لابس عيوبي توب عالموضه

الغربان محبوسه من فتره 
بجري ورا الفلوس كأني عمرو ماتجيفر بعمل مطارده 
بحس بتقل الوقت زي الارواح اللي ورا البرزخ
انا و عقارب الساعه بملف في دواير فاضيه 

لابس عيوبي ثوب علي الموضا 
بقوا بيتحولوا جيوب لما يشوفوا مفتاح الاوضه 
كله بيقع و مفقود في قلبي ثقوب سودا 
قالي يلا تفوت فورا ( عيد من الاول ) دمي بيفور صودا 
 shit test ايه ده انا دوست فيه 
مزنوق في وسط الضرب زي غبي منه في 
قالتلي اللي بيمشي في عروقي ده مايه مش دم
ضغطي علي فجاه رجعت علي الارض سمك حي

مش مصدق ان كل ده كان غصب عنها 
علي الاقل علمتها ان كل غلطه ليها تمن 
عملت كل حاجه كان ممكن انهار منها
مع اني عيشتها في جنه و شربتها انهار من اللبن 

ماعلينا الماضي مش هيعود
و لو فضلت ندمان و قلبي مقبوض 
مافيش سكوت عقلي اله زمن 
المره بقفل عيني و اخد نفس 
و اسحب حبل افكاري

______

حاول تفكني عشان اخلص 
من اصوات في دماغي بتوزني عشان اخرس 
 كل الناس دي واقفه بتبصلي و انا بهرب 
من اصوات في دماغي بتوزني عشان اهرب

كل ما اتكلم عايزاني اتكتم 
كل ما اتكلم عايزاني اتكتم
كل ما اتكلم عايزاني اتكتم
كل ما اتكلم عايزاني اتكتم

__________
بشوف الذوق الشيك في القبح عشان اعيش 
مطبق للصبح بعد الضوء اللي داخل من الشيش 
يادوب بدوق طعم النوم و افوق همووت من الجوع 
ببلع اللي مش مبلوع احسن من مافيش
احزاني في صدري فران خارجه من جحرها بتجري 
بطل سوء الظن بصب السم في العسل سيبني
لسه الدنيا بتعلمني حلقان احطها في ودني
عايز اشوف لسه مفتح لو قربت السن علي النني
 
المسيخ الدجال نصحني ماطلعش للناس بغلطتي 
الجوع كافر فا طلعلي عيون في معدتي
غصب عني مافيش حاجه ماشيه علي حسب خطتي 
رغم كده جاهز و ماشي بعدتي في شنطتي 
هربان من الكورونا لحد دلوقتي متسجل في الdeath note غياب 
بس لو فضلت هنا هموت من موجه اكتئاب حاد 
عايز اسيب الماضي و المستقبل و ابني الحاضر زي قوم عاد 
بسحب حبل افكاري عشان اعيش الان

Comments

Zaid shreef

Mohamed Ashrf

Zaid shreef

Zaid shreef

Zaid shreef

Zaid shreef

Zaid shreef

Zaid shreef

Zaid shreef

مطر