Legó-styttan 
hættum að bíða og skrifum hvort öðru


Ég er ekki ein af þeim 
sem senda hjartað sitt í pósti
og bíða eftir svari
fram á morgun

morgundagurinn er plaststytta
af öllum þeim
sem skilja ekki vandamál frá lausnum

skrifaðu mér
einusinni


ég vildi frekar sofa
en að sitja, 
drekka te, 
leysa krossgátur

ekki fara
við eigum eftir að telja niður
í morgundaginn.

Þú ert ekki til
þú ert plaststytta
af lukku-láka
múmínpabba

það er ekki til neitt
sem heitir heppni

vonandi kemurðu aftur heim þegar ég hef skrifað þér, drukkið te
leyst krossgátur.
 Vonandi kemurðu aftur.

Lego stytta

EKKI VANMETA FJARLÆGÐINA

Hann setti á sig húfuna
og hélt heim á leið
það er enginn stígur
þar sem hann gengur

öll orkan sem umlykur hann
er vopn í myrkrinu
fuglinn leiðir hann 
aftur til baka

hann á heima nær en þú heldur
ekki vanmeta fjarlægðina

takturinn tekur hann
og leiðir hann heim
hann setur á sig húfuna
og heldur heim á leið.

Ekki vanmeta fjarlægðina

Ég held ég myndi frekar sofa

alla daga
ekki biðja
mig
um að gera
neitt
hvað sem er
ekki það
ég held ég myndi
frekar sofa


pascalpinon

Popular tracks