك 
و هي نازلة حفر فـ خدودك
و جلود كعوبك الميّتين

و هدمتين فوق السرير 
و كعبة المصلية غرقانة
كأن الكعبة فوق البير 

و الأوضة حواليكي بتموت
المِلايات دابت
مولل السرير شابت 
من سوس الخشب و العُمر

و الدولاب أبو ضرفة واحدة اللي مسنداه ع الطوب
هو كمان السوس كله 
أصبح مخرم زي الجيوب

إحساسك ساعتها وصلي
الشكوة أطول مـ بتصلي
كنت خايف حاجة تحصلي
و أنا شايف المشهد من بعيد

فاصلة                 ،
وراها فاصلة         ،،
سمعت
نقطتين و شَرطة     :- 

سمعتك و أنتِ بتناجي
كنجمة صبح بتلالي في السما تايهه
كأنك طير و رابطينه 
علشان يدوّر الساقية

كأن الدنيا دي ملأَ
و مافيش غيرك بشر فيها

سمعتك و أنتِ عمالة ترددي || محمد ||
و بتوصيه يراضيه
و يعينه يجهز إخواته
و يقدره ع مين يعاديه

ساعتها يمّا خانتني رجلي
و وقعت في الصالة
الدنيا حصالة 
و إحنا معناش حاجة تتحوش

و أنا قررت أدفع عمري
لأجل أمي 
و اتنين بنات

نقطة                   .

اللي فات
كان جواب سيبته فـ البيت 
قبل م أسافر 

|| 29أكتوبر2021 ||
|| عزبة شماعة ، قنطرة النعناعية - أشمون - المنوفية ||
|| أنتهت في السابعة صباحًا ||

مش جاي أعيطلك - محمد بن عادل | mesh gay a3yatlek - Mohamed bn adel

خَلفَ شُرفَتَيِّ المَاضِي وَالحَاضِرِ، أَقِفُ أَنَا..
يَطِلُّ عَلَيَّ هَزِيمِي السَّابِقِ مِن شُرفَةٍ، وَأَطِلُّ أَنَا عَلَيكَ مِنَ الأُخرَى؛
أَكبَحُ زِمَامَ جُفُونٍ لَو تَرَكتُ لَهَا المَقَالِيدَ لَصَارَتِ الأَرضُ مِن تَحتِيَ مَذبَحَةَ دُمُوع!

تَغلِبُنِي عَينِي مَرَّةً..
فَتُنصِفُ حَنِينِيَ، وَأَغلِبُهَا مَرَّةً.. 
فَيَنهَزِمُ قَلبِي؛

تَارَّةً تَهوَي عَبرَةٌ، وَتَارَّةً تَهوَي رُوحِي، وَتَارَّةً يَهوَي السُّؤَالُ "أَلَم يَكُن مِنَ المُفتَرَضِ أَن نَعبُرَ كُلَّ هَذَا سَوِيًا؟" 
فَأَهوَى أَنَا إِثرَهُ. 

كَانَ عَهدُنَا فِي الدَّربِ أَن نَمضِيَهُ سَوِيًا، فَمَا بَالِي أَقِفُ عَلَى نَاصِيَةِ فِرَاقٍ لَا أَقتَفِي لِأَقدَامِكَ أَثَرًا فِي مَوضِعِ خُطوَة! 
مَنْ مِنَّا فَتَحَ لِلفُرقَةِ بَابًا فَأَطَاحَت بِنَا أَعَاصِيرُ الأَقدَار؟..

 كَرَّرتُ مَشهَدَ فِرَاقِنَا فِي ذِهنِيَ مَائَةَ مَرَّةٍ، مَائَةَ مَرَّة.. 
وَلَم أَعرِف أَينَ كَانَت الثَّغرَة! 

