Hoppla

Mär gänd nöd uf

Träum, wäräds fromm gmeint, 
si würdäd in Ärfülig gah.
S’ Läbän isch än Trumpf uf dä suächi, 
nach dä halbä Wahrheit.
Nüt lauft, nüt lauft, 
und doch isch aläs irgändwiä,
unufhaltsam uf äm Wäg, 
umsorgt fo finää händ.


Gib nöd uf, gib nöd uf,  
was mär händ isch üs ja schliässlich gäh.
Er hät eus numä gseit, 
das mär träume müänd läbälaa, läbälaa
Solang di t’ hoffnig nöd värlaht


Fürs nöchst Stuck Karton im Muul, 
kuschläd und jammäräd
All diä Chätzli mit dä Hünd, 
wiä wänn nüt andärs wichtig wär, 
Ziit lauft, ziit lauft, 
und äs gäb na sovil ztuä
Oder spilt sie Chatzatz und Muus, 
mit äm Wüsse um t’ Wahrheit.


Mär gänd nöd uf, gänd nöd uf, 
was mär händ isch üs ja schliässlich 
Er hät üs numä zeigt, 
das sich träume müänd läbälaa, läbä laa 
Mär gänd nöd uf, gänd nöd uf, 
äs git da goldigi Reglä. 
Drum laufäd mär väreint, 
u uf das eus t’ Liäbi nöd värlaat
Nöd värlaat, t’ Liäbi nöd värlaat,
Nöd värlaat			
Mär gänd nöd uf, gänd nöd uf, 

Solang eus t’ Hoffnig nöd värlaat....


Mär gänd nöd uuf

Burnout

Los Ärnst s’ isch vill zfill gsii
Äs hätt mi värbrännt
Ab däm struubä Job
dä nöd numä wägäm Gält

T’ Värantwortig hätt mär passt
Und das isch dä Lohn
än langä Klinikufenthalt, zum Glück
bi volläm Salär

S’ isch alls widär opsi cho
Bim Psycholog ufäm Sofa
dä Frust, das ich ämal
Fründ und chindä han gha
Ä Sozialläbä han gha 

Doch das isch scho lang sithäär
Im Management muäsch wüssä
Zelt Leistig und Loyalität
di grossi Taschtä Delete

du kompensiärsch 
all di Ziit delete 
wots für t’ Family 
würdisch bringä
mit schönä gschänk 
für t’ Chind und Frau
gaht mit dim bestä Fründ

Retourchuglä chunt dä promt
S’ Scheidigsvärfahrä
fürs Härz Medikamänt 
Rootwii gegs leisii,
am schwirigstä s’ leisii

Ich sä där s’ setzt di schach, 
Matt Wännt nöd bald reagiärsch 
Macht dä Aku schlapp
immär depressivär wirsch

Los Ernst s’ isch vill zfill gsii
Ich fagn namal vo vornä a
Im Tessin än Alp
Druf züchti Rindli Schaf und Lama
züchti Rindli Schaf und Lama
züchti Rindli Schaf und Lama
züchti Rindli Schaf und Lama

Burnout

Staatskund

Eusä Staat muäs reguliärä
guät erhebä und studiärä
Monitoring instaliärä
di uursachä evaluiärä

är muäs schaltä und värwaltä 
Bundäsordnär, aläs phaltä
Sich at Gwaltätränig haltä
kreativ im Chaos waltä

Mit dä neue Gsetzä hantiärä
diä värnäh la diskutiärä Mogälphäckli zämäschnüärä
S’ Parlamänt la debatiärä

S’ chönd Värbänd und Globalischtä
Will diä wänd Oportunischtä
Mitäm Gält, dä Lobiischtä
Tünäds das Süppi tüchtig mischä

Drum go wandlä und värhandlä
Undärmuurä abähandlä
weichi Eiär weich behandlä
Alianzä guät värbandlä

Will di Grüänä und di Grauä
Geg di rotä und di Blauä
di brunä und di schlauä
chönd am Schwarzä Block värtrauä

Und so stimmtmä drübär ab
Ou, ou ou das wirt knapp
Machäd jetz di schlauä schlapp
Gits äs Patt, neiii bachap!

