Herritmo “euskaldunen erritmo”  

“Erritmoa, euskaldunen erritmoa” antzeman zuen taula gainean Sho-k, Bilboko Arriaga Antzokira estreinaldia ikustera etorri zen japoniar euskaldunak. “Egia esan, hunkigarria izan da, asko gustatu zait” aitortu zigun. Esker onekoa eta alaitsua, emanaldia eta gero berarekin egoteko aukera izan genuen, hunkigarria baita japoniar batekin euskaraz hitz egitea! Hori bai meritua! 

Oholtza gainean ikusitakoa “adierazteko hitzik ezin dut aurkitu”, Herritmo “euskaldunen erritmoa, musika, hitzak, dantza... eta herri kirolarena, hori harriagarria da” esan zigun. Euskal kulturaren “mundu ikuskera ireki” dugula ere aipatu zigun. Egia esan, japoniar batek hau guztia euskaraz esaten dizunean ez dago ezetz esaterik! Gu, noski, asko pozten gara hain iritzi positiboa jasotzeaz eta guk ere eskerrak eman nahi dizkizuegu Arriagara hurbildu zineten guztioi. Plazer handia izan da bi urteko lana konpartitzea!

Sho ezagutu genuenetik badira hamairu urte, Oreka Tx-ekoak, Kepa Junkerarekin, Japonera joan eta, kasualitatez, ezagutu genuen elkar. Sho, euskal liburuen itzultzaile bezala lan egiten zuen eta hori izan zen lehen topaketa. Eskerrak eman nahi dizkiogu, baita hizkeltaldian esandako azken hitz hauengatik: elkar ezagutu genuenetik “haien musika nire ondoan, bihotzaren barruan, eraman dut”.