Daqsxejn rap Malti :)

Grazzi kbira lill-Buzu għall-mixing u l-mastering, lil Luc Shamif talli ħallieni nuża r-recording equipment tiegħu b'paċenzja kbira, u lil ommi li rabbietni 

Lirika: 

Dan hu vanġelu ġdid għan-nagħaġ il-mitlufin
Dan hu l-aħħar kapitlu fil-kotba tad-destin
Għax Alla bagħatni buffu – kummidjant divin –
Sakemm noħroġ bħal Dante nel mezzo del cammin

Għax minn nofs triq ħajjitna
Nsibu rwieħna bħal vittma –  
Sallabna ‘l Alla għal gidma
Minn frotta ta’ serp;
U kieku smajna mill-widna
Minflok għamilna li ridna
Sakemm wasalna biex tlifna
Dak li qatt ma ra telf
Konna nifhmu kemm m’aħna sejrin imkien.
Imma min qatt basar li t-turufnati ulied Eva għad jaslu s’hawn?

Turufnati mit-twelid,
Ruħ maħnuqa mis-sadid,
Dan hu l-frott ta’ ġens marid 
Li beżaq fil-ħobż u nbid
Iżda trid jew ma tridx,
Qalb it-tifrik u t-tisbit
Issib li dak li ħbiet l-id
Joħroġ id-deheb mill-ħadid
Sakemm jasal iż-żmien fejn il-ġilju jinfetaħ,
Tara l-jum għoddu rebaħ
Fuq il-ħakma tad-dlam,
U qabel tilħaq tintebaħ
Issib li s-sema ġa sebaħ
U avolja t-temp kesaħ,
Dawl ix-xemx reġa’ qam

Dan hu vanġelu ġdid għan-nagħaġ il-mitlufin
Dan hu l-aħħar kapitlu fil-kotba tad-destin
Għax Alla bagħatni buffu – kummidjant divin –
Sakemm noħroġ bħal Dante nel mezzo del cammin

Nel mezzo del cammin, ġbin,
L-għarus għamel festin – 
Żfin, xorb u fidda fin
U l-għarusa lesta għad-dfin,
Jerfa’ l-kaxxa l-arlekkin,
Ħin li nitbaxxew f’inkin,
Min kien niseġ il-ħajt fin
Jifred il-bniedem mix-xadin
Sa fl-aħħar ġiet fostna biex jiġbor id-dejn –
Frott Eva mitluf – hemm is-seħer fl-għajnejn.
Tara’ l-kelba bil-ġuħ u titħajjar tagħlifha
Biex tingidem mil-lifgħa li tħuf mar-riġlejn.
U għandu mnejn li l-feddej niżel fostna għalxejn –
Tlaħlaħ idek u tinsa l-ħmieġ taħt id-difrejn,
Għax il-bniedem ġej trab, l-arloġġ jibqa’ għaddej
U l-għannej jaqra’ x-xorti fis-satra tal-lejl.
Il-poeta profeta, ra l-ġejjieni minn dari
Biex mill-alfa saż-żeta joħroġlok salm sekulari –
U jiena l-kewkba tat-tmiem, leħen jgħajjat fix-xagħari –
Ninseġ bizzilla minn kliem l-ilsien vulgari

Dan vanġelu ġdid għan-nagħaġ il-mitlufin
Dan hu l-aħħar kapitlu fil-kotba tad-destin
Għax Alla bagħatni buffu – kummidjant divin –
Sakemm noħroġ bħal Dante nel mezzo del cammin

Dolce Stil Novo

Beat ta' ACRRO (Ajay Oakley)
Mixing u Mastering tal-Buzu
Kliem ta' Orfew

Lirika:

Issaqsix min hu l-liba re tal-ġungla –
Jiena ninżel s’hawn biex nimmungla, xejn aktar.
Qaluli Alla kbir, le jien akbar –
Jinżlu fuqi bhaż-żunżan meta jdakkar,
Sakkar qalbek ġo kaxxa u armi l-muftieħ,
It-tebgħa titfaċċa taħt dawl il-musbieħ,
Għalxejn tgħidli ismek, s’għada se ninsieh,
Qed tgħid li ħallejtha tistenna fil-ksieħ, xiex?
Taħseb l’inti ħaqqek ħini?
Taħseb l’inti qatt se tiswa d-demm li jiġri ġo dal-vini?
Tgħid lil sħabha “kemm hu vili”
Imma taf li kieku tista’ trid tinkiteb ġo destini 

M’għandix ‘ptit nejk, inżel għarkopptejk,
Għawwiġli dahrek ħa nitfgħek flokk mejda,
Sellem lix-xejk, trid tħammeġ idejk,
Żmienek skadut u iss’ ‘ed narak żejda, le –
Ma rridekx tagħmilli kafé,
Parparli minn fuq il-parké, 
Se jasal iz-zmien
Fejn isaqsu għall-imgħallem u nissemma biss jien 