T’ Strategiä übärdänkä
altä Meistär müänd jetz länkä
Chüälä Chopf bewahrä tänkä 
S’ Fändli chönt na schwänkä

Doch das ganzä isch nöd ohne 
Ständerat, namal vo vorä
Widär zrugg it Komissionä
S’ gaht um Hundärti Milionä

äs värfahrä härt und beinig
Andäri Nännär andri meinig 
mä wird sich wohl no einig 
Gegävorschlag, ge unheilig

äntli t’ Basis aktiviärä
Wählärstimä aquiriärä
Ali Wänd go plakatiärä
I’t Arena go blamiärä

fäkali Faktä fakturiärä
zum di Gegnär difamiärä 
Buäbätrickli dräcklä schmiärä
Äs Theatär insziniärä

Di erschtä Wärt vom Barometär
Sichärheit sichär spötär 
Analyst an Galgä tätär
Jetz entlarfäd sich t’ Värrätär

doch Jetz mümmär reagiärä
an värstand go appeliärä 
proteschtärä, demonstriärä, 
chli am rand na randaliärä

Äs Couvert chunt per Post
Mit dä Undärlagä Prost
Für Normali härti Kost
Da packt di glatt dä Frust

s’ liits dä uf dä Hüfä
Kiffär, sündär, siffär, Süüffär
ändri chönd nöd chasch begriffä
nur än Teil füllt’s uus, di riiffä

S’ Couvert bliibt dä widär ligä
Stubä, n’ Auto tuäts värlegä
guät än drittäl übärlägä 
brafi Bürgär minätwägä

Doch wart uf t’ Resultat
äs isch wi immär z’ spaat
Än frustriärtä Bundäsrat
Fürt Värlwaltär än Spagat

Ja di chönd äs Liädli singä
Zum go stimmä chöntmä zwingä
höchi Buässä würdäds bringä
doch da ä Lobby da wirsch nöd findä

so jetz simmär glaubi durä
S’ müäst nöd immär Jahre duurä
Finanziärt mit eusnä Stürä
wäg dä Stiärä und dä Stuurä

Drum Bund tuän repariärä
Neu erhebä und studiärä
Monitoring instliärär
Di uursachä evaluiärä

neuä Bundäsordnär gstaltä
archiviärä s’ altä phaltä
kreativ im Chaos haltä
äs bliibt nöd alls bim Altä

Staatskund

Bim Sozi

Är hät müäsä, Wartä, stressä, 
telefoniärä bis är äntli ämal
sin Termin 
fürs Erstgspröch hät übärcho
Im chiinä stickigä Büro, 
zwüschäd pflanzä us dä Tropä,
hät är am Salontischli platz gnoh.

Im faalä liächt vom Bilschirm 
Schimmäräd am Sozi sini Augäränd, 
är truckt na rasch,
t’ Checklistä fürs Erstgspöch.

Sorry mär sin im Stress, 
eusä Diänst, 
isch hoffnigslos übärlaschtät,
Ich suächäs äs Dossier 
sisch blibä ligä, leidär
T’ Wältwirtschaftskriisä, 
t’ ALV und IVG Revision, 
Sitzigä, Team- intär und Supärvision,

Är setzt sich ihm 
und äs schweissälät liächt, 
sini Finkä t’ Sockä, 
händ scho, bessäri Tagä gseh.

Jetz isch di Saisonalä Gripp 
und wägäm Burnout 
Isch än guätä teil 
vom Team für längär wägg
denä da obä söt mä mal, 
abär diä wänd nöd s’ Budgetdefizit 
s’ zämästriichä stelästopp prinzip

mär sind doch kei Zitronä 
odär Robotär värdamt,
profiliärigsgrinsä it Linsä,
eus värheitzmär, chalt.

