انتو فين دلوقتى  احنا محتاجينكو😢😢😢

Mido

قالك شرطة - اولتراس أهلاوي

سيرة الأراجوز عمدان النور

غَني الحرية دي اجمل غنوة فـ الوجود
شمس الحرية اتولدت ولا يُمكن تموت
فارس عقليته مقاومة وحياته صمود
غنى وعدى المستحيل
 كل آماله الحـــــــــرية
وسط الضلمة كان دليل 
صحى الشمس المصرية
ولع فلام يمحى الظـــــــلام
ينشر حرية يسقط النظام
الكورة حياتي لكن لـ بلادي أموت
وافديها بـ عُمري راح زمن السكوت
دي الثورة اتولدت فكرة ولا يُمكن تموت
فارس عايش لـلنضال 
 كل سلاحه العقلية
 ثابت حافر فـ الجبال 
 خطوة لـ ارض الحرية
ثورة ونضال اسلوب حياة
جزء فـ عقليتي مافهموش الطُغاة
قالوا شرطة فـ خدمة شعب وكنا احنا العبيد
قتلونا وكتموا فـ صوتنا بـ النار والحديد
جهلة والقمع حياتهم وخيالهم مريض
اقتل واسجن ايه الجديد 
ابني سجونك عاليها
مهد الثورة فـ العقول 
انسى بـ ظُلمَك تمحيها
تضرب فـ غاز تضرب رصاص
جيلنا من الموت مابقاش بـيخاف خلاص
وفـ كل مكان فـ بلادي سامع صوت شهيد
بـ حياته يكتب غنوة للفجر الجديد
حرية وجوة بلادنا مش هانعيش عبيد
بين الثورة والكفاح
دم شهيد الحرية
يكتب لـ بلاده النجاح
يحرق سور القمعية
ينهي الفساد مهما يطول الزمان
نكتب بـ أدينا تاريخ اغلى الاوطان

شمس الحرية - ألتراس وايت نايتس

جرب تدخل الاستاد
هتلاقى جوا الف باب
واقف فاتح لينا دراعاته
واحشة صوت الشباب

هو صوت الجمهور
النبض فى قلبة يثور
مستنى لحظة فرحة ويا الجول

حماس باين فى العيون
الالف صوتهم صوت مليون
لحظة الفرحة الصوت بيعلى
هى لحظة من الجنون

شمروخ فى الايد يغنى
والنار رمز احتفال
وان جيت فى يوم تلومنى مش عالبال

جنونى هيفضل حته منى
والاهلى هيفضل الدواء
صعب فى يوم تقدر تمنعنى
عن حبه دا ليا الهواء

عقلية نضال حماس
كلمات اغلى من الماس
تعرف بيها الاهلاوى وسط الناس

جرب تدخل الاستاد - Ultras Ahlawy

أحلى ذكريات - أولتراس أهلاوى | Ahla Zekrayat - Ultras Ahlawy


Lyrics : 

حدود الفكر والتفكير في الحقيقة ملكي

بس ملكي مش مساعد إن حدودي تكفي

تسند ضعف عزمي ولأصل حلمي تحمي

ففضلت أعافر في صمتي أبني في حيطان مدينتي

بس يأسي من عالمكم خنجر كان في صدري

جرح بكره المضمون من ساعات اليأس

خلى أملي في الحياة طاقة كانت بالعكس

تكشف كل سلب وتسلب كل حق

تعفي نفسي من النضال والصراخ بلأ

إختياري لإختياركوا وعد وإتفاق

إني أمضي على الضمانة وأحلف بالولاء

آسف مش هساعد، أكون لحلمي باعد

أقتل كل شاهد، كان للثورة واعد

الخروج عن المضمون فكرة مش مألوفة

والمألوف للعقول فكرة كانت موصوفة

تحجم كل جامح، تربط كل حي

تمحي من قاموس حياتك إن بكره جاي

جاي غصب عني لو هتكون معايا

كذبة واضحة من البداية وعايشة للنهاية

إنت عكس فعلي

إنت كل ماضي

إنت راضي الحقوق تضيع وتبقى عادي

فرق العمر والتفكير بين الجيل الحر

زي حبك للحياة وإختيار المر

إحنا جيل يحاول، إحنا جيل يغير

وإنتوا جيل في الحرية عمره كان قصير

سرق الأمل منا واللي بيشكي يموت

كده أو كده ميت فاصرخ بعلو الصوت

كل الشوارع لينا والثورة للثوار

والحر لو يسكت يبقى ملاه العار

طال الفرق بينا إحنا بينا شق

جيل بيرفض السكوت الخلاصة لأ

لأ لكل صمت

لأ لكل خوف

لأ بتلعن إختياركوا وتنكر الظروف

لأ تصبر اللي خايف حتى إن صبره طال

لأ تكسر الحصون حتى لو جبال

ساقط رغم حجمك مهما إنك تكون

إحنا نور الحقيقة في عتمة الظنون


Zap Tharwat - #احنا_جيل_وانتوا_جيل

كلمات: مصطفى إبراهيم
ألحان: محمد محسن

محمد محسن - بندعيلكوا

طا طي راسك طاطي انت في وطن ديمقراطي -رامي عصام

في حضرة العشق تطير الأرواح :)

