عالإضراب وعالإضراب
غزة والضفة إضراب
عالإضراب وعالإضراب
اليوم وبكرا إضراب
إلنا مطالب شرعية
بدنا دولة وحرية
والحرية في الثورة
والثورة بدها جمرة
والجمرة عند الفرّان
والفرّان نايم جوعان
والجوعان بدّه ثمرة
والثمرة فوق الشجرة
والشجرة بدها سقاية
ميّة نبعة أو مطرة
والمطرة جاية جاية
معها حكاية ورواية
تحكي عن الأولاد الصغار
بيشعلوا الثورة بحجار
هون حجار وهون حجار
يروح الليل وييجي نهار

ع الإضراب - وليد عبدالسلام

كنا نغني في الأعراس جفرا .. عتابا .. ودحّيّه
واليوم نغني برصاص ، عَ الجهاديّه الجهاديّـه

كنا نغني في الأعراس جفرا .. عتابا .. ودحّيّه واليوم نغني برصاص ، عَ الجهاديّه الجهاديّـه

لاكتب على جبين المرج موال 
تراب الوطن ما تثقله بأموال 
لا تحسبوا بجرة قلم تتملكوه 
هاﻷرض مش شروة
 ولا أقوال هاﻷرض للي بيعزق ويفلح
للي بإيده ثمارها تطرح

لأكتب على جبين الوطن موال - فرقة العاشقين

عن هيثم سياج لـِ "محمد البرغوثي" 

والله انه للحجر بكّى 
مين إلي خلى حيطنا العالي يرجف
 أمام حائط المبكى
 ‏
يا عاشيقين شفت برام الله ثلاث مشنوقين
 وما شفت ثورة ولا ثوار 
ابن البلد مندوب سامي صار 
وع البلد صار العرص يتشَّكى 
والله رام الله هي سجن عكا
يا حرة كيف أصبحتي قوادة

يا سياج لازم ينجلد ظهرك
تيصير عنا في البلد سادة 

والله إني كتير حبيتك
أيام مكان الخطر درب السلامة
أيام ما كان القاموس نظيف خالي 
من حسن السلوك
 وكان ع حروفه في حسن السلامة
 ‏قبل الزيتون وقبل غصنه والحمامة
 ‏حلوين كنتوا كثير آه حلوين 
 ‏كانت ملامحكم شهامة 
 ‏كنتوا فحول الخيل ليل وويل 
 ‏واليوم ضيعتوا فحولتكم
 ‏ومنيح إذا بتمارسوا العادة


يا سياج لازم ينجلد ظهرك
تيصير عنا في البلد سادة 

وطي دخيلك صوتك العالي 
نزل دخيلك ريشك النافش 
في الحرب كل الناس ملتحمين 
وانت الي وحدك كنت عالهامش
حط الرتب ع الطاولة وارتاح
وصحي نزار ورجعه عايش
طيب عالقليلة تضربش هيثم 
واقعد معنا تحدث وناقش
تكتبش اسم الله ع رايتك
تعملش حالك في البلد داعش
غزة ولإلها الله تقاسمهاش
تدخلش الله كتير في حروبك 
خلي علماني وصاحب كاس
مش حلو تلبس ثوب مش ثوبك
بتقاسم النملة في رزقتها 
وبتحلب الناموس في جيوبك 
مش وقت الله حط الله ع جنب
ترميش ع ولاد البلد طوبك
تعملش حالك من ولادك مُستفز
واطلع لجب الجيش لو كوعك 
طب خلي هباشك علينا يخف
تحملش الله جميلة في ركوعك
تعملش حالك في البلد شبعان 
ع ولاد جاعوا من ورى جوعك 
خليك مخزي وماشي جمب الحيط 
أحسن ما نتجافى ونتعادى 


يا سياج لازم ينجلد ظهرك
تيصير عنا في البلد سادة 

يا سياج أقوى إنت من ضربة الكرباج
روحك عنيدة وفي جسارتها بتهزم ألف حجاج
عيونك صوفية وفي وداعتها 
تا تنوصف بدها ألف حلاج 
إنت الدوا لبلادنا في الصيدلية بتنوصف 
إنت العلاج
مين الي ضربك يا ولد 
مين إلي عامل فيها عنترة 
وعند المواقف الي بدها رجال بقلب اخونا مسخرة 
والله بتصنيف الحديقة يا ولد هم حُمر مستنفرة
وإنت الي وحدك في الحديقة قسورة
هم تنك صدّّى وإنت إلي وحدك جوهرة
كل المزابل في التاريخ مسكرة
إلا مزابل قضيتنا فاتحة
كل المشاريع انتهت إلا مزابلنا عظيمة وناجحة 
تحبل مزابلنا وتعيش ولادة 


