دامت لمين

مش بافي مني غير شوية ضي في عنية
أنا هديهوملك و أمشي ... بصبري في الملكوت
يمكن في نورهم تلمحي خطوة
تفرق معاكي بين الحياة و الموت .... 

مش باقي مني غير شوية قوة في إرادتي
حسبي عليهم و أنتِ بتخطي

مش باقي مني غير شوية ضي في عنية
أنا مش عايزهم ....
لو كنت يوم هلمحك و أنتِ بتوطي
في معركة مافيهاش ولا طيارات ولا جيش
و أنتِ في طابور العيش
بتبوسي إيد الزمن .... ينولك لقمة

من حقك المشروع
مش باقي مني غير شهقة في نفس مقطوع
و أنا صوتي مش مسموع
يا حلمنا الموجوع
من المرور ممنوع

مستني لما يمر موكب سلاطينك

و مش باقي مني غير شوية كفر بشروقك
على شوية رحمة من طينك
على شوية صبر من تيبك

مش باقي مني غير شوية لحم في كتافي
بلاش يتبعتروا في البحر
و مش باقي مني غير شوية لحم في كتافي
بلاش يتحرقوا في قطر الصعيد في العيد
بلاش لكلب الصيد تنوليهم
خدي اللي باقي من الأمل فيهم

و أبنيلي من عضمهم في كل حارة مقام
و زوريني مرة وحيدة ... لو كل ألفين عام
ألم الجراح يتلم
و مش باقي مني غير شوية دم
متلوثين بالهم
مريين و فيهم سم

و مش باقي مني غير شوية دم
مقدرش أسقيكي مواجعهم
و برضه مقدرش أرميكي و أبيعهم
يمكن في مرة تطلبيني شهيد
هحتاج يوميها الدم
يمضي على شهادتي !!!

▶ مش باقي مني - أحمد سعد

البقرة حلوب الشيخ إمام

قصيده كسميات نجيب سرور كامله بصوته تسجيل نادر +18

قصيدة خمسه الصبح هشام الجخ

#خمسة_الصبح
كل حاجات الليل بتروح
ناس بتغمض وتسلم
وردية الغلب
لناس بتفتح
وتشطب عربية الكبدة
وتعلق يافطة مقفول
فبسرعة يتحول عربية فول
وكماين الشرطة المبدورة
ببتسلى على بلاوى الناس بتمشى ناس
هى كمان زهقت من الوقفة عايزة تروح

#خمسة_الصبح هو الوقت الأمثل ليها
انها تفتح شيش الأوضة
تطرد كل كلام السهرة الجارح
هو الوقت الفاصل بين دلوقتى وبين امبارح

كنا زمن بنسهر على الراديو نتسلى على أى كتاب
دلوقتى بتسهروا على اللاب
وتكلم بالمليون واحد
الصادق فيهم كداب
كنا زمان ما بينا مسافة وبينا بلاد
دلوقتى بنسهر مع بعض لخمسة الصبح بس بُعاد

#خمسة_الصبح هو سكوت الفجر فى شقة ستى
وخرير الميّة وهى ببتوضى فى عز البرد
كانت حافظة مكان الراديو وكوبس النور
وأزاى يشتغل القرآن وازاى يتعلى
وانت بتعمل نفسك ميت لتصحيك وتقولك صلى
والعصافير يستفردوا بيك
صوتهم يعلى ويصحيك

#خمسة الصبح البنت اللى عنيها امبارح
كانت قتالة ودباحة
يبدأ تتسحب بالراحة
وتغير لبس الكباريه وتلبس واسع
كالعادة التاكسى ميرضاش يدخل فى الحارة
فينزلها فى لآخر الشارع
تنزل تمشى
وجوا ودانها الرقص وضحك الناس والخمرة
من جواها الدنيا بتشغى لكن بره محدش سامع
والفقر أما بيفرض جوعه بيغير فى بنود العقد
بين الشارى وبين البايع
المشهد مفهوش تفاصيل
غير بنت لوحدها فى الشارع
محليتهاش غير جسمها يفضل حلو شوية
وحلمها يفضل طول العمر الباقى ضايع
#خمسة_الصبح خش عليها البيت يستلوح
كان سكران ، كان سكران ماشى بيطوح
كانت جارته بتكوى هدوم جوزها الشقيان
وبتقفل بلكونة الصالة
علشان عرفاه هيقوم عرقان
والبواب غسل العربية نشف إيده
فبسرعة المشهد يتحول عبد وسيده

افتح لي المشهد ع الآخر
هاته لغاية آخر كادر
مابيطرحش الملح خضار
ولا يبنيش الأوطان غدر
والقمر اللي يبات طفيان
غير القمر اللي يبات بدر
آه يا سواقي الميّة الهَدْر
لِسّاكِ عفيّة وبتدُّوري
الحب عشان يطرح ناس
مش محتاج فارس أسطوري
الحب عشان يطرح ناس
مش مستني قرار جمهوري
خمسة الصبح
اتقيّد ضد المجهول
محضر قتل الطفل السوري

يا البنت اللي بتتلوّى
ولا في الرقص عرفتِ تهزّي
ولا في الثورة عرفتِ تثوري

ليلك زى البحر يهيجح
ولا مركب هيكمل طافى
وسلاسل موجك كرابيج
وفنارك متغطى وطافى
وانا متعود
يا اما البحر حدف اشكال
وإسأل على راسى الطبال
إسأل عن شبكى وخطافى
أنا جزر وغارز فى الرملة
أما الضيف اللى بيتسلى
دا بيجى ويروح خطافى
فسأل عن شبكى وخطافى
#خمسة_الصبح بتاعة الفقرا
غير خمسة الصبح البشوات
والصحيان علشان الرحلة
غير صحيان الامتحانات
وسكوت الشاعر احيانا
مش معناه ان الشاعر مات
‫#‏خمسة_الصبح‬
وقت لكل الاحتمالات
اللي يعرّض
واللي يكشكش
واللي يصلي
واللي يفحشّ
واللي يغني
واللي يحشش
واللي يونّس
واللي يلبشّ
واللي كتير احلو عشانه
وهوا يوحشّ
وأما أزعل وأتكلم عنه
يتنرفز ويقول ميصحش

