وشهو مصيره ؟ فالزين حطمتتي جميع العلامات

يقصدن شكله ههههههههههههههه

للمحبوبّـة ❤️‍🩹❤️‍🩹❤️‍🩹❤️‍🩹❤️‍🩹!

.
- 

تأثير الحب 
على محمد المقحم 

يقولون يمكن تعشق ؟ قلت ما ظنيت 
وأنا أجيك من باكر ما أمداني 

بديت أتعلا بالمشاريف وأختفيت 
وصار الأكل والنوم ماهوب يهنالي

وأنا عادتي لا شفت طرد الهوى صديت 
أخاف إنقطاعت السرجي وكبوة حصاني

ولكن يسيرك القدر وأنت ما حسيت
ولو إنك تقول الحب مهوب يقواني 

أنا الظاهر إني طحت بالحب ما سميت 
تغيرت في يومين ما أعرف وش جاني

أحط الحطب وآخذ لي شوي ما شبيت 
من السجة اللي فيني الله لا يبلاني 

ويضحي الضحى وهو مخلى رواق البيت
وأنا أفتحه قبل الفجر في غالب أحياني 

انا طار عقلي فالهوى صدق وإنجنيت 
ولا يدي الا واحدٍ كنه إياني 

إلا أخذت فالمجلس ربع ساعه إنسليت
أحس إن قبلي ودي أصير وحداني 

سلامي على اللي كل ما مني عنه أقفيت 
يقوم الغلا والحب والولف يشعاني 

وأروح لمحادثته من الشوق ليا حنيت 
لعلّه يجي يرسل رساله ويلقاني 

ولا شفت "يكتب" تطلع وتختفي هجيت 
من الهبله أدخل لي برنامجٍ ثاني 

قبلي معه كيف أنت؟ وين أنت؟ وش سويت؟
أخاف أغفل لي عنه ساعه وينساني 

وإلى جيت أبي أعلمه إني عليه أشفيت 
أخاير ويرجف قلبي ويبس لساني

ولا رحت أبرقد أخذت لي غفوه وفزيت 
أتلمس جوالي وأنا الشوق يحداني 

وأنا لو بجي له وأعلمه ما أخفيت
لو أذوب في دمه من الشوق ميزاني

يزين الشعور اللي يجي فيك ليا حبيت
أنا قمت أحس بطهر روحي وبإيماني

وأحس إن كل شيء يبتسم لي ليا لديت 
أحس أن نور الصبح يطلع على شاني 

ولا عاد فكرت بحياتي ولا إهتميت 
طغى الحب فيني لين سامحت عدواني

سمابي هوى اللي يوم أحبه وأنا ما أخطيت
أنا أخطيت ما حبيت في ماضي أزماني 

أحبه ولا ضعفت عزومي ولا مليت 
لو أبتل على ذا الحب كان الله أحياني

أنا الظاهر إني طحت بالحب ما سميت / محمد المقحم

معك واشتاق لك وشلون وأنا بعيد؟ |حمد السعيد

الورود تغار منها - ضيدان بن قضعان

تبسّم لعنبوا من لامني في ضحكتك ورضاك

شعر ضيدان بن قضعان - يا وجودي

ضيدان بن قضعان - يا وجودي

أنا أجمل وأعظم فتّاة

وجد من حدَّه زمانه على اللي مايبيه! | ضيدان بن قضعان

تخوفني مشاوير الطريق | مساعد الرشيدي

جاءت معذبتي في غيهب الغسقِ

الهنوف اللي سرت من نجد وأمست فالحوية … ضيقت صدر الرياض وسافر الطايف وجاها
وأنثنا غيم الحجاز لخد نجد النرجسية … يوم جاته من زعلها كنها تقصر خطاها
زعلوها ورحلت وأخلت قصور الفاخرية

يا أم العيون الوسيعات |ياسر التويجري

قصيدة

Recent comments

ورّدة .

7

Ghadir

fouz

Related tracks