Verse 1.2 : Phantom
Mixing and mastering By Phantom 
Writting By Phantom 
Lyrics : 
Verse 1 : دنيا ماشية ضد الاتجاه فقولت اخد قرار امشى غلط
مفيش مراعاه لمشاعر بنقول كلام زلط او نار ماسكة فى حطب
حياتنا العادل فيها ظلم
و قليل الادب بقى حد محترم
الحب فيها علاقة سهلة حلوة او وحشة نهايتها نغمة ابعد و انسى
حتى لو بقيت عليها انت
مش هتقدر هى تبقى
حتى ف بيتك لما الظلم يبقى ملازمك و حياتك تبقى ازمة
و ازمة تجر ازمة و الهزيمة تبقى لازمة
و لما تلاقى فى شغلك حد شاغله اوى حالك مالك انت بيا و ايه الى شاغل بالك
معادك انت خلفته بارادك جيت فى اخره 
و ضحيت نهايته و سيبتها مفتوحة برضو
يوم ما القلب رفض كلمة قالها ليك  عقل 
عقلك قال لقلبك انت السبب خليت نفسك تتشل
 
Verse 2 :  اقرب حد ليك ممكن يقولك هستغنى عنك
و ابعد حد عنك باقى لاخر نفس منك 
فكرت بعقلك كويس لما لقيت السم فى جسمك 
ولا امنت  بكونك ميت من اول يوم فى عمرك
شاء القدر و عمى البصر اتفتت حجر فيه حكاية الماضى
هجيبه و اكون منه صخرة كبيرة  ل شريط حياتى 
كل طريق انا بمشى فيه بيرجعنى لنقطة بداية
و النهاية فى البداية عايشة فى كل حاجة جوايا 
صدقنى لما قولنلك ان النور اتقلب عتمة 
و ان العتمة جوا قلوبنا باينة واضحة لينا كابتة 
اقتنع حياتك ملكك لكونك عايز دايما تضحك يبقى لازم تتعب و اتحدى كل اللى يخليك تهلك
اختفيت لكن وجودك فى كل ركن من المكان
دة معناه ان روحك حضرت و مكنتش فى النسيان 
شروخ جوايا بيكبر بيحطم كل اللى بتمناه 
و وضوح فكرة غامقة تقولى كل حلم تاه

ا Phantom ا  شروخ  ا

Lyrics : 
verse 1 :  ظهور شبح مخيف طالع من تحت الارض
بيبعت ليكو رسالة ان وجوده عليكوا فرض 
عفرة تراب و نار بتولع واضح انه حضر
هنخليه يتكلم عنه عشان فرمان الفانتوم صدر
اهلا ... انا جاى اوضح ليكوا
لاى حرف منى مش هتعرفوا حتى تفاكوا 
فانت لو فكرت تلعب اخرج برة عن ملعبى
ولما تخرج من ملعبى هتلاقيك لسة فى كوكبى
انا  وقت الاحتضار بدى البيت الجرعة يعيش 
و وقت الانتصار بخلى الفرحة متنتهيش 
مبعترفش بحد غيرى و مبامنش غير انى خيرى 
عالكل و  كل الدنيا بتتعلم من خط سيرى
احتمال تقع ف فخى و احتمال انك تعدى
ف من الواضح انك عندى هتبتدى تيجى تهدى
احترامى لكل واحد وجهلى الريسبكت
قطعت لجامى و جريت هربت زى ما انا  حلمت
chorus : الراب فنى اللى  هكمل فيه الحلم
ابعدا عنى و خلونى اكتب سيناريو الفيلم
فات كتير من المشوار و قربت انهى الحدوتة 
هفضل اقول بسم الله مش هقول توتة توتة
verse 2 : هتشيل شيلتك لواحدك ؟
قررت تجمد قلبك؟
فكرت تقف قدامى؟
اتخيلت تسد مكانى؟
طب تعالى هديك الدرس عشان تتعلم من احلامى
بسلاحى سنه دامى اكيد اقصد حروف كلامى
 اتعمدت اوجعك بكلام زى الدبش 
عشان فو وقت الحبس جوة السجن فيه كلبش
المزيكا السجن العقلى و الهيب هوب هى  الثقافة
فلما تتسجن جاها هتلاقيك كسبت الطاقة
اللى هتنفعك لما تكون حر و تديك الانطلاقة
و دلوقت جيه الوقت عشان افهمك الطلاقة
كل حرف ليه معنى و الصياعة متقصدوش
و كل جملة تبقى سهلة احسن ليك متبينوش 
من قوانينى انى امشى عكس التيار 
و لما بعمل حاجة غريبة بتدينى الاستمرار
الناهية تاخد بالك من كل اللى انا بقولوا
عشان لما يتعملى متحف اخليك تيجى تزوره