لعُمْريّ أنتِ كمالُ الهوي

Fata7 'enak From Album Mamnou' | اغنية فتح عينك من ألبوم ممنوع
Official Page https://www.facebook.com/RamyEssamOfficial
Lyrics: Amgad El Qahwagy | كلمات: امجد القهوجى
Composer: Ramy Essam | ألحان: رامى عصام
Music Production, Mixing & Mastering: Hesham Watany (Maestrix) at Eleven Studio توزيع وهندسة صوتية وماسترينج: هشام وطنى
Guitars: Ramy Essam | جيتار: رامى عصام

فتّح عينك شوف الصورة وعاين بالمظبوط
تلقى طابور المصلحة ماشي زي ماكان بيفوت

يسقط آه سفاح الشهدا ..بس يعيش مبسوط
تلقى كلاب بتعض السايب وتخض المربوط

واللي يقولك كافر ملحد دمه حلال بالتوت
تلقى قطيع متساق بالجزمة وخايف م النبوت
كله بيجري محدش فاهم والفاهم مكبوت
تلقى دقون ف عيون الازمة بيقفوا يبيعوا القوت

بيزنسمِن الزمن الاغبر ماركة طق وموت
يدعي الناس للزهد وهوا ف ايده السبحة ياقوت
تلقى السوق كله بتنجان والبيض من غير كتكوت

قذفوا ال يونية ف وش الشعب السارح ف الملكوت
قبل ما يغشل وشه قذفوا عليه دستور ممطوط 
ناس طيبة بتقول دا لبن عصفور ولا دا شلوت

واللي يقول الدنيا بتشتي واللي لبس زعبوط
واللي يقول الباقية حياتك كل الناس هتموت
واللي مطنش واللي مسامح مستني السحتوت
واللي موافق جدا خالص على دور الهلفوت

لسه عبيد السلطة عبيدها ولسه كمان جبروت 
فتح عينيك شوف الصورة وعاين بالمظبوط



Ramy Essam - Fatah 'enak رامى عصام - فتح عينك

"رامى عصام أغنية جديدة - بلحه "اغنية الشارع
الكلمات
يا حلوة يا بلحه يا مقمعه
خلصتي سنينك الاربعه
يا حلوه يا بلحه يا مقمعه
خلصت سنينك الاربعه
طولت علينا بطلتك
و زهقنا خلاص من خلقتك
ف إلهي ينور صلعتك
و يصيبك حظك م الدعا
و تلم ف ايدك شلتك.
و تنور سجن المزرعه
يابلحه
يا بلحه يا بلحه

فاشل بالطول موكوس بالعرض
من خيبتك قلت تبيع الأرض
اه يا كورة شراب و باصوها لبعض
قاموا خطفوا النيل و بنولك سد
ف حفرت قناة يمكن تكسب
و عرفنا انها حفرة و مقلب
و ياريتك بتجيب منفعه
يا حلو يا بلحة يا مقمعة

نانانا نانانا نانا نانا نانانا نانانا نا
نانانا نانانا نانا نانا نانانا نانانا 
يابلحه يابلحه يابلحه يابلحه

ارهاب بيكتر  وما بيخلصش
اعلام معرص ما بيشبعش
تطبيل و لحس و غش ف غش
و الشعب ملهي ف اكل العيش
و العيش محلي ف بق الجيش
و ان فاق ف مرة الهوه بالماتش
يا زعيم نظام الشخلعه
يا حلو يا بلحة يا مقمعه

يا حلوه يا بلحه يا مقمعه
خلصت سنينك الاربعه
يا حلوه يا بلحه يا مقمعه
خلصت سنينك الاربعه
يابلحه
يا بلحه يا بلحه

بتبنى مدينه جديده بتعمل سور 
ويا اصحابك تاكلو ف بديفور 
و تسبنا بنغرق فالدستور 
مالشعب خلاص كشف المستور
حلقاتك
 برجلاتك
عملو حجاتك 
بندولاتك 

يا حلوة يا بلحه يا مقمعه
خلصتي سنينك الاربعه
يا حلوه يا بلحه يا مقمعه
خلصت سنينك الاربعه
طولت علينا بطلتك
و زهقنا خلاص من خلقتك
ف إلهي ينور صلعتك
و يصيبك حظك م الدعا
و تلم ف ايدك شلتك.
و تنور سجن المزرعه

يابلحه

يابلحه يابلحه يابلحه يابلحه
يابلحه يابلحه يابلحه يابلحه

نانانا نانانا نانا نانا نانانا نانانا نا
نانانا نانانا نانا نانا نانانا نانانا 
يابلحه يابلحه يابلحه يابلحه

