amr hassan

كلمات صلاح جاهين - ألحان سيد مكاوي

حدوتة - محمد قنديل

لأول مرة .. مهرجان "Happy" بالشعبي على طريقة أبو حفيظة - غناء عماد كمال
من برنامج (اسعد الله مسائكم من جديد) للاعلامي الكبير سيد ابو حفيظه

www.emadkamal.com

لأول مرة .. مهرجان "Happy" بالشعبي على طريقة أبو حفيظة - غناء عماد كمال

https://www.youtube.com/watch?v=EA69uAEyOZk

ابو حفيظة " عايزين نصعد بقى " كاس العالم

..
حبست نفسك جوّة اوضتك هربان من البشر
و شيل صورهم على الجدران ابتدي ياللا كسّر
مكانك المفضل ركن الحيطة عـ السرير
قاعد و دموعك نازلة شايل فوق طاقتك كتير
مع إن ده المكان اللي انت كنت فيه بتضحك
من صغرك تجري عليه و بالألوان عـ الحيطة تدعك
ارفع عينك لـ دقيقة .. بص عـ الرسمة العتيقة
يا خسارة الدهان جه و شال أحلام بريئة
ده وقت نومك عدّى الساعة 12 جه يوم تاني
دلوقتي النوم زيارة ؛ يحضر ساعة و شهر غايب
و ظروف حياتهم سارقة و الناتج واقع يبعده
و ظروف حياتي واقفة ثابت عـ الماضي و بتعيده
تفكيرك في اللي راح مش هتخلّيه يرجعلك تاني
دي ناس عايشة في خيالك و فـ برواز عـ الحيطة قدامك
أتمنى إني أنزلّهم .. ولا إني أفتكرلهم
ده إزاز بروازهم سايب جرح بيه باشتاقلهم

هو ثابت هي مشيت هو طبّق بالساعات
هي سابت هو تبّت هي عايشة هو مات
هو عشانها هي نزل بس هي مافتكرتش
هو قادر يزرع شجرة بس هي ماقتنعتش
معلش كنت قادر تمسك فيّا تقولي بات
طول اليوم هزار و ضحك و آخر اليوم مفيش سكات
لكن أرجع من حضانتي على خبر جدك مات
خايف لأهد حيلك أديك فارقت الحياة
انت كبرت مش صغير \ بس لسه مكاني موجود
طيب ارسم حاجة تفرّح \ طب ازاي و أنا بعزف عود
ماتعيطش في حتة ضلمة \ و لو عيطت هيجرى ايه ؟!
هتتئذي منه مش أكتر \ بالعكس أنا صعبت عليه
سيبوني ويّا نفسي على حافة الزمن
طافي أنوار سفينتي قاعد بدفع التمن
دخان سيجارتي عايم على الخمرة جوّة الكاس
هات موسيقى مع القلم خد مني مجرد برواز

" ليه الدنيا جت علينا ؟! .. ليه بإيدينا أذينا نفسينا ؟! .. ليه بنفكر في اللي فات ؟! .. و اللي فات خلّص علينا "

مـجــــرد بـــــــرواز - Ec

أبو حفيظة أغنية حسام حسنى "لا شاش ولا حتى قماش متعقم في التأمين"

سيد أبو حفيظة - إخص عليك

للشاعر عمرو_حسن
انا ابويا واحشني جداً
محتاج رأيه ف حاجات 
أهمل ف سؤاله عني 
وماجاش من يوم مامات 
نضارته وساعته لسه 
ع الرف مكان ماسابهم 
وهدومه جوه كيسهم 
وجُداد من يوم ماجابهم 

نفسي اتكلم معاه 
و احكيله ع اللي تم 
و هاقوله مين ف مرضه 
زاره و نقل له دم 
و هاقوله اني اسف 
علشان خبيت عليه 
و احلفله باني نفسي 
لو يوم المس ايديه 
و اعمله شاي خفيف 
و اقسم وياه رغيف 
كان حضنه جمعنا انا
كان صوته فى ونس
و اعمله شاي خفيف 
و اقسم وياه رغيف 
انا عارف انه سامع 
متأكد انه حس 

ماهو برضه الموت لا يمكن 
يقتل ف الناس شعورها 
و مافيش ف الدنيا شجرة 
تقطعها من جذورها 
و مافيش ف الدنيا راحل 
الا وسايب وراه 
واحد من صلبه شبهه 
يدعيله ف الصلاه

انا ابوياً واحشني جداً 
وحشاني معاه حاجات 
بطلت اعملها وحدي 
من ساعة لما مات

امنيه حسن - ابويا وحشني جدا - حزينه جدا

الطريق لو باظ في نصه مش ضاروري تكمله

ابو حفيظة ... ادينا هنفركش

"هاني شاكر_"صدقيني

أغنية 'وافضفضلك تسيحلي عشان واطي وقليل الأصل' على طريقة أبو حفيظة.m4a

كاظم الساهر - بعد الحب

جورج وسوف - سلمتك بيد الله 94

اسكت بقا    كفايه كلام عن حبنا ضااااع اااد ايه من حبنا اسكت بقا كفايه كلام عن حبنا؟؟