|الراب فنى | Phantom|

Mastering & Mixing : EgyQue 
Writting by Phantom & Almeer
Lyrics ..
Verse 1 'Almeer' :
 بتالم بشكي من كتر همي و مش عايزه حد جمبي
حواليا و مش سامعني عايزيني أفضل كده مانا اصلا متكركبه فا إهمالي ده مش مشكله مطلوب ايجادي بفرض لجل يآمنوا إن انا مؤمنه بيحاولو يثبتولي إن الجنه أساسا هنا طب ليه مش بنزف هنا بيقولو بطلي كفر فاكرينها حياه بلا عك..فك الذئاب افترس ملزمه أكون محترسه و ارجع بروح منتكسه انسانه مريضه بالشك في الواقع جوه نعش إدماني بطموح متهد دماغ مسحوله بخيالها هيروين أفكاري اتشد من عمر قد عمري ما اتمنيتش اهديني لحد ما أصل كل حد حب حد حد حب حد تاني و التاني حب حد تاني يطلع هو الأولاني و ترجع النهايه للبدايه فايقولو سيبت

Chours 'Almeer' 'EgQ' :
 ماشية من غير نور و طريقى بيختفى
كمان صوتى مكتوم و نفسى بتنتهى 
Verse 2 'Phantom' :
 شايف فكر شارد معارض مشاعر  كل وقت فايت
دايب فى سحر زايف و اللى شايب شب غايب
و اللى حاضر روح عجوز تقوله حاضر مانت شايف 
الدنيا  واقفة ضدى ولا دا كابوس انا فيه تايه
بفيت متقدر حالتى وحشة بفكر اكتر اقدر
اغير طريق حياتى بس بعد ماكنت بحضر
هارجع اختفى لانى فى وسط بير مليان الغام
و لجأت للموسيقى بعيش فيها على انغام 
الحان اغانى بهرب فيها لعالم فيه اوهام
لعالم يمكن القى فيه بقايا احلام انسان  
اخدت بالى وزنت اعمالى شوفت الصح خلاص فى خيالى بس بعد ماكنت ادمنت الغلط و شوفت الحق بالى
و العمر زى سطر لازم هيخلص و هيمر
و كل اللى بقى فى حياتى طعمه متعكر و  مر
افتكرت كل لحظة ضعف وكل لحظة حزن
و بدأت اقرر اهرب اكتر و اصبر  ابقى حر 
Chours 'Almeer' 'EgQ' :
 ماشية من غير نور و طريقى بيختفى
كمان صوتى مكتوم و نفسى بتنتهى 