Doch wäg all dem sind si schliässlich 
nöd cho, voräwägg 
Dä Caddy eldorado – 
gänzi bessär wäg.
Si münd radikal 
dä Läbänsstiil übärdänkä
doch si händ Glück, 
t’ BVG t’ Räntä, 
i iräm Fall dä Trick. 

bis 63gi müäst is langä 
knapp, äs bliibt 
S’ Formular, strikti 
Budgetdiziplin und ziit

mini zweiti Süülä, t’ Räntä 
diä chani nöd eifach so, 
Opfärä ich han iizallt, Jahrzähntä
söli öppä dänn zum Schwigärsohn 
im altär, odär zrugg 
zu inä da, an Schaltär.

Si chömmär ä mal, 
beruhigäd si sich, si sind nöd
dä einzig, das lauft hüt halt ä so,

Si chömmär ä mal, 
beruhigäd si sich, luägäd si
di Dossier Staapäl da mal a, da da 

Si chömmär ä mal, 
beruhigäd si sich, gönzi
go fischä 
mit dä Änkälchind in Zoo
inä fählt doch 
ä fixi Tagässtruktur 

Bim Sozi

S’ Intake

Där Ärnscht hät’s Sozialamt beschrittä
sich it Rundi gesellt
vormä chugälsichärä Fänstär
da sitzt na ein wo pennt.
Und won är isch dra gsi 
grüässt än doch früntlich
än Jungä mit Raschtazöpf	   
Äs Amt isch das nüd gwöhndlich

Min Rav beratär hät mär gratä
mich bi inä z’ mäldä 
t’ uusstürig, s’ müäs
s’ sozialamt witärhälfä.
Arbätslos, mis Altär,
värzeltär Fahrtär wiitär
mit dä Läbäsgschicht am Schaltär, 
bis är in zum Glück, fründlich undärbicht.

Dä Raschta ziät äs Mäppli fürä
breitäts vor im us 
Ä 15 siitgs Formular,
Märkblettär än Grus
Da isch t’ Wägleitig
S’ Infoblatt “in Not geraten”
t’ liischtä isch für t’ Dokumänt
S’Formular ischs värständlich 

T’ Personaliä uf dä erschtä
t’ Familiä uf dä zweitä 
T’ Arbäts und t’wohnvärhältnis
dänn äs Schuldvärzeichnis
S’ ghöräd t’ Uszüg däzuä
vom Värmögä im In- und Ussland  
Vo dä zweiti und drittä Sülä, 
Machäd si Chrützli da am Rand

Händ sie Prämiävärbilligung
T’ franchisä uf drühundärt
Värmögändi Värwandti
än IV - Färfüägig
odär äs Urteil vo dä Scheidig,
undärhaltsvärtrag 
Stönd sie undär Vormundschaft?
im Strafvollzug bemeid sie.

Uf dä letzschtä Siitä müästäd sie
t’ Not dän ärchlärä
mit zei derü churzä Sätz
Wärum si Sozialhilf wänd
Ort und Datum nüd värgässä.
Undärschriibäd sie t’ ärchlärig
Am bestä jedi Siitä
Da isch t’ Rächtsmittälblehrig.

S’ isch än Horror, ich weissäs
ich weissäs, wänd si Leisti,	 
dänn münd si halt
das git än Monät z’tuä.

Nur vollsändigi Dossier
Prüäft än Sozialberatär
Und wänn si dänn doch 
kei Aaspruch söttäd ha…
tuäts mär leid.

S' Intakevärfahrä

Bi dä Arbeitslosä
	
Insolvänz und Budä Konkurs gah lah. 
Där Ernst mit bald 60gi uf dä Strass.
Ä halbs läbä hät är gschaffät für diä Affä
Und sit zwei Jaaahr, bi dä Arbätslosäkassä

S’ Bewärbä bringt doch scho lang nüt meh, 
än Alibiüäbig sondärglich
Absagä tüänd äm scho lang nüm weh
Är isch bald usgstüüürät, und hät resigniert.

Ja das chunt halt däfo,
Ziitä ändäräd sich
Und wänn du dich nöd mitträsch Ernst
Träät sich t’Wält ohni diich, ohne dich.....

