مشكلته بدأت في الأول
من نظرة لبنت في الشارع
في ليلة البرد كان جايع
مع انه لوحده كان باصص
ولا هي حاسة بيه خالص
لكنه ساب عقلة الخصب
يتخيل بخياله الواسع
ساعتها بدأ فكره اللاسع
يخلق أحداث نادر تحصل
تخيل نفسه راحلها
ضحكتله قام ضحكلها
وبكل جراءة قالها
"من النهارده انتي حبيبتي
وبكره هتكوني خطيبتي
وبعده هتكوني مراتي
انتي قمر مالي حياتي
ومنك هيكونوا ولادي"
بيبني الفكرة فوق الفكرة
متخيلها هتحصل بكره
و انا واقف مزهول بتفرج
ساعتها مقدرتش أسكت..
يابني فوق دي مبصتلكش !
طب انت تعرف أسمها؟
طب سنها؟ ميعرفش !
ماهو لا انت عارف أسمها
ولا سنها ولا حتى مكان تروحلها
أزاي تقول بتحبها؟!!
قام حط فـ ودنه السماعة
وكأنه مش سامع حاجة
بيفكر ساعة ورا الساعة
قعد بيفكر ساعتين
مش عارف يمكن شهرين
ولما فاق كان لوحده في الشارع
حبيبته مشيت..

-كائن مغفل -


Omar K. El Gabaly

Popular tracks