ديمو كنا واحد راب غناء عمر حكيم

اداء و غناء و توزيع و كلمات | عمر حكيم ( العبد لله ) 

راب كنا واحد | غناء عمر حكيم

راب اول صرخه 
كلماتي 
اول صرخه ليا يوم ما جيت على وش الدنيا 
كانت بداية النهايه لبقيت ايامي الجايه
يوم ما جيت الدنيا شفت فرحه اهلي بيا 
نزلت دمعة امي يوم ما عنيها جت في عنيا
معرفش حب فيا ولا كان خوف عليا
حسيت ساعتها خلاص ان حياتي منتهيه 
و في ليله من اليالي سمعت صرخه امي 
اتأكدت يومها لس انه زاد همي 
خلاص اهلي ماتو و اتمنيته يبقى دمي
ساعتها افتكرت يومها بصة امي
و خلاص عرفت ساعتها ان حياتي هي سمي
الادمان بكل قوه خلاص دخل حياتي 
دخل حياتي عشان يجيبلي بداية مماتي 
كل مره بنزل فيها اشرب مخدرات 
بنسى كل الدنيا و افضل اقلب في اللي فات 
افتكر صرخه امي يوم ما ابويا مات 
ابص لكل حاجه و اشد من سكات 
اخرتها ايه يا دنيا و اخره العناد 
من يوم ما جيت الدنيا و انا همي زاد
شيطاني غلب نفسي و خدها لطريق الشر 
هربان من حياتي و من واقعها المر 
هربان من دنيا لدنيا هربان من بر لبر 
كل اما اكون كبير كل اما وقتي يمر
و في يوم من الايام لقيت طوق نجاه
حسيت ساعتها ان جسمي رجع للحياه 
شفت في حلمي واحد في الدنيا ضميره تاه 
و في لحه رجعله ضميره و لقيت ربنا نجاه 
و دي كانت الرساله من ربنا سبحان الله 
حسيته ساعتها بيقولي مد ايدك للحياه 
دعيت ربنا اني خلاص لقيت طوق النجاه
قررت اغير نفسي و ابدأ حياه جديده 
حياتي باختياري ولازم تكون سعيده 
حياه مستقره و عن الادمان بعيده

راب | اول صرخه | عمر حكيم

راب حكاية انسان | غناء عمر حكيم 
كلماتي و توزيعي و الحاني 
...................

راب حكاية انسان | غناء عمر حكيم 
كلماتي و توزيعي و الحاني 
...................
الدنيا غيرت النفوس 
انسان عايش كئيب متعوس 
ماضي حقير مهوس محسوس 
الشر كان في حياته بروز 
كانت عليه الدنيا تدوس 
اصبح بالانتقام مهووس 
بس الكون مهوش معبوث 
ربك خلق عبر و دروس
الحقد كان جواه مدسوس 
عايش في الحياه منبوذ
حياته كانت اسود ساده
الكره كان جواه بزياده
عمره ما كان بيشوف سعاده
الحزن بالنسباله عاده
شره كان للخير صداده
لما فرشلهم سجاده
و الحياه بقت مهدوده
روحه للسواد مشدوده
ايامه قصيره و معدوده
و الابواب قدامه مسدوده 
*************
ضميره مات .. زماننه فات 
عايش بس بحب الذات 
عايش فيها بالعناد
عايش في وهم و خرافات
************
معاك ان الدنيا بتغير
و النفوس بس بتتغير
و اي جرح شايفه كبير
حتى لو كان جرح صغير
بلاش تعيش عابر سبيل 
كشر لقيودك تتحرر
اضحك فكر قرر غير
اضحك افراحك هتكتر
عيش حياتك بص لفوق
تفائل بكره الدنيا تروق
الدنيا عامله زي السوق
تاجر فيها و اكسب و اخسر
***************
لآ في الدنيا عقول مريضه
اشكال الوان امراض لبيده
هعيش لنفسي انا بس
و في حياتي قرارات شديده
خلاص معنتش ملك لحد
بقيت ايامي هعيشها بجد
خلاص دخلت حاره سد
معادتش رحمه معادش ود
طبعي طبع طابع 
عند ناس ملهومش مراجع
فكرت ضميري يكون راجع 
بس عايش في دنيا الموانع
***********************
اسمع مني ارجع لأصلك
قولي بس ايه حصلك 
اللي حصلي ميتحكاش
مستني الامل بس مجاش
هعيش لنفسي انا و خلاص
انشالله حتى اعيش بلاش
******************
ربك خلق اسباب حياه
عباده صوم صلاه و زكاه
بس انت بس ارجع لربك
روح و اشكيله كل همك
ربك دايما مستنيك 
ادعيله و هو يفرح قلبك 
ادعيله و هو يفرح قلبك