Kapoos AfKar | Phantom .Ft. Merna Maged .Ft. Hala Shrief |

Writting by Phantom
Mastering & Mixing by Hala Shrief
Lyrics 
Verse 1 :
فاكر ايام زمان فاكر اهلك و الجيران
فاكر لعب الكورة فى حارتك فاكر اصحابك و الجنان
كان اى حاجة تيجى فى دماغكوا تعملوها فى ثانية
  لما الناس كانت بتزهق  بترش عليكوا المية
فاكر المدرسة و  بنت الفصل اللى حبيتها؟
فاكر لما كنت بتحلم بيها و تيجى سيرتها؟
فاكر لما كنت بتروح تحكى لامك عنها
وتفكر فى حب طفولى انه حكاية حب دايمة
فاكر لما كنت بتعمل غلطة و تستخبى ؟
فاكر .. لما تعمل تصرف غبى و بعده حاجة اغبى
و تضحك .. مهو اصل مفيش ف دماغك هم
بتلقائية عايش حياه ف عنيك مفيهاش وهم
فاكر شنطة المدرسة و بنطلونها الكحلى
فاكر اوحش حاجة بتضايقك لما امك بتصحيك بدرى
الوقت يعدى زى ما يعدى اخر اليوم بتنام مرتاح
عشان يوم جديد متخيله فيه براح
Hook :
 فاكر ايوة فاكر
فاكر 
 حتى لو مهاجرهفضل فاكر
بيتنا القديم و الضحكة  فاكر
حتى لو مهاجرهفضل فاكر
Verse 2 :
 البوم صور بيدور لكل لحظة انا عشتها
كل صورة فيه بتعبر عن حدوتة وصفتها
بكمل و اغمض عنيا عايز افتكر وقت مضى
قلبى بيدق .. و روحت لمكان بعيد فى خيالى كله دفى 
فاكر ايام زمان فاكر العيد فاكر رمضان
ريحة راحة روح بتروح بمرور الايام
فاكر عزومة اتلم شمل عيلة كاملة واحدة فيها 
شعورك فيها بالحب و مشاعر  بتديها
سلام داخلى فى كل حاجة بتحصل و بتدى فيها طاقة لانها مش محتاجة اى حاجة غير سذاجة
فاكر الدروس و اول مرة  تهرب
عشلن تلعب مع اصحابك او تقابل حبيبتك
فاكر لما بتيجى فى يوم تفكر فى المستقبل
و تحلم تكون طيار تطير احلامك لمكان اجمل 
و برضه اليوم بيعدى و ف اخره تنام مرتاح
عشان يوم جديد متخيله فيه براح

Special Thanks to Hala Shrief for back ups ..

Faker|Phantom|

mixed and mastered by shady 
Lyrics 
Verse 1 :
 على شط بحر قاعد فى شتا جوه بارد
بفكر بدور على سبب مقنع واحد
 يخلى كل واحد يتمسك بكدبة كبيرة
 يتحط جوة لوح تلج يجمد كل حياته
 يحتار من كلمة حب اتقالت مكانتش غير تكديرة
 يخاف من لحظة حلوة بعدها غيره ماتوا
 بدأت الحكاية من كام سنة عدت
 لما شافها مرة واحدة بس و احلامه ليها اتشد 
بدا يفكر نفسه يقرب هيتكلم ازاى؟
 بيحاول يخلى معنى لباقى عمره اللى جاى
 و بعد ما خد القرار و اتكلم معاها لقاها ملاك
 اتمنى تكون معاه و فى طريقه مكملاه
 عرفها اكتر و عرفته اطمن ليها و فهمته
 انها بين ايده و كل املها مش اكتر من ضحكته 
و الطبيعى ان الرياح تيجى تقلب المركب فى البحر
 عشان بطبع البشر مع الطين معجون بشر -_________________________________________
Verse 2 : 
كان مشاعره مستقرة مستقرش فى الظروف و كل ماكان الوقت يمر بيقوى شعور الخوف
 اعتمد على كونه مسئول ووجود مسئولةمعاه ف الحياه
 تشيله وقت المحنة تقف جنبه و تستناه
 مع اول ضربة قوية وقع لقاها اتخلت عنه

 و اكتشف انه حب لكن حب حد تعبه
 بدا يفكر قلبه يقرر عقله يفكر قلبه يقرر
 و بعد ما خد قرار يكمل كان القرار متأخر 
كانت الضربة التانية لكن منها المرة دى
 كلمها قالتله اتخطبت لحظة صمت كانه عادى
 كان متوقع تانى جرح و تالت جرح و من دة كتير
 حاول ياقلم نفسه  لعدم وجود تقدير
 و مرت الشهور و كان بدا لطريقه يشق
 يخلى عقله يقرر عرف خلاص انه على حق
 كلمته عشان تقوله ان محدش غيره قدرها 
كان خلاص بدا حياته ف بيته وحدة غيرها


Phantom - حكاية ملاك

verses 1&2 : Phantom
Hook : MAK-D
mastering & mixing : MAK-D
 
#KAP  #Phantom #MAK-D #HipHOp

Phantom .Ft. MAK-D  |The Mirage | سراب |

اجتمعت بالشباب عشان نوصل رسالة انك لازم تساعد غيرك عشان المجال يعلى .. 

