اصل عارف رغم اختفائها انها متابعاني♥️♥️♥️

شوفي الوقت الي يناسبك المكنه جاهزه 😍😍

المبهر بقي عادي 💜💜💜💜

  إقتلي حروف القصيدة . وشوهي أبيات الجمال
وانسي  كل  سطر عنك . و كاتبهم اللي قال 

اهزميني . في مسامع كل الناس 
وسلسليني . في سجون من غير حراس
وابقي صلبيني 
بغرورك علي صليب بين شق جبال لو يرجع نبضك زي الاول ,, وعدي كان شغال لحد ما وعدك إنتي إتبدل 
 
سيبتي كل جسور الارض ورحتي إختارتي السكه الكافرة ؟  انا هفضل اكسب فيكي لحد ماتهدي من المعافرة!

و سيبي النار دي تأيد , حتي ولو مكتوبلي الهدد 

ومهما سيوف الغل تزيد . يضخ الدم في قلبي الوتد
 
ده اللي الحرب قايمة عشانه . ماهواش غنوة ولا كلمات . ولا شروة وقوم ممتلكات . 
 
ده ياتبقي ملكة يا اكون سلطان

من جيشك مليون إنسان . وقطيع من خدام الجان 

زعيم الجيش ده بحالوا هايجي ويقدملي الجيش قربان 

بس انا عايز استسفر عن" بتتعري قلة لبس ؟ 

ولا جيوشك قبل الحرب بتاخد نظرة لـ جسمك تيبس !! 
ــــــــــــــــــــــــــــــــــــــــــــــــــــــــــــــــــــــــ
اصل انا عارف دول جنود مبيدخلوش الحرب سادة .يحبوا التيبس اكتر مايحبوا يشيلوا سيوف جنود طروادة

كل حرف قولتهولك كان عن اقتناع ..  وعن اقتناع انا جاهز دلوقتي اني ابيدهملك إبادة

اديني ربع اللي بياخدوه . هديكي ضعف اللي بيدوه 
  
ومتساليش لو حتي شيخهم ده في ميتهم عمدوة 

ضلعي اليمين كسرتوا ,, في وش حوا 

طالما جاتلنا منه , جايز من غيروا ابقي اقوي   
ــــــــــــــــــــــــــــــــــــــــــــــــــــــــــــ

انا مش هقبل تذكرتك ولا تمنا الرايح جاي ,,  رايح عايش جاي ميت ,وانا لفيت ورجعت حي

انا اكبر من دماغك ودماغك قد التحدي .. يعني انسي , اموت بطريقة قتلتي بيها حد قبلي

سيبيني اتدفي بدم جروحي واتدفي إنتي بالحرير .. وانا بوعدك في يوم هتشوفي دباباتي ع السرير

كل الاماكن حتي بيوتك والخنادق ,, كل شئ هتملكية هيكون تحت نيشان البنادق 

دلوقتي إتطمني جنودي مش في السكك  ..  جنودي بيمهدوا طريق يصب الدم جوة البرك

قلبك بيمنعك تجازفي تعدي حدودك . وكل دقة منه طالعة بثورة ضد جنودك

حاسس إنوا المرة دي داخل يجرب الانهزام . نفسوا يحط عيونك دلوقتي مابين حجر الظلام

انا عارف كل ده وساكت علشان مشتتكيش. سايب الحرب تحدد مين فينا اللي يموت ومين يعيش

ــــــــــــــــــــــــــــــــــــ
هيبقي مصيرك نفس مصير الصنم ده اللي صدي ,, هو اللي فاضل عندي من  اخر شرك عدي

وبحق مسيح السلام , وبحق نور الاسلام , ماهخلي لجيشك بزرة في ارض تتزرع غير باستسلام 

انا ولا اخاف الموت ولا اهابه .. ولا اخاف من هجمات إرهابوا , انا إنسان عتاب الندل بالنسبالوا إستفزازوا 