Är hät sind letsvhtä Termin bim Beratär gha
Am Dunstig, uf di 9ni
dä seit îm chalt, är seigi nüm
Värmitälbaaar, si müänd uf’s Sozialamt, aha

Mit bald 60gi sind sie halt au scho 
Imnä vortgrittnigä Altär inächo
Äs tuät mär leid abär t’Wirtschaft 
suäch jüngäri Lüüt, und kei soziali Risiko, aha

Ja das chunt halt däfo,
Ziitä ändäräd sich
Und wänn sie sich nöd wiitärbildäd
Intressiert sich dä Markt nöd für sie, nöd für sie.....
	
Iri Usstürig wärdäs si im Briäfchaschtä ha, 
ich ratä inä t’ Früäphensioniärig 
für t’Ziit däna wünsch ich inä numä s’bescht, 
s’ gaht ja nuna zwei, nei halt,- nuna feuf Jahr.

S’ Sozialamt hälft inä dän scho wiitär
Das sind ja au Profis, si sind nüd älei betroffä
Di Händ Värständnis, t’ wirtschaftssituation
Ich schriib min pricht jetz a t’ Kassä

Mit äm Dossier i sinärä Mappä, 
lauft är zrugg zum Bahnhof
und wärhränd är sis Bilte lööst
truckts äm Tränä is Gsicht.....
är wird zum Sozialfall.
Aär muäs uf Soziaaaaaal Amt

Usgstüürt

Mit freundlicher Genehmigung des Matter und CO Verlages, dem an dieser stelle gedankt sei. (Darf nicht politisch instrumentalisiert werden)

Dä Brännstaab

Mir händ Atomari Stääb
äs git Chärnspaltig jea 
mä chönd vo dä Reaktär
Billigstrom für t’ Wonig nä
Doch äs Bebä ebä  scho,
Richtigskala 7,2
wär värheeränd,
äs chönt ä schmelzi gäh dä fo             

Ja mä weiss was passiärt
wänn dänn t’ chüälig värseit 
Wassärstoff würd expodiärä
Trümmär wiit und Breit
vom AKW oh gruus 
Wür bis wiit drübär us
alläs Strahlä
mär ahnäd was na würdi druus.

Hamstärcheuf im ganzä Land, 
i Migro än Tumult
Für dä letschti Littär wassär
nämt mä Strumgwehr in Coop
I dä Phanik wahn, 
ich ich ich und kän Plan
Vili stärbäd
nöd a dä strahlig vom Uran
-
Diä
 Gränzwärt ufä, Kriisästaab 
Nationalä gfahr
Diä Heldä zwingä bi dä Führwehr
bestimmt bim Militär
und äs würdi Wassär gsprützt,
was mä weiss, ä chli nüzt 
Todgeweihti will nöd rächt strahlägschützt

Druf äs hornä uf dä Tächär 
ali Flüchtäd nämmtäd Jod
dä Pilz im Aargau
T’ Heldä Tod
zum erstä mal am änd
Weisch wärum mär Bunkär händ
Zum eus rettä,
hindär ticki Bettonwänd

Müässtäd läbä vo Konsärvä
äs Radio gottseidank
Charaktärschwächi würdi Närvä
s’ schnarchlä, dä gstank
mä wüstäd genau 
Bunkärkollär, Radau
doch am Schlimmstä
di Mäldig vo dä Tagässchau
-
S’ Parlamänt, T’ Mänschärächt
sistiärt i dä Wuät
t’ Lobbyistä und t’ Betriibär
schuldigi bim Bund.
Todässtraffä klar
Jedäm räch wi bizarr
S’ Land hundärti vo Jahrä 
nüm bewohnbar.
-
t’ Uno chämti doch no
Au t’ Gegnär wäräd froh 
Nach vilnä Veto, Diskutiärä
hetmä Resolution 
t’ schwiizär i dä Wält
gerächt värteilt uf t’ Kontinänt
jahrelang i Lagär hettäd nur 
s’ Rotkrüüzzält

Mir händ Atomari Stääb
Reaktorä mir händ Muät
Wämä weiss was cha passiärä 
Schlaft mä nümä guät
wil äs Bebä ebä scho
Richtigskala 7,2
Wär värheeränd,
äs chönt ä schmelzi gäh dä fo.
so värheeränd,
äs chönt ä schmelzi gäh dä fo.