رَسَمتُ فِي مُخَيِّلَتِي آلَافَ السِّينَاريُوهَاتِ المُختَلِفَةِ التِي يُمكِنُ أَنَّهَا كَانَت سَبَبًا لِنَفتَرِقَ، وَلَم تَكُن إِحدَاهَا مَنطِقِيَّةً قَط! 

لَا زِلتُ أَذكُرُ لَمَّا تَعَثَّرتُ بِقَلبِكَ ذَاتَ هَاوِيَةٍ، كُنتَ عَلَى شَفَا وَهَنٍ مِنَ المَوتِ، وَكُنتُ عَلَى شَفَا نَظرَةٍ مِنَ الوُقُوعِ فِي حُبِّكَ! 

وَلَمَّا حَدَثَ وَأَدَرتَ لِي عَينَيكَ..
التَقَفتُ مِنهَا يَأسًا وَدَثَّرتُ رُوحَكَ بِعَينَيَّ، ثُمَّ اندَثَرتُ أَنَا طَيَّ قَلبِك..
لَم أُحِط عِلمًا بِأَنَّ أَورَاقَ قَلبِكَ بَالِيَةٌ، وَكُتِبَ عَلَيَّ فِيهَا هَلَاكًا مَا لِرُوحِيَ بَعدَهُ حَيَاة!

تجرَّدَتْ مِنِّي الحَيَاةُ لَمَّا جَرَّدتَنِي مِنكَ، وَأَبصَرتُ كُفُوفَ يَدَيكَ مُلَطَّخَةً بِشَظَاَيا رُوحِي دَاخِلَهَا، انكَسَرَ دَاخِلِي قَلبٌ، دُونَ مَجَازٍ أَو استَعَارَاتٍ، فَفَقدِي أَكبَرُ مِن أَن تُوَارِيهِ كِنَايَة!

لَم أُبصِرْ فِي رُوحِكَ سِوَى الجَمَالَ بِعَينِ نَفسِي، وَأَرَيتُكَ فِي نَفسِكَ جَمَالاً لَم تَكُن لِتَرَاهُ بِغَيرِ عَينِي، فَأَرَيتَنِي فِي نَفسِيَ سُوءً لَم أَرَهُ بِغَيرِ عَينِكَ، ثُمَّ فَقَدَ نَاظِرِي رُؤيَةَ الجَمَالِ فِي العَالَمِ وَفِيَّ، فَوَجَدتُ نَفسِيَ أَضَعتُ نَفسِي! 
أَهَكَذَا رَدَدتَ الجَمِيلَ؟..

يُرَدِّدُ صَوتِيَ مُتَأَثِّرًا :
"لَا أُبصِرُ سِوَى الخَيرَ فِي الأَشيَاءِ
لَا أُبصِرُ خَيرًا فِي الأَشيَاءِ 
لَا أُبصِرُ الأَشيَاءَ 
لَا أُبصِر!"

وَيُكَرِّرُ .. 
"لَا أُبصِرُ سِوَى الخَيرَ فِي الأَشيَاءِ
لَا أُبصِرُ خَيرًا فِي الأَشيَاءِ 
لَا أُبصِرُ الأَشيَاءَ 
لَا أُبصِر!"


فَلَا أَسمَعُ فِي الثَّالِثَةِ لِصَوتِيَ صَدًى، 
بَل تَصدُو خَلفِيَ الخَيبَةُ وَيَسُودُ بَعدَهَا صَمتٌ.. 
"لَا تُبصِرُ سِوَى الخَيرَ فِي الأَشيَاءِ
لَا تُبصِرُ خَيرًا فِي الأَشيَاءِ
لَا تُبصِرُ الأَشيَاءَ
لَا تُبصِر..
تُبصِرُكَ خَيبَة!" 