ياللي بتغريك بلون الروج اللي في شفايفها , انت مش عارفها لو عارفها , اوصفلي لون لسنانها 

وكلامي قصاد كلامها خلي حروفها مش مظبوطة , ولو عملت مش سامعة عادي نمسك عيب , ودان مسدوده

طب قولولها إنتوا علي الهجمة الشتوية اللي حاصلة .. قولولها إنها مكتوبة في الحسبة لكن بعد الفصلة

دي مش قنابل ده جيشي بس بيلم الورود .. مش جنود ثباتها مبيفرقش عن رمل الحدود 

ضدي صعب تلقي مكسب ولفي صحرا وبيت ودار ,  هتسافري بين حلوق جنودك بخطاوي بتنزف مرار



يوسف جوكر_اقتلي حروف القصيدة/Yousef joker E2TLy 7rof ELQaseda

http://www.reverbnation.com/osamarapmusic/song/23226679-
http://youtu.be/ahdpF3DztQg



الغباء في عيون المبسوطين الدليل 
جهل كل مبتسم سعيد شيء جميل 

ست واحدة متكفيش احتقار نيتشة 
قلم ورق كتير .. لكل هاتشة 

انطواء و الناس تبص بافتراء 
مهما كان مؤدب النتيجة في النهاية أكيد مش احتواء 

تفاهة التدخل لابسة ضيق رافعة كمك 
منطق الحرية واضح إنت مال امك ؟ 

أيوة يأس ، و منشورات بفاكس 
كلماتي لو كانت اشترت الأمل أنا كنت أختار العكس 

النهاردة ، أنا هالغي معاد الدكتور 
التشاؤم إني أخف مخلي الفن عليه الدور 

يعني طين .. و أشكله بمزاجي أكونه 
و بعد ما أخلص التمثال من الملل هالونه 

حقوق التحرش كتاب جديد من تأليف السرسجي العظيم 
شاف الوسط الأدبي ولا يسوى مليم 

-----------------

الفن مش لازم يكون رسالة يا اهبل 
فيه فن راقي فن عالي فن واطي أزبل 

و ده ذنب الفن .. العيب عيبك 
تعريفك للفن تلفه تحطه .. في .. جيبك 

الخميس حلو .. متكترش في النبيذ
تزيد هلاوس الخيال هأ مافيش عزيز 

و ييجي حد .. يكلمك بود 
فتقول بهزار اللي انت نفسك تقوله جد 


الليل جميل مع واحدة حلوة هبلة جاهلة 
تهري في التفاهة و انسى بيها محمد أسامه 

و أقول مع السلامة .. لكل خيال مفبرك 
أنا اصلا بحلم احلام من اخراج ستانلي كوبريك 

السؤال هيتساب لكن مسموح بالسباب 
السؤال بموضوعية هي الجنة فيها راب ؟

انتحاري اتفه من كونه اكتئاب وباء 
اصلا عايز اموت صغير فابقى من العظماء 

---------------------------

اواسيم 
يعني اساميات برضه 
مش قانون انا اللي فارضه 
اوسيم 
اكتساب فتح باب كتاب 


أواسيم

MC: Bedair
produced by: Omar Boflot
recording: Empire studios 
chorus vocal scratches: Bedair
Special thanks: Shahin el 3abqary & Bassem Ali

