كلمات: عثمان عبدالمنعم 
والأداء بصوت عثمان عبدالمنعم  

فاكره لما كنا مع بعض لـ عثمان عبدالمنعم

كلمات وإداء بصوت : عثمان عبدالمنعم عبدالله 
أكيد كانت هتفرق معايا كتير
لما آخر مره إتكلمنا 
وقلتي ساعتها أنك خلاص هتمشي 
لو كنت فاكر إنها آخر مره 
كنت مسبتكيش تضيعي مني 
كنت عملت المستحيل 
وفهمتك إنك جزء مني 
وقتها ايدك كانت مستنيه إيدي 
كنت ساعتها حضنتك بضمير 
كنت مسمحتلكيش تروحي بعيد 
كانت عنيا سلمت علي عنيكي
كان قلبي بدقاته قالك إني بحبك 
عارفه بجد كانت هتفرق كتير
لحظة الفراق  اللي مش هتتكرر تاني 
أصلها أخدتك مني خلاص 
طيب بجد مش فاكره وقتها 
لما جسمي ساب وبقي تقيل كنت موجوع أوي 
ودموعك جوه عنيكي بتلمع 
مش عايزه ولا تروح ولا عايزه تنزل 
وقتها بجد كان الموضوع مختلف 
مش فاكر وقتها إحساسك كان إيه 
كنتي فرحانه ولا زعلانه 
مش فاكر وقتها كان شكلي عامل إزاي 
كنت مش مركز وقلبي موجوع 
قلت إنك هتروحي وترجعيلي 
إفهميني بجد 
لو كنت عارف وقارد إني أشوف القدر 
إن ده آخر لقاء بينا والفراق مكتوب علينا
كنت وقتها حضنتك بضمير 
كنت لمست قلبك قبل إيدكي 
كنت قلتلك بصوت عالي إني بحبك أأوووووي أوووي 
بس انا السبب إني مفهمتش 
إنك ممكن تروحي في لحظه مني
بس روحتي خلاص 
عارفه لو رجع بيا الزمن 
كنت مسحت دموع عنيكي 
و كنت قربت منك أوي 
و خليتك جوه مني 
و مسكت إيدك للنهايه 
كنت بجد عرفت معني إني لما أسيبك 
ممكن مترجعيش 
لأني دلوقتي عرفت إنها وقت الفراق 
اللقاء بيفرق كتييييير 
سامحيني يا أجمل بنوته ف الكون 
يا أم عيون بريئه زي طفل لسه بيتولد 
وقلب صافي من جواكي 
سامحيني بس خللي التسامح المره دي بضمير 
ومتنسيش إني كنت ف حياتك 
أصل أنا 
بحتاجلك دايماً في أحلامي   .. علشان أعرف أنام مرتاح
وأعرف أحلم بضمير 



كانت هتفرق كتير

مشهد واحد مات لـ عثمان عبدالمنعم

أغنية بمناسبة عيد ميلادي 
تأليف وغناء حكيم محمد 
تسلم يا حوووكا 
https://soundcloud.com/hakeem-mohamed-3


Ossa .. Birthday أغنيه راب

كلمات وإلقاء عثمان عبدالمنعم ..

المطارده  :
( 1 )

فـ الأصل عنك إنتِ
لكن ليها كام وصف ثابت
يعني :
عن نظرات عنيكي
لما بدأت أركز فيها بنظره خاطفه
ولما قلبي نبضه زاد
لما وقتها الكلام مني إتمنع مع إني بتاع كلام ..
عن سكوتي في كل صدفه تجمعنا
فـسكوتي قصادك من أسرار الكون
الحروف بتعجز عن الكلام ومبعرفش أحكي ...
و عن شفايفك لما تضحك فكل الدنيا بتضحك
عن كلامك القليل جداً ويا منّي يمكن يكون حاجه نادره
لكنه مع صحابك حاجه تانيه كلام كتير
لكني حافظ كل حرف كان في أول لـُقا بينا ..
وعن جمال حروفك لما عقلك يبدأ يفكر
فترسمي قصه كامله  في كام سطر عادي ...
وعن خدودك اللي بتشبه نوع من الفاكهه لكنه نادر ...

(  2 )
المطارده :
لما تيجي في حلمي دايماً
ولما تبقي نجمه عاليه
و تبقي نور في عز ضلمه
وتبقي لمه وقت الوحده القاتله
ولما تبقي آيه صعبه لكنك مش محتاجه تفسير
ولما تبقي قمر بعيد عني لكنك راحه كامله ...
أما تفكيري فيكي
إنك حاجه فريده من نوعها جداً
ومينفعش غير إني أشوفك من بعيد
وأحكي عنك ويا نفسي لكني ساكت
لما تبقي أم الكل يجري ليها يحكي
لكن بُعدي عنك شيئ غبي لأني مجبر ...
فــ تفكيري فيكي إنك كامله جداً ومينفعش تبقي ليا
حيث إنك  كارهه جداً لكل حاجه وعاشقه جداً للروايه ...
وبتكتبي كلام في الأصل كان واجعك أوي ..
فحزنك بيطلع في كام حرف بيتكتب
وعشقك لحاجات تانيه
زي قهوه حلوه وصوت فيروز في غنوه
نفسي تبقي نصي الكامل
فنكتب أفضل روايه ..

