منير ياصبية

حمزه نمرة _ بلدى يا بلدى

غريب في بلاد غريبه .عبد الباسط و كاريوكي

اللمبى - تحية شهادة الوفاة - الناظر صلاح الدين

مرسال لحبيبتى.. حبيبتى

شرطة مايلة فراغ وهكتب ليه حروف اسمك مهوا انتى فى قلبى ساكنة القلب
عارفة بقصتى وحالى ومين غيرك فى قلبى اكتبلة مرسالى
اما بعد ...
منش عارف دا جوابى الكام معنتش بحسب الصفحات معنتش بحسب الاقلام
معنتش بحسب الى ضاع من الاوهام كفاية انى بحبك بس
وقلبك لو بقلبى حس او شاف حاله فى بعادك لصلى لربة واستغفر لذنبة وصام
وياما فى نفسى تيجى القلب وتحنى ولازم تعرفى انى لانا عفريت ولا جنى
بحبك بس ايدى اقصر كتير منى فامش هقدر اجبلك من الدهب كفة
واجبلك من اليقوت كفة ومش هقدر اجيب الوالى فى الزفة ومش هقدر
اجيبلك بيت يموت القطر لو لف فى حماة لفة
كفاية انى بحبك موت وحب الناس ندامة وعار وحبى عكسهم عفه
ولو ترضى فعندى شروط انا طبعا بحبك موت ولا كن بردة ليا شروط
انا عايزك تكونى فى الوريد دمة وتبقى فى عقلى انا همة
وتبقى ورد جوا القلب غيرى يشوفة يتحصر ولا يشمة
وعايز رمشك الجارح صراط يجرح فؤاد غيرى ميرحمش
وانا اجيلك اعدى فوق صراط رمشك ولا اخفشى
وحتى لو وقعت فى يوم من الخضة اقع فى عنيكى واتوضى واصلى ركعتين لله
وابوس نن العنين وامشى لانا طماع ولا فى طبعى الانانية جناين قلبى
راح تفضل ولو طال البعاد فتحة بحبك قولتها بالكسرة


Mersal Le Habibty مرسال لحبيبتي

Sisqo - Jamica -- Noby - Waleed
Mix & mastered by : Omar Boflot
Recorded @ Empire studios
طول اليوم بجري بعافر اخر ساعه من شغلي بقاتل
نفسي اروح بدري اتخمد من غير فواصل
واللي يقولي لسه بدري اتخنق واماطل
وانا مع صاحب الشغل عندي طيب وحاضر
...................................
بردو مشيت في معادي وشكل الناس  مش عادي
من اتوبيس لتاكسي لمشروع بجري وبفادي
نفسي حد يقولي سيدي بشر هنا وينادي 
هدفع الاجرة واشعلق يا عم انا راضي
.................................................................
خد ياسطي انتا رايح فين
يا عم الاجرة مسعره والسعر 10 جنيه 
الله علي خفة دمك دوقت بردو هزار 
مش رايح في حته كوتشه فيها مسمار
انتا بتتاكك معايا وبتزوق في اي حوار
ومعلي مهرجانك وبتدي مع نفسك اي قرار 
كبرت في دماغي وجيه وقت اني اختار 
ماشي يا بشر انا هخدها مش ومش هحتار
..........................................................................................
.............................................................................
اصتباحت كل يومرايحه لتفكيري لخطتين
واحده ازاي اروح الشغل وواحد واحنا راجعين
او لكش بس ازاي انا ياناس هركب مشروع 
وسط ناس كتير واقفين من هنا بدا الموضوع

