Name: مقطع الربابه - موسيقي الضوء الشارد by Poet Hassan in el shref
Duration: 4 min 2 s
Description: مقطع الربابه - موسيقي الضوء الشارد

el shref

اغنيه السجن من المسلسل المصري ذئاب الجبل الذي أنتج عام 1992 وقد حقق نجاحا مذهلا وجذب انظار كل الشعب المصري وكان بداية للثنائي محمد صفاء عامر والمخرج مجدي أبو عميرة.

السجن مش احجار ولا اسوار ولاقضبان

وانا مش لازمني زنزانات ولا باب ولا سجان

انا سجني جوايا تنوره دموعي

زنزنتي في قلبي قضباني في ضلوعي

انا لاقتلت الورده

ولا دوست علي بستان

انا قتلتني ورده

كان عطرها احزان

مش عاوز اقول مظلوم

انا عاوز اقول متهان

انا ياناس متهوم

ميت بلا اكفان

محبوس في حكايه

وسجني جوايا

والسجن مش احجار ولا اسوار ولاقضبان

وانا مش لازمني زنزانات ولا باب ولا سجان

ولا سجان

على الحجار - السجن - ذئاب الجبل

مقطع الربابه - موسيقي الضوء الشارد 

دلع البنوتة
من مسلسل دلع بنات
كلمات : ايمن بهجت قمر
الحان : وليد سعد
توزيع : احمد ابراهيم
غناء : عزيزه

دلع البنوتة - مسلسل دلع بنات - غناء عزيزة

وخاصمني يا زماني
وارجع صالحني تاني
نسيني اللي جرالي
في العمر الاولاني

وخاصمني يا زماني
وارجع صالحني تاني

يا زمان حنون وغادر
انا مين ماتشوفني تاني
الواد أبو ضحكة تطلع
م القلب الأخضراني

واللي زارع في صوته
فدان ورد واغاني
مالي دبلت ورودي
وكاس همك سقاني
وانت مزمزم قيودي
وكرباجك كواني

وخاصمني يا زماني
وارجع صالحني تاني
نسيني اللي جرالي
في العمر الاولاني
وخاصمني يا زماني
وارجع صالحني تاني

يا زمان ساعة ما بضحك
دمعي يملي حفاني
والدنيا تضيق عليا
ويكرهني مكاني

مين يا زمان يطير بي
بعيد عن المباني
ومن الجبل ياخدني
يفلتني في المواني
اروح بلاد بعيدة
ولا من شاف او رآني

وخاصمني يا زماني
وارجع صالحني تاني
نسيني اللي جرالي
في العمر الاولاني

علي الحجار - تتر ذئاب الجبل - وخاصمني يا زماني

وصلة غنائية - الحلقة الثانية

الخوف لا يعرفنا - ذئاب الجبل - علي الحجار

كلمات : عبدالرحمن الأبنودي - لحن : د. جمال سلامه

علي الحجار - و خاصمني يا زماني - من اغاني مسلسل ذئاب الجبل

في جناين الشيطان يا نيران قيدي
يمكن زنوبنا تدوب في قلوبنا القايده
يمكن مكانها كرمتي وعناقيدي
تطيب لناسها في الزمان القايده

على الحجار - حدائق الشيطان

أه يازمن معيوب يا أيام سفية يادنيا مقلوبة عليها ف واطيها 
بقي يسرقونا ويتهمونا احنا فيها وغفيرها حراميها وكبيرها خاطيها
الاغراب بياكلوا لحمنا ويحرمونا وبيشربوا من سيل عرقنا ودمانا
نهوي بكرباج يهوي بيقومونا وازاي نقوم وهمومنا دي مكومانا


يا زمن معيوب 
من الاغاني الداخلية للمسلسل
غناء : محمد الحلو 
كلمات : سيد حجاب
الحان : ياسر عبد الرحمن


مسلسل الوسية 1990
تأليف : يسر السيوي 
عن سيرة ذاتية للدكتور : خليل حسن خليل
اخراج : اسماعيل عبد الحافظ

13- يازمن معيوب / محمد الحلو / مسلسل الوسية

مسلسل ليالى الحلمية انتاج 1987
اخراج إسماعيل عبد الحافظ 
وضع الموسيقى- ميشيل المصرى
كلمات: سيد حجاب
بجودة عالية

منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع


ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين



مقطع الربابه - موسيقي الضوء الشارد

Poet Hassan

Recent comments

FA🌷

FA🌷

user868409124

ahmed gamal

Related tracks