@amrelsha3ruwk: انت ااحلي يا عمرو

عالمي يابني والله المفروض تكمل

كلمات : عبدالفتاح العمده 
غناء وميكساج  :بيسو 
فريق سلام :D 
__________الكلمات______
في بالي لسه صرخه امي يوم اخر وداع
سكت لساني م الذهول كأن عمري ضاع..
حاولت أتمالك عقلي يومها قد المستطاع..
بس انفجر في عنيا بحر دموع مالوهش قاع..
فجأة قيت الكون في عنيا رغم الاتساع...

كأنه كان براح كبير اسود وفجأة ضاق..
ما كانش قلبي مستوعب جحيم الابتلاء
ولا ان موتي يومها اهون من نار الفراق..
____________________________
دايما صورتك قصادي حواليا في كل الاماكن
شايفك وحاسس انك بتحمسني يابا لكن..
لون الحياة في عنيا في غيابك باهت وداكن..
وشبح تشاؤم منها عايش جوه قلبي ساكن
_____________________________

عايش ما بين الناس حياة في منتهي الغرابة
واسأل ليالي الوحدة ليه تقول مافيش اجابة
محبوس في سجن م الالم والحزن والكآبة
بصرخ بصوت أنين دفين في قلبي واحشني يابا
مشيت وسبتني وحيد بتنهشني الديابة
عشان ورثت فيك سلامة النية والطيابة

مشيت وسبتني شجرة أمل ماتت جذورها..
قصة حياة نار الفراق صفت سطورها
مركب وتاهت قبلته في ليل الوحدة وبحورها
كان عمري شمس منورة وفراقك طفا نورها
في بالي لسه ضحكتك سارح خيالي في سكتك
حنان وخوف ما شوفت يوم ولا هشوف بصتك.....
مشيت وسبتني بحارب في الحياه لوحدي..
جندي وحيد بحارب جيش مشاكل واقفة ضدي..
وبحاول اصلب بس الدنيا معاندة وغاوية هدي
رافض يزور الفرحة قلبي لحظة او يعدي
_______________________________
دايما صورتك قصادي حواليا في كل الاماكن
شايفك وحاسس انك بتحمسني يابا لكن..
لون الحياة في عنيا في غيابك باهت وداكن..
وشبح تشاؤم منها عايش جوه قلبي ساكن
______________________________
مشيت وسبت الدنيا عندي حزن زي فرح..
برمي بذور سعادة فيها ومش بتدي طرح
والحزن خدني في حضنه وكل يوم يسقيني جرح
غامضة حياتي معادلة صعبة ومش لاقيلها شرح

عايش يائس بعد الفراق كاره الحياة محبط..
زي اللي بيصارع في موج ومش لاقيله شط
ماليش هدف كل الطموح قل في نظري وسقط..
تايه في دوامة الحياة غريب عابر سبيل
والدنيا في عيني صحرا كنت فيها انت الدليل
بحلم واول مرة احس الحلم مستحيل
وان الخطاوي مهما اخطي مش هتتم ميل 
كان الامل جوايا وانت معايا مالوش مثيل

وأما افترقنا يابا دب اليأس جذوره فيا..
تعبت من ذل الحياة ومن ويل المسئولية
ضهري انحني والحمل بعدك زاد اوي عليا
وبقيت بشوف الدنيا من همي سودا ف عنيا
حاسس بسيل هموم كاسرني ومكتف ايديا
كل اما اخطي خطوة.. يأس يقتل املي بيا
__________________________
دايما صورتك قصادي حواليا في كل الاماكن
شايفك وحاسس انك بتحمسني يابا لكن..
لون الحياة في عنيا في غيابك باهت وداكن..
وشبح تشاؤم منها عايش جوه قلبي ساكن
_________________________
مشيت وبعدك كل شئ حلو في حياتي مات
مابقاش فاضلي اعيش عليه غير حبة ذكريات
بسمات عنيك او حتي زعلك مني بعض اوقات

بعدك بقيت في الدنيا زي طير عايش اسير
ما بقتش فارقة عندي من الحياة للموت كتير
لكني بحمد ربنا جايز فراقنا خير 
طبع البشر ساعة القدر بيسيئوا في التقدير
وأدينا بكرة كلنا هنشوف نفس المصير


أبـــــي

أسم الباند يكفيكم 
XD  :*


Comments

ابراهيم محمد

BerAINony

Bido Sayed

TeaM The MaZziKaTyEaA

FSallama

Menah Ragab

Ahmed Saeed أحمد سعيد