طمبور

عاطف السماني / احترامي إليك

صديق أحمد _ جافانى المنام

بهاجر ليك وراجع انا ليك
وما قايل بجيني زمن
حكايتي مع الحنين بتطول
بخاجر ليك عشان القاك
في لون الصباح وارتاح
وفي ضي السنين الغاب
شكاها وطل بعدو صباح
وزي سواح انا زي سواح
بهاجر ليك
ومهما تشيل شراعي رياح
وما قايل بجيني زمن ..
حكايتي مع الحنين بتطول
بهاجر ليك وخايف من دموع عينيك
تبلل طرفك المشتاق
تطرّيني الوداع وابكي
على الزمن الصبح فرّاق
أصلو الما عرف عينيك
ده ما عرف الحنين حرّاق
وما قايل بجيني زمن ..
حكايتي مع الحنين بتطول
منو البقدر على الغربة ..
بهاجر في مدار عينيك
وغيري منو البصادق الهم
وخوفو الباقي كلو عليك
وحاااتك هانت الايام
وتسلم للفرح عينيك
وما قايل بجيني زمن ..
حكايتي مع الحنين بتطول

بهاجر ليك - مصطفى سيد أحمد

داريهو سماحك منى ضاريهو
اتاريهو جبرنى أقوم اباريهو
كسـح وانفـر صاريـهـو
صدح بـى لحنـو ساريهـو
فتـرت غلبنـى اجاريـهـو
غـراق بالحيـل مجاريهـو
رحـل فـارق حواريـهـو
هجر (حشمو) (وجواريهـو)
سكـت غفـرو وسواريهـو
خفـت قوقـاى قماريـهـو
عـذاب قلبـى المواريـهـو
وحاتـك مانـى حاريـهـو
حـــلال زولا تـدوريـهـو
وسعـيـد ال الله يوريـهـو
زمانـو معاكـى طاريـهـو
زمـن كنتـى بتزوريـهـو
اماااانـى قعـد تضريـهـو
وكـت تـوبـك تفريـهـو
قوامـك جــل باريـهـو
وحـات لـيـلا مباريـهـو
يحيـر سـفـرو قاريـهـو
ويشكـر سوقـو شاريـهـو

ضاريهو سماحك*صديق احمد

انا ما معيون كلمات الشاعر الرقيق سيد عبدالعزيز أداء بادي محمد الطيب

إبراهيم عوض - جمال دنيانا

صديق احمد ــ يسوقني الشوق

صديق أحمد - العشق المجنون

طارق ابوعبيدة - عقلي انشغل بهواك

الدنيا يا محبوبة


كوسي لي الخلاص من بدري في حبك تراي غـرق
عارف نفسـي مابلقـاكي سـاكت فيـك متعـلق
قالوا الدنـيا يامحــبوبة تجمـع يوم ويوم تفـرق
نان بس مالا مابتجمـعنا والله ده ماهو متحـقــق
صـح ماليها أمان واللـه لي مضـيقي المشِــقّ
مادالي اليمين تضحـك لي وبي إيـدا الشـمال اتعـق
هـــاك شكوايا يا محبـوبة لو قلبك علي يـرق
ديل أربـع سنين متــواري من محني وشقاي ما فق
خوفي شقايا قبل ألقـاكي يمحق لي عميري محـق
وأجيك ساير علي الأكتـاف عزب لا حني لا جـرتق
آه من دنيـتي وأقـدارها ينصـبـقن علي صـبـق
وساقة الهم تسوق في راسي تتعـاقب بلا تتــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــرق
ساعة الناس تنوم تتهـني والعين للمنـام تسـرق
ألقي رويحتي فوق الملي شقيش ما انقلب بي شـق
الله من عبرتاً سـادي وارداً للقليب بتشــق
والله من دموعـاً نازلي ينجـارن بلا ميرتـــق
دار انساكـي عـارف قلبي للغير حـبو ما بطـلـق
منك لو أموت كل لحظـة بالريد قلبي ليك يخفـق
ما بنساك عشان كملت صبري ولي حدودو لحــق
إلا الريد تعقبو عـدواة وليكي أنا من عدواتو شفق

ابنعوف


السلام   صديق احمد

صديق أحمد

صديق احمد+ +الراعي واعي

يا الناسينا ..حبك في ربيع دنيانا شال نور
تسقي الذكريات يا روحي شان يخضر لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكـــــــر
ضل السيسبان والمنقة لافينا بوشاح أخضــــر
فرع البرتكان متدلي فوقو كنارو يتبختــــر
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكــــر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبــــــر
بطراك والقميرة معاي تشاركني الهموم تسهــر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قــدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـــدر
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر
السر عثمان الطيب

صديق أحمد

OMAREEN

Recent comments

Medani Mohammed

Boond

Related tracks