? ⁄ اسكت بقا - بصوت واحساس رهيب -

بحسن نية أو بسوء ادراك 
بتبص قدامك ع اللي سيبته وراك
كل الغلط كان فيك 
أي استراحه ف الطريق تنزل وتشرب شاي مع ناس ماتعرفهمش 
ف طبيعي تفضل مطرحك واقف
من شله على شله 
من شغل للتاني 
من بيت لبيت غيره 
تتغير الأشياء والمشكلة جواك 
الاكتئاب العنيف ضل السعادة السريعة 
والخضر قال لك مرة والتانية 
ان الحياة مش سهلة كما ظنك 
وانت اللي أضعف من غلام تقتله

Amr hassan on the Run عمرو حسن اون ذا رن

مهرجان العب يلا غناء اوكا واورتيجا 2017

اغنيه العب يلا اوكا  واورتيجا 2017

بالنسبة لواحد زيه اتوفّى اتناشر مرة بأساليب مختلفة 
واترمى ف الأوضه لحد ما ضاقت روحه عليه 
بقى صعب يواجه أي مشاكل من نوعية امتى وليه 
بقى كل مشاكله تخص المزيكا 
مواعيد السينما وطعم الشاي ، درجات الطقس ونوع الأكل وتمن الوحده 
والبُعد لاخر بُعد متاح 
انما موضوع تتعب علشان ترتاح 
مابقاش له معنى مع الصدمات 
فلسفة فارغة 
وكإنه حوار بين واحد وصديقه اللي ماجاش 
مسألة الموت أملاً ف حاجات تتعاش بتخلي الواحد يضحك على نفسه
بيقول : 
" يومياً باطلب قهوة زيادة عشان البنت اللي انا ماعرفش مكانها 
بافتكر الفايت وبافكّر كان مين ساب مين " 
يتأمل ناس بقوا بني أزمات مش بني ادمين 
يتذكّر نصه اللي اتسحّب منه 
وازاي بقا واحد بيعيط بس ف مكانين 
ويقول بحنان معجون بحنين :
" واحشاني حبيبتي ومش هانكر ، وواحشني كلامي معاها بجد ، بقى مرعب انك تتعلق وتعلق مفاتيحك مع حد ، تتمشى مكان ما انتوا مشيتوا ، تتذكّر ساعة مابكيتوا ، وتخش السينما وتنسى فتحجز تذكرتين ، الكون بقا شيء مضروب ف اتنين "
يتنهد ويبصلى فجأة ويكمل بهدوء شخص حزين : 
" للدرجة اللي تخليك وانت بتشرب سكر معلقة واحدة 
اول هي ماتيجي ف خاطرك تتناسى وتشرب معلقتين ! "
كان طقس بيشبه هبه طوجي ف تراك " لابداية ولانهاية "
والدنيا فلاش باك التفاصيل 
نسيت سجايرها ف يوم عنده وهو مبطّل من ست سنين 
لو كان ممكن بايديه مثلاً انه يبطلها مع التدخين 
كان ممكن جداً يتحسن 
بس الادمان درجات ياما 
أعلاهم إدمان الغايبين 
بيقول والخمره ف ايده بتطوّح : 
بقى فين أيامنا وليالينا 
حكاوينا وشوقنا وغناوينا 
كان لينا ايدين بتشبّك قدام الأيام 
بقت الأيام بتشبّك بُعد ف ايادينا
ويحط الكاس على طرف البار 
ويزيح بايديه كل الموجود 
" ادي اللي كسبته معاك ياحليم ، مفقودٌ مفقودٌ مفقود " 
بعدها بينام زي ماهو 
ودموعه تسيل منه لجوه 
فتغرّق روحه عياط مدفون 
مش كل جراح شرطها ف جروح 
ولا كل البكا تلزمله عيون
شُفت يا صاحبي 
الورد اللي انت مشيت تلاتين كيلو علشان تعرف تتأسف بيه 
امبارح شُفته ف مدخل بيت قاعد خايف 
اترمي بايدين ناعمه وبارده 
الورد اللي انت فضلت تكوّن فيه وردة بوردة 
اتوفى الصبح من الإهمال 
شُفت ياصاحبي 
وفضلت احرّك فيه علشان يتهز ويرجع لحياته 
انما كان قرر يتحول مزيكا ماتسمعش نصايح 
الحب ازاي كله فضايح
وازاي الجاي أصبح رايح 
نفس الشخصين بقوا أي اتنين غير نفس اللي زمان اتقابلوا 
هي ف آخر العالم يمكن 
يمكن دلوقتي بتتعرف على شخص جديد 
ف مكان بيقل رومانسيه عن أول مطرح يجمعهم 
يمكن بتحط ف ماكياجها علشان سهره 
او نايمه ومش حاسه بحاجه 
يمكن ناسية ومش محتاجه بحد يفكرها بعهد قديم 
او يمكن زيه ف طرف البار بتعيط على حس حليم
ادخل بيته 
ابيض واسود من بيت ألوان أيام هي ماكانت ساكناه 
كان بيها بيقعد مع نفسه كان زي لوحده وهي معاه 
يادي المعاناه 
الكل اتورط كده وياه 
البيت اللبس الطفايه ، الشجر الميت ف المأساه
الأكل هدومه القصافه ، الفازة البارفان اللي معاه 
بقا كل جماد له روح وحياه 
الليلة 
لقيته بيتمشى ف شارع كان ليهم فيه قصه 
لحيته أطول من خوفي عليه 
كان ماشي بيتطوح وايديه فيها سجاره بعد مابطلها لست سنين 
دخل المطعم قلقوا القاعدين 
قاله الجرسون : 
كل ده محجوز 
وقبل ماتنزل منه دموعه 
مال على رجليه وبرق للنور 
بقا ميّت بعد ماكان مكسور 
ادي الفنان 
وادي الجمهور 
ادي اللي ماجاش ف خيالها اهو كان 
قتلت انسان 
كسرته بالبُعد وبالخذلان 
واتكاترت على نفسه همومه 
ماقدرش يكمل بقا يومه ريّح وارتاح 
ادي المايسترو 
بيموت ف مكان فيه مزيكته والناس سمعاها ومش سامعاه
فيه يوم هتخشوا عليا البيت 
تلاقوني مشيت 
من غير اسباب ولا شرح عبيط 
قالي وانا نسيت 
واديني باقول 
احترموا المتعوّر من دول 
حاوطوا المهموم قبل فراقه 
ان كان ساكت يبقى لأسباب
اوعوا تشيلوا ايديكم م الباب 
املوا حياته بحب وأحباب 
قبل ما يدبل قدام عينكم 
وان شوفتوا حبيبته ف يوم بينكم 
خلوها تكون عارفه مقامه 
وانها عدت من قدامه وخلته مقتول بغياب أعمى 
ملعونه ايدين مجرمة ناعمه 
مادتش الفرصه لحد يعيش 
مع انه اتوفى قصاد منها اتناشر مرة 
واترمى ف الأوضه لحد ماضاقت روحه عليه.

