Hakam Alena El Hawa

Hakam Aalina El Hawa   حكم علينا الهوى

يا طول عذابى وأشتياقى مابين بعادك والتلاقى

ياما غالبت الشوق وشكيت من طول غيابك عن عينى

أقول لقلبى الشوق ده ليه مادام ح يعطف ويجينى

أصبر مع الايام تتحقق الأحلام

وتشوف حبيب الروح جانى وجاد بقربه وهناني

ونسيت ليالى الشوق والنوح وخفت وقتى يروح منى

من غير ما أقول له ع اللى قاسيت

ايام ماكان غايب عنى

ووقتها تحتار أى الضنى تختار

بعد الحبيب ولو انه يطول وانت ياقلبى كلك أمانى

والا لقاه والصبر قليل والعمر يجرى ساعة التداني

قابلته بعد الغياب وكان سلامى عتاب

وبعد ماتملت عينى طال السكوت بينه وبينى

بدى أقول له على اللى ضنانى والعين تدله عن طول هوانى

سكت عن شكوى الهجران وحيرة القلب الولهان

وقلت أصور له هناي ساعة ماأشوفه وياى

لا قدرت أقول بعده ضنانى ولا قلت قربه هنانى

وجيت أتكلم قلبى اتألم

لما عرض طيف البعاد قدام عيني

لا قدرت أقول بعده ضنانى ولا قلت قربه هنانى

وفضلت من شدة حبي حاير ذليل اسأل قلبي

بعد الحبيب ولو انه يطول وانت يا قلبي كلك أماني

والا لقاه والصبر قليل والعمر يجرى ساعة التداني

يا طول عذابي

كنت باشتاق لك و انا و انت هنا .. بيني و بينك خطوتين

شوف بقينا ازاي انا فين .. ياحبيبى و انت فين

والعمل ايه العمل .. ما تقول لي اعمل ايه

والامل انت الامل .. تحرمني منك ليه

عيون كانت بتحسدني على حبي .. ودلوقتي بتبكي عليا من غلبي

وفين انت .. يا نور عيني .. يا روح قلبي فين

فين اشكي لك فين .. عندي حاجات و كلام و حاجات

فين دمعك يا عين .. بيريحني بكايا ساعات

باخاف عليك .. و باخاف تنساني

والشوق اليك على طول صحاني

غلبني الشوق غلبّني

وليل البعد دوبني

دوبني

ومهما السهد حيرني

ومهما الشوق سهرني

لاطول بعدك يغيرني

ولا الايام بتبعدني

بعيد عنك

كنت باشتاق لك و انا و انت هنا

يا اللى عمرك ما خلفت ميعاد فى عمرك
الليلادى غبت ليه حيرنى أمرك
أخرك إيه عني
مستحيل الدنيا عنى تأخرك
بالأمل مستنى
سهران تجينى يا حياتى واسهرك
تعالى حب العمر كله نخلصه حب الليله دى
تعالى شوق العمر كله نعيشه م القلب الليلادى
ما تخليش أشواقنا لبكره
ما تخليش فرحتنا لبكره
كأن أول ليلة للحب الليلادى
***
يا حبيبى ونبض قلبى ونور حياتى
يا ابتسام ليلى هنا واتلهف لك
هديت الدنيا هنا واتلهفت لك
كلها معايا هنا اتلفتت لك
الربيع، الورد، النبع اللي جارى
النسيم، الحلم، الليل اللي ساري
كلهم ويايا أهم مستنين
كلهم يا حياتى لك متشوقين
لحبايبك ولقلبى أنا
لليالى الشوق ونداها لنا
ما تعذبناش، ما تشوقناش
وتعالى نعيش فرحتنا هنا
تعالى حب العمر كله نخلصه حب الليله دى
تعالى شوق العمر كله نعيشه م القلب الليلادى
ما تخليش أشواقنا لبكره
ما تخليش فرحتنا لبكره
كأن أول ليلة للحب الليلادى
***
لو كل حب فى كل قلب
اتجمعوا أنا حبى أكتر
ويايا وانت بعيد ويايا
خيال وشوق بيزيد ويايا
كل شىء حواليا بيفكرنى بيك
كل نور ف عينيا فيه ضحكة عينيك
أدي ابتسامتك يا حبيبي وانت غايب على الشموع
وآدى الشموع اللى ابتسامتك نورت فوقها الدموع
آدى خطوتك آدى همستك آدى ضحكتك
أدي انت كلك نورك وضلك ورقتك
تعال للأحلام للحب للالهام
وقد ما يحلالنا نسهر وغيرنا ينام
تعالى حب العمر كله نخلصه حب الليله دى
تعالى شوق العمر كله نعيشه م القلب الليلادى
ما تخليش أشواقنا لبكره
ما تخليش فرحتنا لبكره
كأن أول ليلة للحب الليلادى
***
يا اللى فايتلى الليالى الحلوة والذكرى الجميلة
يا اللى ويايا بحنانك تحيى أمالى العليلة
انت ويايا فى خيالى الليلادى وكل ليله
فى المكان ده يا حبيبى
ياما جينا وياما ضمتنا الليالى
فى المكان نفس المكان ده
يا ما طيرنا في العلالى
والليلادى يا حياة روحى جينا ف نفس المكان
جيت أنا وشوقى وقلبى والحنان
جينا نستناك جينا نترجاك
جينا نفرش بالأمل سكة خطاك
ومهما غبت عليا هتجينى بعد شوية
آخد ايديك فى ايديا واحضن عينيك بعينيا
ونعيشها ليلة عمر بكل عمر الدنيا

أم كلثوم

Popular tracks