რამდენიმე თვის შემდეგ ქრისტიანდემოკრატიული მოძრაობის დედოფლისწყაროს ორგანიზაციის ხელმძღვანელი გერმანიიდან დედოფლისწყაროში დაბრუნდა.
რატომ თვლის ქრისტიან დემოკრატიული მოძრაობის დედოფლისწყაროს ორგანიზაციის ხელმძღვანელი რომ დედოფლისწყაროს სოფლებში არაკომპეტენტური რწმუნებულები დაინიშნნენ,  რაში გამოიხატება მათი სისუსტე და რა პრობლემებამდე შეიძლება მიიყვანოს სოფლები რწმუნებულებიც გამოუცდელობამ
დედოფლისწყაროს საკრებულოში მხოლოდ ქრისტიან დემოკრატების წარმომადგენელი მოხვდა. როგორ აფასებს ია ჯანაშვილი საკრებულოში მიმდინარე პროცესებს და თვლის თუ არა, რომ საკრებულოში ღალატს ჰქონდა ადგილი. 
აუწყეს თუ არა ნაციონალმა დეპუტატებმა ფეხი ახალ ხელისუფლებას, იგეგმება თუ არა ქრისტიან დემოკრატ გოდერძი აბულაშვილის მანდატის დატოვება და დეპუტატის ცვლილება.
რატომ თვლის ია ჯანაშვილი რომ პოლიტიკური ტაიმაუტი კვლავაც სჭირდება და რატომ ამჯობინებს დროებით პოლიტიკისგან განზე დგომას. ქიზიყი.გეს კითხვებს ამჯერად ია ჯანაშვილი პასუხობს, ის ჩვენი გადაცემის სტუმარია.

www.qiziyi.ge 

რადიო24-ის და ინტერნეტგამოცემა ქიზიყის ერთობლივი პროექტი თოქშოუ "დიალოგი" ილია მარტყოფლიშვილთან ერთად

23 თებერვალი 2013


ქდმ-ს დედოფლისწყაროს ორგანიზაციის ლიდერი ია ჯანაშვილი - თოქშოუ „დიალოგი“

დედოფლისწყაროს საკრებულოში დიდი ღალატი გრძელდება. საკრებულომ, რომლის სრულ უმრავლესობასაც ნაციონალური მოძრაობა შეადგენდა ჯერ ქართული ოცნების გამგებელი სრული მხარდაჭერით დაამტკიცა, ახლა კი საკრებულოში ფრაქცია „ნაციონალები“ და „მაჟორიტარები“ ექვსმა წევრმა დატოვა და ნეიტრალური ფრაქცია შექმნა. ასევე, რატომ დაიბარეს დედოფლისწყაროში ნაციონალური მოძრაობის აქტივისტები დაკითხვაზე - აუდიო კომენტარი მოისმინეთ რამდენიმე წუთში

* * * ნავთობკომპანია "ფრონტერამ" დედოფლისწყაროში ნავთობსაძიებო სამუშაოების წარმოების, უსაფრთხოების ნორმების დაცვისა და გარემოს დაბინძურების საკითხებზე არასამთავრობო ორგანიზაციებს ანგარიში ჩააბარა. მოისმინეთ ექსკლუზიური კომენტარი ორიოდ წუთში

არაკომპეტენტური კადრები დედოფლისწყაროს სოფლების რწმუნებულებად - ადგილობრივი ოპოზიცია დედოფლისწყაროს გამგებელს გამოუცდელი და შესაბამისი განათლებისა და კვალიფიკაციის არმქონე კადრების სოფლების გამგებლებად დანიშვნაში ადანაშაულებს. რატომ თვლის ქრისტიან დემოკრატიული მოძრაობის დედოფლისწყაროს ორგანიზაციის ხელმძღვანელი ია ჯანაშვილი, რომ დედოფლისწყაროს სოფლებში არაკომპეტენტური რწმუნებულები დაინიშნნენ
* * * რადიო24-ისა და ქიზიყი.გე-ს ერთობლივი პროექტი, საინფორმაციო ანალიტიკური პროგრამა "კვირის ბოლოს" #3 - 27 თებერვალი
www.qiziyi.ge