ادي كتف اخد كتف وحليك تتلف الناس بتزوق
واحده بتصوت علي الباب خدو مني البوك
وكان في  ناس كتير حوليها كانو واقفين  
والي راكبين معايا عملين مش سامعين ولاه شايفن
يساعدولاه ينفض ولاه في الكرسي متبتين 
فجائه يطالب السواق الاجرة طاق طاقين
عمال كتير مدارس كمان موظفين بيسرعو بعض علي اركوب في كل موصله مكربسين
لو روحنا شمال ايه... او حتي يمين لسه قدمنا كتير في الزحمه ومربوطين
علي فجئه انا جتلي الفكرة اشتري عجله واقضيها تمارين 
ريحت دماغي انا من الزحمه وجشع السواقين
................................................................................
...................................................
مخنوق ومضايق من موصلاات وزحمه وناس
عبقري اشتريت اسكوتر وده كان انجاااز
بس برضو مبعدتش عن كل الناس 
بقيت اخدها من فوق زحمه رصيف وخلاص 
تاكسي يزنق عليا ومش شايفني
اخد  واقعه والناس علي تقول وتحكي اعمل ايه انا لسه جديد في سواقتي 
مش مهم مفيش حاجه بتيجي قفش يلا عدي
.................................
اكسر يمين كفايه اخد مطب بمرايه
مش تفتح ياعمي معليش ياسطي قول فدايا
انا كل يوم حكاية مكسر يجي 100 مرايه 
كل مفكر اجري منه الااقي الظابط يجري ورايا 
يا رب اقف معايا تعبت من جوايا 
الزحمه ورايا ورايا نفسي اعرف ايه النهايه 
لان من البداية الدنيا مشيا بالشقلوب والطريق كله عيوب ومن الزحمه خلاص هتووووووب

D-boys - anzel men taxi  || انزل من التاكسي

كلمات : عمر أبو زيد .
اهداء لشيكابالا .. وليكى تقريبا . 

خمس أسباب
غير الاحراج
والخوف م الرفض
ومرتب الجيش الفقير
مانعيني أقدم دعوتي
ليكي عشان نخرج سوا
في معاد متأجل من فترة
والفترة دي لسالها كتير
........................

( 1 )
.........
مشكلتي الدايمة الأزلية
في اجادة اللغة الانجليزية
والاكسنت بتاعتي الضايعة
واللبخة في تكوين الجملة
كل دي أبعاد أول أزمة
وأنا عندي الأزمات بالجُملة
ومافيش ولا نية ولا رغبة
ولا طاقة تكَّفي لتحسينهم
مش عارف دول يفرقوا ولّا ؟
اذا كان مالكيش موقف منهم
بس أنا متأكد
ومسَلِم
ان ده هيكون عائق واضح
وهيحرج فيا
كتير جدا
ويضَيَّع أشياء مشتركة
مثلا شغلانة تجيبيهالي
من حد قريبِك في الشَرِكة
قال ممكن جدا يجاملني
لكن في اللغة مش هيجامل
أو كنتي بتحلمي كما غيرِك
ان انتي تسافري بلاد بره
مع واحد أمور بيحبك
ويكون مسئول وبيتعامل
فيلم جديد نازل في السيما
عامل ايرادات قالبة العالم
ولحظي المعتاد السيئ
مافيهوش ترجمة عربي عليه
أغنية ( أديل ) المشهورة
لو جيتي ف يوم تبعتيهالي
وعليها سؤال ( ها ؟ .. ايه رأيك ؟ )
هسمعها واقول رأيي ف ايه ؟
ألماني في شارع طلعت حرب
يشوفنا ويتوسم فينا
ان اننا من ضمن الواقفين
هنساعده في توهته وهندلُه
فيقرب مننا بالراحة
بأقل انجليزية متاحة
يستفسر عن معهد ( جوته )
ومنين لو مشي راح يوصلُه ؟
وساعتها أنا هتلخبط طبعا
وهتأتأ واضحك بلا داعي
واشاورله بعيني وبدراعي
ولا هعرف لا اشرح .. ولا أقوله
مش قاصد خالص على فكرة
اني أوصل بيكي
وبالفكرة
لحدود الكليشيه البايخ
عن شاب معذب ومكافح
والبنت الدلوعة الناعمة
الدور ده لطيف أه ولا يقلق
ومناسبِك جدا
ولايقلِك
دلوعة وناعمة ورقيقة
بسكوتة بشكولاتة جميلة
بس أنا لا معذب ومحطم
ولا حتى مكافح
ولا نيلة
وأظن الفرق اللي ما بنا
أهيف من كده
واعمق
وأكبر
وأبعد بكتير
بكتير ياما ...
عن فكره هذا الكليشيه
وعشان كده وجب التنويه
........................

( 2 )
.........
أزمة صناعة السينما
.......................

