Jesu sihna, mihingte khelhna hang hi a, A sisan a tatna hang a tangtawn hinna lampi hong bawlsak. Mi a di'n kilawmna khatlel neilou himahleh, kei a dia hong kipiakna ziak in sakmel etlawmpen hong suak hi.

Jesu Nang Vang In - Ningmuanching

Leitung a piangkhia a, khovel in hon piak dikna leh zalenna neivek mihingte i hi. Pianphung a mi phazoulou te hi in, taksa a bukim a piangte hitaleh; Neih-le-lam a neizoutak a khosa a om a, a langkhat lam a nek di na tawm kaikhawm zouloute; Thunei kisa a, hithei pen kisa a om a mite nelhsiah a, niamkoih a, thulimlou zawdeuh a koih a omte hitaleh, siamtu Khat, ittu kibang ahihman in I MIHINPIHTE IT ding deihna a gelh ahi.
*A la pen kin-le-buang a October 2011 a gelh leh khum ahi a, puahphat nailouh ahi. Phattuampih chiat ni.
~ Lun Thawmte

[la sa: V Biaklal]
[studio: FAITHTUNE. http://www.facebook.com/FaithtuneRecords]

I mihinpihte it ni

Itna neithei ding a vualzawlna Pathian apan i muh, numei leh pasal kal a chii kituh a, tuamah masuan a nei a Amah min lou a kitenna tuh Siamtupa deihlam ahingei ding. Pathian min suang a kitenna ahihman a leitung khosakna lampi nuam a pai ziahziah ding ana hikhin tuanlou hi. Hun nuam leh haksa tawn a nupa khualzinna zangtou ding te'n mailam nuntakna ah Pathian mah Pitu a nei a, A deihlam zuithei ding leh mitsuan den ding deihna a gelhkhiat ahi.

~ Lun Thawmte

[Lagelh kum: 2005]
[La sa: V Biaklal & Vungthiankim]
[studio: Lengtonghoih (Lamka) January 2009]

SIAN HUAI NA'N - Nihgel Tuibang Gawmta

Lungkham mangbang a om, leitung nuntakna chimtak ngoihngoih a, mailam ding leng gelpha lou a lamet ding nei nawnlou kisa in om mahle, Pathian muanhuaina leh itna in hon len teitei ahihlam phawk lehang khosakna nuamtuan mahmah ding hi. I phawklouh lai nangawn a A itna'n hon kaankhawm a vualzawlna simsenglouh toh nisim hon vuk Pa Pathian kiang kipahthu gengen dingte i hi.

[La gelh: Lun Thawmte]
[La sate: GBC Students]
[Album: GBC Praise II, 2004]

penglam

Popular tracks