Name: Logic - So Serious feat Shadia Mansour by OverstandHQ in Shadia Mansour
Duration: 1 min 30 s
Description: Available from http://logicpeoplesarmy.bandcamp.com/album/listen

Shadia Mansour

بدّي سلام

(محمود جريري من دام يستضيف شادية منصور)

 

محمود جريري

صحيت اليوم لقيت حالي بصفن بمراسيم جنون

والجنون فنان يرسم ع شعبي خدود مليانه دموع

يحصد الأرواح ويروح من غير "من وين رايح من وين جاي"

 صحيت ع جنون انرسمله  أسهم دخول تفضل معي ع البداية     

العالم قنعنا أنه في دولة قالولنا في سلطة

يلا شرفونا بديمقراطية يلا بفلسطين في انتخابات حرة

استنا! بعقلي في علامة سؤال تضوي بقوة

منذ متى ألديمقراطيه بتيجي قبل الحرية؟ سألت الأمة

بس سؤالي طفا قبال ضواو الكاميرات عشان

كأنه عأفى مين يشيل ع الأحداث مسلطين العدسات

الشعب ماسك ورق عشان اليوم يوم عطلة في

انتخابات الكل مدندن تقول بدينيه سامع طرب بطريقه للبوكسة

العالم حضر تمثيلية وإحنا مثلناها منيح

فريق نزل فريق طلع طيب فريق لازم يزيح

التمثيلية كان إلها نهاية مفاجئة العالم فكر ما تصير

زعلوا منا صارت مقاطعه أنا بناديها تهذيب

 

شادية منصور لازمة

بدي سلام

بدي سلام

بدي سلام

بدي سلام, كنا بدنا سلام مع العدو هلأ بدنا سلام مع حالنا

 

 

 

 

محمود جريري

العالم قرر يعاقب شعبي يخاطب شعبي

أكنوا ولد صغير شكله مزحنا ع الثقيل

وإحنا مفهمناش أيش بصير, هيه! ليش الجماعة زعلانين

غريب عجيب فكرتهم مكيفين ع تقرير المصير

الوجه المفرود لبس ثوب التكشير

اقتراعنا مرفوض ألمقاطعه تحت التنفيذ

تقول الاحتلال العقود ما كفى فنفوذ العالم

يد واحده التفت وبفلسطين الجوع أتفشى

وإحنا جعنا فتوحمنا على لحوم بعضنا

طعجنا بواز الفرود على  وجوهنا وعلى الزناد ضغطنا عصرنا قتلنا

إسرائيل خلص تتعبيش إحنا بنصفي حالنا بحالنا

والأمهات تبكي عشان ابنها نقتل من إلي كانت تناديهم أزلامنا

 

شادية منصور لازمة

بدي سلام

بدي سلام

بدي سلام

بدي سلام, كنا بدنا سلام مع العدو هلأ بدنا سلام مع حالنا

 

محمود جريري

هلا العالم شافنا وبما انو موجهن

فبعلامات المفاجأة كان يتفنن قنعنا انو هو بتألم

مسكين! خضينا بأعمالنا البربرية هو

من العالم المتحضر متعود ينسف طريق غارات جوية

متعود ميطلعش ميتأملش بعينين الضحية

يتحملش المنظر فتحضر وصار  عنده مذابح أوتوماتيكية

وهلا عامل حاله زعلان على الوضع ع القضية

يبكي بعين والثانية مشغلها يغمز الصهيونية

يا فلسطينية أصبح عندي الآن بندقية

فخذوني معكم بس مش لحرب أهلية

فلتوا العصبية في البيت إحنا مش ناقصين يا عم

أطلقتوا سراح الجاهلية في الوطن والجاهليه أعطتنا دم

شفت جنون راح ينكتب بتاريخ سم

كله مسموم وإحنا نحمي معلقه فيها سم

نأخذ جرعة ونمشط ونرش كنا بدنا سلام مع العدو

هلا بدنا سلام مع حالنا نمشط ونرش

 