203 - ضربة قاضيه في اول جولة

طالب في ثانوي شكلك تعالى اشرح لك 
مستقبلك أديك حماس .. زي كل الناس 
منهم ناس عدت بلؤم و ناس تانية ولعت بجاز 
منهم ناس بقت صخور و ناس تانية فضلت إزاز 
ذاكر .. خليك فاكر .. إن الأمل كبير 
تدخل كلية مالكش علاقة بيها يلا خير 
المهم تجيب تقدير والأهالي تحتفل 
و انت تتحرق ميولك أو بالسوري تصطفل 
تبتدي تشوف وظيفة و الشهادة تكسفك 
يبتدي شعور بيأس و الامل مكتفك 
و النتيجة تشتغل بأي أجر و السلام 
أي شغل تافه تبقى الصبح فيه و بالليل تنام 
للأسف ، اصحابك و احبابك يقنعوك تتجوز
قال يعني عشان متبقاش وحدك لما تعجز 
و انت تنفذ ، و تشوف واحدة حلوة 
كله بيبارك و في سره بيضحك ع البلوة 

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

العيل بيجي برزقه تقوم مخلف كزا كائن 
تستلف من طوب الأرض يطاردك ألف دائن 
تضطر تطلق ، تستندل و تسيب العيال 
أو تسرحهم يبيعوا في مانديل و أهو بالحلال 
عال ، مخك راق بتفكر في السفر و الرحيل 
و اديك برضه بتكمل جزء من ثقافة الجيل 
فيزا لأوروبا تروح من بيتك للمطار بتاكس
داعش تضرب أوروبا و يتعمل على وشك إكس
ترجع لذاتك ، ترجع لتدخين غليونك
ترجع لكنبتك و شايك تفتح تلفزيونك 
مصطفى حسني . مبتسم بيقولك تفاءل 
فجاة الجيران يسمعو صريخك و ينادوا بتساؤل 
ياهوو واحد قطع بيضانه و بينزف برعب 
شالوك ودوك ع المستشفى بسرعة و الجرح صعب
أبشر يا برنس ، الدكاترة بيرموك في الشارع 
مريض مفلس ، بيتحلق له بشكل بارع

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

يجيي يقلبك بلطجي معاه سنجة و بلطة
يتدخلوا الاهالي و يتصلوا بالشرطة 
الشرطة تشد البلطجي و يشدك الأمين نادر
عادل باشا يكهربك اعترف امضي تقفيل محاضر
خلاص لبست قضية ارهاب باختيارك 
جت ع الجاهز بدل ما تتعب في انتحارك 
بعد اعدامك تندفن و تتسرق الجثة
تتباع لطلبة طب المنصورة و يذاكروا الحصة
كونك ملعون مدفون كل العيال هتسقط
و أما يشتموك في سرهم شبحك نفسه هيسكت
يدعوا عليك بالموت و انت اصلا ميت 
مش عارف تفرح تزعل تضحك او تعيط
بعد وفاتك بفترة إوعى تكون قلقان 
وجودك صار شيء ماضي بدون مستقبل أو الآن
لا هتبقى إنس ولا جان ، هيزول جسمك و شكلك 
مش هيفتكروك بالسوء ، ماحدش أصلاً فاكرك !

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

---
Beat By: Osama

Music Source:
Yassir Abdulrahman
"The Road to Eilat 1993 "

SoundCloud
soundcloud.com/muhamad-osama/tghfeela

YouTube
https://youtu.be/8v3zQprWlN8

Facebook
https://www.facebook.com/modyrapworld

التغفيلة

مصدع حبتين بس لسه مركز 
مش هعجز . بالكلام بعزز 

بالنسبة لي شرشر بدلعك يا عرعر 
ناولني اوكورديوني و اعزف لك سيدي ور ور 

بضهر ايدي بضرب سوء حظي 
حاضر ميتم سعادتي عشان من واجبي اعزي 

ترابيزتي مستطيلة ناشف فيها بواقي كيف
ايدي ساقعة متلجة كاني بتمشى في كييف

السكات مات ، مفتقد شاتات
الزيبق هو السائل الوحيد في الفلزات 

عندي اقلام رصاص و ألف زاوية للتناول 
عارف اني بكلم قاع العالم و رغم ذلك بحاول

عندي بلكونات كتير ممكن استخدمها 
عندي ناس كتير بدون مقابل بخدمها 

قاعد بقالي سنين لكن الخطر اني اتخن 
النظام علمني مركبهاش إلا أما تسخن 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

