Name: فرقة إسكندريلا - أنا مش كافر by Osama Sanousi
Duration: 4 min 20 s
Description: أنا مش كافر , بس الجوع كافر أنا مش كافر , بس المرض كافر أنا مش كافر , بس الفقر كافر و الذل كافر أنا مش كافر

صوت الهتافات خلتها احلى :)

ناح الحمام في الدوح دمع البنفسج سال
والورد مال مجروح من شكة الموال
قال الحمام .. ياليل ويا عيني ع اللي إنقال
مين يشتري الفيروز؟ غزه .. مع الدلال

ناح الحمام في الدوح.. دمع البنفسج سال  | الشيخ إمام

دار الفلك
في مغزلك
طول السنين ما أمهلك
يا ناسج الروح في الحياة
الحب لك
والخلد لك

انت الأزل
وانت الأبد
والهالك اللى يجهلك
يا شعب يا روح الوجود
الحكم لك
والملك

الليل حلك
والبوم سلك
والبحر عطشان منهلك
والسهم طاش اسقي العطاش
انت الكريم وبنسالك

يهوذا خان
اكم يهوذا وباع مسيح
لا يهوذا دام
ولا جرح بيلازم جريح

مليون يهوذا
خان امانك وانهلك
وانت اللي باقي
ع السواقي ومنجلك
يفرش حصير القمح
فوق دم المسيح
وانت الجريح
تيجى الاطبا وتسألك
ما اعجبك
ما انبلك
ما اجملك
يا شعب يا نبض الوجود
الحكم لك
الملك لك.. الملك لك

دار الفلك - Dar Elfalak | الشيخ إمام

أنا هنا في دنيتي في عالم البشر
في مسرح الصور
مربوط بخيط دقيق
أطيعه لو أمر
يحركه ورا الستاير القدر
يشد خيط  ايدي اليمين 
أمدها عند القمر
. يشد خيط جفوني تنفتح 
وأشغل البصر ..
يشد خيط عواطفي
أنتشي وأحب .. 
يشد خيط جنوني 
أنتفض وأهب ..
يسيب لي خيطي تاني أنطلق ..
يعود يشدني أطب !!
و ألاقي قلبي دب دب
ويملكه الغضب
كأنه ماهوش اللي من دقيقة حب.

وفي الرواية دي حاجات تحير العقول
لكل شخص قول .
و أكتر الكبار مشيوا ورا الخيوط
وراحوا من ورا الستارة يكشفوا الحُجب
و عادوا بعد مدة ينطقوا العجب
وقالوا عدنا للحيارى نهدي كل قلب
وان للراوية صاحب اسمه رب.

وأنا هنا في دنيتي مشتت المصير
يشدني الخيط أتبعه يعود يردني أسير.
وكل اللي عارفه أني يوم حموت
حتشدني الخيوط
وتشلني وتبقى زي ألف أخطبوط
وأضج من الألم و أئن
و يتنسج لي من الخيوط كفن
وأغيب في وسطها أغيب
ساعتها يعجز الطبيب
ولما دوري ينتهي
في مسرحية العجب
أتلف في خيوط
وأترمي في مخزن اللعب
في مخزن اللعب.

الماريونت - فؤاد قاعود - الشيخ إمام

أنت النعيمُ لقلبي و العذابُ له فما أمرَّك في قلبي و أحلاك 
عندي رسائل شوقٍ لست أذكرها  لولا الرقيب لقد بلَّغتُها فاك 

أنت النعيم لقلبي - الشيخ إمام عيسى

هو صحيح الهوى غلاب - من حفلة تونس
بيرم التونسي - زكريا أحمد

الشيخ إمام - هو صحيح الهوى غلاب

الشيخ إمام-مرمر زماني

قصيدة والد الأراجوز للشاعر فؤاد حداد القاء سامية جاهين و اية حميدة

من أشعار زين العابدين فؤاد
..

الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة
***
وانتي ميدان الحرب.. سينا البداية
وانتي جنينة الصلب.. والنصر غاية
وانتي البكا والغلب.. انتي الرحاية
وانتي البارود والحب.. والحرب جاية
***
غنوا التلامذة الصبح للحرية
الفلاحين ضموا غيطان القمح
رفعوا الرايات في الفجر متندية
رفعوا السنابل بنادق
عبوا البنادق بارود
الرمل قادت حرايق
والنار في دم الجنود
***
والحرب زي جناين الحرية
مهرة ومالهاش حدود
والحرب لسة ف أول السكة
اتفجري يا مصر
اتفجري بالحرب ينطلق النهار
اتفجري بالحرب ضد الجوع ضد القهر ضد التتار
اتسلحي للحرب بالحرية
واتفتحي وردة بدم ونار
واتجمعي من ألف صرخة وضحكة
والحرب لسة ف أول السكة

الشيخ إمام - الفلاحين

The background music: http://www.youtube.com/watch?v=eam9v9FsLw4 

أمل دنقل - كلمات سبارتاكوس الأخيرة

أنا الشعب ماشي وعارف طريقي 

--- 

أنا الشعب كفي تقيد الحياة 
تخضر صحاري تبيد الطغاة 
تعلي الحقايق رايات في البنادق 
ويصبح تاريخي منارتي ورفيقي 

أنا الشعب ماشي وعارف طريقي 

--- 

أنا الشعب مهما يقيموا السجون 
ومهما كلابهم تحاول تخون 
حيطلع ناري وأدمر بناري 
بحور الكلاب والسجون من طريقي 

أنا الشعب ماشي وعارف طريقي 

--- 

أنا الشعب والشمس وردة في كمي 
ونار النهار خيل بترمح في ددمي 
وتقضي ولادي على كل عادي 
ومين اللي يقدر يوقف في طريقي 

انا الشعب-الشيخ امام

أنا مش كافر , بس الجوع كافر أنا مش كافر , بس المرض كافر أنا مش كافر , بس الفقر كافر و الذل كافر أنا مش كافر

فرقة إسكندريلا - أنا مش كافر

Osama Sanousi

Recent comments

Hisham Salah Ali

Ahmed Amin

Ehab Atalla

haffo

Related tracks