يا سياج لازم ينجلد ظهرك
تيصير عنا في البلد سادة 


يا سياج أقوى إنت من ضربة المدفع
أقوى من الرتب إلي صفعت جبهتك
ولو كان ظهرك عاري وإمّزع
ولو كنت وحدك جيش إنت يا سياج 
الفرد الحشود الحصن لمدرَّع 
أعطيني من عيونك جرائتها 
وخليني مثلك نبي مش معصوم
تايه أنا يا سياجنا العالي 
وقضيت عمري خايف ومهزوم 
حلفتك بروحك ويا غلاوتها 
تقعد معانا شوي وتتفرج 
كل البلد هباش يابو العم
وقلال فيها باسل الأعرج 

بشعة بلدنا بجدها وبمزحها
ما في بلد تتقلي إحنا ملحها
أهل البلد صاروا قطيع المزرعة
بطَّل حدا ماشي على ثنتين
الكل ماشي على أربعة
 وفرعون كل ما كبر بتمادى


يا سياج لازم ينجلد ظهرك
تيصير عنا في البلد سادة 


يا سياج

مع  السلامة وين رايح _ سناء موسى

حنّا نوينا
حنا نوينا
نرجع وطنّا، حنّا نوينا
حنّا نوينا حنا
نرجّع وطنّا النا
نوينا على المسير، نوينا يا رجال 
يالله
ما نسلّم لو مهما يصير، ما نسلّم يا خال
يالله
وايدي بيدك يا رفيقي تا تتحقق آمالنا

شعبي هب 
شعبي ثار
في الأراضي المحتلة
وانتفض شب وختيار
ما رضيوا بالمذلة
والحجر بإيد الأشبال
إسمع شو قال وغنى:

إرميني عالإحتلال
والحجر بيدك مدفع
شعبي هب للنضال
بإيدو نقيفة ومقلاع
وبيعلى صوت الأشبال:
فلسطين هذي إلنا



حنّا نوينا

سطّرت أسطورة، أشبال المولتوف
صحّت المعمورة ع شعب ما بعرف خوف

طيّرنا الزوابع، ع عرض الشوارع
في كل المواقع ، خرجنا صفوف صفوف

يا شعب الجسارة، وسواعدو الجبارة
أشبال الحجارة أضحت مظهر مألوف

أطفال ما بيهابوا، إذا بيرموا أصابوا
أسد كشّر عن نابو، شو بيعمل الخروف؟

ما بيرضى الذليّة، كلو معنوية
لنيل الحرية، شعبنا ملهوف

هذي الأرظ إلنا، وبنحررها حنّا
القمر بعرف إنّا، بنسببلو الخسوف

مبادرة عقيمة، من أمريكا اللئيمة
أغنية قديمة، واللحن معروف

إحنا بدنا حريّة، دولة مع هوية
الحلول التصفوية، ملّت الرفوف


أشبال المولتوف

حلو معشّق قمح .. وتلال
وعينو: طلعة الغارة
يا جرح الـ  فتح جواتي
وزرعني ألف بيّارة..
***
حلو معشّق تعب أهلي
كأنَّك من أغاني الشام
كأنَّك من هوا الغوطة
كأنك بيت 
والـ ياقي كأنوّ خيام
على آخر خبر منّك: أنا عرفتك
وفتَح قلبي ألف بركان
رجع خوفي
رجع صوت البلد ينده علي: رجاع
رجع اسمي ولد هربان
فتح قلبي ألف بركان..
كسرت مرايتي بوجهي
ورميت كتاب
وطلّعت القلب برا
وعِدت نحتو:
ملامح من حجر كنعان..
***
وشفتك بالعتم: لمعة
متل هبّة على جمرة
متل بكرا
متل صوتي
 قبل ما خاف من صوتي
متل وقفة بمدى قناص
متل صدر وكسر الرصاص
متل غمرة
متل بحر وطلع سفرَة
شفتك بالعتم: لمعة
تخلّي رصاصتك تكتب
وزمانك يركع ويقرا..
***
ألف سكين أو أكتر
ولو ما بيّنت إلا
الضربة الغايرة بصدرك
ألف سكين يا باسل
اجوا بضهرك..
***
على دربك
على ريحة عطر مجدك
على الـ فتّح أصل وردك
لقيت عيون ممدودة.
على حيطان طرزها حبق دمّك
جمعت قلوب
تعال وشوف يا مكحّل ببارودة

ملامح من حجر كنعان- إلى باسل الأعرج- فادي جومر

لو هيجذ تموت الزلم
ما ننسى الرجولة
يا أم الشهيد لا تحزني
وزفيه بهلهولة

لو هيجذ تموت الزلم

العرس الفلسطيني - فرقة العاشقين

تدمير ممنهج لأسوار المسجد الأقصى، أسفرت عن تصدعات وانهيارات اتخذتها سلطة آثار الاحتلال ذريعة للسيطرة على الأسوار تحت ستار الترميم 
المزيد مع: سائد نجم

تحت ستار الترميم .. تدمير ممنهج لأسوار المسجد الأقصى

منصة تقدم محتوى توعوي عن القضية الفلسطينية، تستعيد ماضيها المقاوم الممتد منذ الاحتلال البريطاني وحاضرها المستمر بذات النفس حتى اليوم..

تحت ستار الترميم .. تدمير ممنهج لأسوار المسجد الأقصى

فلسطين 27

Related tracks