لازم اشحن ، عشان تنفسي السليم 
السباحة في السكرودرايفر محتاج عويم 


و لو غرقت و أنا بعوم سيبوني تحت 
او خلدوني بتمثال شمع ، بحب النحت 


قالت لي  اني جوزائي شقي غير متزن 
فرنشتها باداء مغتصب لا يزال مبتسم 

انا بشتم كتير عشان اغير الروتين 
و لما بزهق من البوس برزع المتين 

نطيت من سطوح ابراج زرقاء اللون 
صحيت في نص طيراني كائن مبضون 

احتفلت بعيد ميلادي بتورتة الفقدان 
و كل ما تشتغل مزيكتي بفضل هيجان 

قدمت قرباني مزز لالهة الايقاع 
عورت ايدي كاتينج قدر المستطاع 

انا طالب القرب من غبائي عشان ابقى أنا
انا بلعب طبلة شرقي عشان أكسر المنحنى


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


عاوز فلوس كتير اندم على صرفها في لاشيء 
عاوز مزة بقوام كمنجا اكون لها العشيق 

عاوز اموت لحماية نفسي من عقل عاهر 
عاوز اموت قبل ما اولع زي محمود عبد الظاهر 

شبه البلاي بيري ، في سوداها الداخلي 
بس روحها تكاد تكون اجمل من جسم شيري 

انا مش متمرد انا حاجز اسمنتي في الطريق 
انا بصحى بكرشة نفس أشرب شوت تكيلا عالريق 


عاوز اتحول لشيء جماد ممكن لي شيشة 
عاوز اشتغل في الممنوع و  أعلا بمستوى العيشة 

حرام تقولوا اني اتجننت لاني عادي 
انا بس مكسل أنام فيه وتك ساكنين قصادي 

فيرتيجو كتير الرؤية غامضة مش شايف كويس 
كاره الحيز ، عقلي متيس بس عامل ريس 

فصوص المخ عندي شبة متاهة بيت جحا 
مفتقد  البحلقة في الشمس من الفجر للضحى 


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


في الصيف ع البيتش ازداد عداد الفخاد 
كل ما تعجبني واحدة تطلع من فانز  فؤاد 

التزبيل هارشينو و التحقير عايشينو 
ملتزم بعقدي مع البحر من تراك كابتشينو 

اتعودت أكون بعيد و لما باجي بزهق 
كل ما تزيد الزحمة كل ما عقلي يبقى مرهق 

أربعة و تلاتين سنة مش فاكر يوم فيه كنت فايق 
بركب أي حاجة ماشية عمري ما كنت سايق 
---
بغيظ الكلام بالصمت يتغاظ يسكت زيي 
لو كانت فنوني نوع مرض أنا بعيي 

بكرة العادة و بكرة الشاي سكر زيادة 
الاسقاطات زادت هاجت ضد روح كيادة 

كل ما أشوف امل في مستقبلي بيطير فريرة 
ست حلوة جارة كلب لولو في الريفيرا 

مفيش مفر أو هروب من مصيري الغلس 
لما صوتي سخن هيهيي التراك خلص 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

Prod By : Osama
Piano by: Lucas King
https://www.youtube.com/user/LucasKingPiano

Vertigo

النجمة اللي سميناها على اسمك اختفت 
 تقريباً اتحرقت لما عرفت انك اختفيتي 
من الحيز المادي المحيط بيا 

