Written by : Dar4 & Omar
Music : Free Beat
Vocals : Dar4 & Omar
Master and Mix by : Dar4

U.G.V Home Studio

Verse 1 ( Dar4 )
فاكر لسه وعدك ليا لما قولتي مش هتسيبي
فاكر كل لحظة حلوة , فاكر حتي لون عنيكي
فاكر أول مرة أشوفك زي ما يكون كانت قريب
ليه دلوقتي سبتي بعدتي ما قولتي حتي إيه السبب ؟
مجاش في بالي إنك في يوم ممكن تكوني بعيدة
كنت فاكرك أحسن منهم بس أديني شوفت النتيجة
كنتي روحي وإللي ليا , كنني في الظلمة عنيا
كنت لما بسمع صوتك بنسي كل الدنيا ديا
لينا ذكري في كل مكان في كل شئ في كل لحظة
فأنتي مهما بعدتي عني فأنا بردة مش هقدر أقسي
بس إزاي صدقتك لما قولتي إننا لبعض ؟
وإزاي في لحظة واحدة كل ذكري إتقلبت ضد ؟
أول مرة إحتاجتك كنتي أول حد إتخلي
كنت بعيد عن كل الناس لمجرد إني شايفك أحلي
كنت فاكرك دايما جمبي كنت فاكر قلبك مسكن
الصعب عملته عشانك , أنتي معملتيش الممكن

Chorus
تعدي ليلة في ليلة ونبض قلبي بيكي بينبض
سامع منك كلمة إبعد , سامع صوت عقلي بيرفض
حبك زاد عن حده فبيكي أنا إتعلقت أكتر
مهما طلبتي إني أبعد صدقيني أنا مش هقدر

Verse 1 ( Omar )
أنا مستاهلش كل إللي أنتي عملتيه فيا
يلا روحي للي أحسن مني
بس بشرط يكون نفس ملامحي
نفس خوفي عليكي
نفس طيبتي , نفس شري , نفس جنوني
نفس كل نظرة من عنيكي
بتقول مش عايزة
أنا في مكاني ببص لعنيكي
بشوفك سعيدة في عدم وجودي
بوصل كلامي لكتبي برابي من غير مجهودك
ميسواش ضافر نملة , أنتي أغلي , أنتي أصدق
أنتي أكتر واحدة فاهمة وحاسة بيا
سطور كشكولي خلصت , إيه القضية ؟
دموع بتنشف , ملهاش أي مخرج للهروب 
عشقت كل قلب داب من الجروح
كان نفسي عينك تبقي في عيني
بس البصر بيضعف , ضعفي قواني
دي كانت ليا أكتر من أغنية , دي حياة كانت فيا
بس للأسف قطعت طريق أخره سد
بجد كان أحلي ألوان الحياة

Chorus
تعدي ليلة في ليلة ونبض قلبي بيكي بينبض
سامع منك كلمة إبعد , سامع صوت عقلي بيرفض
حبك زاد عن حده فبيكي أنا إتعلقت أكتر
مهما طلبتي إني أبعد صدقيني أنا مش هقدر

Omar Khaled

Popular tracks