( 3 )
المطارده :
وصفها كان لكنه بالتفصيل :
شوية ناس قاعدين في عشوائيه
لكنك بدر منور وسطهم  ...
يمكن كنتي بعيده عني فـ المسافه لكني شايفك
فقلبي دقاته زادت
أما لما قربتي منيّ
بدأ الكلام بضحكتك حلوه
اخبارك ايه ! تمام جداً
إزيك إنتِ
وأول هديه بينا بعد أول دقايق من لقُانا
ثم إهداء ليكي لكنه غريب
ثم خطف كام نظره ليكي من بعيد
فشوفت فيكي
عنيك ِ حلوه لكنها بتداري حزنك
ضحكتك أحلي فبتخللي الدنيا تضحك
فإضحكي ...

( 4 )
المطارده يمكن بدات
بإني أشوفك وسط ناس
لكني كنت شايفك كده وحدك
من بعدها بقيتي حلم كامل
لكني ناقص ...
روحك أحلي ... لكن روحي أضعف
بيكي هأقوي ..لكني خايف
أحلامك ويا منيّ هتكون حقيقه
لكني خايف تكوني سراب
جواكي طفله كما اللي جوه مني
مجنونه جداً لكنك أعقل عاقله
فأنتِ ملاك في هيئة بشر
أول لُقا كان بينا من فتره
لكنك باقيه فيا و باقيه جوه منّي ..
فـ هتكوني ليا كما الجمعه
بتعالجي جراحي اللي فاتت
لكن من غير ذلات كبيره
وكما السجده فيها الهموم ترتاح
هتكوني
كما الدنيا باللي فيها من راحه
لكنك بتاخديني لجنّة الآخره
فخلليكي جنبي ..
( 5 )
المطارده زي ما ليها بدايه
النهايه لازم تكون
إني في أقرب فرصه تجمعنا
هاخد كام خطوه ليكي
وأكون جرئ
وهاقولك ممكن نتعرف أكتر
وتاخدي حاجه بتحبيها ورده مثلاً
ونعرف كل حاجه عن بعض كامله
نشوف روحنا متكامله ولا ناقصه
نتحاور أكتر ونحكي عن كل حاجه فاتت
عن تجاربي وعن أوجاعاك
ونعالج روحنا
فـ تشوفي فيا أنفع نص يكملك
لأني متأكد إنك نصي
اللي دايما مستني وجوده جنبي
وتشوفي فيا روحك
ولا منفعش أكون ليكي
غير صديق من بعيد
بعدها لو لاقينا التشابه أقرب لينا
هاقولك قدام كل البشر تتجوزيني ...
فالمطارده هي إنتِ
فكري فيا وبلاش تبعدي لو لحظه عني ..






المطارده لـ عثمان عبدالمنعم

حاجه كده دويتو ما بين عثمان عبدالمنعم 
والمنشد الرائع مؤمن ماهر 
كلمات وأداء  مؤمن ماهر وعثمان عبدالمنعم  

بحبك يا أمي  لمؤمن ماهر وعثمان عبدالمنعم

بلاش تدمن بشر مبيسندش 
وبلاش تدمن بشر خايبين 
___
برومو ديوان مدمن بني آدمين ديوان بالعامية المصريه صادر عن دار جولدن بوك للنشر والتوزيع للكاتب عثمان عبد المنعم

برومو مدمن بني آدمين

سندريلا مكتوبة مخصوص لسارة وشغلتها لأول مرة في خطوبتنا 1 - 2 - 2019

سندريلا لـ عثمان عبد المنعم

مشيت هو من أكتر الحاجات الكئيبة اللي كتبتها من فترة طويلة ولكنه واقعي. 
هو وجهة نظر لشخص تخيل بعد لما يمشي هيحصل إيه في الحياة. 
الفكرة جت لما سمعت شخص مش فاكر إسمه كان كاتب حاجة كئيبة برضه.

مشيت لـ عثمان عبدالمنعم

من ديوان #مدمن _بني_آدمين
عارفه. كل الكلام اللي جوايا ليكي مش هاقوله
لانك بتتعلقي بالحروف وخايبه يعني زي خيبتي  
أقولك إزيك ! 
تفتكريها بحبك وتعيشي بيها كام يوم مبسوطه 
فرحانه بالكلام اللي كتبته فيكي 
ولما مشاعرك تزيد أقولك 
بلاش نقرّب أصل هتعوّد عليكي
هاخاف عليكي من صحابك 
ومن أختك حتي لما تحضنك
وأنا مش قادر يا دوب ألمس إيديكي .. 
بس كل حاجه شايلها جوايا ليكي
قادره تخليكي عايشه جوّه مني سنين كتير ..

بسكت علشان عارف إنك غبيه
الغباء المعروف في الحب  زي إنك شايفاني جميل 
وعيوني حلوه برغم إني شخص عادي
أطول منك حبتين شعري خفيف.. عنيا لونهم معرفوش عسلي باين
بس اللي متأكد منه إنك أحلي مني 
وإن عنيكي بحر هادي وأتمني أغرق فيه يوماتي..

إستني لـ عثمان عبدالمنعم

أنا واحد شغال في الأشعة  
بس بيفضفض بالكلام وصوتي شغال 
برامج مختلفة كتيرة
أصوات من تأليفي 
يارب دايما الكلام يعجبكم :) 
وده لينك بروفايلي ع الفيس بوك :) 
https://www.facebook.com/Ossaothman

Othman Abd Al Moneim Ossa

Popular tracks