roaa

وضعوا على وجهي مساحيقَ النساءْ
الآنَ اكتبْ ما تشاءْ
كن شاعرا .. كن كاتبا
كن ماجنا.. كن ما تشاءْ
الآنَ أنتَ مُهَيَّأٌ كي تصعدَ الزفْراتُ منكَ الى السماءْ
ما دمتَ في زيِّ النساءْ
فاصرخْ وناهِضْ ما تشاءْ
وارعِدْ وهدِّدْ مَنْ تشاءْ
وسَنَرْتَضِي منكَ الضجيجَ ونرتضي منك السُّبابَ
لأن هذا ما نشاء..
 
واتمدَّدوا في أرضي
ما تقولي يا أرضي
مين شَيَّلِك بالطين ؟
مين حَبَّلِك غيري ؟
طب كنت انا ف "حطين" ؟
ولا كان صلاح غيري ؟؟
 
رافض أقولك يا وطن شعر وقصايد
رافض أصوغك يا وطن سطرين أدب
ما بَقِتْش قادر ع الأدب
يا بلادى يا (رحبه)
هى يا دوب سحبه فوقى و بزياده
بقى هما رجاله
و احنا اللى حبة نتى عليهم العاده
 
خمسين سنة !!! ( القصيدة كُتبت عام 1998 )
عُقبال يوبيلك الماسي
وابقى "هشام" صهيون
يبقوا اليهود ناسي
ولما حتجوز ويجيني صهيوني
راح اجَوِّزُه بنتي
ما انا خوفي لآدِّيها لعربي يسرِّحها !!
ما غارش على بلده .. حيغير على بنتي!!
 
السادةُ العربُ الموقرُ جمعُهم
الامةُ العربيةُ عروسٌ أنتم لم تصونوها عروسْ
هجَّ الجرادُ إليها .. فهربتم
واختبأتم في المساجدِ والكنائسِ
قاتلتموهم بالصلاةِ .. وبالبخورِ
وبالدعاءِ رُكَّعا وجُلُوسْ
عجبا لِهَا تلكَ الطقوسْ
لا جُرمَ عليكِ فلسطينُ
لا وزر على امرأةٍ تزني
ما دامَ الزوجُ الأصلُ ديوثْ
 
يا سادةَ حكامِ الامةِ الغفلةُ ليستْ للحكامْ
علَّمَنِي ( أكتوبرُ ) درسا كيفَ يكونُ هناك سلامْ
أولادي بَصَقُوا في وجهي .. كتبوا لي في الغرفةِ سطرا
إنْ ماتَ الابُّ فِدا وطنٍ .. ما أحلى عيشَ الايتامْ
يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ
فلماذا تفتحُ أبوابا وتُنَكِّسُ رأسا وظهورا
وتُسَلِّمُ بِكْرَ عروبتِنا  كي ترفعَ ساقيها سَفْحا
وتصفقُ للذَّكَرِ الأقوى وتَكَلُّ من التصفيقِ تنامْ
سبحانَ إرادةِ (أُنكِل سام)
 
وطني
يا وطنَ الموبوئين ووطنَ المهزومين
ووطنَ الحبَّاكين ووطنَ النَّفْطِيِّين ووطنَ الـ ..........
 
أنا والشعرُ مهزومانِ .. منفِيَّانِ .. مُعتَقَلان فيك
إذا ما استنجدَتْكَ القُدْسُ مَنْ سيغيثْ
يا وطني شكِّلْني رجلا
صنِّفْني عندَكَ في بَنْدٍ لا يحملُ تاءَ التأنيثْ
إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ
 
كيف اقولِّك بحبِّك
وانا اللي فعلا بحبك بس مش طايق
تبقي انتي ويّايا ف سفينة حبنا الطارح ورق اخضر
وريحة البحر الوحيدة اللي تدوّخ رِقِتِك
تنزل عنيكي من الكسوف
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا
من فرحته يخطف طراطيف الجونلّة
بضحكة هالّلة محمّلة براكين وشوق
ومخطّية كل الشقوق ويادوب افوق
القى السفينة بتمشي بينا تهزنا والقاني مش سايق
فارجع كما الأول.. نفسي اقولك بحبك بس مش طايق
 
الأربع اللي فات صِحْيِت حيطان البيت م الفجر صَحِّتْني
كان القمر كسلان والصبح معرفنيش
عيِّل ماليه الطيش بجري على ميعادك
وانا جاي في قلبي حكاوي
ولما تمشي بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك كما شلال
وكوم حبال دَلُّوني وعَلّوني
لِسَّاني شَعري اسود ودراعي قادر يشِيلك
بس العِلَل في الوطن هما اللي علُّوني
 