فَتَلُومُنِي الخَيبَةُ، وَتَهزَأُ بِي بَصِيرَتِي، وَتَهزَأُ بِي خَيبَاتِي، وَيَهزَأُ بِيَ المَاضِي وَالحَاضِرُ وَالشُّرفَةُ الَّتِي أَطِلُّ مِنهَا عَلَيكَ!
حَتَّى قَلبِي!
حَتَّى قَلبِيَ يَشمَتُ بِي وَالخَطَأُ خَطَأُه!
مَنْ هُو رَبُّ المِيزَانِ ليَقلِبَ هَكَذَا القَدَر!.. 

لَطَالَمَا شَهِدَتْ شُرفَتِي كُلَّ انطِلَاقَةٍ مِنِّي نَحوَ العَالَمِ، وَلَطَالَمَا غَمَرَهَا نَسِيمٌ إِثرَ رَفرَفَةِ أَجنِحَتِي، وَالآنَ.. وَلِأَنَّكَ كُنتَ أَضعَفُ مِن أَن تَترُكَ لِتَخَلِّيكَ مُبَرِّرًا، سَأُشهِدُهَا سُؤَالاً تَتلُوَهُ عَلَيكَ، مِن ثُمَّ المَوت.. 

"أَعطَيتُ قَلبَكَ أَجنِحَةً وَقَد كَانَ أَبتَرَ القَدَمَينِ لَا يَقوَى عَلَى الخُطَا فِي دُرُوبِ الحُبِّ، فَبِأَيِّ ضَمِيرٍ خَذَلت؟" ..

#روان_عبدالواحد
إلقاء: هاجر عبدالمنعم
هندسة صوتية: علي عسكر

شُرفة موت 🍂 بقلم: روان عبدالواحد، أداء صوتي: هاجر عبدالمنعم هندسة صوتية: علي عسكر

مزيج "أنا ليه بقيت كدة"
المزيكا والمشاهد اللي مستخدمها بالترتيب:
موسيقى فيلم عريس من جهة أمنية
فيلم آسف على الإزعاج
فيديو شريف قمر
مسرحية 1980 وانت طالع
وائل الفشني فوق كتافي حمل مسلسل طايع
فيلم إكس لارج
غالية بن علي راحوا الحبايب
موسيقى (The Lonely Love)
الفرعي راحت يا خال
فيلم في شقة مصر الجديدة
فويس نوت
مسلسل الحصان الأسود
فيلم كدبة كل يوم
فيلم أرض الخوف

أنا ليه بقيت كدة ؟!

Facebook profile:
https://www.facebook.com/M7mdess16
lyrics:-
اخِر جواب
كان فيه بَوادِر الإنسحاب
لَجل الخروج م الإكتئاب
...بالفضفضه.
اخِر جواب مش مِن فَضَا
ومهوش عِتاب.
ده عَشان اكَمِل راضي مُجمَل سِكِّتي
مقصُدش منه إنى ناوي نكون سَوا
بالعكس تأثيرِك فَلَت من جتِّتي...
زي الهَوا.
مَبَقِتش بسرَح ف اللي فات مِن عُمرِنا
مَبَقِتش بزعل او بخاف او بَرتِجِف
شكل الحياه راح م المؤكَد يِختلف
والراحة دايما تِتحسم حَسَب الدوا
حتي الورق..
مبقاش يزورني ف وِحدتي
علشان اسيبلِك فيه حَصِيلة كام سنه
وان الفُراق خلَّاني نُسخَه لمُنحني
او حَتي اقولِك إني مفضِلتش انا!
لَجلَن ترُدي وتكتبي...
فياريت بلاش تِستَعجِبي!
لو قولت إنِك بس هاجِس ع الوَرَق
وإنِك مُجرَّد شوق َوخَدني لمُفتَرَق
وإن إنتى قَش ساعدني لكن ع الغَرَق
ده لإن عُذرِك ف البعاد كان مُختَلَق
وإن إنتى كُنتي بتكدبي!
مبقِتش بسهَر ف الشتا تحت المَطَر
ولا حتي احِب الوقفه تحت البَلَكونات
مبقتش اصَبَر بيكي قلبي اللي انفطر
مبقاش فاضِلي ف ضِلي شئ م المُمكنات
جواباتِك اللي شالِتها عِيني ف نِنَّها
خوفاً عليها مِن التَلَف او م الضَياع
كَلِماتها كانِت أُكسُجيني لَكِنَّها
دابِت مِن الخوف اللي غيَّر الإنطباع
اسفَلت شارعِك اللي خَد علي خَطوتي
مبقاش يدوقها صُدفه مِن يوم بُعدَها
اسفَلت شارعي اللي إبتسم علي ضِحكتِك
مَعَدش يضحك تانى ليه مِن بَعدها
ضَمِّة إيديكي اللي إتعزمت ل حُضنَها
مَبَقِتش تِفتَحلي امَّا أخَبَط واطلُبه
مَبَقِتش تسمحلي ب عياط علي كِتفَها
مَعَدِتش تِتصدَر ل حُزني ف تِغلِبه
سَبَب الكَلام...شَرْح ل هلاوِس مُزعِجَه
مِش مِن دَواعي المسأله والإحتياج
ومَهوش جَرَس دقُّه الحَنين بالمَطرَقه
أنا بَحمي روحي مِن مَشاكِل الإزدواج
وعَشان مخُشِش ف إكتِئَاب ويهِّدِني
ويُدُوب هَوَس روح الهروب لو شَدِّني
وابقي ف طابور عرض الأمل ف يعدِّني
كان لازِم أبعَت وقتها أخِر جواب.

