"বৰলাৰ বিজতৰীয়া শ্বায়েৰী"
কবি : মনজিৎ
আবৃত্তি : উচ্চজিৎ কলিতা

বৰলাৰ বিজতৰীয়া শ্বায়েৰী

আহিনৰ নিয়ৰত ভিজা ভিজা আঙুলিৰে
আঙুলিত আঙুলি থৈ
কথাটি কোৱা...
সপোন দেখিছোঁ তোমাৰ
তুমি দিয়া শেৱালিৰ টোপোলা
আহিনৰ নিয়ৰত ভিজা ভিজা আঙুলিৰে
আঙুলিত আঙুলি থৈ
কথাটি কোৱা...

সৌ আকাশে চোৱা
সাতো ৰঙে খেলিছে খেলা
দিয়া খুলি তোমাৰ হিয়া
মৰমেৰে সাবতি লোৱা
ভালপাওঁ___ 
বুলি এবাৰ আকৌ কোৱা
আহিনৰ নিয়ৰত ভিজা ভিজা আঙুলিৰে
আঙুলিত আঙুলি থৈ
কথাটি কোৱা...

তুমিয়েটো মোৰ জীৱনৰ
প্ৰথম প্ৰেমৰ কবিতা
তুমিয়ে জগালাহি
মোৰ হিয়াৰ আকুলতা
তুমিয়ে___
শিকালা মোক ভালপোৱা
আহিনৰ নিয়ৰত ভিজা ভিজা আঙুলিৰে
আঙুলিত আঙুলি থৈ
কথাটি কোৱা...

আহিনৰ নিয়ৰত ভিজা ভিজা আঙুলিৰে... (মনজ্যোৎস্না মহন্ত)

উৰুলি :)

কেতিয়াবা একান্ত ব্যক্তিগত ভাল লগা অনুভৱ কিছুমানে বহু সময়লৈ মনটো উৎফুল্লিত কৰি ৰাখে। ব্যক্তিগত যদিও তেনে এটি অনুভৱ ৰাইজৰ স'তে ভগাই ল'বলৈ মন গ'ল।

কালি আবেলি “AIR, FM Rainbow, India, 102.6”-ৰ পৰা এটা ফোন ক’ল পাইছিলোঁ। বসন্ত ঋতুৰ লগত জড়িত উৎসৱসমূহৰ ভিতৰত অসমৰ জাতীয় উৎসৱ বিহুকো তেখেতসকলৰ অনুষ্ঠানৰ মাজত সাঙুৰি লৈছে। গতিকে অসমীয়া জীয়ৰী আৰু বোৱাৰী হিচাপে ময়ো দুআষাৰমান ক’ব লাগে আৰু বিহুগীত এটিও গাই শুনাব লাগে। তেখেতসকলৰ অনুৰোধটো ৰাখিম বুলি কথা দিলোঁ। ফোন থোৱাৰ ঠিক আগে আগে মোলৈ ৰেডিঅ’ৰ পৰা ফোন কৰা কাঞ্চনে ক’লে, “আপকে ইণ্টাৰভিউ কে বাদ হম কোয়ী পাহাৰী গানা শুনায়েংগে।” কাঞ্চনৰ লগত কথা পতাৰ পাচত ভাবিলোঁ, পাহাৰীয়া গীত শুনাব বুলি কিয় ক’লে! তাতকৈ দেখোন বিহুগীত এটিকে শুনাব পাৰে। লগে লগে কাঞ্চনলৈ এটা দূৰভাষ বার্তা দিলোঁ, “কাঞ্চন, যদি সম্ভৱ হয়, কালিলৈ মোৰ সাক্ষাৎকাৰৰ পাছত আপোনালোকৰ চেনেলত এটা বিহুগীত শুনাব নেকি? যদি আপোনালোকৰ ওচৰত কোনো বিহুগীত নাই তেন্তে মই বিহুগীত এটা আপোনালৈ email কৰি দিম।  কালি কাঞ্চনৰ পৰা একো উত্তৰ নাপালোঁ। 

কথা পতা মতে আজি দুপৰীয়া প্রায় ১:৩০ বজাত মোলৈ ফোন আহিল। কাঞ্চনে ক’লে, “মিতালী, কল আপনে বিহু গীত play কৰনে কে লিয়ে request কিয়া থা না, হমনে এক বিহু ধুন্ধ কে ৰক্‌খা হেয়। “এইবেলি বিহুটি ৰমকে ঐ জমকে”, ঠিক হেয় না?” মনটোত কি যে এক বুজাব নোৱাৰা আনন্দৰ লহৰ বাগৰি গ’ল!!! কাঞ্চনৰ লগত ৰেডিঅ’ত অনলাই কথা পাতিলোঁ, অসমৰ বিহু উদ্‌যাপনৰ বিষয়ে চেনেলটোৰ শ্রোতাসকলক জনালোঁ, যোজনা আৰু বিহুগীতো গাই শুনালোঁ। কিন্তু আটাইতকৈ সুখী হ’লোঁ তেতিয়া, যেতিয়া কথা-বতৰা শেষ হোৱাৰ পাচত চেনেলটোত বাজি উঠিল “এইবেলি বিহুটি, ৰমকে ঐ জমকে...” :-)

