pulpul

DOWNLOAD OPTION ENABLED

[ http://www.rajnipallavi.com/ ]
Jai Jai Bhairavi [ Singer : Rajni Pallavi ]

मैथिल मूलत: शक्तिक उपासक होइत छथि तै॑ मैथिल अपना के शाक्त कहैत छैथि। जय-जय भैरवि गोसाउनिक वन्दना गीत थिक। एहि भक्ति गीत मे ॔गोसाउनिक विभिन्न मुद्रा आ भावक वर्णन कायल गेल छैक। 

जय-जय भैरवि अस्तुति गान थिक जेकर रचना महाकवि विद्यापति द्वारा कायल गेल छैक। एहि गीत मे॑ भगवति के काली आ दुर्गाक रौद्र रूपक वर्णन कय हुनका प्रसन्न करबाक चेष्टा कयल गेल छैक।

मिथिलाक घर-घर मे॑ गोसाउनिक पूजा होइत छैक। कोनो शुभ कार्यक प्रारम्भ मे॑ गोसाउनिक गीत गयबाक परम्परा छैक तै॑ जय-जय भैरवि गाबि क कोनो शुभ कार्यक प्रारम्भ होइत छैक।

अपना मिथिला समाज मे॑ नवतुरिया सब जय-जय भैरवि बिसरि रहल छथि। हरेक मैथिल के एहि गीतक अभ्यास करय के चाही। येह सोचि एहि गीत के गाबि मैथिलक समक्छ हम प्रस्तुति कय रहल छी। हमर गायन सुनि जॅ॑ मैथिल लोकनि के कनेको प्रेरणा भेटनि त बूझब हमर गायन सफल भेल।
रजनी पल्लवी

जय जय भैरवि

जय जय भैरवि असुर भयाउनि
पशुपति भामिनि माया ।
सहज सुमति वर दिय हे गोसाउनि
अनुगति गति तुअ पाया ।।

बासर रैनि सवासन शोभित 
चरण चन्द्रमणि चूड़ा ।
कतओक दैत्य मारि मुँह मेललि
कतओ उगिलि करू कूड़ा ।।

सामर वरण नयन अनुरंजित 
जलद जोग फुलकोका ।
कट-कट विकट ओठ पुट पाँड़रि
लिधुर फेन उठ फोका ।।

घन-घन-घनन घुघुरू कत बाजए
हन-हन कर तुअ काता ।
विद्यापति कवि तुअ पद सेवक 
पुत्र बिसरू जनु माता ।।

pulpul

Pulpul Prashant