راب حكاية انسان | عمر حكيم

ثابت مكاني متهزتش 
بيهدوني متهدتش
ثابت وجودي عالاستيدج
كلامي رص مبيخلصش 

كل مدى كل مدى 
بعلم عاللي قصادي بزياده 
مستنتش اي شهاده 
كلامي زي الاله الحاده 
مرة واحده 
دماغي جاحده
فكره جامده
كلمه صده
ترد رده
حاره سد 
حراسه شده 
كلامى هد 
جاب و ودى
حاوي غاوي
يجيب بلاوي 
تعمل شكاوي
في المهنه هاوي
يقول كلام
ولا في الاحلام
يزرع الغام
تفجير كبير
تحديد مصير
انسان ضرير
امراض كتير
اسمه لسه كلامي مخلصش
سمع مني و متحملش
اسلوب حياتي عادي
عايش بس عالبر الهادي
من جيلي عدو
خوفه شده 
طريقه سده
سوره هده
لايدي مدوا
لبري خدته 
و لسه بردوا
شايف نفسه 
نبضه جسه
احساسي حسو
لفوق و بصوا
خيب ظنه 
قل منه
عرف انه 
مهوش قدي 
في ضربي بدي
ابويا و جدي
مش هاممني 
حركه تخلي
اسلوبي يجلي
بقول تملي
رابي هزلي
شابوه لكل كلمه اتقالت
في حقي و غصب عنها اتشالت
كلماتي جوا جيبي مالت
حقيقه مره 
جوا و بره
سهرت سهره
زيعت مره
عجبت الناس
كلام متقاس
كلام وسواس
ثابت جوه 
هي و هو 
ايياك تتلوا
تروح مكان
تلعن زمان 
يوم سماعي 
ركز و اسمع 
لسه بوجع
لسه الضربه في ايدي بتلسع
كلمه لكل واحد خان
بلاش تقل مني عشان
ثابت مكاني متهزتش 
بيهدوني متهدتش
ثابت وجودي عالاستيدج
كلامي رص مبيخلصش
كل مدى كل مدى 
بعلم عاللي قصادي بزياده
مستنتش اي شهاده
كلامي زي الاله الحاده

راب | ثابت مكاني | عمر حكيم

تأليف و غناء و توزيع | عمر حكيم
...
الكلمات
....
قلمي جر حبر 
كتب شبر 
من كلام عميق 
انا مش صفيق 
انا بحييك 
انك بتحاول 
تعمل حاجه 
مش سذاجه
اكتب قافيه 
بجمله صافيه 
كلمه كافيه 
تبقى خافيه 
كلام كتير 
من غير تحوير 
تتفهم صح 
بفكر شح 
تقريبا بح 
مش موجود 
انك بتفكر تخترع 
حاجه جديده تتسمع 
كلام يسوق و يتبَّع 
يبقى قائد مش مقود 
يولع نار من غير وقود 
كلام يلم كتير حشود 
كلام يسود 
مهوش معدود 
بس الفكره 
تبقى واصله 
متكتبش حاجه فاصله 
تسقط مخك 
تبقى فاهم 
فهم غيرك 
حرر طيرك 
من قفص كلام غباء 
احسن ينتشر وباء 
تخلص منه بعد عناء 
الاصح فكره حلوه 
ممكن تتسجل كغنوه 
براب بكلام من الافاده 
تاخد منه الاستفاده 
بلا هواده 
تبقى عاده 
تسمع حاجه 
تكون لطيفة 
تكون خفيفه 
مجتمعنا هو هو 
لازم يتغير من جوه 
عقول مريضه 
عالحديده 
عقول محتاجه خبطه شديده 
عقول تفوق 
تبص لفوق 
تكون طموحه 
تكون صريحه 
مش جريحة 
غزو الغرب 
دا احنا في حرب 
وجود عالارض 
ننزل قاع الفكر 
مش مهم عندهم 
نبقى تحت 
خلاص وضحت 
وجهة نظري 
عمري بيجري 
مش هتلاقي 
وجود لذاتك 
فكرك ماشي تبع لذاتك 
مش مهم الناس حواليك 
بص لنفسك دانت فيك 
انسان غريب 
انسان كئيب 
هيتعملك حرب اباده 
موتك خلاهم في سعاده 
هقلب الكلام في ثانيه 
هبصلك بنظره تانيه 
ابداعي و ابداعك واحد 
متبصلهاش بمخ جاحد 
بعمل حاجه للصالح العام 
مهوش كلام و السلام 
اشباع رغبه الانتقام 
عندك كبيره 
دماغ حظيره 
بص لنمط 
فكره غلط 
خليك الصح و هتتظبط 
في جزء من مخك هبط 
ايها الانسان 
هتموت عشان 
عايش جبان 
من زمان 
كل شيء في عمرك هان