آخر جواب - محمد عصام

Mkantsh Mogarrad Omnia | مكانتش مجرد أمنيه

مخونتش حد

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول - حسين الجناع - مجهول
Hussain Aljenaa: https://goo.gl/ey7PZV
copyrights © 2017 Mustafa El-Mallawani - all rights reserved

الكلمات 
_____
ليكي اختيار القرار فاختاري ما شئتي
اما فراق باحترام او تقبلي خطئيتي ..
وخطيئتي طبعي ..
وطبعي يا حلوة مش ذنبي !
ايه اللي ممكن يفوتني وانتي موجوده
ايه اللي ممكن يفرح وانتي مش جنبي ؟
عيوني صافيه وبريئه وكلهم تفاصيل
اختارت اواجه مصيري وابقي زي الشمع
ليكي اختيار الطريق وانا ملتزم بالسمع ..
لا هو اول وداع ..
ولا هو اول عياط
ولا هو اول فراق
ولا هو اول دمع !
ولا هو اول طريق بمشيه وانا مضطر ؛
الموت في وسط المحيط
بيبان مخيف لكن
أشرف كتير م الموت ومن الغرق ع البر .
..
مخنتش حد ..
ودمي طاهر زي ديب - يوسف -
وعيوني أنبل من شهيد مولود
اخواته خانوا و الدليل موجود
وقميصه يشهد اني مقتلتوش
جعان صحيح ولكني مأكلتوش
عطشان ورافض دمه يبقي الريّ
سألوا القميص يا هل تري قتلوه
صرخ القميص والله يوسف حي
قال النبي لولاده صبر جميل ..
فيه ياما ناس اتخانوا فانتصروا
بكره القميص اللي اتقطع بالزور
يحضن عنيه ويرد له بصره .
مخنكتيش ولا طبعي اني بخون
مفهمتنيش ولا معني ولا مضمون
باعلن برائتي من ظنون الناس
او بنت ساقطه تفتكرني زبون !
هتخسريه وتسيبي حضن ايديه
وتشوفي صورته بكره تبكي عليه
وتقولي لابنك كنت هابقي معاه
واكون قصيدته وربنا مأذنش ..
هتشوفي شِعره يوحشك علي طول
وتقولي يمكن كان جدع ومخانش
هتقولي كنا حضن روح بالروح
ورسمنا بكره بس بكره مكانش
والله فعلا كان جدع طيب ..
كان حلمه يرسم ضحك في شفايفك
ازاي يخونك شخص كان شايفك
بلسم همومه ومنتهي طموحه
كنتي المسكن جوا شرايينه
وما بين عيونك تنتهي جروحه
يشهد علينا كوبري قصر النيل. .
او كلمه طلعت في الهزار بقي جد
مخنتكيش علشان مفيش ولا حد
في الدنيا يأذي او يخون روحه !
..
مكتوب علي روحي تحزن
ولا يعرف وشي فرح
علامات القسمه عندي
دايما تقلب ل طرح
واقف متغمي عينه ..
