الصوت ما صوت مصطفى بس الاسلوب و العود بشبه مصطفى عشان كدا حصل اللبس

دا صوت عاطف ونيس.. ارجو تصحيح العنوان ✅

الاغنيه  اصلا مصطفى سيد احمد ما غناها .. الاغنيه الحان واداء شاب من سنار اسمو علم المادح .. وانا كنت حضور في ورشة تلحين الاغنيه دي ولمن اتغنت واتسجلت ..

بستغرب في زول يفتكر دا مصطفى 

حقيقي زي ماقلت بستغرب في ناس بتقول دا مصطفى 

محمود عبد العزيز  - في حُب كردفان (غزال القوز - زي ما بريد - اللالاية - زنوبة أم كحيل-ست الفريق -أَمِّي)

مزيكة الحواري - مصطفي سيد احمد  at Mgd alDin

u didnt need to see me

كلمات: أزهرى محمد على

يا مشرع الحلم الفسيح
أنا بينى مابينك جزر
تترامى والموج اللّديح
القدرة والزاد الشحيح
كملتو ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
-------------------------
يا مشرع الحلم الفسيح
يا بعض منى وفينى ساكن
أنا أصلى منك ومشتهيك
و بيناتنا ليل الغربة
داكِنْ
هبّة هبوبك
أفتح شبابيك المساكن
وسـِّع دروبك
ولـِّع مصابيح الأماكن
يا مشرع الحلم الفسيح
----------------
يا مشرع الحلم الفسيح
يومنا النـّهِـبْ أسلِبنا خوفنا
كبـِّرنا قدرك مرتين
وطـِّول قدر كتفك كتوفنا
يا رغبة الرعد البيسكن
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
------------------
يا مشرع الحلم الفسيح
أنا وإنت والمطر الفصيح
حانطوِّع الزمن القبيح
نأخد بعض شكل السما
حدِّثنى دايماً كلما
تنشف على البر الضفادع
يهجر الضو المواضع
وتسقط من الكف الأصابع
حدثني دايماً كلما
تحرد مراسيك السفن
تسكن مرافيك الزعامات الدُمى
حدثنى لو تاهت خطانا
على الدروب المبهمة
أو ربما
تهدم آلات الشوارع
وترجمْ العُزّى الصواقِع
حدثنى لو مطرك همى
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس
يبهر بأنوارو السما
يا مشرع الحلم الفسيح

مصطفى سيد أحمد - يا مشرع الحلم الفسيح

مصطفى سيد احمد.. الملام (يا سلام عليك).MP3

احمد المصطفى -  يـا رائـع

الشاغلين فؤادي - مصطفى سيد احمد

أبو البوليس | علم الهدى المادح

حلوة عينيك - بيحا

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

أبو البوليس | علم الهدى المادح

MOHAMMED ALBADAWI

Recent comments

Dr.Tj

Mohammed Al bnan

M.Al$IKH

User 669335780

Related tracks