(AIR FM Rainbow India 102.6-ৰ সাক্ষাৎকাৰটিৰ শেষৰ অংশ ইয়াত দিয়া হৈছে)

বিহু AIR, FM Rainbow, India, 102.6

শাৰদী কোমল জোনাক মায়াৰে
মন উতলা কৰে
জুৰিটিৰ পাৰত কঁহুৱা ফুলিলে
মন উতলা কৰে

এই বতাহজাকে 
শেৱালিফুলৰ সুৱাস আনে
এই নিয়ৰবোৰে 
চিনাকি মনৰ বাতৰি আনে
সৌ তৰালিও উজলিল 
জোনাকীও জিলমিল
তুমি কিয় অহা নাই
তোমাক পাবলে' মন উতলা কৰে

বন কহুৱা বন
নিৰৱ বনত অকলশৰে
যাৰ সপোন ছৱি
জুৰিৰ নীলা পানীত হাঁহে
সৌ সিদিনাৰ কথাবোৰ
মৰমৰ হাঁহিবোৰ
মনেমনে দেখা পাই
তোমাক পাবলে' মন উতলা কৰে

Xarodi Komol by Munmi Borah (শাৰদী কোমল...)

ati madhur madhur sakhi murli naad ri...
sang by my brother Rajib Lochan 

ati madhur madhur sakhi murli naad ri...

Flute by Ucchajit Kalita

গীতিকাৰ : মিত্ৰদেৱ মহন্ত

চিৰ চেনেহী মোৰ ভাষা জননী
ধন্যে পুণ্যে হৃত পাৱনী
আই ধন্যে পুণ্যে হৃত পাৱনী
চিৰ চেনেহী মোৰ ভাষা জননী

প্ৰকৃতি পৰশ ৰসে অমল কমল
চঞ্চল হৃদি জলে ঢালে পৰিমল
কোমল চম্পাৰ কলি
ঢৌৱে ঢৌৱে ঢৌৱে তুলি
ৰিণিকি ৰিণিকি কোনে তোলে ৰাগিণী

সংসাৰ গুৰুভাৰে অৱশ পৰাণ
হিয়াত বিলীন হয় হিয়াভৰা গান
কাৰ নিচুকনি সনা
শুনি বাণী ব্যথা পমা
চকুতে চকুৰ নীৰে লয় জিৰণি

জীৱনে মৰণে ৰণে লহৰী সুধাৰ
ৰসনা শিতানে বহি সিঁচা শতধাৰ
হে মোৰ মধুৰাননা মাগিছোঁ মাধুৰীকণা
দিয়া দিয়া দিয়া আই মধু ভাষিণী

চিৰ চেনেহী মোৰ ভাষা জননী

লগন উকলি গ'ল
তেও যে নহ'ল কোৱা,
মনৰ কথাটি মোৰ
হিয়াত গুপুতে থোৱা।

কিমান হেঙুলী ঊষা
কিমান জোনালী নিশা
মিছাতেই গ'ল মোৰ
কিমান গধূলি-পুৱা।

মলয়াই কাণে কাণে
মনৰ বাতৰি আনে
নিখিলৰ সুৰে সুৰে
হিয়ায়ো গান জোৰে।

শুনিছানে সেই সুৰ
পৰাণত তোলা মোৰ
হৃদয়ৰ গোৱা গান---
"ভালপোৱা ভালপোৱা"।।

লগন উকলি গ'ল... (বিষ্ণুপ্রসাদ ৰাভা)

Performed at Assam House in Delhi, recorded from B'lore by Ucchajit... 

"কঁহুৱা বন মোৰ অশান্ত মন"

মহাপুৰুষ মাধৱদেৱৰ বৰগীত
"শ্যাম চান্দমুখ পেখলো মাই"


ৰাগ-মাউৰ

ধ্ৰুং--- শ্যাম চান্দমুখ পেখলো মাই৷
           কদম্বক কান্ধে ৰৈয়া ফিৰি চাই৷৷

পদ---  কদম্বক মালা গলে শোভিত ভালি৷
           এ তিনি ভুৱন মোহন বনমালী৷৷
           কুণ্ডল ডগমগ জলমল মোৰা৷
           ঈষত হাসি ৰসে মানস চোৰা৷৷
          অমল কমলদল লোচন ৰাতা৷
           অপৰূপ নিৰমিল কমন বিধাতা৷৷
           সকল কলাৰ ৰস সিন্ধু নাগেৰা৷
           কহয় মাধৱ গতি গোবিন্দ মেৰা৷৷

