هو حبيبى اصاله

My singing and lyrics with eco effect- مش هسكت على حق اخويا

اغنية مره واحد حب نفسه كلمات الشاعره المتميزه رضوي عكرش  والحان وغناء احمد فاروق14

محمد حماقي (نسمه شوق)

مفيش حد هيشبهلِك 
ولا هاتيجي في الدُنيا 
بنات تانية 
والسما تحب ملامحها 
ومن بَعدِك 
مش هاجيب الوردة واصارحها 
بأن الدُنيا دي جميلة 
ولو كان البُكا ممنوع 
خليها المرادي بجمِيلة 
وابكي بصوت مسموع 
حبيبتي الطيبة الحيلة 
أما بعد / .....
لو فاكرة الحياة بعدك بتتعاش 
فانا ميت عاش او عايش بيموت 
ودي فايدة أنفاس الموت 
بيوجدلنا من الدنيا سكوت 
يساع للمتعلاقين بيها 
وهم في الأصل اموات 
وليه بتقبل السماوات 
حنينا الزايف 
وهي عارفه انه مابيوصلش 
وبتجعل قلبنا شايف 
الحياة اكتر كذبه صدقناها 
في كونها هترحم ضعفنا 
وكنا لما عشناها 
فكرناها هتقربنا لبعضنا 
ومفيش فُراق مابيجعلش 
الروح طير مكسورله الف جناح 
فا استنجد بيكي 
عشان شافك تملي براح 
رغم براحك مابيسعهوش 
ورغم انه ماعهوش 
من النفس اللي مايكفيه 
عشان يوصلِك 
ويجعلِك 
من جناحه البيت 
لساكي برده بتضعفيه 
قصاد كلمه انا حنيت 
ويرجع تاني يستكفي يعيش مرة 
ويموت في اليوم 100 مرة 
عشان يوفرلِك الأنفاس 
ويحيلِك من الفراق الشوق 
وانا لو عليا بدوق 
حُبك كا زاد وزواد 
وبسكر بيكي وبفوق 
وأفوق بيكي فأقوم أسكر 
لكن طبع الحنين بيموت 
ويكره لأي بعاد 
ويزهد لاي حدود 
بين لُقا الارواح 
وانا مانيش يوسف 
ولا طبعي طبع الانبيا 
ولا وَلي من الأوليا 
ده انا بشر غلاط فلتان 
مايملكش في جيبه غير الأدعيا 
وحبة ذكريات وحنان 
فازاي تحاسبيني علي اللي مات فيا 
وسبب موته كان بينتظرك 
مسار الموت نَظرِك 
وسابني اعيش 
وحيد بَعِد اللي فاضل مني 
فالاقيه يساوي مفيش 
ولو قالولِك بقا مرتاح 
وعاش بعديكي 
واتعرف علي بنات ياما 
وخان ليكي 
ماتصدقيش 
وماتخبيش النظرة اياها في عنيكي 
بانِك برده لسه بتغيري 
ما انتي في يوم كنتيلي 
وحبك كان هو طيري 
ولو كان المكان يسمح 
هستناكي حبيبيتي هناك 
وأعِد الوقت بالانفاس 
ولو قالوا كفاية الناس 
هسيب السما ترُد مكاني 
بأنِك كنتي ملاك 
فاطبيعي تكوني واحشاني 
وهبكيكي وهبكيني وهبكي الوقت 
وهبكي الحياة بالذات 
عشان الحياة فُرصة 
وانتي كنتي فرصتي فيها 
وماليش دُنيا بعديها 
ومفيش حد هيشبهلِك 
ولا هاتيجي بنت تسكن قلبي 
وتحي الحب من تاني 
حبيبتي الميتة فيهم 
والعايشة فيهم 
شُكرا لأنِك لِسه واحشاني 

لينك الأكونت : https://www.facebook.com/teto.moubarek

تِشبهي لمفيش

Hossam Habib - Ghaly

لـ تحميل الأغنية mp3
من هنا http://bit.ly/1Ukme8N
أغنية رامي صبرى  / النسخة الأصلية

My singing and lyrics with eco effect- مش هسكت على حق اخويا

Osama Mohamed 80

Related tracks