محمد إبراهيم

جناح الدنيا شالك فوق .. ورزعك تحت .. بكيت وفرحت .. بكيت فإرتاحت .. وطعمك طعم أول بنت تقابلها .. فـ أول يوم فـ إعدادى .. وقلبك لسه لون صفحه فـ كشكول سلك لسه جديد .. مكنش ساعتها فيك لمعه .. وشكلك منتهى العادى .. فضلت تحبها لواحدك .. وأبعد مـ البعيد بـ بعيد .. كإن العمر حقنة بنج .. تنام عيل تقوم تلقى .. ملامحك كلها تجاعيد 

كلمات الشاعر : محمد ابراهيم
ارتجال و غناء .. أمنية حسن

حقنة بنج لــ محمد ابراهيم

كل حاجه ناقصه صوتك ناقصه صورتك .. ناقصه سيرتك .. ناقصه تكشيرتك فـ غيرتك ناقصه ريحتك ناقصه روحك .. ناقصه حضنك ناقصه خدك لما يتحول لـ ورد ناقصه نفسك لما يلمس .. كف إيدى فـ وقت برد .. لسه حتى القهوه مره فـ إنتظار سُكّر شفايفك .. غبتى فجأه وسبتى قلبى فـ كل حاجه شايفها شايفك


كلمات الشاعر : محمد ابراهيم
غناء : نسمه عادل

Kol 7aga - كل حاجه ل محمد ابراهيم

كلمات : محمد إبراهيم

آداء : رباب محمد
https://www.facebook.com/roroo.lodaa

انا البنت اللى مرتبطتش
بعيل توتو فـ الجامعه
وقالو دى ماشيه تتنّك
وطالعه فيها بزياده
ولو جه واد يقول حاجه
تقول عيد تانى مش سامعه
ولو تهته عليه تضحك
وفـ الآخر تقول خلصت يا حماده ؟!
وعايشه حياتها مرتاحه
بعيد عن اى اى بعاد
وواثقه فـ نفسها جدا
مبتكلمش اى ولاد
وييجى واد ويتتلكك
ويحجز كرسى جمبيها
ويعمل فيها واد طيب وبرده خجول
وييجى الحيله فـ الآخر
ويطلب منّها الكشكول
وهيا فـ سرّها فاهمه
وتتحجج عشان يمشى
ويجى بعده واد تانى
يقول معجب ومبنامشى
وهيا لا هيا فرفوره .. ولا غاويه
كلام تيمو
دى بنت مخلّصه جدا ومـ الآخر
على قديمه
لا ناقصه واد يقول مشتاق
ويعمل فيها جامد بس
وشايف نفسه سى السيد
ويتحكم فـ فعل ولبس
كإن الواد خلاص يعنى
مفيش منه
وعامل فيها ميت راجل
انا اللى يحبنى لازم يكون عاقل
يجيلى لحد باب البيت
ساعتها هقول يا ميت اهلا
انا موافقه وكمان حبيت
ده دول اصلا عيال فافى وبتجلجل
عشان انا فاهمه مـ الأول
انا البنت اللى مرتبطتش
وقضّت وقتها سينجل

أنا البنت اللي مرتبطتش - محمد إبراهيم - رباب محمد

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

Amira f 2alby islam zaky

Lyrics : Gamil Barakat 
Rap Lyrics : Mohamed Adel Egy Lions
Produced By : Mohab R Beats 
Mix And Master by : Khaled Hegy -خالد حجي
Egy Lions Fan Page: https://www.facebook.com/egylionsfamily

Mohab R Beats Soundcloud Account : https://soundcloud.com/mohabrbeats

Adel Sakr Ft Mohamed Adel Egy Lions - شريطه سوده

مجرد حضن لدقيقتين .. ل/محمد ابراهيم .. بصوت/مروة محمد ❤

عيش وقتك عيش ايامك
الدنيا براح قدامك
والضحكة تهون اى جراح
على ايه تنزل دمعاتك
لو يوم عداك او فاتك
احلم بالجاى تعيش مرتاح
الدنيا لو جارحة لونها لون فرحة
ماهو ايه بيطول عمر الواحد غير الفرحة

الماضى وكل الذكرى
استنى بدالهم بكرة
افتح حضنك للعالم
حب وماتحبش تكره
الدنيا لو جارحة لونها لون فرحة
ماهو ايه بيطول عمر الواحد غير الفرحة

الدنيا بكل ما فيها
عيش فيها احلى مافيها
اختار اللحظة الحلوة
واللحظة المرة ارميها
الدنيا لو جارحة لونها لون فرحة
ماهو اية بيطول عمر الواحد غير الفرحة

محمد منير - الفرحة

الخوف من اللى جاى محمد محى نسخة كاملة ماستر

محمد محي الخوف من الى جاى كاملة نسخة ماستر

Recorded & Mixed by : kareem hassan
شعر و ألقاء : أدهم سليمان 

أدهم سليمان - ف الوقت ده من كل ليل / Adham Seliman - fe elwa2t dah mn kol lei ( Follow Me )

Note : rap lyrics For Egy Lions And The Poem Lyrics For Mohamed Ibrahim

Video Clip Link : http://www.youtube.com/watch?v=bRmNJgJioC0

Egy Lions Family On Facebook : www.facebook.com/egylionsfamily
channel on YouTube : www.youtube.com/user/EgyLionsFamily1
follow Us On Twitter : twitter.com/EgyLionsFamily


Egy Lions family Ft الشاعر محمدابراهيم- ( Rayeh )

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


محمد إبراهيم

User 108094672