بحب اضايقك كعقوبة انك موجودة في زمني 
لو اتاخدت فدية بيكي ماتدفعيش تمني 
عارفك بتحبي شعري و اساليبي السردية 
وحشاني بشكل ميتوصفش باللغات الارضية
كونك مشيتي فجأة بيعرضني لارتجاج
حبستيني جوه قمقم جدرانه من زجاج  
بدونك للأسف هزور البحر وحيداً 
و أما أكلمه عنك   رده لن يكون مفيداً
من فضلك اظهري ساعة أو ساعة و نص
نقص صورة من البوم قديم عقلية لص
راسك مصابة بأورام ذهنية لسه بكر
جاهز نتعرى قدام بعض كعقل و فكر 
ضايقيني كلميني عن أي حد بحتقره 
رغم إنك سارقة مني الاسلوب ده أنا اللي مبتكره 
الأمل في شوفك مات بس بتعلق في أشاية
فاكر زغللة عنيكي لحظة الفرنشاية 

مشيتي ليه ؟ 

انت السما المتدارية فوق سحاب غيوم 
نسيانك حرب صعبة بخسرها كل يوم 
لما كنتي بتغيري كنت ببتسم بضيق 
و أضحك لما تحلفي إني مجرد صديق 
كان عندك نوع من التفنن في تكسيري 
كنت تزقيني في صدري بعنف عشان أحس بتقصيري
استحملت عنفك قاومت خرابيطك 
كنت احضنك بغصب أشغل مزيكتي في عربيتك 
لو تفتكري مغامرتنا في حرب النجوم 
كنا بنحارب الكون باللمبة النيون 
احيانا كنا نطير بدفع ذاتي فوق باريس
و ركبنا آلة زمن اتفرجنا على حكاية إيزيس
سافرنا كل بقعة و احنا في نفس المكان 
حولت جسمك لبيانو و عزفت عليه الحان
تاريخ ميلادك إضافة للزمن و مزية
اصلك حالة فانتازيا و وجودك ضد الفيزيا 

مشيتي ليه ؟ 

كلمتيني كتير عن عيوبي تيك إت إيزي 
بنسى اللي بتقوليه شفايفك ضيعت تركيزي
أحلامي بيكي زحمة ألوان الفن التجريدي 
مبتعرفيش ترقصي لوحدك محتاجة ايدي 
ما بتقوليش يا سيدي بذمة بوظتي الجنة
شوهتي اوهامي الهارونية و رسومات الحنة
محتاجين بنزين فضائي لتموين الهلاوس 
ميزة كل أما تكوني عاوزه .. ببقى عاوز 
تواضع مزيف ابداع  في التمثيل
مارسنا الشيء المستحيل . سيت تري فاسيل
شعرك شلالات نياجرا عنيكي فاجرة 
مملكة أحضانك هبدأ اجراءات الهجرة 
مشهد نهاية العلاقة لحنته ع الأورج 
طيرنا كل الحمام و كسرنا البرج 
غروري ميتكسرش مهما كان جمال ملامحك 
مش مهم تسامحيني المهم أنا مسامحك 

مشيتي ليه ؟ 

Music By: Ben Maker
Youtube.com/BenMakerProducer

مشيتي ليه

مفتاح شقتك فاضل ، ذكرى في عقل وافر 
اتعودت ازورك لما كان جوزك مسافر 
كنت بتحكي لي ان وجوده مدمر صحتك 
و إنه عارف إنك بتخونيه مع صحبتك 

لذة مقابلاتك في شعوري إني بسرق 
يمكن الذ من ملمس قميص نومك الازرق 
تحت المطرة في بلكونتك مش ناسي صوت الرعد 
قتلنا الوقت بالسباحة في تكوين بعض

اتعودنا نعيد الكرة و ارسم لك قلوبي 
حتى في رص الراب مش بحب أغير أسلوبي 
كنت السنيدة في كل اكاذيبي و حواراتي 
كنت منورة سريري في عدم وجود مراتي 

انت ملكيش مناعة بتفكريني بالايدز 
سنين و لسه محتفظ بسيشنات النودز 
قلتي لي كتير بثقة " مش هتعرف تنساني"
عدد رجالتك متعادل مع عدد نسواني 