وبيجري في حاره سد
عمال يخبط في روحه
واهو جرح يغطي جرح
كل اللي يبان بيبرق
مضروب جواه مفك
كل التفاصيل بتخلص
وبتفضل ع المحك
مشاوير روحناها مره
او شات مليان هزار
علاقات بالكوم بتخلص
لو يوم يدخلها شك
قالت خليك مكانك
قربت وقولت لأ
قالت لو جيت هاسيبك
وتقضي العمر زق
كان صوتها يبان بيضحك
بس التهديد صريح
قربت وقولت عادي
البعد علينا حق ..
بياع الحزن شافني
لم اللي معاه وقام
عدي في جنبي وكشفني
من غير ما يقول سلام
طبطب علي كتفي جامد
وبعطف وحب قال :
اول مره يقابلني ..
في حياتي الحزن خام
..
عارف باني عبيط ومفيش امل فيا
ولا ليا ذنب في شئ ولا كان هناك نيه
يمكن لساني طويل ويجوز قليل الادب
انا معترف لكن والله هي السبب ..
قالوا القتيل واحد والفرق في الاسباب
وانا كنت بعمل لها مع كل خطوة حساب
قللت من دوري ورفعت من دورها ..
بحفظها في غيابها وبصونها في حضورها
لا بابص علي تانيين ولا بجري ورا غيرها
باخدها علي عقلها واجاريها واسايرها
بسكت اذا اتكلِّمِت قال يعني وش كسوف
وباغير علي عنيها من كل عين بتشوف
لا عاكست مره بنات ولا ليا في التسبيل
جددنا من تاني قصة "قابيل" و "هابيل"
شوفت في عنيها دليل لكن مصدقتوش
واديتها دور البطل في روايتي وانا جاهل
وفي يوم ما دار الزمن ووقعت قدامها ..
ضحكت بصوت مفتعل وقالت لي تستاهل
..
مش كنا اولي بكل يوم بيفوت
مش احنا اولي بكل ثانيه تمر
حطيتي ليه وردك في ارض الغير
و زرعتي ليه الحلو جوا المر
يا حلوة عندي كام خبر وحشين
ومعادش عندي اي حاجه تسر
قربك وحشني بس مش بالايد
بعدك بيوجع بس مش بيضر
ادي اللي شاف البعد موت .. بيعيش
و بدأ يفوق من وهمه بالتدريج
وادي اللي كان في السجن مش مرتاح
كره حياته لما اصبح حر !

1 December | ما خُنتش حد

محمد عبد الفتاح - أسطورة أنطونيوس

Music & Edit: Shihap Tarek
https://www.youtube.com/channel/UColkTjt067T3mvu62OFXKTg
Photo by: Youssef El_Deek 
https://instagram.com/youssefeldeek?igshid=1vwkl0weayn2h
The writer & Voice Over: Rawan Slama
https://instagram.com/rawan_slama2?igshid=1y1ttyvhjrh7x