শ্যাম চান্দমুখ পেখলো মাই

অকে বাবা অকে
ভাল পাইছিলোঁ তোকে
লগ দিম দিম বুলি সদায়
ভুৰ্কে থাকা মোকে
অকে ডাৰ্লিং অকে
ভাল পাইছিলোঁ তোকে
মোক ফাঁকি দি আনৰ লগত
ঘূৰা য'তে ত'তে
অকে ডাৰ্লিং অকে
লগ দিবি তই মোকে
মাঘ বিহুৰ উৰকাৰ দিনা 
পলুৱাই লৈ যাম তোকে
অকে ডার্লিং অকে

অকে বাবা অকে
ভাল নাপাওঁ মই তোকে
দবৰি বনত চুইচাইড ক'ল্লিও
নাপাবি তই মোকে
অকে বাবা অকে
পাহৰি যা তই মোকে
গুৱেহেটীৰ আপাল্লগত
বিয়া দিব মোকে
অকে বাবা অকে
খং নকেৰবি মোকে
মোকে মোকে মোকে

ৰং নাম্বাৰত মিচকল লাগি
লগ পাইছিলোঁ তোকে
কুলিদ্দৰে কণ্ঠ শুনি
ভাল পালোঁ মই তোকে
তোৰ ম'বাইলত বেলেন্স বুলি
একটকাও নাথকে
একশ-দুইশ কৰি সদায়
ৰিচাৰ্জ দেওঁ মই তোকে
আজিহে গম পালোঁ মই
লেডিজ আপা তোকে
অকে ডাৰ্লিং অকে
খাই দিলি তই মোকে

এড্ৰেচ ন'হ ছ'লি তই
ভাল পাব তোক কোনে
দেখাও নাই শুনাও নাই
চেহ্‌ৰা-ছবি কেনে
শিল-বৰষুণ মাৰা দি তই
মেচেজ মাৰা মোকে
জানটো সোণটো মালভোগ কলটো
আৰু কি যে নেল্‌খে
সেই কাৰণে কোনো দিনে
লগ নেদো মই তোকে
অকে বাবা অকে
পাহৰি যা তই মোকে
মোকে মোকে 

কামৰূপীয়া চেংৰা ছ'লি
চিন পাৱা নাই মোকে
লগ দিম দিম বুলি সদায়
ঠগে থাকা মোকে
তোদ্দৰে ধেক্‌ৰী আপী
বহুত পৰি আছে
কিমানক মই ঘাই-ঘোচ দিলো
এইটো বয়সতে
একলাই পালি চুলিত ধৰি
চোচ্‌ৰে লৈ যাম তোকে
অকে ডার্লিং অকে
সুদাই নেৰো তোকে

বৰপেটীয়া আপী মই
চিন পাৱা নাই মোকে
কামৰূপীয়া ছ'লি তই 
কিডাল ক'ৰবি মোকে
বেছি কৰলি নাইৰকেল পানী
খুৱাম ঢোকে ঢোকে
দিনে ৰাতি মিচকল মাৰি 
শান্তি নেদা মোকে
গুন্দা আপা ল'গে মই
পিঠি ফালিম তোকে
অকে বাবা অকে 
চিনি পাবি তই মোকে
অকে বাবা অকে
পাহৰি যা তই মোকে
অকে ডার্লিং অকে
বেছি নকৰবি মোকে
অকে বাবা অকে 
অকে অকে
অকে

ok baba ok

ৰসৰাজ লক্ষ্মীনাথ বেজবৰুৱাৰ "নোমল" নাটকৰ নিচুকণি গীত:
(সুৰ: ইন্দুকল্প শইকীয়া  ;  কণ্ঠ: মিতালী বর্মন)
নোমলৰ মাক নিচলীয়ে কান্দি থকা নোমলক এইদৰে নিচুকাইছে:

“ঐচ্‌ ঐচ্‌ এ বান্দৰ পোৱালি।
বাঢ়ৈটোকাই লৈ যায় পিঠি জোকাৰি।।”

“নাও হেঙুলীয়া বঠা হেঙুলীয়া,
আৰু হেঙুলীয়া চৈ এ।
চৈৰে তলতে জোনবাই গইছে,
হাততে বিচনী লৈ এ।।
আগেয়ে খুজিলোঁ ফুলৰে বিচনী,
এতিয়া তুলাইছোঁ দৈ এ।
কেলেই লাগিছে ফুলৰে বিচনী?
গলে মহে জহে বৈ এ।।”
- - - - - -


purabiragini

Popular tracks