kalapastangan (cover)

takda by daena hungriano
;
nasaksihan ko ang kayhabang linyang pangarap kang abutin
pati ang mga larong nagpaikot-ikot sa'tin

nakabisado ko na ang mapa ng mga bituin sa mata mo
kahit kailanma'y 'di mo nakita 'yong sa'kin
tuwing titingin sa'yo

pangako, paniniwalaan ko na ang sabi nilang lahat
tanggapin na lang ang pangyayari't gawin na ang dapat
kaya sana'y 'di mo na itanong kung bakit
pinalalayo kita kahit 'di ka lumapit

sa bawat takbo ng oras, tumatakbo rin ako palayo
ngunit kahit malayo na ang nalakbay ko
binabalik ako sa'yo

pero pangako, panghahawakan ko na ang sinabi ko
'di na masasaktan sa pagbanggit ng pangalan mo
kaya sana'y 'di mo na itanong kung bakit
pinabibitaw kita kahit 'di ka kumapit

pangako, paninindigan ko na ang paglayo ko
lilingon ngunit 'di na makakaramdam ng kahit ano

kaya kahit masakit,
pakakawalan na kita kahit 'di ka nakamit