Dä Brännstaab

Mis Stumgwehr

Wänns still im Hushalt wird, 
alli go schlaafä sind,
hol ich mis Sturmgwehr
setz mich dämit it t’ Kuchi
nimäs gnüsslich usänand 
Das Lärnsch bim Militär

T’ Uuslegeornig
jedäs Teili hät sin Platz
figlä rublä bis äs Warm wird
das bisch min gröschtä Schatz

i dä chuchi värbreität 
sich dä zarti Duft
Vom Fett und Pulvärdapf
Min Geischt wird lebändig
Das Gwehr isch kei värschwändig
Mä weiss ja niä

Filich chunt ja än Osama
Än Gadaffi odär Obama
Mä muäs sich rüschtä
Bi all dem wo hüt passiärt

Wäränd ich dä Lauf am Stossä
Und duräbürschtä bin
Stelmär vor s’ wär Chriäg
T’ Muition us dä Chischtä
Kampfmontur uf t’ Pischtä 
ich wär bereit

chönti Wüätä wi dä Rambo
Heroisch, wär kein Gango
ufäm Schlachtfäld
dä Held im Strahlämehr

S’ isch utopisch ich weisäs 
Doch Weisch vilicht
Gäbs mal Bürgärchriäg
Will Bärn nüm Demokratisch Bürokratisch än  Diktator isch
Wänt weisch wasi mein

Das Szenario wär doch gäbig
Fili toti ich na läbig
s’Klimaziel t’ Värchersproblem weisch wasi mein

Ich setzä aläs widär zämä 
Ziil ufs Chüälschrankmagnet
Klick äs Funktioniärt
Wänns mir mal nümä passt
Bruchä ich dignitas
mis Exit liit vor mir

Dänn giächi eis go suufä
Namal tüüf duräschnuufä
ärwiitärätä Suizid
Ihr känäd ja das Liäd

Mis Sturmgwehr

Ganz lieben Dank alle jenen, die mitgewirkt haben insbesondere Stéphanie Maurer mit Gesang und Cello und Yannick Schmutz mit Drums und Swellls. Und natürlich den guten Geistern und Engeln die geleitet und eine derart schöne Aufnahme erst möglich gemacht haben!

Gang mit äm Wind

Marco Pollastri, Gesang und Gitarre, Stéphanie Maurer, Gesang und Cello, Yannick Schmutz, Schlagzeug

Wie Wienachtä

Schaffäd

Schaffäd liäbi Lüüt, Schaffäd liäbi Lüüt
Schaffäd immär längär, filich bliibt eu nöd nüüt 

Schaffä, schaffä, zämäraffä, immär längär Bürozwingär
Räntä chürzä, immär schlimmär, andäri di händs da ringär

Schaffäd immär meh, chli Feriä chöndär neh,
doch Värwaltigsrat und Aktionärä wänd renditä gseh.

Schaffä, schaffä Pilä spickä, Augäränd is Füdli zwickä
Zämäruckä, nameh schluckä, stress Chef, Sässälruckä

schaffäd mini Sklavä Schaffäd mini Bravä, 
Sind ärgebä, liäbi Hünd, diänäd minä Pfründ

Rächnä, rächnä Rächnigä, immär meh värrächnigä
Chaschäs zalä, hetsch sölä, Kredit gnoh zum traum ärfülä

Zaläd na meh, das tuät doch nöd weh
Konsumiäräd für dä Schrottplatz, steigäräd min Absatz

wärdäd effiziäntär, schaffäd bis is Altär
Frässäd nachli Farma, di schatt doch nöd am Karma

tüänd nöd studiärä tüänd nöd demonstriärä
haltäd Arbätsfridä, fürs Management gedigä

schaffäd sind kei holi, schaffäd für min Bohni
Schwächäd nö Värmögändi, mir armä sind doch gmögigi

Halbäräd eusi Stüürä, was händär dän z’värlüürä
Und fönd nöd gad a Hüülä, wänn sich t’ Wonig tuät värtüürä

gönd für eus uf ziitä, Mir sind da t’ elitä,
roläd euis dä Teppich uus, schänkäd eus äs Cüppli uus

mäjäd na dä Raasä i eusär Stüroasä 
und fönd nöd gada Motzä wänn mär eusi Willä chlotzäd.