phantom and the third generation of rap >> 

verse 1 : mohamed tarek (eladresy)

verse 2 : Ahmed Maged 

verse 3 : Seif Eldeen

verse 4 : Ahmed Mohamed

verse 5 : Hafez

verse 6 (english) : Ayman    (whale)
https://soundcloud.com/ayman-atef-476884469

verse 7 : Phantom

Mixing&Mastering by Rakan 

I Art Attack I Phantom& 3G I

lyrics : 
بما ان الفانتومز بقوا كتير فانا لازم احط حد 
و عشان وجودهم فيك فمش ههد بننا سد
مواجهة نملة هبلة ضد فهد قلبها بجد 
 واللى كان مكانه تحت حب يطلع فوق ف خد
واحد اتنين تلاتة يلا ابدأ معايا العد
حبة سطور كلام حروف انتباهك هيتشد
نصايح و رايح بعيد و  اللى جاى
لو متعدلش و اتعدلت فوق دماغك هتسود
......
انا عمرى ماكون موجود مش هتشوفنى غير بمزاجى
لكن انا دايما موجود  بحبرى بقلمى و اندماجى
مع كل لون فى فنون و كل روح فى العالم التانى
بعيش  كما الاطياف اللى لما بتحضر اكيد هتعانى
اشتياق لسماع الصوت و اختراق الكلمة لنص دماغك
ازيز و دوشة كتير و اختلاف طبقات الغاغة
انا دايما ماشى دوغرى و لو مش عايز بعمل غلط
و عشان مفيش غيرى خليت كلامك يبان لغط
 فضاع كل اللى عادى فانتوم قائد الضباع و اتباع
جوة سوق عبيد عراة حتى لو كان ليه اتباع
فشاع و ذاع الصيت و كان الغنى بيكمل شبح
  صريخ و طاخ و طيخ و فخ فشيخ عملته و نجح
فكرة كونك تكرر فكرة انا قولتها ميصحش عيب 
عادى ممكن اسيبك تلعب او اخليك فى علم الغيب
هرج و مرج ف جالك الفرج لغرض تسمع فنى
دكتور فى حقن الشرج و المزيكا خلتنى بغنى 

Recording By MAK-D
Mixing & Mastering By Phantom

| Phantom | قائد الضباع |

Writting : Phantom
Prod. By : S-lam Shetos
Mixing & Mastering : S-lam Shetos
Lyrics : 
verse 1 ..
انتظار بيطول و لخبطة ترتيب الواقع 
فبحتار لتكرار التحول تانى وتالت ورابع
من غير رضوخ و ركوع  لقرار الاحتضار
واحتضان لوجود اخبار ملبدة بالغبار
غموض غريب فى كل كلمة اتكتبت جوه رسالة 
اترمت فى عرض  البحر عشان يلاقيها الرحالة
اشتغالة حكاية بتدى فى كل يوم كابوس هدية
كل بداية و كل فكرة بتخلي فى شعورك روح خفية
 اختفى النور و عمت عتمة بير من نار بتفور
  رعد و برق وعد بحرق و شرد ارواح اموات فى قبور
كل ما احاول ابعد عنها فى قوة جذب بتشدنى
الدايرة دايرة بافكار تايهة  مغايرة بتهدنى
اشلاء متقطعة و هؤلاء اتصابوا بعمى
 الامطار  متجمعة مكان وجود الصمت هنا
بحاول يكون الوداع هو دة اخر المطاف
و فى الحقيقة دى البداية لمشهد تانى هيتشاف 

verse 2 ..
 مشهد تانى .. فى وقت غير
دخان عالى ... و بوم بيطير
قرار الفرار من جحيم حدوتة مخيفة اخترعتها
كفيلة تخلى حرارة شرارة تكون بداية لها
فانتهى الوقت المحدد .. بيت كبير بهدمه مهدد
احلام موجودة للابد .. جيوش مهدودة بلا عدد
شروط بتحجم فكرك ارادته اقوى من خيالك
احتمال زوال جبال يمكن اوقع من زوالك 
وهم الفهم اتحكم فيا و عيدت المشهد من اوله
رجم حتى الموت بعده ردم على عقل بقفله
شوفت كل حاجة مقلوبة متأمنش غير لحالك
اقرب حد منك ممكن يخلى حياتك ظلام حالك
لو كل اللى جالى ف مكانى ما كان خلانى اعانى من التعذيب
كان اللي اتمنى الموت ليوسف مش اخواته حد غريب

Hook : من مسلسل العهد
>>
اتشوجي إنني ذيمون هارون . إثرينجوك إيفول خين أو هيريني . جي إممون إنطان إيفول إيروك . خين إنين هوجهيج نيم نين إيثيليبسيس، جي أنون غار بي بيكلاؤس . نيم ني إس أو إنتى بيك أوهى .