المايسترو

بقيت عادي 
كإني ديكور 
مابتكلمش عن حاجة ومابعلقش
ومبكدبش حد ف شئ، ومبصدقش
ومش مهتم بالدنيا ولا بالحرب
ومش باحزن علي الرايح ولا الآتي 
ومش حابب ادخل حد ف حياتي 
بقيت مبقتش من ساعة وجع ف الروح
ولاشرير ولاطيب ولاحساس ولا سادي
بقيت كما طيف
بقيت كما ضيف
بقيت عادي
ع الحال ده بقالي زمان
بقالي كم سنة يمكن
ماحدش منكم خد بال
روبوت تشغيله بحجارة
وطول ماحجارته فيه شغال
شجر أخضر مابيجرحش عين الناس
فانوس بيقيد ونوره سبيل 
ده مش تمثيل
ولاتطويل ف مشهد ما
لكن أسلوب وشكل حياة 
فماتلومنيش ع غيابي انا موجود
فاعيادكم
واحزانكم
صديق ف كفاية بيسرح ف اللي ضاع منه
شريك منزل 
نزيل غرفة 
وجع بيبص من الشرفة 
انا موجود ومش بفسد فرح بينكم
ولابزعل قوي منكم 
انا علي غير ما جوايا
مهرج باسعد الشلة
وصاحب إفيهات حاضره
وعامل لجلكم حضره
تقولوا ف وصفها الله 
فلو وجعاكو كلمة اه هابطلها 
يومين عزلة واكون أحسن
وهارجع تاني للشكل اللي كان بادي
انا عادي 
فخد راحتك
وقول عني اللي بتقوله
انا وكتير من الناس اللي بقوا زيي
مابنقربش من العالم عشان يحلو
ومابنفسدش ابداً جو
ومبنأذيش
لكن بنخاف من التجديد
من الناس اللي بيخشوا الحياة فجأة
وبيفاجئونا بوجودهم
عملنا سياج علينا عشان
ماتتعشمش ناس فينا
ف كل مساحة تلاقينا
نميل لأغاني شتوية
ولون غامق ف لبس عتيق
ريحتنا بيوت فارقناها
وهدومنا ناس قلعناها
وسميعة
بنعرف نكرم العالم ونقراهم
مبنملش من الحكايات
ولينا ف كل صدر نبات
ولينا الجدعنة الكاملة
ماننساش عيد ميلاد صاحب
ومبنبخلش بالمواعيد 
جدير بيكم تساعدونا 
تغنولنا .. وتحكولنا .. وتسقونا
يجوز دون قصد تحيونا
وتدون امل ف الضئ
يجوز نتراضي علي روحنا
ونتطمن لبكرة الحي
يجوز بالوقت نتطمن 
ونرجع نبتسم عادي.

amr hassan

دمحمد حسن مأمون