Mela ssaqsix min hu l-liba re tal-ġungla – 
Jiena ninżel s’hawn biex nimmungla, xejn aktar.
Qaluli Alla kbir, le jien akbar –
Jinżlu fuqi bhaż-żunżan meta jdakkar,
Sakkar qalbek go kaxxa…
Qalbek go kaxxa…
Sakkart qalbi go kaxxa…
Qatt m’jien se nitbaxxa –
Sfaxxa… dak kollu li rajna fil-ġejjieni;
Tfajtna f’tellieqa bejn tnejn, ġejt it-tieni –
Xerridt demgħa għalik –
Ngħaddi l-ġranet iccassat lejn roqgħa sema f’qiegħ il-bir
Waqt li nkittef il-ferita bhal iljun milqut minn tir
Imma l-kbir ghadu ġej –
Ija, l-kbir ghadu ġej…

(There's no question that he was among the most ambitious of pharaohs. Some would argue that, again, this somehow masked a kind of insecurity and megalomania - and I'm not here to psychoanalyse the pharaoh, but there's no question that Rameses went big, as it were...)

Ibki xmara,
Fl-ikel issib xagħra,
Xewka ġo subajk, fiż-żarbun daħlitlek żrara –

Taħlix ħin
Tilgħabha tal-miskin,
Tidħan is-sigaretti fuq it-taraġ ta’ kordin,
Għajnejn magħluqin
Għall-ħdura tad-destin,
La tħalli ‘l ħadd imissek kemm fit-tajjeb ul-ħażin;
Għalxejn tissara
Biex tinsa l-ħsara –

Niżżel pinta,
Biki wara l-kwinta
Sa ma trabbi par, kunfidenza tieħu spinta

La turihom min hu l-liba re tal-ġungla –
Jiena ninżel s’hawn biex nimmungla, xejn aktar.
Qaluli Alla kbir, le jien akbar –
Jinżlu fuqi bhaż-żunżan meta jdakkar,
Sakkar qalbek go kaxxa…

Ozymandias

sib il-lyric video fuq youtube - https://youtu.be/Ea2c2dLejmM

Meta Jtawwal Denbu

Lirika - Orfew
Mixing - Buzu, Funky Monkey, Orfew
Backing vocals - Maria Spiteri
Prod - Cultxre

Lirika:

Qisha disinn
Meta timxi lejk b’tazza ġin, marilyn
Tgħidlek “ċinċin, let another one in,”
Jgħaddi ħsieb malinn –
Għandha għajnejha fuq il-visa w nahseb li ġa taf il-PIN (x2)

Qas biss taf kif tgħidilha le –
Tigdimlek ftit xofftejha waqt li tgħolli il-beret
Tordnalek ieħor bil-pepe
Jekk taqa’ taħt idejha taf li ġġibek purée

Żomm naqa Mariiii –
Ċappastni mascara;
Tlajt fuqi bħal ħmara;
Qed naħseb l’int parasita

Żomm naqa mariii – 
Donnha tbattlet is-sala;
Jekk ittini l-lala;
Neħel miegħek bħal kalamita

“Ijj, sar il-ħin!
Tispiċċa din iż-żifna u ħudni d-dar wara din”
“Qas għad għandi karozza ħsibtni l-ġinn t’Aladin,
Infaqqalek subajja u ngħidlek ‘Sim salabim!’”

Għalaqt għajnejja u sibtni fuq l-għatba ta’ darha;
Ħabbatt il-bieb imma bqajt nistenna fis-sħana;
Dar fuqi d-dubbien qisni l-ħmar il-magħkus
Għax donni kont rieqed fil-bewl ta’ qattus
U fejn huwa l-mobile, u fejn il-flus?
Naħseb li ħa jtini attakk nervuż –

Tifla ħażina,
Ma kontx ġakbina,
Ġibtni għaġina
U deffistni ġo baking tin

Għax Qisha disinn
Meta timxi lejk b’tazza gin, Marilyn
Tgħidlek “Ċinċin, let another one in,”
Jagħddi ħsieb malinn –
Għandha għajnejha fuq il-Visa u nahseb li ġa taf il-PIN (x2)

Uuuuuu – kif ġabitni Mari tagħna –
Frodi akbar minn tal-Panama,
Weħħlituli bħal tad-dwana

Uuuuuu – b’dak l-eyeliner qisha Lana –
Qaltli nannitha mill-Kanada,
Tridha tal-Amerikana

U sejjer zmerċ jekk inti mingħalik
Li ħa tħallik kwiet biex tagħmel affarik –
Tegħmiżlek mill-bogħod titilfek minn sensik,
Sa ma mxiet sa ħdejk dnubietha minsija

Għax Qisha disinn
Meta timxi lejk b’tazza gin, Marilyn
Tgħidlek “Ċinċin, let another one in,”
Jagħddi ħsieb malinn –
Għandha għajnejha fuq il-Visa u nahseb li ġa taf il-PIN (x2)

Orfew

Popular tracks