قلمي جر حبر | راب | عمر حكيم

تأليف و توزيع و غناء | عمر حكيم
اغنيه لسوريا و فلسطين .. قضيه واحده 
الكلمات 
ضاعت الكرامه
لما راحت الابتسامه 
من فم طفل فلسطيني
او سوري عايش في الشام
مات
و الاوان كان فات 
و احنا العرب في السكات
طفل اتدمر بيته 
مهوش عارف فين يبات 
خلاص 
دم العروبه اتهدر
و دي مش غلطه القدر
لما كان بينا اتغدر
خلاص وقع ورق الشجر
معادتش نازل المطر 
لما دراعنا كان اتبتر 
خراب دمار في كل حته 
نفوس عربيه كانت منحطه
جسم اتشل و متثبت 
مفيش حراك كله اتشتت 
عايزك تفضل ساكت
لما روحه كانت راحت
شعب كامل لسه في ازمه
كانت فين اصوات الامه
العربيه
امه غبيه
مفيش تفكير عن الحريه
مغمورين
سوريا و فلسطين
دول اعز دولتين علينا
ايد خفيه بتدمرهم
معادتش في انتفاض علشانهم
طب ليه ساكتين عن الحقوق
لازم ننتفض نفوق
نعلى بيهم نعلى لفوق 
شعوب غريقه في الحروق
بعنا الكرامه
لما احنا اتخلينا عننهم
بعدنا ياما 
عاللي كان بينا و بينهم
مشيت خلاص
بس لازم يوم اجيلهم
نهزم العدو 
واحنا ايدنا تكون في ايدهم
يلا يا شعب شد حيلك
لو استنيت الموت هيجيلك
و هيتخلى عنك غيرك
زي مانت كنت في حالك
بحر الدم مالي الشوارع
بين الحياه و الموت بننازع
سوريا و فلسطين
بينا و بينهم فرق شاسع
في الكرامه
معندناش كرامه زيهم
اشرف واحد فينا
دا اقل واحد عندهم
هيجي يوم
و احنا هنشيل ذنبهم
في رقبتنا
بيتهم هو بيتنا
حلب و سوريا و غزه
دول هم رمز العزة
نفوسهم دايما معتزة

سوريا و فلسطين | راب | عمر حكيم

سكة شمال ( المخدرات ) 
كلمات | مهند العبد 
غنائي و توزيعي 
....
الكلمات 
...
بدا حياته عادي 
انسان بطبعه هادي
عايش في بيته راضي 
لا عمره شال الهم
ولا عمره كان بيدادي
و في يوم حياته اتشقلبت 
علطول دماغه اتشتت
معادتش في تفكير سكت 
حياته كانت اسود ساده
الكره كان جواه بزياده
عمره ما كان بيشوف سعاده
الشر بالنسباله عاده
قلبه كان للخير صداده
لما فرشلهم سجاده
بخته مال
صاحب شمال
شدوه لسكة الادمان
سكة كان زعيمها شطان
بدا خفيف يشد
انفاس في جسمه تهد 
في ثانيه راح الهم
و دا لما بدا شم
حس بحياته بتنتعش 
و بيجري في جسمه الدم
عدت ايام ورا ايام
اتزق في الطريق السام
دماغه ساحت
جرعه زادت 
معادتش جايبه همها 
في طريق الماكس مادد
دراعه اتهرى 
جسمه اتبري
حياته من الدنيا بتتسرق
عدى يوم و يوم و ليله
حقن كميه كانت كبيره
حس دي نهاية حياته
قدام عينه اتعرض شريطه
من اول يوم ما كان في بيته
لحد بداية لحظه موته
شاف اعمال حياته قدامه
ندمان عمال يلعن ايامه
ثانيه في ثانيه
لحظه في لحظه
حياته فانيه 
غمض في لحظه 
مات 
مات 

سكة شمال | راب | عمر حكيم

الكلمات 
________________
عاوز امشي من البلد دي
مش شايف احلامي فيها
المر ثابت مش بيعدي 
و الطموحات اتحط عليها
شباب كتير في نفس سني
عاطلين قاعدين على القهاوي
اللي نفسه يمثل او يغني
حتى لو كومبارس هاوي
تعب الشاب في البدايه
مذاكره دراسه بدون وصايه
كان عنده حلم و عنده غايه 
اجتهد و شاف المر
عمره ما قال للخلف در
كل يوم للصبح سهر
مستني يضحكله القدر
دخل الامتحان و حل
تعبه من على جسمه قل 
و السرور على وشه هل
بعد ما من المذاكره مل
جاب نتيجته جاب امتياز
حس انه عمل انجاز
بدأ يدور عالوظيف
بدأ يدور عالمكان
يقدر تعبه اللي كان 
اجتهد عشانه زمان
العمر بيجري بسرعه
دخل وظيفه بقرعه
مهمهوش السمه
المهم يكون شغال 
يشتغل في اي مجال
كان كل همه راحة البال 
اهله خلاص كبروا في السن
يعمل ايه ماهي حاجه تجن
مفيش فلوس معاه في جيبه
و الطلبات على ودنه زن
رايح جاي بيمد ايده
و مفيش حد عليه بيحن
تعب اهله نساه نفسه 
يعمل ايه مالقهر مسه
محدش حاسس باللي حسه
القلب دق النبض جسه
خيب ظن اهله فيه
الصبر خلاص بيموت فيه 
اصل الدنيا دي جايه عليه
اهله خلاص بيموتوا قدامه
قاعد عمال يلعن ايامه
الصرخه طالعه بصوت مسموع
مش مستوعب قاعد مفزوع
و النار جوه بين الضلوع
في مكانه قاعد لوحده
و مفيش حد ساعده
عدى يوم و اللي بعده 
اصل الدنيا دي مش بتاعته

Omar Hakem

Popular tracks