Staat du muäsch eus hälfä, mär tuät eus da värchauffä
Di armä immär ärmär, di riichä suppärriichär

Doch dä muäs spaarä, t’Leistig abäfahrä
Hetsch au du vill z’ värstüürä, würsch au du profitiärä


Schaffäd!

Kriisä

Kriisä, Kriisä, Kriisä

Kliimakriisä, Eurokriisä 
Hungärkriis , Schuldäkriisä, 
Wirtschaftskriisä Sinnäskriisä
Tuät eus dä Taag vär Kriisä
Kriisä, Kriisä, Kriisä

Gäld schöpfä, Wärtschöpfä 
Abschöpfä, Korkä chlöpfä
Staatä schröpfä, Coci rupfä
Übärlupfä und dänn Kriiisä
Kriisä, Kriisä, Kriisä

Strukturiärä Spekuliärä
Krash, ersch rächt värdiänä
Bohni sackä abkassiärä
Abseilä und dänn Kriisä
Kriisä, Kriisä

Eurokriisä, Hungärkriis  
Klimakriisä Bankäkriisä , 
Wirtschaftskriisä Frankäkriisä
Tuät eus all vär Kriisä
Kriisä, Kriisä, Kriisä

Schuldäbärg refinanziärä
Stelä striichä, Kolabiärä 
Zärschlaah, prifatisiärä
All entlah und dänn Kriisä 
Kriisä, Kriisä


Zinsä schaffä, Arbeitshaft 
Heldähaft di Arbeitschraf
das isch eusi Wirtschaft
und diä lauft it Kriiisä
Kriisä, Kriisä

Wirtschaftskriisä Bankäkriis, 
Schuldäkriisä Frankäkriisä
Eurokriisä, Sinnäskriisä
Ziät eus doch all it Kriisä
Kriisä, Kriisä

t’ Bankä sind am Schawankä
sälbär Tschuld ir Psychochrankä
rettäd sich in schwiizärfrankä
und ziänd eus all it Kriisä
Kriisä, Kriisä

Roostoff handlä Hungärtod
Waffä handlä, Massämord
Jedem Tag sin Holocost 
Ziäht eus all it Kriisä
Kriisä, Kriisä

Kliimakriisä, Hungärkriis 
Eurokriisä, Schuldäkriisä, 
Wirtschaftskriisä Sinnäskriisä
Ziät eus doch all vär Kriisä
Kriisä, Kriisä


Kriisä

Ä grossäs Tankäschön dä Simone Erb fürt Stimm und am Univärsum für di unändlichi Liäbi!!!

S' Liäbiliäd

Dä Lindähof 5. Bund C,G,am,F,C, u.s.w.

Mir värdiänäd ja dank Bankä, dä Rohstoffmaffia Gäld
diä Märt händ diä Schrankä, nei s’ Läbä hät nur Wärt

Wänn’s Sklavät für dä Vortschritt, und dä, zahläd t’ Chindä, 
Wo dä ganzi Dräck vom Wachstum scho im Muätärliib chönd findä
Jehe....

Dänn teerädmär diä Strassä, mit Hungär und där Noot
Saniäräd eusi Kassä, entrissäd andärä s’Broot,

und wänt glaubsch das wird scho ändä, ohne das du dich da wehrsch
Nei, s’ Blatt hät sich nöd gwändät, dänn du häsch dich nöd beschwärt.

Si händ än gnoh, Si händ än gnoh  
dä Lindähof ohni z’ Fragä wärum und wiso.
Si händ än gnoh, Si händ än gnoh  
dä Lindähof händ nöd gfragät wärum und wiso.

Gsehsch s’ Liidä, und di Totä, am andärä Änd vor Wält
Diä Quäläd diä Despotä, wo mär chauft mit eusäm Gäld

FDP, sindär blööd gsehdär all diä Greuäl nööd
wo wäg Rohstoff für dis Handy massakriärt wird ohni ändi.

