أحمد الطحان - يوسف

أحمد الطحان | يوسف

أحمدالطحان | مع انه كان نص ساعه

أحمد الطحان | الدقه مطلوبه

ألم مقبول   أحمد الطحان

(Voice Record - TV Program) | بعض الدموع

(Voice Record - KitKat Moive)| ورحمه أبويا انتَ ظالمني

احمد الراوي _متسيبش حد جريح ..

احمد الطحان _رباعيه

Ahmed Eltahan - محاولة خايبة

أحمد الطحان _ محاولة خايبة

مايهمش ..
قالها المِتهمش 
أول ما اتقال له : يا مِتهمش ..

مايهمش ..
قالها المتكلبش
في السجن لصاحبه المسجون ..

قالها 
الدكتور للمجنون 
علشان مايحسش بالربكة ..
قاله : إن العالم مجانين 
أما العاقلين جوة الخانكة ..

مايهمش ..
قالها الجعانين 
لصحاب العالم و الشركة ..

قالها اللي ماخشش ميادين ..
و ماشافش الموت وسط العركة ..

قالها 
الأدباء لما الناس
مابقتش تآمن بكتابة ..

قالها 
النسناس للنسناس 
بعد انتخابات ملك الغابة ..

قالها 
المتداس للمتداس
ساعة ما داستهم دبابة ..

مايهمش ..
قالها القناص
لما القناص قاله : غلابة ..
قالها 
و بيشاور ع الكاس 
" الخمرة حلال عند الميديا " ..

مايهمش 
قالها النشال 
لما المحفظة كانت فاضية ..

قالها 
المنشول لما اتقال 
" الحق !! محفظتك مسروقة " ..

قالها 
أما إيديه كات محروقة 
" مالناش أجازات يا فواعلية " ..

قالها السهران في نباطشية ..
قالها الهربان م البلدية ..
قالها العيان للمداوية ..
ساعة ما قالوله : ماهتخفش ..

الكل بيعشق (مايهمش) ..
عايش لو كان .. أو مقتول ..
الكل بيعمل بنهاوي ..

علشان كدا مثلا لو ناوي ..
تبعت شكاويك للمسئول ..
توصف له الوضع المأساوي ..
و توضح كل المتنغمش ..

فماتستغربش أما يقول :

بما إن الشعب اللي اختارني ..
بيقول (مايهمش) على طول ..
انا برضو هقولك 
مايهمش ..
..

#حسام_ابراهيم

مايهمش - حسام ابراهيم

أحمدالطحان | مع انه كان نص ساعه

زرياب

Related tracks