من مصر جابوا لك زقاق قالوا بتمر باخ مبالغة

فرحتنا كانت وهم للأسف 💔

البغني في الدقيقة ٥:٢٦ دا منو ؟  صوتو رائع

انا بسمع الأغنية فى اسوء الصباحات التى شاهدتها من تاريخ 2019/ 3يونيو كانت صبيحة فض الاعتصام والان اشهد مشروع انفصال الدولة مرة أخرى بعد انفصال الجنوب

اسماء الفنانين بالترتيب ؟؟

محمود عبدالعزيز عمري

الدروب هي أوبريت غنائي وفيلم وثائقي موسيقي ذو طابع ميلودرامي، استغرقت صناعته نحو ثلاث سنوات.

يعرض في 22 دقيقة عناصر بصرية مختلفة مبنية من مواد أرشيفية ذات طابع سياسي وثقافي وفني واجتماعي إلى جانب عناصر جرافيك.

#سودان_وبس_سودان_كفى 
#الأمر_أبسط_من_كدا
#البناء_القاعدي 
#الثورة_نقابة_ولجنة_حي

الدروب

التومات - طول مفارق حيو

ياحليلهم دوام بطراهم...عبدالعزيز محمد داوود

البلابل - بتعرف اني من أجلك

في غفلة رقيبي، محمود عبد العزيز

معتز صباحي الناس معادن

صالحه ازهري محمد علي

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

معالجه صوتيه : @sb249

النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو البياخد من ملامحك نغمة من طبلة وربابة
يصنعوا اللحن البيدوي يجمعوا الأرض والسحابة
نخلة تاخد من ملامحك فرحة النيل في التعابة
طفلة تلعب بين دموعو كايسة لي حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات واقفة تايهة ماشة منك ومرة جاية
بس غنى الوتر البيلهي حس نغيمات الغلابة
هو اللي ثابت فينا منك هو اللي ساكن في الحنايا

النهايات ✘ محمود عبد العزيز (من البوم خلي بالك) 1994

قالو لي انساهو وامسح من خيالك ذكرياتو
انسى كل الماضي وابعد عن طريقو وعن حياتو
فات وخلاك للزمن بعد امالك سدن
ليه تحن من تاني ليه ليه تفكر في صلاتو


الطيب عبدالله السنين

آخر سؤال ليك يا وطن
قول لي سألتك بالقبيل رفعوا العلم 
فرحتنا هل كانت وهم؟ 



الدروب

Osama Sirelkhatim

Recent comments

Munya

Munya

gasim x

midoo

Related tracks