( 3 )
.........
3 سنين وخمس شهور
و حداشر يوم أو و اتناشر
وهكون في عمر شيكابالا
دلوقتي .. في ألفين ستاشر
شيكابالا اللي خلاص تقريبا
مابقاش ليه ريحة شيكابالا
بعد التلاتين فيه حاجات ياما
اختلفت فيه .. لو بتشوفي
لساه بيهزر وبيضحك
ويرتب رقصات مع ( كوفي )
لكنه خلاص مابقاش هوّ
وده شئ بقى واضح
ومؤكد
ومافيش فيه شكوك
بالنسبالي
شيكابالا هيفضل شيكابالا
لكن شيكابالا اللي في بالي
يمكن دلوقتي يكون أحسن
ومفيد ومطيع ومشاكله أهدى
يمكن نضج .. يمكن كبر
وخلاص مابقاش حمل مناهدة
يمكن رضخ
يمكن زهق
يمكن تعب
يمكن عِقِل
يمكن كمان حُكم الزمان
بس الأكيد انه تِقِل
مش بس في وزن ولا في حركة
ولكنه كمان تُقل تجارب
شيكابالا تحسيه مستسلم
مابقاش جواه طاقة يحارب
مابقاش جواه طاقة يخبَّط
ويزعق
ويسب ويلعن
يغضب كما كان دايما يغضب
ويسيبها تولَّع
ولا فارقة
مابقاش متمرد ولا فارس
حاوطوه وخلوه كابتن فرقة
مسئول وعليه التزامات
لازم يستحمل
ويكمل
ويبطل شغل المزاجات
ويركز بس في تمرينه
وفي دوره
كقائد للتيم
يقبل بخروجه من القايمة
مع انه كويس وسليم
ويكون تغيير تالت باهت
في نهاية الماتش كتكريم
ينزل متردد قلقان
والبنط الضايع بقى راعبه
بيفكر قبل ما بيرقَّص
أو يعمل تمويهة ب كعبُه
بيباصي السهلة المضمونة
ويشوط
علشان يتقال شاط
رجليه مابتطيرش كما الأول
وده مش علشان نقص نشاط
لكن علشان بقى بيهمه
كام رِجل مدافع قدامُه
وكأن فرص عمره الضايعة
بقت أكياس رمل في أقدامه
بتثبت رجليه ع الأرض
وتشكك في بواقي غروره
شيكابالا
وبعد التلاتين
جاي يثبت نفسه لجمهوره
وأنا اسف
اسف مش هعرف
ييجي يوم أضطر أثبت نفسي
أو أكون قلقان قدام حد
وخصوصا
وخصوصا جدا
قدامِك .. يا جميلة الخد
..............................

