يارب ... ياللي سايبلي الحبل ع الغارب 
أنا غرقان بدون قارب .. ومعرفتش أعوم وحدي 
وكل ما امدلك يدي وتنشلني 
أعوم شبرين إديا يفلفصوا الاتنين 
وأقولك سيبلي انا الباقي تسيبلي الحبل ع الغارب 
تخش المية حلقي .. اشرق .. فاصرخلك .. وأقول بغرق 
وأقولك عمري ما حسيبك ... فتنشلني 
أعوم شبرين ... إديا يفلفصوا الاتنين ... وأسيب إيدك
وأعيد الكرّه ميت مره وماتخذلنيش ولا مره
تقوللي حضنهم بره لا عمره يساع دراع سيدك
و انا لسه 
!! بسيب إيدك


omnia2014