დედოფლისწყაროს ამბები "კვირის ბოლოს"#3 (აუდიო) 27 თებერვალი

არასამთავრობო ორგანიზაცია კავკასიის გარემოსდაცვითი არასამთავრობო ორგანიზაციების ქსელი დედოფლისწყაროში პროექტის „ძლიერი სოფელი ძლიერი მმართველობა“ ფარგლებში საპილოტე პროგრამებს ახორციელებს.
დედოფლისწყაროს რაიონის სოფელ სამთაწყაროში მაცხოვრებლებმა ასოციაცია შექმნეს, რომელთაც 7000 დოლარის ფარგლებში სხვადასხვა სახის მოწყობილობები დაუფინანსდათ. შეხვედრა ჯერ დედოფლისწყაროს გამგეობის სხდომათა დარბაზში ჩატარდა, შემდეგ კი მონაწილეები სოფელ სამთაწყაროში გაემგზავრნენ და ბენეფიციარ ოჯახებში მიღებული შედეგები ადგილზე დაათვალიერეს.
სხდომას დედოფლისწყაროს გამგებელი ირაკლი შიოლაშვილი დაესწრო. გამგებელი მიიჩნევს, რომ არასამთავრობო ორგანიზაციები მხოლოდ კვლევის შედეგების წარმოდგენით არ უნდა იფარგლებოდნენ და უმჯობესი იქნება, თუ ისინი დაფინანსების გამოყოფის მხრივ გაცილებით გააქტიურდებიან, თუნდაც ეს იყოს ადგილობრივი ბიუჯეტიდან თანადაფინანსებით.
ჯემალ ჯაიანისა და მრავალშვილიან ლევან გორგაძის ეზოებში სათბური მოეწყო, სადაც ბოსტნეულს მიიღებენ. ამას გარდა, დამონტაჟდა მზის ენერგიის გამათბობელი და ვენახებში წვეთოვანი რწყვის სისტემა. ადგილობრივი მკვიდრის ლაჟვარდ შაინიძის ოჯახში, სადაც ახალშობილის დაბადებას ელიან, გამათბობელის მონტაჟი 2 დღეა დასრულდა, სათბურები კი უკვე მერამდენე თვეა მოქმედებს. 
ადგილობრივი მოსახლეობა ელის, რა შედეგებს მოიტანს თანამედროვე ტექნოლოგიების გამოყენება და რამდენად ნაყოფიერი იქნება მისი პრაქტიკაში დანერგვა. ორ ოჯახში თანამედროვე აპარატურას უახლოეს დღეებში შეიტანენ.
უცხოელი დონორების დაფინანსებით დედოფლისწყაროს გარდა პროექტები საგარეჯოშიც ხორციელდება. მოისმინეთ სოფლის მეურნეობის მეცნიერებათა დოქტორის, პროფესორ კობა კობალაძისა და პროექტის სხვა ხელმძღვანელების აუდიო კომენტარები.
qiziyi.ge/

გაუდაბნოების წინააღმდეგ (აუდიო)

დედოფლისწყაროს ყოფილი გამგებელი ნიკოლოზ შანშიაშვილი, შესაძლოა, „ქოჩების ტბის“ საქმეზე დააკავონ. 
როგორც ტბის მიმდებარე ტერიტორიის მფლობელი ლია შარმაზანაშვილი ამბობს, ნიკოლოზ შანშიაშვილმა უფლებამოსილებას გადაამეტა და მისი კუთვნილი ტერიტორიის დარეგისტრირების თხოვნით მიმართვა გასცა. 
როგორც ტერიტორიის მეპატრონე ირწმუნება, მისი საკუთრების სახელმწიფოსთვის უკანონოდ გადაფორმების საფუძველი სწორედ შანშიაშვილის მიმართვაა. შარმაზანაშვილი ამაში სისხლის სამართლებრივ დანაშაულს ხედავს და აცხადებს, რომ გამგებელს ამის უფლება არ ჰქონდა. ამასთან, ამ დროისთვის დედოფლისწყაროს გამგეობა ადასტურებს, რომ ეს ტერიტორია მათ ბალანსზე არ არის და არც რეაბილიტაციის დოკუმენტებია გამგეობაში რეგისტრირებული.
სისხლის სამართლის საქმის აღძვრის მოთხოვნით ლია შარმაზანაშვილი პროკურატურაში განცხადებას უახლოეს დღეებში შეიტანს. ამბობს, რომ არგუმენტების გასამყარებლად შესაბამისი დოკუმენტები უკვე მოაგროვა. 
როგორ მიიტაცა სახელმწიფომ შარმაზანაშვილის ქონება ისე, რომ მისთვის ტერიტორია არავის ჩამოურთმევია - და რატომ დაიწყო სარეაბილიტაციო სამუშაოები დაყადაღებულ ტერიტორიაზე. ახალი დოკუმენტებით ირკვევა, რომ არჩევნებში ნაციონალური მოძრაობის დამარცხების შემდეგაც ოფიციალურად დასტურდება, რომ ამ ტერიტორიის ყადაღა ისევ ძალაშია.
რატომ აღიარა ზაზა კედელაშვილმა, რომ ტბის რეაბილიტაციის დეტალები არ იცოდა და მას წინასაარჩევნოს მხოლოდ ამ ამბის გამხმოვანება დაავალეს. ასევე, რატომ გადაიფიქრა ძიუდოისტმა კედელაშვილმა  ქოჩების ტბის საკუთარი თანხებით რეაბილიტაცია ჯერ კიდევ 3 წლის წინ.
რა სახელდახელო ცვლილებები შეიტანა „ნაციონალურმა მოძრაობამ“ არჩევნებამდე რამდენიმე დღით ადრე ტერიტორიის ნახაზებში და რა მიზნით გადააკეთეს მონაცემები.
ამ და სხვა საინტერესო საკიტხებზე ქიზიყი.ge-ს კითხვებს „ქოჩების ტბის“ ტბის მიმდებარე ტერიტორიის მფლობელი ლია შარმაზანაშვილი პასუხობს.

რადიო24-ის და ქიზიყი.ge-ს ერთობლივი პროექტი, თოქ-შოუ „დიალოგი“ ილია მარტყოფლიშვილთან ერთად

14 აპრილი 2013 წელი - qiziyi.ge