- وهم - illusion|| . Phantom . Prod. By S-lam Shetos

prod by eslam Shetoz 
mixing & mastering by Osama Tarik 
Writting by Phantom and shams Eldeen 
Lyrics : 
verse 1 :
احباط ملا المكان .. هدوء في المدينة
كل اللي كان في الامكان .. دلوقتي حكاية حزينة
اتبدلت احوال الجبال بمرور الزمن اتهدت
دابت كل الخيوط ما بيننا لما حياتي بدأت
كنتي ام بقيتي الم كان فيكي فرحة بدل الدم
وهم اتشال الهم شمت فينا ولاد العم 
تفتكري وجودي جنبك حل تفتكري حد حن ؟
تفتكري فكري اتغير و لا قلبي اتوجع ان
لما بقيت بفكر بتعب فببدأ اغير مبدأ
بداية الموضوع هقتل ادبح اسرق احرق
اخلق اي مبرر اهبل عشان الاقي الدعم
هبني حاجة في الاول عشان اكون وفيت بوعد
ارض بتتباع كلام للخداع 
اتباع افكار اتباع غرقوا المركب بالشراع
فكان القاع مكان طبيعي لفشل تفشي
كلنا سبب فيه متقولش الدنيا عليا افشة
....
Chours : 
و بتوه فى دنيا
ومفيش في ايديا
غير دمع عنيا
و عليكى جزين
بتدوس عليا 
و بعيش في ازية 
و مفيش حواليا
 غير خوف ملايين 
verse 2 :
غيرة و حزن و حيرة .. اتهام فيه تكديرة 
اعتراضك علي الغلط بتكمله بغلطة كبيرة
فيه فساد فيه كساد و انهيار في البلاد
الظلم زاد فمات و راح البرئ و العباد
بأدينا نبقى اقوى ونخلي الدنيا احلى
ترجع  اسم ارضك.. و تجمع بيها شملك
بعملك تبنى بلدك .. باملك تبقى اعلي
بمعنى قيمة امنك تبقى برضو بحفظ كرامتك
خلل جوة عقل عمل عمي علي الملا 
خلي كل حد جاله شعور بانه اتخنق
 فجمع ورق حضر قلم كتب عن الامل
 زرع وردة امر تكون حاجة من العدم
فبدل السكون ابدأ فوق خد الطوق
دوق التعب اللي بفايدة اللي غروبه بعده شروق
اهل المدينة مش هيقوموا و انا اللي قولت ارتحت
اتضحلي في النهاية ان الطريق ماشى لتحت 
....
Chours : 
و بتوه فى دنيا
ومفيش في ايديا
غير دمع عنيا
و عليكى جزين
بتدوس عليا 
و بعيش في ازية 
و مفيش حواليا
 غير خوف ملايين 

Special thanks for Cairo voice studio ..