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بيروت رقصت في قلبي
لَقِتْني مش طايق
 
تمثالُ "سليمانَ" سيزحفُ ويجرُّ الجُندَ الى الاقصى
والنملُ العربيُّ مُطيعٌ عجبا لِغُزَاة لا تُعصَى
لن يُصْرَمَ شعبُكَ يا وطني فرجالُكَ كالفِيَلَة بطْشا
وذكورُ الفيلةِ لا تُخصَى
قاتلْهم يا نخلَ الوادي
قاتلْهم يا رملَ الوادي
إن قطعوا نخلَكَ يا وادي
ستظلُّ رمالُكَ لا تُحْصَى
 
سامحيني يا وحدِك بستسمحك وحدِك
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
 
خايف عليكي من القصايد تدهنك أسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر جوا البيوت عسكر
فوق اللسان عسكر بين الضلوع عسكر
طب كيف اقولّك بحبك وضلوعي مُحتلّة
إنتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
 
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب

هشام الجخ - آخر ما حرف في التوراة

بحبك .. قد عيدان قصب غيطنا

دقيقنا و بيضنا أو قيضنا

بحبك .. قد خف جملنا ما يحمل

وعرق انفار عتتغدى وترجع تاني وتكمل

قد الزرعه

قد اللسعه وانا قاعد في ليلة برد عدفا

بحبك وانتي حبيني لاجل نسير الدفه

 

قالولك عنى ده أسمر

قوليلهم لونه من طينه

قالولك شعره كركوتى

قوليلهم وارثه عن طينه

قالولك عنى مستعجل

قوليلهم ناسه وارطينه

قالولك لخمه و بتهته

قوليلهم عله و لا حدش

هيخلى م العلل طينه

 

قالولك ابوه ياما اتجوز

قوليلهم ماله مش مالى

و انا مالى

مدام مالى عيون الناس

و مالى عيون نساوينه

 

قالولك ياما عيسافر

و لا يسيبلك عناوينه

قوليلهم صورتى منحوته

فى قلبه و عينه و جبينه

 

قالولك ايه دليل حبه

قوليلهم اقروا دواوينه

قالولك ياما ساب قبلك

قوليلهم ده انتوا ظالمينه

ياريتكم زيى عارفينه

ده ساب الدنيا فوق رمشى

سيبونى اعوضه سنينه

هشام الجخ - قالولك

يالرموش ياسهام قوية

سهم واحد لا قولوا 100 قول 300

لون عينوها لون عيون الحلوة ديه

الشمس وقت المغربية المغربية

اه عيونها برجلتنى اه يابا برجلتنى

نورها ساطع ذللتنى قول يابا ذللتنى

جيت اقرب من الرموش لمسة منهم كهربتنى يابا كهربتنى

غير الشفايف واردية بلون ربيعى

ياما وخدودها دى حكاية حمر وطبيعى


وده مين وده مين ينساه

يالرموش ياسهام قوية

سهم واحد لاقولوا مية قول تولتومية

لون عينوها لون عيون الحلوة ديه

الشمس وقت المغربية المغربية

اه عيونها برجلتنى اه يابا برجلتنى

نورها ساطع ذللتنى قول يابا ذللتنى

جيت اقرب من الرموش

لمسة منهم كهربتنى يابا كهربتنى


قدها يتمايل على كيفها وعلى كيفها تسهر لياليا

اتعب واغمض يجى طيفها بالعافية يفتحلى عنيه

غير الشفايف ورداية بلون ربيعى

ياما وخدودها دى حكاية حمر وطبيعى


يالرموش ياسهام قوية

سهم واحد لا قولوا 100 قول 300

لون عينوها لون عيون الحلوة ديه

الشمس وقت المغربية المغربية

اه عيونها برجلتنى اه يابا برجلتنى

نورها ساطع ذللتنى قول يابا ذللتنى

جيت اقرب من الرموش لمسة منهم كهربتنى يابا كهربتنى

غير الشفايف واردية بلون ربيعى

ياما وخدودها دى حكاية حمر وطبيعى

يالرموش - روبي

قصيدة المكالمة للشاعر هشام الجخ

جديد : هشام الجخ - المكالمة

نشبه لإيه
من مسلسل زى الورد

نشبه لإيه؟ - من مسلسل زي الورد

كلمات / مصطفى إبراهيم
ألحان / محمد محسن
توزيع / تامر كروان
إخراج / سعد هنداوي

محمد محسن - نشبه لإيه

takberat l-3eed

ساكن فى حي السيدة - محمد عبد المطلب

لو غبت سنة ... انا برضه انا

رائعة الشيخ امام ( اتوب عن حبك أنا ) بصوت محمد محسن

محمد محسن - اتوب عن حبك انا

في هويد الليل ولقيتك
 ما أعرف جيتني ولا جيتك 
ما أعرف﻿ غير إني لقيت روحي
 ونجيت من همي ونجيتك