Si händ än gnoh, Si händ än gnoh  
dä Lindähof ohni z’ Fragä wärum und wiso.
Si händ än gnoh, Si händ än gnoh  
dä Lindähof händ nöd gfragät wärum und wiso.

Ä paari da värdiänäd, ohne Skrupäl und Värstand
diä tüämär gärn bediänä mit dä Stüür i eusäm Land

und dä Staat will profitiärä, vom Mamons schwazäm Gält
und drum tüämär Demonstriärä, Occupiärä, mit dä Zält

Si händ än gnoh, Si händ än gnoh  
dä Lindähof ohni z’ Fragä wärum und wiso.
Si händ än gnoh, Si händ än gnoh  
dä Lindähof händ nöd gfragät wärum und wiso.
Si händ än gnoh, Si händ än gnoh  
dä Lindähof händ na nüt undärnoo sit doo
dä Lindähof händ na nüt undärnoo sit doo

Dä Lindähof

Übär t' Ostärä entstandä, uufgno und inägstellt!

Dä Singälsong

Dieses Lied kam durch die Vordertür und überraschte mich durch seine Eindringlichkeit...
Einen herzlichen Dank gebührt der Simone Erb, sie machte den Song komplett.
Gruss Marco

Sing bis am Morgä

Ussärhalb

S' Ändi vom kapitalistischä System

Das isch s’ Ändi,
S’ Ändi,
Das isch s’ Ändi, 
vom kapitalistischä System

s’ manipuliärt,
schmiärt, diktiärt, 
pärvärtiärt, kaschiärt, 
ohne Ändi

ohne Ändi,
Schuldäsystem,
Ohne Ändi,
kapitalistischi Problem

mär stönd am Abgrund 
im Pischama, 
na ein schritt meh, guät Nacht
und s’ Rumpälstilzli lacht

Bessär äs Ändi,
Als Sklavä ohne Ändi,
Bessär äs Ändi,
Als am Ändi ohne Ändi

Will ohne Ändi,
wär s’ Ändi ohne Ändi,
ohne s’ Ändi,
isch s’ Ändi am Ändi,

mär stönd am Abgrund 
im Pischama, 
na ein schritt meh, guät Nacht
und s’ Rumpälstilzli lacht

S’ Bessärä Ändi,
Händ wiä immär,
di bessärä am bessärä Ändi,
s’ wenigärbessärä Ändi,
isch am Ändi ä numä äs Ändi

Drum Bruuchts äs Ändi,
Am Aafang vom Ändi,
S’ Bruucht äs Ändi,
Am Ändi für T’ Wändi

mär stönd am Abgrund 
im Pischama, 
und s’ Rumpälstilzli lacht,
bimeid äs isch vollbracht

S' Ändi

So bescheiden der Liedermacher aus Stäfa auf der Bühne wirkt, so schonungslos und direkt sind dessen Texte. Dabei begnügt sich Marco Pollastri nicht mit feiner Ironie. Wie ein Zahnarzt geht er dem Übel an die Wurzel und legt mit scharfem Bohrer den Eiterherd frei. Was Pollastri in seinen Texten vorträgt, gleicht einem Rundumschlag, ebenso reicht er eine versöhnliche Hand, die den Frieden und das Glück durch die Liebe sucht und in sich findet.
Zur swingenden Gitarrenbegleitung und Mudharmonika singt er sich
durch sein Programm, das durch kompromisslose Offenheit überzeugt. Dabei steht er in der Tradition der grossen Berner Liedermacher wie Mani Matter oder Jacob Stickelberger, doch seine Texte sind schonungsloser, sein schwarzer Humor unversöhnlicher. Auch wenn
seinem Zürcher Dialekt die Gemütlichkeit der Berner Mundart abgeht, so besteht der Musiker den Vergleich mit den Vorbildern durchaus. 
JÉRÔME STERN, ZÜRICHSEE-ZEITUNG BEZIRK MEILEN MONTAG, 9. JANUAR 2012
Wer sich von Pollastri persönlich zutexten lassen möchte, kann ihn per E - Mail bestellen. Er freut sich über jedes Engagement.