شادية منصور لازمة

بدي سلام

بدي سلام

بدي سلام

بدي سلام, كنا بدنا سلام مع العدو هلأ بدنا سلام مع حالنا

I want Peace Feat. Shadia Mansour -بدي سلام مع شادية منصور

Available from http://logicpeoplesarmy.bandcamp.com/album/listen

Buy from Bandcamp

Logic - So Serious feat Shadia Mansour

The Narcicyst Featuring Shadia Mansour-Hamdulilah  Gaza Remix

كلن عندن دبابات l شادية منصور

كلن عندن دبابات، واحنا عنا حجار
بيهدمو ببيوتنا بقتلوا بالاطفال
يا فلسطين الاحرار، يا اهل غزة الابطال
الصهيوني جاي للنهار، طراخ طراخ طرااااخ...
يا غزة الدم يا غزة الهم نشاركك أحزانك
سنكمل كفاحك فلسطين، يا غرب الأسود
أرضك لن لن بد ان تعود
يا ابطال المقاومة الفلسطينية بإيمانكم
ستشفلون عداءَ صهيونيا إرهابيا عنصريا فاشلا
يا شهداء غزة الأبرار، يا من تحديتم العدو على خط النار
ارواحكم سوف تكون رمز المنار، انتصاركم مكتوبة على كل جدار
عاشت عا عا عاشت فلسطين، يا رؤساء وزعماة العرب بعدكم نايمين
أين أنتم، اين صوتكم يبني غضبا على هذه الحال؟؟؟
كلن عندن دبابات، واحنا عنا حجار
بيهدمو ببيوتنا بقتلوا بالاطفال
يا فلسطين الاحرار، يا اهل غزة الابطال
الصهيوني جاي للنهار، طراخ طراخ طرااااخ...
شو طلبنا من العالم؟ حق، إنصاف؟
قام قابلنا فيه قصف ورد التجاهل
ستين عام تحشروا هالشعب
تتآمروا ع هالشعب، تقاتلو هالشعب
تمثلو في هالشعب...
والشعب شعب، والمحتل محتل
قام العالم ساوى بين هالدم
أما عالم مختل...
بس التاريخ ما بشفي التاريخ بمحي
وانا شايف هالتاريخ طريق برق عيون شعبي
يقولولنا قرار امم احترم منحترم
يقولولهم قرار امم يقوم يحذف بالزبالة
تآخزوهوش سمعها رمم
قيادات جبانة...
عايشة بعز والشعوب دايما عايشة بأهانة
هو عنده اسلحة للزوال وأحنا عنا اسلحة للبقاء
عنا حجار عنقدية، عنا إرادة نووية
وعنا عقول مسلحة بالقرار الشامل
قرار الشامل ينادي بالحرية...
كلن عندن دبابات، واحنا عنا حجار
بيهدمو ببيوتنا بقتلوا بالاطفال
يا فلسطين الاحرار، يا اهل غزة الابطال
الصهيوني جاي للنهار، طراخ طراخ طرااااخ...
كلهم عندهم دبابات
كلهم عندهم هيليكوبترات
وانا كل اللي بايدي
كل اللي بايدي هو الحق
شعرهم شاب
السواد بأفكارهم هاب فساد
وقع بالقلب فا وقعو بحب الارهاب
بيعاملونا كسرطان عندهم بالقلب
ايديهم مش قادرة تسلم لانه اصابيعهم عالفرد
يا ابن العرة كلنا غزة ام العزة
ناس زي كل الناس في احساس
مش حماس ولا عباس
لما شفت غزة انا شفت حالي
شفت اطفال تتيتم انا يضلهم على اهلي
اطفال تموت وانا ابكي افتش على ولادي
شفت نساوين تلطم فا حضنت اختي
استشهدت مع اللي استشهدو لاني شفت اخرتي
ولما شفت المقاومة انا كنت بدي، كنت بدي
بس واقعي نصحني اتجه...لألمي (لألمي)...
كلن عندن دبابات، واحنا عنا حجار
بيهدمو ببيوتنا بقتلوا بالاطفال
يا فلسطين الاحرار، يا اهل غزة الابطال
الصهيوني جاي للنهار، طراخ طراخ طرااااخ...
نبدى من الآخر اختلاف شاسع بيننا وبينهم
انا عاجز ادافع عن نفسي وبالنسبة الهم
ساحة الحرب لعبة نينتيندو
شايفيننا نقط، مالي اسم انا رقم بي عداد جثث
ثقة باريدوها كدفاع عن النفس
هل هذا غباء أم استعلاء
والله مالي نفس اعبر عن رأيي
بلاش يسدقو انهم ديموقراطية غير محطة
زعيم عربي بخطب، غير الحطة
الي بسمعني بفكر انو كان لي توقعات
عشو متعجب
باليوم اللي فيه زعمائنا ببدو ياخدو موقف
ببدا استقوي
اول مرة شعب الشارع مغلول
واقف بيتظاهر وانتو عالكرسي قاعدين مين المشلول؟؟؟
شو اقول؟ الله يساعد غزة وبكرا يساعدنا
شو اقول؟ لو اطفالي يابا ماحدش وقف جنبنا
يا قائد العرب جاهزة، يا بتعتزل يا بتنتسها
في فراغ سياسي ومطلوب فحل صاحب كاريزما
كلن عندن دبابات واحنا عنا حجار...
الرجوع الى أعلى الصفحة 

كلن عندن دبابات l شادية منصور

الكوفية العربية - شادية منصور

SHADIA MANSOUR FT. OMAR OFFENDUM - لازم نتغير (We have to change)

Welcome to the Official Overstand Music Soundcloud!

MORE TRUE TALK COMING SOON!

Logic & Last Resort - True Talk out NOW!
iTunes - http://bit.ly/rqeWlg
overstand.co.uk/shop