مَصر بِتكبر رَغم الصَعب | أنغام_جديد

محمد ابراهيم - كتبت وراكى بالمللى

اخرجي مني


باب اللوق 

كلمات مصطفي الجارحي
لحن مصطفي رزق
توزيع موسيقي احمد الصاوي

في باب اللوق
قعدت استني جيتها و بتمرجح بحبل الشوق 
و ناس تيجي و ناس ماتجيش
و هي ليه ماهيش جايه
و ناس علي عينها قافله الشيش
و ناس بتنط في عنيا 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق 

علي يميني شباب بيغني للثوره
و بنوته تقول الست مش عوره
علي شمالي مظاهره جايه من شبرا 
عجوز يصرخ يقول والله سنين غبره 
يضيع صوته في كومه قش كما ابره
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

وناس تسآلني عالكرسي و اقول محجوز
تكشر قبل ما تمشي و تضرب بوز
و بنت مسلوعه ترقص لواد كلبوظ
و جرسون زي فرقوعلوز يقول عايز كمان قهوه
و اقوله يعوز .. اقوله يعوز 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

Bab Ellouq .Mostafa Rizk باب اللوق مصطفى رزق

قصيدة مابين اللحظة و اللحظة .. عمر عثمان... اهداء الي ابي

مجرد حضن لدقيقتين .. ل/محمد ابراهيم .. بصوت/مروة محمد ❤

غناء : محمود بدراوي
لحن : محمود بدراوي
جيتار : محمود بدراوي
كلمات الشاعر : عمرو حسن
فيه حاجات كتير 
مستنياك 
وأملها تتحقق معاك 
وحاجات كتير بتموت عشان 
غمضت عينك عنّها 
فيه شاي مسيرك تشربه 
وكلام جديد هتجربه 
ومعاد هييجي وتضربه 
علشان سهيت عنه بغناك  
...........................................
فيه لسه شارع مامشتوش 
وتراك جديد ماسمعتهوش 
جاكت ف دكة الانتظار 
مستني يتعرف عليك 
ومج ايده لوحدها 
يتمني لو يلمس ايديك  
فيه بنت بكره تشوفها طالعه من الغياب 
تكمل معاك وتكملك 
زي ما قال الكتاب
..........................................
فيه لسه ضحكة من كاشير 
هتشوفها مع دفع الحساب 
وفيه برد هيجيلك يصاحبك 
يبقي صاحبك ف العذاب 
أو جون هيخطف صرختك 
أو شعره جنب مخدتك 
سماعة صاحية ف وحدتك 
والسلك من تشغيله داب
 
فيه حاجات كتير 
ورا كل باب 
فتح عينيك على وسعها 
تطلع بروحك للسحاب 

فيه حاجه قادرة تكئبك ده شيء أكيد 
بس الأكيد فيه ألف حاجة 
تخرجك م الاكتئاب
follow :
https://www.facebook.com/Mahmoud.Badrawy.official/

محمود بدراوي-حاجات كتير مستنياك Acoustic

‫لا شيئ يعجبني - محمود درويش‬‎

كلمام ميدو زهير
ألحان أمير صلاح الدين
توزيع وليد ميمني
هندسة صوتية محمد صقر

الراوي (محمد محي - بلاك تيما)

الأسم عمر عثمان أسماعيل علي.. السن ٣ ۲ سنة.. من مواليد القاهرة.. خريج الأكاديمية البحرية قسم نقل دولي.. طبعا" هقول زي الفنانين ان هي لها فضل كبير أوي عليه وان هي علمتني كتير بس انا مش واثق من المعلومة دي لغاية دلوقتي. بص. هو أنا ممكن تقول كدة بحاول أحسب نفسي واحد من شعراءالعامية في مصر اللي لسة بيشقوا طريقهم اللي نفسهم يوصلوا للناس و يكونوا في حسن ظنهم.. و الشعر العامي ده بنسبالي ممكن تقول كدة هو المياة اللي بشربها أو الهوا اللي بتنفسوا يعني ببساطة انا من غيروا لا أكون.. معرفش ليه شغلي الشاغل في كتاباتي هي مصر بأحوالها بزحمتها بناسها الطيبين واللي مش طيبين كمان مش عارف لية فعلا بس ممكن علشان خايف علي نفسي فيها ويمكن علشان خايف عليها ويمكن علشان خايف منها ومن اللي مسكنها دايما" بس اللي أكيد أني بحبها... وطبعا" لو سألتني مين بقي من الشعراء ممكن يكونلك قدوة .. خد بقي عندك ياسيدي طبعا" الخال عبد الرحمن الأبنودي , عمنا صلاح جاهين , بيرم التونسي , أحمد فؤاد نجم , نزار قباني , جمال بخيت.. 

هذا أنا .....


قصيدة مابين اللحظة و اللحظة .. عمر عثمان... اهداء الي ابي

Omar Osman (writer)

Related tracks