ريحة مطر..والجو ليل..والناس بتتنفس دعا,,كل الدموع بتقول كلامر..
وأنا لسة روحي مدمعة وأنا عارف إن معاك يارب..
مفيش معاني لمستحيل..في ناس تمل..وناس تميل
وناس بتصبر بالسجود
صوت المكان..مليون كمانجا بيعزفوا مع لحن عود
شكلك غريب..
محتاج تلاقي حضن بيكونلك وطن,,لونك كئيب..طعمك شجن
سيباك هنا من غير دليل,,

سهران وسارح ف الهوا..سهران وسارح ف الدوا..
علشان عنيك المنهكة هم السما بيكون مطر..
هم القلوب بيكون بكا..مش كل حلم بنحلمه..
بنعيش عشانة يعيشلنا..انتي بعيد..وانا مش انا
أوقات كتير أحلامنا بتكون مشنقة
يمكن عشان كل القلوب..كافرين أساسا باللقا

طعم الوداع..زي الدوا..كان طعمه مر !ولابد منه مفيش مفر.ومفيش بديل
من غير كلام أو فلسفة..كل الوداع بعديه وجع..كل الوجع ملهوش شفا
كل الوجع دايما يدوم..كل الحقايق مؤلمة..
حتى السما..مش صافية من طعم الغيوم,,والدموع على شكل سيل
ريحة مطر..والجو ليل !

Comments

nour nour

زهراء حسن🌻

OmAr AğàmïsTà

hema 💗

mo111201

آيوية ♡

آيوية ♡

Bneen Ali

Habiba1441

Ramez Youssef