salat 3asheeq

شيخ فشيخ 1

قصيدة سيدة في اوان يزيد .. القاء امجد القهوجي .. الاوبرا .. المسرح المكشوف

سَــيـِّـدَة فِ أَوَان يَزيد _ أمجد القهوجي

سيبني هنا أحسن
بعيد عن المولد
وقف هنا حبه
واملا عينيك مني

فيك ايه ها يوحشني؟
حلمي.....كما حلمك
جرحك... شبه جرحي
انت وانا...زيك
طب والقلق دا منين
ساعة ما كون وحدي ؟.


رايحين على المولد 
والليل كابوس غامق
مش أنبيا  دا احنا
لو نتفدي بروحنا 
مش أنبيا دا احنا
 لو نتسخط .. إحنا!
وانت وانا مدبوح /ح نتوه
ويزعق الملكوت
بأن :" يادا التنين
صدقتم الرؤيا....
مافيش ونس بالليل "
وسع لي من صدر 
واستنى لما الحق
اخبي روحي معاك
ياه .. فيك حاجات واجعاك
سيبني هنا احسن
بعيد عن المولد
وقف هنا حبة
واملا عنيك مني 
حنتوه!

Moled-elqahwagyقصيدة المولد أمجد القهوجي

" وكم ذا بمصر من المضحكات ... ولكنه ضحك كالبكا ".
المتنبي


الفيل والإبرة

إزاي يفوت الفيل في خرمك بس يا إبرة !!

يعني انتي جامدة ؟ .. قدها وقدود ؟؟

ولا العبيط ساعة الغلط خبرة.. ؟

..

قالت ماتجرحنيش بسؤالك المحتار

كم ذا بمصرٍ معضلة وحمار

والفيل يفوت مطرح ماهو عايز

الفيل في كل زمان وف كل بيت جايز

وانتو يا أهل الدار بالمعجزات أدرى

ما المجلس العسكري .. خايف على الثورة

..

عاش الملك عاش الملك ماشي

يبقى الشريف والشرطة والحاشية

عاش الملك طول ما الحياة ماشية

الدم الازرق أبوه وأمه م الأناضول

والترك والانجليز .. بقية الزفرة

وانتو يا أهل الدار بالمعجزات أدرى

ما المجلس العسكري

قلبه على الثورة

..

.. مات الملك ..يهتف لبكباشي

لو قالوا عربية .. يركب .. يسوق فيها

الراية تصبح عقال .. والنجمتين فيها

يطلع له عم وخال .. من تونس الخضرا

وانتو يا أهل الدار بالمعجزات أدرى

ما المجلس العسكري ..

غيران على الثورة

..

في الانفتاح ..يفتحها ع الآخر

كلو انشكاح وسيجاره نوع فاخر

ساعة الكلام عن غزة يتاخر

يبقى الدولار والسلام والمنطقة الحرة

وأنتوا يا أهل الدار بالمعجزات أدرى

ما المجلس العسكري ..

محموق على الثورة

قال لك عبور ..وعاش عليها سنين

والسجن للشاذلي

زي العَبور .. يسمنوه تلاتين

حتى اسألوا العادلي

حكيم عرب والمدام ..الشورى والقدرة

بتخاف على النسوان ..ومزوقة الأوبرا

وعياله يبقوا غيلان ونايبهم الهبره

وانتو يا أهل الدار بالمعجزات أدرى

ما المجلس العسكري .. محرور على الثورة وقعد ع الباب ..

والمخبر المفتري ضحية غلبانة وعنده عتاب

والصليب في بلاده أصبح يافطة الاضراب

وشيخ فَشيخ شايل صورتها

وهي لابسة نقاب

والدين صبح ارهاب

والبلطجي أهله

وكم بمصر ياليل من معضلة وحمار

يبقى ما تجرحنيش بسؤالك المحتار

ازاي يفوت الفيل .. سيف القضا غدار

الظلم والمظلوم عايشين سوا في الدار

والفيل أكيد موهوب

اسمه مع الثورة جوا التاريخ مكتوب

زي العيا والدوا .. والقلة والكترة

وف قلب كل بريء طالع على سويسرا

..

يا اهل مصر نكون سوا ..قُدرة

الفيل يفوت في العين .. لو غمضت مرة
ومصر ترجع بور.. لودبلت الثورة

القهوجي_Elfeel wel Ebrah_قصيدة الفيل والابرة

كلمات امجد القهوجي
لحن وغنا رامي عصام


يابنت النيل
يازهرة شمس بتفتح عيون الليل
يا حنية ربابة تغني وتلالي وتحلالي
وتملالي الفضا مواويل 

انتي الوطن لو يوم راح اتوه
عن لون وطعم الحرية
وقلب مصر الحر شوفوه
نابض في اصرار مصرية

يا عدرا يا ام الاحلام 
يامزوقة بصبر طريقك
عصر الحريم كان عهد ظلام
وانا كنت في السجن رفيقك

يا اشد من سيف الوالي
يا اعز من تاج السلطان
شرف الوطن يفضل غالي
طول مانتي حقك فيه متصان
طول مانتي حرة و حرة كمان

بنت النيل

الاغنية لحن وغنا هيثم محفوظ
قصيدة قضبان وشبورة للشاعر امجد القهوجي



ياسنيورة 
الشمس مالها في الفضا سوده
بيني وبينك في البراح قضبان
وشبورة
لا الايد تطولك وانتي عصفورة
ولا شفتك
 وف قلبي ليه تتزوقي
 بآلامي
وبتحلمي حلمك شقي 
وبيدامي
وابات مغلوب
ما المحش منك حتى طرف التوب
واشوفك ف العرق والطين
ف النخل والجدران
لامتى نكلم الاشجار
ونلاعب الجدران كورة 
يا مغدورة