فاكرة أول عشيق سبتيه عشاني فسيبت البنت
بعديها ضعفت خنتك غلطة فخنتيني عند 
سافرت ست سنين رجعت لقيتك زي ما نتي 
فاكرة كل تفاصيلي فاكرة كام سنتي 

في بحر ملذاتي عمرك ما كنتي زبونة 
العاقلة دايما باستثناء طلعة الجونة 
ياما سفيت على خطيبك و انت بتضحكي
تستنيه ينام تجيلي شات نكمل حكي 

علمتي قلبي يكذب علمت قلبك النصب 
قصيتي ديل حصاني خدتيه ذكرى بالغصب 
لما بنكون سناجل بيقل مستوى المتعة 
لازم زبون لطيف مستعد يشرب الخدعة 

رحيقك ماريجوانا اعراضها اني اتوه 
خصرك فيه طائر العنقاء مرسوم تاتو 
الثورة فينا مستمرة  و لسه مكملين 
ضحايا كتير بتقع ، عدينا الأربعين 

ملكيش .. مناعة 

Music By:
Babak Beatz

Beat By: Osama

ملكيش مناعة

https://www.facebook.com/modyrapworld
https://soundcloud.com/muhamad-osama
https://www.youtube.com/alydaly

زيك فيه ليل

حجزت تذكرتين سينما و اعتبرتك جاية 
صاحبت واحدة بشعر كيرلي و اعتبرتك هي 
بفتكر الحلو منك و بنسى الجزء الشرير
وسط التفكير شغلت اغاني محمد منير
حاولت افتكر كل تفاصيل القصة لكن 
معادش فاضل منك شيء غير ماضي و اماكن 
عشان اوصل لك كنت باخد يوم كعب داير 
تبتل هدومي في الطريق من مطر يناير 
رحيلك حلا شجن مزيكتي في الكآبة 
رحيلك علا مستوى قلمي في الكتابة 
كان اعجابك بمزيكتي يعتبر شهادة 
رغم اني شايف مستوايا مش محتاج اشادة
رسايل خط ايدي عومتها مراكب 
بشوفك ماضي مختفي ما بين خيوط عناكب
راكب . زمن مواكب . شاكك في صدق حالي 
ساعات يجيني هاجس انك تجربة في خيالي 

لا توجد إمكانية لمسح ذاكرة الهموم
رحيلك حلا شجن مزيكتي في الكآبة 
رحيلك علا مستوى قلمي في الكتابة 
باقي منك ليا خط الكلام عطر الهدوم
عشان اوصل لك كنت باخد يوم كعب داير 
تبتل هدومي في الطريق من مطر يناير 

عدلت مفاهيمي في فهم الكون غير المفهوم 
لا توجد امكانية لمسح ذاكرة الهموم
بدون تعمد ودني بدأت تنسى نبرة صوتك
بشوش ع البواقي بقراءة قصص ايروتيك 
كان تراكك المفضل ليا الوحدة جوع 
شغلتيه يوم فراقنا قبل جوازك بأسبوع
عقل خاضع راضع ذكرى بلا حد رادع 
واضع صيغة قانون بحكم بيحارب الواقع 
تمن ماضيكي عندي اوكازيون معمول له خصم 
صورتك في اودتي بتساعد وصولي للأورجازم
في لحظة حسم ، مسحت من موبايلي نودزك
باخد منك مشاهد مع مشاهد غيرك بمزج 
شكراً لوجودك اللي خدم المزيكا بلركس 
علاقتي بيكي كانت ضد قوانين الفزيكيس 
فترة وجودي في حياتك تصنف انتداب 
خنتك مع المزيكا خنتك مع بارات الراب 

لا توجد إمكانية لمسح ذاكرة الهموم
رحيلك حلا شجن مزيكتي في الكآبة 
رحيلك علا مستوى قلمي في الكتابة 
باقي منك ليا خط الكلام عطر الهدوم
عشان اوصل لك كنت باخد يوم كعب داير 
تبتل هدومي في الطريق من مطر يناير 