وداري واللا ما داري دا هواها داري وما دارك
 وهواها زهزه خضاري زرع البداري غوايش 
ده الحب مش سهم طايش 
الحب زاد اللي عايش
 دانا كنت مت وحيتني ست الصبايا غوايش
 ست الصبايا غوايش

عندما يجتمع عُمر خيرت وعلي الحجار 
♥ ♥




I don't own the copyrights of the song or the music

علي الحجار - في هويد الليل

تكبيرات العيد بصوت المبدع أحمد العمادي

تكبيرات العيد

موسيقي : عمر خيرت 
---------------------------------
و الله ما طلعت شمس و لا غربت
إلا و حبك مقرون بأنفاسي

و لا جلست إلى قوم أحدثهم
إلا و أنت حديثي بين جلاسي

و لا ذكرتك محزونا ولا فرحا
إلا و أنت بقلبي بين وسواسي

و لا هممت بشرب الماء من عطش
إلا رأيت خيالا منك في الكاسِ

و لو قدرت على الإتيان جئتكم
سعيا على الوجه أو مشيا على الراسِ

و يا فتى الحي إن غنيت لي طربا
فغنني واسفا من قلبك القاسي

ما لي و للناس كم يلحونني سفها
ديني لنفسي و دين الناس للناسِ


والله ما طلعت شمس ولا غربت : من مسلسل الخواجة عبد القادر / ادب الحلاج

انا هويته وانتهيت

Takbirat Eid - تـكبيـرات العيــد

محمد محسن - وحدي

Wade3 Elsafy - 3ala remesh 3yonha | وديع الصافى - على رمش عيونها

نامى يا صغيرة /عايدة الأيوبى

أخاف ليه - لؤي | Akhaf Leeh - Loay


ساعات أقوم الصبح قلبى حزين
أطل بره الباب ياخدنى الحنين
اللى اشتريته انباع
واللى لقيته ضاع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح 
راح اللى راح ماعدش فاضل كتير

ايه العمل فى الوقت ده يا صديق
غير اننا عند افتراق الطريق
نبص قدامنا على شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ 
مع ان مش كل البشر فرحانين

اغنية مفترق الطرق
للفنانة: ماجدة الرومى
كلمات: صلاح جاهين
ألحان: كمال الطويل

من فيلم عودة الابن الضال 1976
اخراج: يوسف شاهين


مفترق الطرق


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

في يوم وليلة خدنا حلاوت الحب كله
في يوم وليلة انا وحبيبي دوبنا عمر الحب
كله في يوم وليلة
عمري ما شفته ولا قابلته وياما ياما شاغلني طيفه
نسيت الدنيا وجريت عليه سبقني هوه وفتحلي ايديه
لقينا روحنا في بحر شوق نزلنا نشرب ودينا
فيه ومين يصدق يجري ده كله ونعيش سوا العمر كله
في يوم وليلة
ياللي كان طبعك على بالي وانا بتمناك مش حتصدق ايه كان حالي
قبل ما القاك كنت بحسد كل فرحة اشوفها بين قلبين
كنت اغير من يا همسة حلوه بين حبيبين
ولما صحيت على حبك وشفت الدنيا من عندك
باتمنى لو كل العشاق بيحبوا زي انا ما بحبك
يا حبيبي كنت واحشني من غير ماشوفك وتشوفني
والقدر الحلو اهو اللي جابني وجابك تقابلني
اتارينا كنا تايهين ولفينا اجمل ايام ليالينا واحنا فيها لوحدينا
ومين يصدق يصدق يجري ده كله ونعيش سوا العمر كله
في يوم وليلة
قالولي اهل الهوى يا ما في قلوب مجاريح
وحبك انت وانا حيشفي كل جريح
بيسألوني لو غبت عني او رحت عني اعمل ايه
احب تاني
مش ممكن اقدر تعرف يا روحي ما اقدرش ليه
هو اللي زيك لو كان في زيك حد يحب عليه
دي كل حاجه اتغيرت قدام عينيه
وكل شيء في الدنيا حلو 
اقول وأي حاجه المسها تحلو في ايديه
وده من ساعة حبك ماجه وسلم عليه
يا حبيبي يا حبيبي كنت واحشني
من غير ما اشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا
واحنا فيها لوحدينا

roaa

R Abd El Monem