 Lyrics : 
بدون عنوان و بدون تفاصيل 
جوايا كلام لو اقوله اساع الكون حواديت 
وانا اللي من أول ما وعيت ع الدنيا قالولي ده الصبر جميل 
فصدقت و صبرت .. 
و انا مهما طال صبري لقيت الصبر محتاجله مية صبر وصبر فوقيه 
عدت الايام و خلص الصبر و خلصت معاه 
لا لقيت الدوا عند اصحاب و لا اغراب
و سمعت البكا مع انفاسي بينده على امل مبرود 
وأنا مهما عليت انفاسي ملهاش صوت و انا مهما ندهت ملقاش حد 
و يطول الصبح و يطول الليل و انا في حجر على قلبي مش قادر أحس بالاتنين 
الصباح زي المسا فى شيل الهم و التفكير 
منفوخ فيا الروح لكنها باهتة وكل العيون كانت شاهدة ان فى وجودي كأني مش موجود 
المشاعر كلها متشتتة و كأن القلب اكتفى من البهدلة و الجري و الصدمات 
خايف اكون ببعد وقت ما يكون لازم اقرب و خايف اقرب ليكون جه وقت البعاد 
وقت ما قالوا الصبر جميل نسيوا يقولوا أن العشم جارح و اني في يوم هتعلق بناس مش دايمة 
و ان القلب اللي جرحنى مسيري في يوم اكون جارح زيه منغير قصد 
خصيت فى مرسالي سطور لكل قلب وحيد 
كان كل أمله يلاقي صديق يشده من وحده و ضعف ماليينه
كان لازم يعرف أنه مهما استنى محدش جاي 
كان رد صادق منى يوم ما سألتني مالك و قولت مفيش .. الوحدة و الخوف و الألم كان عادي يتحطوا تحت اسم مفيش 
فإن كنت صحيح باقى او مهتم 
فمفيش أمل م السرد و الحكايات 
مفيش رجا من قلب خاف حد البرود
مفيش فايدة من حزن متكرر ومن كتر اسبابه أصبح ملوش اسباب 
مفيش مفر من دنيا مش شبهي و من نفس معرفهاش 
فأنا اللي جوايا والله ما اعرفله بداية و ان بدأ مينتهيش 
كشبك متفشكل لصياد اعتزل الصيد بقاله سنين

مالك ؟ ... مفيش _ روان سلامة

" نرجع ؟" 

Voice-over : Mohamed Khaled
 Proud by : Abdelrhman Samir
Cover made by : Asma's Art

The words :
أزيك؟
عارف إن كلامي مش هيوصلك والبلوك بتاعك طول.. بس دا مايمنعش إن أنا برتاح لما بفتح شاتك وأتكلم فيه..
لا قادر أتخطى الوحدة، ولا قادر أكون مع الناس، حاسس بنوبة حزن لا ع الخاطر ولا ع البال، كل اللي شايفني مستغرب، مش دا اللي كان تافه وحزنه لا يتشاف؟ أديكي شوفتيه، عرفتي الفرق؟ 
قنبلة بؤس بتتفجر من كتر الإهمال، حواليا كتير، لكن معايا مفيش، في مواقف كتير بتبين لكن ميهمنيش كل دا.. انا عاوزك..

كنتي بتقوليلي؛ لو مش سايعك العالمى ف حضني يسيعك، العالم سئ جداً وأنا محتاجك، لا عالم بلاقي فيه راحتي، ولا حتى طايلك  أنا ف عز إنكساري ومع ذلك بلجألك 

كله كوم وريحتك ف هدومي كوم تاني، لا مساحيق نافعه ولا عقل قادر يستوعب، شئ اناني.. أنك تكوني عايشه وحياتك ماشية وأنا بخبط ومش راسي

نقول نرجع الاقي ف عنيكي الفرح يدوب أرمش الأقي الخوف جه وحضر  بتخافي لأرجع زي الأول كنت صعب وبتحول لكن الأصل كان غالب وأنا ف الأصل بحبك.. مش زي الأول..

Follow me on :

www.Facebook.com/mego131
www.Instagram.com/mego131
What's up : 01152600726 

 

تِـعـرَف يَـا غَـرِيـب - عُـمر أشـرَف.

Omar Ashraf

Recent comments

Muhamad Taha Gado

Hâmõ Hämđý

Salma Helmy

Donia Nossier Nossier

Related tracks