Prod. Beatowski
English subtitles By: Mona Ghoneim

● Facebook : https://www.facebook.com/modyrapworld
● SoundCloud : https://soundcloud.com/muhamad-osama

كعب داير

ساعتين ماشي ع الاسفلت مفيش مواصلة 
محاصر بالرمال و الصحاري بلا بوصلة 
لامح شمس الشتا الغطسانة بين غيوم زرقا 
طلعت قلم رصاص بقطع من الاجندة ورقة 
هكتب عن اللي عاشوا و اللي ماتوا و اللي و اللي 
هكتب عن ضلمة كافكا و عن وساخة ميكافيللي 
يمكن اكتب عنها تاني باختلاف معاني 
اصلي عارف رغم اختفائها انها متابعاني 
هكتب رسالة لشلة المنصورة احلى عزوة
هكتب مقالة بحكي عن أطرف و أسوأ نزوة
يمكن مكتبش حاجة و ارسم شكلي في السبعين 
أو اكتب دس ع القدام بقيادة امين 
مشكلتي لما ببدأ أكتب قلمي مش بيرحم 
كل ما تمر السنين الدنيا بتبقى أزحم 
غروب النهاردة فيه شبه من غروب حياتي 
فخور بكوني في نظركم الشاب الفلاتي 

انا عن نفسي ماشي 
مرحب بالتلاشي 
الوحدة بتملى وادي 
المبهر بقى عادي 

باستخدام العدمية اكتب قصص قصيرة
لما ارزع بيرة ناس حقيرة بتظهر ع السيرة
اهلا برفاق الهلس الليلة دي السهرة عندي 
مستني كل السهرانين و خصوصا ساندي
شوفي الوقت اللي يناسب مودك الموكنة جاهزة 
وعد مني انك تخوضي تجربة جهابذة 
عاوزك في ليلة للقمر في حالة اكتمال 
عاوز دلال قبل ما نبدأ مرحلة الاهوال 
بقطع ورقة هبد الرومانسية عشان بيضحك 
بكره الحاضر كل ما افتكر الماضي بتمحك 
عجباني لسعة البرد اللي بتحاصر الحيز 
صوابع ايدي لسه مش ماسكة القلم كويس 
صور قديمة تجيب الماضي بالمشقلب 
لما كنت ادفي ايدي بمج سحلب 
بقلب في الاجندة الاقي راب قديم غير معلن 
ملوش مكان ناو بعد التغير قولاً و فعلاً


انا عن نفسي ماشي 
مرحب بالتلاشي 
الوحدة بتملى وادي 
المبهر بقى عادي 

خلصت سجايري 
شربت الشاي 
قاعد مستني يوم رحيل
ابعت رسالة الاقي سين 


Prod By: Mad House Music

Filmed  By: Subo Photography 
● Instagram : https://www.instagram.com/subophotogr...
● Facebook : https://www.facebook.com/subophotogra...

English subtitles By: Eman Seliem
Video Editing By : Muhammad Osama


● Facebook : https://www.facebook.com/modyrapworld
● SoundCloud : https://soundcloud.com/muhamad-osama

مع نفسي ماشي

Imam Nawawi is the second track of Monstah‘s first EP „Karma“.
#Karma || #كارما #Imam_Nawawi #إمام_نووي

Written By: Monstah
Mix & Mastering: Nader Nashat (Nader X Monstah pt. 2)
Release Date: December 10 , 2019.

Monstah Imam Nawawi - إمام نووي

Rapper/Songwriter/Producer‎‏
https://soundcloud.com/muhamad-osama

مع نفسي ماشي

Muhamad Osama

Recent comments

Amr Hossam Hamdan

Emad Tamer

Emad Tamer

Khaled alhadad

Related tracks