Phantom .Ft. KV | بتوه | Prod By Shetoz

writting by phantom 
Lyrics:
Verse 1 :
انا شايف  العمر بيجرى ..  هنفضل قاعدين كدة ؟؟
لا بقينا ينفع نستنى ولا حتى عارفين نرضا
خايف اقرر اخسر اكتر وابدا  افكر انتحر
 بدل مانا عايش ميت فى نفق طويل مكفهر
بتلف  تدور ايام بتغور اجمل ايام العمر
تتعاد احداث الشهور  و الدنيا بصالك بعيون حمر
بالتالي بشوف التاريخ بلاقى السنين 2000 و حاجة
فبتزيد نبضات القلب و الخنقة تولد كأبة
اغمقت ندارة وش شاب كان بيتونيا و دبل
بيبيع اعضاءه عشان يعيش  يا اما هيصيبها شلل
فاتقتل بواقى البشر و احتواء بمشاعر  حجر 
و حياتى على حافة خطر اتحفر ف عقل اشرغجر
الرؤية مشوشة و الاصوات مغلوشة
بشوف احداث الوقع و اهتماماتى مهمشة
متكتف مش عارف اقوم و شكلى هفضل حاير
 هايم ماشى تايه فى شوارع عقلى كعب داير 
Verse 2:
بتدور الدنيا بينا و احنا برضو مش فاهمين
دخان بيعمي العين حوالينا بشر تايهين
فبدينا بايدينا نبيني مع ان لسة بدري
قدري جوا  قبر فعدي البحر لبر و اجري
فبلاقي البر شر و بلاقي الوضع اضر
احتلال افكار في عقلي كره حياتي فاحتضار
قررت اكون مثالي و افضل اصلح التفاصيل
هعمل لوحة في خيالي واراقبها من بعيد
كم واحد بقوا في الترب اتمنوا يكونومكانك هنا
عد كام تصرف غلط بتكرره بيهددك
كام قرار دار ولف و خبط فيك عشان يقتلك
كام احباط قررت تركع ليه ونجح يفشلك
حاول تكون البطل متبقاش في حياتك زينة
طلع كل فكرة في عقلك كمل مركب جوة المينا
اتعلمت قدرت فهمت تقلل الخساير
ولا هتفضل فى الدوامة ماشي تلف في الدواير

Prod & mixing & mastering by shetos

Dawayer | دواير -Prod by S-lam Shetos

Prod. by RAEF 
Mixing & Mastering : S-lam Shetos
Writing by phantom 
Lyrics : 
verse 1
علي لحن عربي بتسمع اقوي مراحل الابداع 
بعد وعود يعود العود علي انغام الراب اتذاع 
و العودة لقائد الضباع ف مجال محتاج شجاع 
مش تطبيل يخلي القرد ف العيون كلها غزال 
تراكي للتوضيح مش للحك و التلميح
لو فاضيلكو ما هخليلكو حد من جمهور نضيف 
يكفيني بعد كل تراك بتسأل  كالمعتاد 
ليه وجودي في المجال مش قوي زي قوة التراك 
الحقيقة حابب كدة المشكلة مش في الموهبة 
المشكلة في مجال ضعيف ماشي بالواسطة و المعرفة 
فا بالشفا .. خليني ف حالي و انتو ف حالكو 
كل واحد شايف نفسه بيتباهي قدامكو بجهله   
قليل قوي افضل من كتير ضعيف 
كلامي يفرق و برضو عالودان خفيف
احباطي من الوضع اجبرني علي احداث تغيير
فكانت عودة من المدعو فانتوم في اطلالة غير
---------------------
chours 
الحان عود متنغمة 
اثبتت الموهبة هنا
الراب عندي ملحمة 
فخري بكلماتي 
ابعد عني انا 
في كتابة او حتي في غني 
حاول تفهم بقي 
ايه حدود قدراتي 
--------------------
Verse2
بارع في القاء الشعر بثبات عالايقاع
وجودي باستمرار يعني وجودكوا في عمق القاع 
 بالدراع ماشية ... ريحة جاز فاشية
شوية فيوهات تخلي نكرات عايشة
المختل و المريض الحرامي و العبيط 
بالضحك عالعقول كله بقي ليه جمهور عريض
ارتقي بفنك .. ليه بتعمل المتاح
هتلاقي فكرك فوق فرق بينكو باكتساح
 مستوي فكري انحدر .. فالوضع بقي خطر
غيابي مش لضعف غيابي زي غياب المطر
 يعمر او  يدمر يخوف يخلي ف قلبك شك  
فانا ف حتة تانية  مش معاكو جوا اللعك
احلامي منتهتش راضي بتاريخي اكيد 
كل غياب فيه بعده hit  بيخليكو برضو متابعين
شكرا ... لكل واحد عمل بلاي 
كل يوم فيه لايك جديد بيبقي  wonderful day

2 قائد الضباع | Phantom | Prod. By Raef

omar phantom...
Egyptian Rapper 
K.A.P 
Pharmacist
Haram

phantom

Popular tracks