الاخلاص

الكلمات:
من ع القهوة للمطار أيوة بظبط مسافر،
بالعافية عرفت أهاجر.. سجدة للرب أنا شاكر،
و بدعي يكون الأسوء عدى الأحسن داخل،
شايل شنطي على ضهري.. فهمومي بتتاخر،
دمعتين ع الخد تنزل ف حضن أمي هتوحشيني،
و نظرة أخيرة على بلد مش هزعل طلعت ميتيني،
ملعون اللي ممشيني سايب أهلي سنيني،
سايب رسالة لحبيبتي بترجاها "إستنيني"،
ملقتش فرصة ف مرة فرج من الله لقيتها بره،
شكلتي تفاصيل ملامحي قعدتي بره مش هتغيرها،
مش حباً فيكي أبداً كارهك من وقت الثورة،
أرواح كتير شموع تنور و إنتي حالفة تعيشي ف ضلمة،
حكومتنا الناصحة.. لعبت لعبة حلوة،
بس المرة دي كات أحلى من لعبة يوسف بتاع الفريسكا،
جابو شاب ف مؤتمر قال للرئيس منتخبتكش،
بعدها بفترة على نفس القهوة سوا صدفة بيشوفوا الماتش،
بس.. تغور السياسة الحاج قاطعني إبعد عنها،
دلوقتي بتكون نفسك تولع البلد مالكش دعوة،
خليك ف حالك عيش إتجوز ربي عيالك،
كده هخون أخويا بس حاضر هسمع كلامك،
ماشي.. تذكرتي ف إيدي و ماشي،
بيجري ف وريدي كاشي،
مش هعمل زي أخويا ف بحر الغربة راح مجاشي،
لأ هرجع تاني بس أأمن المستقبل،
الناس هيقولو مغفل م الكفار مختار جهنم،
فاكرين إني هكون راجع حباً ليها،
بس ناسيين إني مش ناسي ناسي اللي فيها،
الناس دي شاربة كاس كاسي عنيهم عاميها،
سهل عليك جداً تقنعهم إن كل الشباب عميلة،
فهات ذخيرة إتسلح بيها كع فيها و دب فينا،
دب علينا و قطة برة فشل يأمن أي كنيسة،
ولسه.. بيعرب عن قلقه،
بان كي مون ف نفسه،
ده حتى البنكنوت ف بلده،
في شبان تموت لأجله،
و في اللي فرصهم أحسن حبة من قاصرها يهجو يسافرو،
أسف يا والدي وعدي كان محكيش ف سياسة بلدي،
بس غصب عني عندي كلام يتكتم أنفجر دلوقتي،
فسيبني براحتي أشكي على ما ييجي معاد طيارتي،
إعتبرني بهري خدني على قد عقلي.. مرضي؟،
راتبك الشهري.. هل قد تعبك؟ لأ،
لو على كتفك نسر في فرق،
أو لو قاضي و بتحكم بالحق،
ماما اللي إختارت موظف ف بنك،
بهزر معاك أنا أسف يا حج،
نرجع للجد.. هل إقتنعت دلوقت؟
يمكن كان بالإمكان يكون لينا فيها مكان،
و إحكي لإبني "كان يا ما كان سبب قومة المكان ميدان"،
بس حصل عكس المنتظر بعد ما الدم سال سلسال،
موجود الظلم لا يزال فا ياريت اللي جري ما كان،
فمتطلبش.. مني أحب كيان ناكر حقوقي،
القاتل متمسكش الممسوك ناشط حقوقي،
الحق ميزعلش للأسف عمرك ما تفوقي،
حالتك راكدة زي نيلك معدش بيجري ف عروقي،
ميعاد هروبي أسف جداً خد بالك من نفسك إنت،
أنا حتى محققتش حلمي مش روبي على بسكليتة،
أنا مبكسل حتة.. عامل نفسي مش شايفها،
و هي إزاي هعيش و مفيش حيطة الأهل تسندنا،
بس.. مسيرنا نتعود قدرنا و نصيبنا،
ف بلاد تانية نروح و نتمسّك بلدنا بتسيبنا،
رغم الغربة و القهرة و الدمعة اللي مش هنّزلها،
لسه بلدنا الجميلة أهاليها برضو شايفنّا،
مجرد شباب كسلى.. مأنتخين ع الكنبة،
زي كده إعلان فاشل لبنك شايل إسم الدولة،
فرخصونا و غلو السلعة باعوا الأرض عادي بحجة،
"محدش فيكو كان عارفها" لا حقك تبيعها،
ماشي
فهمتو؟ ليه كارهينها نسبياً،
ليه بنسعى للغربة الفكرة مش بس مادياً،
بس ع الأقل تعيش ف دولة بتعاملك بأدمية،
"البيادة هي سبب الكبوة" تحتقرك حتى فكرياً،
إدن ف مالطة.. مفيش ودان سامعة،
و الناس دي جاهلة عاملة فاهمة عيونها صاحية عقولها نايمة،
فعادي قشطة قلت أخدها من قاصرها،
لإن مفيش خير ف بلد الكاكي بيحدد مصيرها،
ف أول كام شهر عرفت إن إتكتب كتابها،
مقدرتش تستنى بتمنى ربنا يوفقها،
عادي.. بس المصائب لا تأتي فرادا،
راحو الأهل فمبقاش في سبب لرجوعي إطلاقاً،
و سنين تمر.. ربنا كرمني و إتجوزت،
و ف مرة قاعد مع نفسي سرحت ف أيام ما كنت،
فجأة فوقت.. لما بنتي جت هزتني،
ركزت شوية.. بصيت لقيتني،
قاعد ع القهوة.. خريج جامعة،
16 سنة تعليم و مستقبلي مبهم،
معنديش أدنى فكرة إيه اللي ممكن يحصل بكره،
بشهادتي أياً كان تقديري أخري أشتغل ف كول سنتر..

منير ياصبية

Omar A.A

Related tracks