قضبان وشبورة

لحن وغنا رامي عصام
من كلمات امجد القهوجي
أرجو أن تصلك كلماتي
رغم مشاغلك
يا مجلس أمن الأمم المتحدة
ليست هذه أولى رسالاتي
ها أنا ذا
الانسان الدامي
سن الجهل سيوف الحكام على صمتي
ومن الظلمة
خلق الظلم ونخاسي
أصبحت بلا علم أتبع وسواسي
أصبحت عدوا لصديقي فأنا لا أعرف سوءاتي
أصبحت غريبا بطريقي
غيري يقرأ لي بوصلاتي
يختار لجهلي وجهاتي 
يامولاي
أمين المجلس والأمناء جميعا في كل أمانات خيانة أحلامي
قد لا أفهم كل الكلمات بتلفازي
لكن أعرف أن هواءالسجن ثقيل
قد لا أعرف أن أكتب كلمة حرية
لكني أحمل معناها
أعرف ان اليوم سيمضي وغدا قد ينفلت زمامي 
يامولاي .. فلتحذرني

رسالة لمجلس امن الامم

 الحان وغنا رامي عصام
من كلمات امجدالقهوجي

لك الغزل
لي الأمل
لك الجمال ياقمر وعليك من تحت سلام

داينتني ليل التمام بنظرة
داينتني بنظرة ليلة تمام 
فرددتها عامين فردا لا انام
قمر!
لتعدل بننا
لك السهر
ولي سنة
وركعتان للقيام

يابن السما
دع الإبا
ولا تعاشق بالربا
فانه حرام
لك الغزل لي الامل لك الجمال ياقمر وعليك من تحت السلام  

لك الغزل

بنعاديكي يا اسرائيل

لحن وغنا رامي عصام
كلمات: أمجد القهوجى

يا ريت القلب كان لُه لسان
بعيد عن راس بتحسبها وريق يجري
لَكُنت بقيت انا الفارس
لكِن قلبي..
سنانه تكتِكت م البرد
فكِيف اصبح لأحلامك ملاك حارس
واقول إنك صبيه بكر
واصدق نفسي واحلفلك
معايا المهر
فـ كيف أكدب عليكي وانتي عارفاني؟!
بتخرس شخشخة جيبي فدا طـقـّه
باقول الـ ( لأه ) تطلع آه
واقول الـ ( آه ) تكون لأه
وحلمي أنفخ القربه
ونفسي أنسى إن الخرم عدّاني كذا مرّه
وميت (ياريت) بتسبقـني
ساعة ماوْصفلك الجنّة
كفايه اني باشيلك فوق كتافي عمْر
والمِّك لما تتبعتر حروف اسمك شواهد قبر
واروح ألضمها فـ عروقي كما اللولي
فتصبح أغلى شيء فيّا
وجوا القلب تستنى كما البذرة
ولما يهل موسمها
في أغنية..
هاتطرح كل أحلامها
واكون ليها مجرد قشره مفلوقه
وفي النشره..
مانيش آخر ربيع جايلك
يرد الروح لأحلامك
وباتعكز على حلمي
بلاش عشَمك يزيد همِّي..

.. لاني لسة بتمني

القربة

شيخ فشيخ
حب يبقى نجمه لامع
خد كنيسة وضع يد قلبها جامع
برضو وضع .. استغفر الله العظيم
قلت له مش قصدي خالص     
قصدي اقول لك باختصار 
ربنا ماساعوش عقار 
الله أعلى .. الله أكبر
قاللي حاسب انا اللي حدّن
أيوة صح حلقت دقني..
لبست بدلة مدني جدا ..
بس برضو انا اللي حدّن
قلت له على كل حبل بتلعبوا
وبصراحة بتتعبوا
قاللي لا بنلعبو ونكسبو
التدين شيء ضروري للبشر 
واحنا حاسبينها بشطارة
أغلبية برلمان
بعدها كرسي الإمارة 
مش هي دي الديموقراطية بلاش عواجة
تنصيب بموجب الانتخاب زي الخواجة
قلت له أكبر خازوق عنده انتصاب
تشتري الصوت والتمن كرتونة فيها رغيف وليفة
ويوم ماتنجح تتعوج
وتقول خليفة
قال لي هي نفسها نفس الوظيفة ..
سهلة جدا اهي العبارة
رئيس و مدني ومنتخب يعني الخليفة
كل دولة تبقى كافرة
الا دولة الخلافة
اوتومان امباير رمز الحضارة
قلت له اوتومان دي بفرة بلاش سخافة
بطلوا تحطوا المعسل ع الكنافة
مانتو أصلا بياعين أفيون .. عصابة
النبي كل من دراعه
وانتو أنطاع التكايا
تاكلوا أموال النبي وتبلعوا بمال الصحابة
مش توقع .. شوف بعينك
انتو والفقر ف بلد .. 
راح تبقى غابة .. يسرحوا من كل لون فيها الديابة 
facebook.com/elqahwagy  امجد القهوجي


شيخ فشيخ 2

الشاعر أمجد القهوجي
Amgad Kahwagi
www.elkahwagi.com

Amgad El kahwagi

Popular tracks