#خمسة الصبح الوقت المنعش
الوقت المدهش
كل حاجات الليل بتروح
كل خيوط الصبح تفتح
لسه حبيبتى السمرا
لسه رموش السمرا حبيبتى
سهام بتدبح
لسه العصافير اللى سايبها
فى شجرة بيتنا بتصحى تسبح
لسه المشهد زى ما هو
ناس بتشوفه فى غاية الروعة
وناس بتشوفه فى غاية القبح
وانا بتريق عالاتنين
وبسهر وحدى لـ #خمسة_الصبح
مايصحش#

خمسة الصبح

sugary >>ميكس للعفن اللى بيعانى منه المصرى

youtube.com/watch?v=Zm5qEpzLaAw

مديح للنبي صلي الله عليه وسلم للشيخ ايهاب يونس

من مسلسل "شيخ العرب همام"
أشعار عبد الرحمن الأبنودي

مع السلامة يا رفقاتي

شعر عبدالرحمن الابنودي 
العمه امنه
القاء اسراء عوض

العمه امنه للشاعر عبدالرحمن الابنودي

وكل السيوف

Voice performance: Mohamed Hassan
Lyrics: Shimaa Abduallah | Amr Hassan | Ahmed Moustafa Saad | Abdelrahman Elbehery | Mohamed Hassan
Background Music: Mohamed Aly
----------
هرجع من تانى أكتبلك و أحكيلك عن المأساه و المعاناه
هحكيلك ... عن كل مُر ... مَر عليّا في غيابِك
كل الطرق لسّه بتوديني ليكى
حتي و لو قاصد ما أمشيش
في حاجات في البُعد بتثبتلي
إن أنا مش عارف أعيش
كل الطرق
ماكنتش بتودي غير ليكي ... لعينيكي
هحكيلك
عن الأزمات النفسية فـى غيابِك
و الضحك المفقود
عن الراحة النفسية اللى كانت فى وجودك
والأمان ... اللي كان بيتحس فـى صوتِك
الوحدة مش إني أبقي لوحدي
الوحدة إني أبقي وسط الناس كلها
و إنتي مش هنا
بحكيلكم عنها
و أحكيلكم عني
اللى حتى سكوتها .. كان بيغنّى
كإنها مزيكا
مزيكا فِ حفلة لعمر خيرت
عزف الكمانجة فِ صوت محمد فؤاد
كإنها هيّ
مافيش غيرها
بعد التحية و الوجع و الحنين
يمُر اليوم علي غيابك
أربع سنين و ٦ شهور و 3 أيام
الثانية صارت عُمر بدونك
بدوَّر ... علي أي حاجة منك تطمنى
إزاي بتكوني بعيدة
وبحس إنك لسّه مني
كنتى شبه السما في نوفمبر .... زيّها
تضحك يطلّ النور
تزعل يهلّ المطر
مطر حَب السما و إتساب
انا النهارده إفتكرتك و إحنا بينا غياب
اليوم
بكتب عنك بدونك
و أحكيكي للناس يوصلهم كلامي .. مايوصلكيش
بحكيلك
عشان مافيش غير إني أحكيلك وماترديش
ليه بتكونى الوحيدة اللي البُعد بيقرّبك ؟ ... ما بيبعدكيش
صدقى منير
و السِت و هىَّ بتقول
إن ليالينا الحلوة فى كل مكان
و صدقينى ... لمّا بوجع أحكى و أقول
إنك موجودة ف كل شارع بمشي فيه
وإنك موجودة .. فى ديسمبر و لَياليه
إنه فعلاً فـِ الوقت ده من كل ليل
بتكونى موجودة
الهوا ممزوج بِ طيف ريحتِك
وعينيكي سحابتين حاضنين السما
مش كان زمانك هنا
يواسينى
طيفك دايماً رغم الغياب
واحشانى
مش هكدب علي نفسي
واحشانى مع إنك مبعدتيش
أنا لسّه بشوفك في نهار شمسي
ومشيتي ونورك دايم مابيمشيش
فـ ما تسألينيش
فى غيابِك عني انا عامل ايه
عشان من يوم بُعدك
و انا الأيام مرحمتنيش
زيّك يا منير
صبرت صَبر غريب رهيب لا يُحتمل
آدى الصبر
و آدى اللى إتوصف يا أم كُلثوم
في لسّه جدع لحد هذا الوقت مش عارف يقوم
هربت من قلبه
و مبقاش عارف يروح على فين
و لياليهم الحلوة لسّه فى كل مكان
غابت
و أهي فى بُعده عرفت تعيش
غابت .. و فايتاله سنين مبتتنسيش
غابت و مغابتش بينهم الذكرى
غابت
و بسهولة نسيت كل اللى كان
و يبدو كمان بإنها نسيت
إن أول يوم في ديسمبر
كل المستور في القلوب ... بيبان

محمد حسن | ذكرى كل ديسمبر 4 | غابت

Yalanları ve hile yapmayı sevmem
I love photography, writing, reading, traveling, fashion

العمه امنه للشاعر عبدالرحمن الابنودي

اسراء عوض

Related tracks