لا المدامع وقفتنا و لا الحكايات الحزينة ❤️

شان دموع الفرحة ما لاقت غنانا❤️

لا  المدامع وقفتنا ولا الحكايات الحزينة❤️

القلب بكر و الدنيا ما شافت جديدو ولا الحزن دقالو باب❤️

شايل مساديرك مجامر دمع ليش؟

ليش يا بلد والناس تريد والدنيا كل ما نريد تزيد

وقفتنا المدامع يا قدال💔

العقد

عقد الجلاد - يا شبيه البدر

يا مشاوير المحبة
الكلمة تقلت 
والخطيوات الندية
الغيمة شالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهُ
خلى إظلامِك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية 
وأبقى عايش كل لحظة نور هنية

مشاوير المحبة - عقد الجلاد

مصطفى سيد أحمد - في عيونك

عزة في هواك - عقد الجلاد

نِحنَ ، نِحنَ اهل الفرحة جينا 
لا المدامِع وقفتنا ولا الحكايات الحزينة
لما درب الرايحه جابنا ، جابنا في هادي المدينة
ياولدي الدروب شقّاقه بحر التِيه
ليك درِب ولا دربين ، مسّاك الدروب ضَهّاب
ليك قَلِب ولا بالين ، سوّاي القلوب كَضّاب
ليك ضهر ولا سرجين ،  ركّاب السروج وَقّاع
شِق ياولدي بحر التيه ، بتدردر وتتودّر
ولامن يوم علي تايتنا ديك ترسى 
نعِزّك بالقبيل داخرِنّو ليك

الطمبارة والغناي -عقد الجلاد- حفلة

عقد الجلاد _ ام ادم

عقد الجلاد - الطمبارة و الغناي

عقد الجلاد _ايدينا ياولد

أغنية لما ردتك - محمود عبدالعزيز 

محمود عبدالعزيز - لما ردتك

عقد الجلاد - باب السنط

انصاف فتحي -- في الضواحي -  والله ابدااااع شديد يااخ  -- جديد2017 -- اغاني سودانية📢

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

عقد الجلاد -- كلم الزهرة -- حفل رأس السنة

عذراً حبيبي ✘ عقد الجلاد ( من البوم مسدار ابو السره ) 2002

عقد الجلاد - اللَّهم صلِّي على النبي الأوّاب Eqd Algalad

صوتِك دليل العافية للوجع الهِنا

الطمبارة والغناي -عقد الجلاد- حفلة

Osama Eltayeb

Recent comments

Khalid jedo

Omer Ameen

midoo

ladin Mohammed

Related tracks