هو اللى ملبسنا .. بلحه 
هو اللى مسوحنا .. بلحه

Lyrics: Galal El Behairy
Music: Ramy Essam
Additional lyrics: Ramy Essam
Music Production, Mixing, Mastering: Johan Carlberg 
Vocals: Ramy Essam
Guitar: Johan Carlberg
Bass: Bryan Percivall
Drums: Oskar Häggdah
Percussions: Mizo Gamal
Backing vocals: Dodo
Vocals recorded by: Ryan Ceola at Haxton Road Studios
Guitars recorded at: Johan Carlberg studio
Drums and bass recorded at: Häggdahl Music Studio
Backing vocals recorded by: Ahmed Gad at GAD MUSIC Studio

English translation: Galal El Behairy
Project Management: Val Denn

Special thanks: The House of Songs Ozarks, Shady Essam, Troy Campbell, Marty Robbins, Zim Zaman, Eric Witthans, Neil Greenhaw, Mike Abb, Malak, Omer Gad, Sanni Kahilainen, The town of Bentonville, Arkansas

Ramy Essam - Balaha | رامى عصام - بلحه

رامى عصام اغنية اه يا مجلس يا ابن الحرام لاولتراس اهلاوى https://www.facebook.com/RamyEssamOfficial
فى بورسعيد ضحايا شافوا الغدر قبل الممات
شافوا نظام خير ما بينهم و الفوضى فى كل البلاد
كان فاكر حكمه يوم .. هيخليه اعلى مكان
و الشعب الثورى يركع للعسكر ده كان زمان
اطلق فى كلابك كمان و الفوضى فى كل مكان
عمرى ما هديك الامان و لا تحكمنى يوم كمان

فى بورسعيد كلاب لما العسكر فتحوا الباب
انطلقوا و الفوضى عمت و قتلوا اغلى شباب
منهم كان المهندس و العامل منهم ولاد راحوا
و كان مناهم حكمك لاغى فى البلاد
اه يا مجلس يابن الحرام بعت دم شهيد بكام
لاجل ما تحمى النظام .. اللى انت منه كمان
Download Mp3
http://www.mediafire.com/?69k4etgsftdszkx
توزيع وهندسة صوت: طاهر صالح - جيتار:احمد مصطفى

Ramy Essam - UA07 رامى عصام - يا مجلس يا ابن الحرام

التراس اهلاوي اه يا مجلس يا بن الحرام غناء رامي عصام

فى بور سعيد ضحايا شافوا الغدر قبل الممات 

شافوا نظام خير مابين حكمه والفوضى فى البلاد 

كان فاكر حكمه يوم هيخليه فى اعلى مكان 

والشعب الثورى يركع للعسكر زى زمان 

اطلق فى كلابك كمان والفوضى فى كل مكان 

عمرى ماهديك الامان ولا تحكمنى يوم كمان 

اطلق فى كلابك كمان والفوضى فى كل مكان 

عمرى ماهديك الاماان ولا تحكمنى يوم كمان 

فى بور سعيد كلاب لما العسكر فتحوا الباب 

انطلقوا والفوضى عمت وقتلوا اغلى الشباب 

منهم كان المهندس والعامل منهم ولاد 

راحوا وكان مناهم حكمك لاغى فى البلاد 

اه يامجلس يابن الحرام بعت دم شهيد بكام

لجل ماتحمى فى النظام اللى انت منه كمان 

اه يامجلس يابن الحرام بعت دم شهيد بكام 

لجل ماتحمى فى النظام اللى انت منه كمان


رامي عصام - اه يا مجلس يا أبن الحرام

جيفارا مات - أحمد سعد -فيلم الفاجومي

من كل مكان جايين للأهلى 
دا الاهلى كيان غالي علينا
لو كنت فين والقاة بيندهلى
من كل مكان هتلاقينا
من كل حوارى بلدنا بنجمع
فاليوم دا بنلغى اى معاد
صوت الجمهور وياك بيشجع
اسم الاهلى يهز الاستاد
ومن زمان فالدم حب الاهلى 
وفي تالتة شمال بيتي واصحابي واهلى
من كل شكل ولون احنا معاك
وشعب كلة بيستناك
٧٠ مليون عشقك وبيعشقو كورة
وانت ف عينيهم الاهلى الاسطورة
فرحتنا معاك والنصر بنتمناة
وشعب كلة بيستناة
كل العالم عارفين مين احنا 
عارفة الاصرار والاستموات
مهما كان المشوار فية محنة
واقفة وراك التالتة شمال
ولأخر عمرى الاهلى هشجع 
ولأخر عمرى انا هبقي معاك
وهروح لأخر الدنيا وهرجع
لأجل ابقي وراك ضهرك وفداك
ومن زمان فالدم حب الاهلى 
وفي تالتة شمال بيتي وصحابي واهلى
من كل شكل ولون احنا معاك
وشعب كلة بيستناك
٧٠ مليون عشقك وبيعشقو كورة
وانت ف عنيهم الاهلى الاسطورة
فرحتنا معاك والنصر بنتمناة 
وشعب كلة بيستناة




قالك شرطة - اولتراس أهلاوي

Omar Amgad

Recent comments

Amr Mohamed

mohamed

Saso gabal

Hossam Basha

Related tracks